影片
港鐵上環站 C 出口, 步行約1分鐘
繼續閱讀
電話號碼
62308973
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
有關獎賞計劃
優惠
88折
【中西區】$100 通用現金券 **無限兌換**
$88
$100
9折
龍鳳呈祥新春冬至盆菜 (六位至八用)
$1,688
$1,888
相關文章
484 瀏覽
契媽收到風上環有間江蘇菜館「江蘇銘悅」近日推出咗個超抵嘅鮑翅優惠，不過只限於一月十九日前經OpenRice訂位先可享用，所以就好急忙地相約為食小組探索一番。網上訂座流程簡易快捷，回覆確認短訊後，聯絡人即提點部份菜式必先預訂，溝通清晰直接。樓上中菜廳屬「CSC Collective」飲食集團旗下，據悉以做房為主。通道有個大型酒櫃，相信貴客均為好飲之人。用餐大堂光線充裕，樓底雖然唔高，但勝在有地毯吸音，厚墊椅櫈亦十分舒適，散枱唔會背貼背，有足夠嘅活動空間，只係午市爆滿，小肥不便四周拍照，以免影響其他客人。每位席上擺有齊備嘅自用及共用餐具，碟上嘅山水畫秀氣得好有詩意。厚本散點餐牌中英對照，並附有彩圖參考，由於實在太多頁，細佬影影吓已經冇哂心機，喺度上載頭兩頁，以展出餐廳理念及廚師精選江蘇饗宴。為迎合上班一族，店子亦有續位計嘅套餐選擇。其中有個「鮑參翅肚嚐味套餐」做緊特價，$980/位似乎好豐富吸引喎。蟹后靚靚媽咪見到兩頁節令蟹粉菜單，已立心蛇年中秋後返黎一試。雜項收費包括茗茶$28/位、開胃菜$25/碟、標準裝紅白汽酒開瓶費$200/樽、烈酒開瓶費$400/樽等。雞絲粉皮（$78）：頭盤雞絲粉皮以金光閃閃嘅碟盤上，貴氣十足！墊底半透明嘅粉皮煙韌潤彈，伴入柔軟嘅雞絲及清脆嘅青瓜絲令口感更有層次，淋上香濃嘅麻醬已夠惹味。雙色鎮江肴肉（$128）：堅挺晶瑩嘅鎮江肴肉肉香唔膩，柔韌細密，深啡色層醋香啫喱亦好醒胃，組合十分清新。黃湯炆原隻鮑翅（優惠價$268；原價$498）：XO仔欠缺拍攝技巧，所以淨睇下面幅相未必睇得清楚看似明月嗰梳原隻鮑翅確真足両！厚厚嘅鮑翅軟腍爽嫩，奶黃色嘅黃湯原來係混入咗雞湯及雞肉嘅精華所淆製，香濃滑溜，$268/位絕對超值！紅燒原隻鮑翅（優惠價$268；原價$498）：鮑翅個靚樣喺紅燒湯底內更為突出震撼，不過有對比下，個紅燒湯底明顯冇黃湯咁香滑甜濃，略為遜色，大肥爸爸話齋，食翅翅都一樣「最怕貨比貨」！龍井河蝦仁（$248/五両）：細細隻嘅蝦仁閃出油光，不用多點汁醬最為清甜爽脆，簡單可口。清燉蟹粉獅子頭（$180/位；兩位起）：圓碌碌嘅蟹粉獅子頭清香鮮甜，質感鬆嫩唔實，不過如果可以加多少少肥豬肉效果應更潤滑。上湯豆胚（$328）：翠綠嘅豆胚超級嫩口，正菜冇得彈！十三香蔥油餅（$78）：預先切成四件嘅蔥油餅好似三文治咁，賣相簡潔得黎毫不油膩，外層嘅餅皮輕盈脆薄且好夠乾巧，最正係中間夾得夠多蔥，香口又足料！招牌灌湯小籠包（$88/四件）：小籠包皮層巧薄Q彈唔易穿，輕輕咬開頂部即可啜出熱辣甜美嘅湯汁，連同軟嫩嘅豬肉一啖食埋落口都唔覺溜，嘻嘻，一人食一籠都絕冇難度呀！妃子笑炸湯圓（$88/四件）：經理姐姐推介嘅甜品特色在炸湯圓個糯米皮撈入咗火龍果汁搓成，質感香酥煙韌，傳出陣陣嘅果香微甜不滯口，炸皮一裂開，當中嘅流沙咸蛋奶黃餡心迅即溢滿口腔，芳香尤甚。上環樓上中菜館「江蘇銘悅」環境光鮮優雅，服務生友善好客，江蘇名菜雖價價偏高，但幸好高質味佳，最抵就係可以於推廣期內以$268享用色香味俱全嘅黃湯明月鮑翅！
