沖繩料理 (已結業)

今日同fd去完tm swimming pool..又唔知食咩好..就黎佐呢到啦=]因為我地都唔係中學生..所以冇得揀平既學生餐 見到lunch set,大部份都係4x-6x..我就叫佐個咖哩吉列豬扒家食!個吉列豬扒做得唔錯~~~ 而跟餐既麵鼓湯都ok 唔會話好大陣味精/喊味..服務都算ok啦! 不過不失 overall, 都算唔錯既一間鋪,但下次可能都會想試下其他餐廳~~~唔會regular幫親XDDDP.S 如果唔係星期六日,係唔洗加一嫁~~~~

看到這間店寫著“沖繩料理”，心裏面好奇，所謂的“沖繩料理”是怎麼樣的呢？坐下看看餐牌，只有少量寫著沖繩口味。於是還是按自己喜好落單好了～叫了兩個精選三色定食$85 - 幾多野食，有刺身、烏冬或赤麵、飯、麵豉湯。刺身有三文魚、吞拿魚和八爪魚 - 刺身幾新鮮，八爪魚尤其好味~赤麵原來是類似蕎麥麵，配合湯底，麵條硬度適中。烏冬 - 面質算幾好幾滑燒汁牛肉丼的汁很好味，蝦天婦羅丼，蝦天婦羅大大條不過比較油膩。餐飲，凍檸茶、熱凍檸茶。

星期日晏起身所以求其落街食d野...其實屯門碼頭都冇乜野好食, 而飲茶又要等好耐位..所以就黎呢度食...去到門口已經見到好多人等緊, 本來以為有排等...點知原來坐壽司吧就即刻有位...咁梗係即刻入去啦..我地叫左2個set lunch, 1個係牛肉烏冬(呢個話係特上wor), 1個係雜錦刺身(有三文魚,吞拿,魷魚,甜蝦,北寄貝,仲有油甘魚)定食...個set包2杯飲品, 我地要熱檸茶同凍奶茶...飲品好快就黎喇...跟住係個烏冬...個sashimi唔知點解4,5個字都未切到出黎..到我催個waitress呢...我又聽到個師傅話一早切好不過唔知點解冇人捧出黎...好奇怪個烏冬好似冇乜特別, 個刺身當然亦都冇乜特別啦...唔算好新鮮但係叫做ok啦...幾十蚊...呢間野, 如果有時好想食壽司但係又要返屋企睇電視果陣我久唔久都會黎食架... 夜晚都係幾十蚊...

一家人坐了出出面.本來一張桌子, 以為夠, 豈知叫了, 店員說肯定不夠位子.心想應該會有很多吧.但來到, 其實都是那個盛載食物的盆子大.我的甚麼豚肉雜菜鍋, 豚肉只有顯然可數的4片.雜菜鍋 就像在一鍋 甜甜地的湯中 煮林.很不可口.至於家人的.好像有一個是鰻魚炒飯倒挺好吃.輕微甜, unun地.但日本菜來說, 這兒都算差了.

又係因為一個近字，就去左呢間日本料理食晚餐喇﹗見佢刺身定食都係$92，壽司定食就好似 $86，咁2個人就一人叫左一個set share喇~壽司定食有：1. 壽司(8 大5小卷) - 海膽壽司 x 1、飛魚籽壽司 x 1、蟹棒壽司 x 1、甘蝦壽司 x 1、熟蝦壽司 x 1、鮑片壽司 x 1、吞拿魚壽司 x 1、三文魚壽司 x 1、三文魚細卷 x 3、太卷 x 22. 茶碗蒸3. 麵豉湯4. 餐飲刺身定食有：1. 刺身(7款) - 三文魚 x 2、吞拿魚x 2、原隻甘蝦x 2、北寄貝x 2、八爪魚x 2、鮮帶子x 2 (切碎上)、劍魚腩 x 22. 白飯3. 前菜 (醃白蘿蔔)4. 麵豉湯5. 餐飲Overall 0黎講，d 刺身都算新鮮，不過吞拿魚都幾多筋，&又無用冰墊住d刺身，唔係好夠凍囉~ 不過都合格啦﹗而壽司都ok嘅，飯都算鬆軟，但唔夠醋味... 三文魚細卷d紫菜裂左，又唔脆口，應該整定好耐架喇~ 個太卷紫菜都唔脆口，不過值得一讚嘅係佢好心機連卷裡面嘅青瓜都切左條~ 總括而言，近近地又平平地 ($196/2ppl) 又唔駛等位都食得過嘅~ 有時間會再0黎﹗^.^