繼續閱讀
江蘇銘悅是高質中菜廳，主打正宗江浙菜，空間感十足，格調雅致清幽，有多個私人包廂，坐得寛敞舒適。點了龍井茶，茶葉清香怡人，十分解渴。商務套餐 498/位三小碟繽紛的開胃小菜，擺碟精緻，各具風味，打開食慾。雙色鎮江肴肉，晶瑩的鹵凍柔韌，肉香味濃，爽口開胃，令人垂涎。蔥油海哲頭彈牙，搭配香葱油，散發出誘人的香氣，口感滑嫩。海鹽糖心燻蛋蛋味醇厚，伴以奢華的魚子醬，提升鹹鮮味，帶來味蕾的享受。雲南真菌螺頭老雞燉湯老雞燉湯火喉十足，湯頭鮮甜滋味，加上清香的真菌，及甘甜螺頭味，滋補暖身。綿軟的雞腿肉，湯汁清潤鮮美，飲後暖笠笠。宮保海虎蝦球色彩鮮豔的蝦球，肉質外酥內彈，掛上濃稠的宮保醬汁，帶麻香微辣的味道，咬上香氣四溢，令人難忘。百葉子櫻桃肉肥美的五花肉，肥瘦相間，以文火慢慢煨煮，肉汁細膩濃郁，搭配百葉豆腐，口感柔滑，吸收甜醬汁，十分吸引。海苔酥脆魚片魚片經過精心炸製，香氣撲鼻，香脆魚皮下，魚肉綿厚，魚油豐盛，以海苔的鮮香點綴，讓人愛不釋口。乾煸四季豆四季豆脆爽可口，加入豬肉碎、蒜頭、薑、乾葱爆香快炒，口感層次分明，拌飯一流。招牌小籠包緩緩夾起小籠包，湯汁在底部滾動，薄皮包裹著熱燙湯汁，湯汁洶湧流出，沾上陳醋與薑絲，令人迷醉。合桃露甜美的合桃露，是傳統的湯水，口感滑順綿密，充滿堅果香味，甜度適中，完美作結。
繼續閱讀
// 𝙄𝙣𝙙𝙪𝙡𝙜𝙚 𝙄𝙣 𝘼𝙪𝙩𝙝𝙚𝙣𝙩𝙞𝙘 𝙅𝙞𝙖𝙣𝙜𝙨𝙪 𝙁𝙡𝙖𝙫𝙤𝙧𝙨 𝙬𝙞𝙩𝙝 𝙃𝙖𝙣𝙙𝙘𝙧𝙖𝙛𝙩𝙚𝙙 𝘿𝙞𝙢 𝙎𝙪𝙢 - 𝙅𝙞𝙖𝙣𝙜𝙨𝙪 𝘾𝙡𝙪𝙗 🥢 //-Helmed by Master Chef Simon Ng Wang-chau alongside Executive Chef Hong Chi-kin, 𝐉𝐢𝐚𝐧𝐠𝐬𝐮 𝐂𝐥𝐮𝐛 is a sophisticated Chinese culinary gem located at the bustling heart of Sheung Wan, presenting authentic yet finest Jiangsu cuisines and dim sum dishes to impress all diners.-☞ 𝐖𝐞𝐞𝐤𝐞𝐧𝐝 𝐃𝐢𝐦 𝐒𝐮𝐦 𝐋𝐮𝐧𝐜𝐡 𝐌𝐞𝐧𝐮 - 𝐇𝐊$𝟐𝟖𝟖 𝐩𝐞𝐫 𝐩𝐚𝐱 (𝐭𝐰𝐨 𝐩𝐚𝐱 𝐦𝐢𝐧.)This exclusive and time-limited set menu offers choices of appetizers, soup, main dish, and the finest dim-sum creations; with dim sums highlighting Steamed Xiao Long Bao; Organic Mushroom and Vegetable Dumpling; Wonton in Red Chilli Oil Sauce; Pan-fried Turnip Cake; and gooey Steamed Custard Bun to be chosen (1 order per guest) from the lunch menu.