今朝同bf去佐碼頭跑步, 跑佐30分鐘, 時間俾平時快佐, 諗住要15分鐘先跑到蝴蝶灣, 點知10分鐘就到佐, 圍有响公園繞多幾個圈, 跑完都只係用佐28 分鐘, good~番到屋企食佐個橙添講番正題先, 跑完步之後大家都好肚餓, 醒起樓下有間日本野,都未試過, 就去試下啦。見到其他食評好似唔好太好, 都有 d擔心, 不過結果都豁出去唔理咁多。 我自己點佐個定食, 包括鰻魚、豬軟骨、豆腐同三文魚+八爪魚刺身, 三文魚都算新鮮, 八爪魚就有d un。個鰻魚好好味, 豬軟骨就普通啦, 冇乜特別。bf叫佐雞肉雜菜鍋, 好好味! 大家食完都飽到反艇!總結黎講都幾好味, 不錯!會再去呀~

２００８／９／２１下午茶帶朋友來吃吃這裡的下午茶，朋友就吃上次我試過的豬軟骨拉麵，而我今次就吃吉豬拉麵。吉豬有四大條，但沒有分開上，我見狀立即救起它們，炸層有部份已浸到淋淋了，未浸過的好脆口，如分開上就可以享受脆的吉豬了，頓時覺得浪費哂。炸漿和豬扒的比例是一比一，兩者是黏不著，一夾起就分開了，豬扒肉不鞋又不是滑，如果厚返些會更好咬。用上的湯底和配菜也是一樣的，但上次少說還有幾條荀條和粟米粒在內呢。

２００８／９／１４下午餐每次來海翠坊逛街，也會經過這間料理店，但一直也沒有幫襯過。今天三點多，滾滾紅茶和大快活也有很多人，又不想等；這裡情況剛好相反，見有下午茶餐就來試一試。一來要留肚吃晚餐，二來今天的肚子也飽飽滯滯的，不吃太多就要了最平的１號餐，即豬軟骨拉麵，餐飲除了咖啡奶茶，原來也有橙汁和蘋果汁選，我就要了後者。被點到壽司bar位坐，仰高頭就見到個師傅和一大堆被保鮮紙包著的刺身，可惜看不到師傅工作，還不如坐海景位還好。5分鐘內全部食物也到來了。豬骨湯底很濃味，幾好飲，豬軟骨的骨並不軟，和骨頭有得fight，旁邊的肉質地是鞋了些，但味道是不錯，夠淋夠入味，拉麵煮得很彈牙，配菜就有些蔥絲﹑紫菜絲和嗚門卷，下午茶份量都算合格了。而那蘋果汁就十分夠凍，味道偏酸的，受不到酸的人要留意了。星期六,日,公假就要加一，這裡的服務估不到咁好所以值得畀的。食物上檯前會說這是什麼，另外歡迎光臨/多謝哂/下次再黎，每次客人入來和離開，全場服務員是前前後後地大大聲聲地說出來，感覺良好。

在屯門區，有質素的日本料理店不多。再者，這裏的收費在屯門已是貴價的日本料理，而且論格局也不錯。一直很好奇想來一試，看看究竟是虛有其表還是物有所值。是晚八時左右來到，店內客人並不多，可能是平日的關係吧。座位和不少其他日本料理店相比，較特別的便是中間的和式座席。除了可以作坐位之外，設計也可以讓人像塌塌米般跪著來用膳，就觀察所見即使跪著高度亦應該剛剛好的。是晚要了一個吉列豬扒伴薯仔沙律定食。定食內容包括一份吉列豬扒和薯仔沙律，前菜，咸菜，白飯，麵鼓湯。前菜是一小碗中華沙律。主菜吉列豬扒上枱時已經聞到炸得很香。豬扒本身質素不錯，有點兒肥的，而咬落個面好夠脆好香口，不過肉質稍為"鞋"口了一點，或許是炸的時間過火了些少。薯仔沙律味道不錯，但略嫌份量的確少了一點，只有一小個球仔，得幾啖。最後吃的麵鼓湯，味道很濃，材料亦十分少。店員服務態度亦算得上夠熱誠。總括來說不可說很好，的確有不少改善空間，但在屯門區來說質素算是中上，所以都是笑口的。