-The appetizer trio embraces the likes of Sliced Pork Terrine with Zhenjiang Black Vinegar that refreshing and appetizing; Shredded Chicken with Bean Sheets; and Chilled Chicken in Chilli Peppercorn Sauce for its tangy and delicately spicy flavors.-The set includes a soup from the fragrant and hearty options of Hot and Sour Soup, Braised Shredded Fish Soup, or Braised Conch and Chicken Soup; and a small main dish per guest from choices including Sichuan-style Spicy Fish Pieces, Braised Iberico Pork Belly, Stir-fried Beef with Scallions, and Fried River Shrimps with Prickly Water Lily.-// 𝟏𝟎% 𝐒𝐞𝐫𝐯𝐢𝐜𝐞 𝐂𝐡𝐚𝐫𝐠𝐞 🔝 //ʙs-ᴘᴊ-ʀᴘ-ᴏʟ-sᴄɴ
繼續閱讀
今日同阿妹喺上環食正嘢，開心分享吓先：睇到有個商務套餐嘅菜單，好唔錯！😋 先嚟三小碟，雙色鎮江肴肉、蔥油海哲頭同埋魚子醬海鹽糖心燻蛋，每一道都好有特色，口味豐富👍接住嚟有雲南真菌螺頭老雞燉湯，湯水鮮甜濃郁，滋補又美味😍之後有宮保海虎蝦球，虎蝦鮮甜彈牙，加上宮保嘅香辣味道，簡直一絕😋百葉子櫻桃肉，是紅燒肉，用料講究，肥瘦適中，軟腍入味，配上爽口嘅百葉子，真是非常出色。🤗至於海苔酥脆魚片，魚片外脆內嫩，海苔嘅鮮香為魚片添上唔同層次嘅味道😬；乾煸四季豆則脆口且入味，非常開胃🤗招牌小籠包更係皮薄餡靚，汁香四溢，絕對係美味嘅選擇😃最後有木瓜雪耳糖水，滋潤養顏，為這餐畫上一個完美句號。呢個商務套餐，無論係味道、口感定係擺盤，都令人滿意，真係物有所值！🍽️
繼續閱讀
鍾意食中菜嘅朋友仔帶我嚟到呢間高質中菜館品嘗商務套餐 $498 /位先嚟前菜三小碟-雙色鎮江肴肉-蔥油海哲頭-魚子醬海鹽糖心燻蛋晶瑩剔透的肴肉，配上開胃的黑醋啫喱，質感軟滑Q彈，好有口感。蔥油海哲頭入口爽脆，糖心燻蛋蛋味香醇，帶淡淡煙燻香ღ雲南真菌螺頭老雞燉湯燉湯入口清甜，加上真菌同螺頭嘅香氣，增添咗湯嘅口感層次ღ宮保海虎蝦球口感滑嫩，食落鮮甜嘅汁瞬間釋放ღ 百葉子櫻桃肉新鮮嘅豬肉，肉質鮮嫩入味ღ 海苔酥脆魚片外層酥脆，內裏嘅魚肉雪白鮮嫩，食落唔油膩ღ 乾煸四季豆香氣四溢，好惹味ღ 招牌小籠包小籠包皮薄餡多，湯汁豐富juicy
繼續閱讀