晚上7:00多到達 間舖頭唔滿架喎 不過真係一定要人地搭枱 好奇怪好奇怪由於怕訓唔著關係 當侍應比茶我的時候我問佢可唔可以要杯水佢真係再拎多杯水黎 但最奇怪係佢冇收走杯茶 而且每次有侍應幫我朋友加茶時都幫我杯茶加茶 我係完全冇飲過架喎 好神奇呀講下野食先:沖繩炒飯: 賣相好好 D菜好脆綠 正奇怪係咩菜之際 竟然發現係苦瓜!!!!仲要係頗厚的 大概有10蚊硬幣咁厚 好苦 不過當良藥食都OK既 D豬肉味道麻麻地 有D似煲完湯拎去炒飯咁 都幾油 食唔晒=.=海老天婦羅: OK啦 不過冇蘿蔔蓉比我地落落個汁度架喎 好奇怪雜錦壽司拼盤(小): 6件三文魚小卷 都幾OK 另外一件三文魚 一件吞拿魚 一件尤魚 一件熟蝦 不過不失啦 友人話熟蝦好腥侍應服務態度都不錯 但在屯門黎講這間餐廳收費真係貴

住係樓上咁耐尋日第一次去食, 因為之前新開好貴. 而家原來平咗就入去試下啦. 都唔多人囉. 我叫咗個雞肉鍋$69 (有鍋, 有飯, 有湯, 有前菜, 有野飲) 都算平. 不過個鍋就好唔得囉. 得10粒雞肉有d洋蔥生蛋紹菜. 仲要係超咸真係入唔到口. 所以同個店員講. 都幾好服務二話不說話換過佢. 之後再來一個今次係超甜囉. 算把啦將佢d湯唔要只係食菜囉. 不過服務真係值得一贊.

下午差不多兩時半有多，愛人和我仍然尚未吃午飯。愛人便提議去吃日本野作午餐~~以為差不多三時應是下午茶供應時間，但係到達後才發現仍是午飯時段，但因愛人趕時間，我們也懶得再去找其他地方吃飯~~~午市套餐也有很多款式，價錢由$32-$60不等~~我選了"燒汁牛肉飯定食"(配咸菜及麵豉湯), 愛人選了"吉列豬扒滑蛋飯定食(配咸菜. 小菜及麵豉湯)"..各式套餐奉送一杯飲品~~~等了五分鐘，食物送到。喝下一口麵豉湯，沒有麵豉味道，是一碗好咸的味精湯。燒汁牛肉飯~~飯不是正宗的珍珠米，不夠軟身。牛肉也算不過不失啦~~吉野家比這個飯還更加吸引。至於"吉列豬扒"大大件比蛋和餸汁圍住。愛人給我一少件豬扒試試，味道也不錯~~總括來說，就像去了普通餐廳吃日式套餐般。

其實佢d烏冬都算ok既，不過千其唔好食佢d魚類食品，因為全部，係“全部”都好唔新鮮。有一次食炸三文魚腩，係腥到食唔落既。服務一般，價錢屯門區就算偏貴少少。

門面裝潢得不錯，吸引左我入去試試！入到去發現窗口位可以望到海景tim，好好view喎！個日我拎住兩大袋野，兩個人去食lunch，唔算多人，三份一檯無人坐，安排我地坐在窗口位的四人檯位置，不過都未order就要求我地坐埋一邊，俾令外兩位客人坐，仲話幫我將兩袋野放在餐廳門口位置，唔見左點算，真奇怪！四圍都有檯，都安排顧客搭檯，張張四人檯都只得兩人坐，偏叫我讓位，感覺極極極差！而且這兩位客人亦不願搭檯，且立即離開，我們亦不滿有此安排，原本也決定走人！起身之際，服務員承諾唔會再叫人搭檯，我們才勉強再坐下來，當日有成兩大袋野，唔通叫我揹住黎食咩，放在門口唔見左賠唔賠先！食物方面：【天婦羅烏冬都Ok架，咖哩豬扒定食太少汁味道普通啦！不過三文魚壽司似超級市場出品，餃子乾左D，麵豉湯略鹹，蒸蛋無料之餘D蛋仲老到死都頗難食！】門面裝潢、食物的賣相，還有無敵海景，真係幫佢地搵左唔少生意，真係要鳴謝班Designer呀！不過食物質數只屬一般& 服務就真係好差囉！

第二次來，可能多人關係比較划算，有點驚喜。火灸三文魚壽司：過熟，不能與板前的比較。海老天婦羅壽司：普通貨色，一般。三文魚刺身：＄４２有５片，不肥，可以啦。鹽燒牛舌：出奇地好吃！咬下去的軟硬度剛好！黑胡椒味淡淡滲出，好！有５片也只是＄１８！吉列蠔：比上一次差，水汪汪的。雞翼餃子：雞翼入面的是菜，過淡。燒餃子：很驚喜的用鐵板上！＄２９有８隻！天婦羅拉麵：足料，拉麵也不錯，也算驚喜。服務就不是態度方面的問題，而是不知就裡。埋單約＄２５０，合理。