沙嗲王 (已結業)

我都好耐冇去過沙爹王，我最鍾意食沙爹王的白咖喱，所以我以前去親都係食呢款，今次當然唔例外啦!我最初冇留意到有個自選一餐的餐牌，咁咪散叫攞，落左單後5分鐘比我發現到，我即刻同侍應講要求改單，侍應又好好，即刻幫我問廚房，好彩廚房仲未整，真係合時啦! 哈!結果我改左食自選一餐的白咖喱豬扒飯，可配餐湯或小食拼盤，因為朋友叫左龍蝦肉濃湯，所以我就要左小食拼盤，飲品比朋友飲，佢揀左熱檸茶，仲有雪糕食添，真抵食~白咖喱同闊別多年的味道一樣咁好味，甜甜地、輕量辣味，豬扒整得好林、鬆軟，唔會咬極都咬唔開。白咖喱豬扒配埋一齊食飯，特別好配飯，食到一D汁同一D飯都唔好浪費，讚!小食拼盤有泡菜、青豆角同春卷，我覺得泡菜味道一般，始終唔係正宗，都係韓國餐廳果種好食，青豆角冇乜味，春卷細細條BB咁，好得意，味道尚可接受。朋友的龍蝦肉濃湯好唔掂，好粉，落得太多生粉開呢個湯，雖然夠稠，但唔好飲。龍蝦肉得果幾粒仔，15蚊係咁上下，最差的係個湯太咸，朋友飲左一半都唔想再飲落去啦!雪糕係雀巢牛奶公司果D，冇得揀味道，我呢杯係朱古力。

沙嗲王都吃過好幾次，尖沙咀海防道、荃灣和元朗(已結業)都去過，對那裡的印象很深：地方狹窄，座位細小，燈光昏暗，環境嘈雜，服務麻麻，但食物卻很有水準。今次要再試的尖沙咀加拿分道的沙嗲王。大約七點來到，座位都有八成滿，安排坐在卡位，位置相當寬敞，座位也舒服。點了幾樣食物，眼看以為會吃不飽，但吃著卻發覺有點油膩。首先來的是胡麻醬沙津，沙津主要有生菜、粟米和車厘茄，配上麻醬，吃起來令人想起腸粉的味道。然後是沙爹豬扒金邊粉，豬扒有三塊，其中一塊是特大的，肥瘦適中，肉質夠軟滑，一點也不「柴皮」，而且香茅味濃，是一流的香茅豬扒。湯底是沙嗲，帶微辣，沙嗲味道較淡，但稠得像汁，喝得多會較油膩。金邊粉份量也不少，質地很腍，但索著沙嗲湯吃也很惹味。芝士白汁焗餃子，配上白飯，芝士白汁鋪滿了餃子和碟面，但芝士味道未算濃郁。餃子是中式的，餡料是豬肉，皮也不太厚。這間加拿分道的沙嗲王，雖然座位闊落了不小，但環境依然昏暗，裝修古怪，樓底很低，坐在餐廳其實很有壓迫感，而放在餐檯的電子鐘依然是可有可無，不過，這個價錢，食物水準也算不錯，值得間中幫襯。

某天下午同朋友行行下街見有點餓於是就去左附近既沙嗲王食野..午餐SET都唔岩我地食,所以散叫左幾款食物!沙嗲牛肉粉絲味道香濃,牛肉有d韌,但都keep到個水準ge外表幾靚,味道都唔錯,個醬汁幾好,不過塊蛋只係放上飯面扮蛋包飯,實際唔係!芝士年糕除芝士之外,就冇其他配料.芝士味幾濃但真係好"流"萄汁時蔬不過不失 無咩特別

食外賣食到唔知食咩好, 有時出街食下都係好事黎小弟間中都會同同事黎沙嗲王食野,味道係點我諗眾食家都知啦,姐係好似m記, 肯fc咁, fix左個水準,而呢個水準當然係ok架啦,其實主要想講既係, 出餐時間午飯時間明知多人架啦, 又學生又OL又SALES呢度出餐真係超級慢..每次都半個鐘..唔係吹水..係半個鐘一般打工仔好似我咁..得果一個鐘時間食飯..等都冇左半個鐘,可能好多人會話, "唔等得唔好黎啦",不過做得服務行業既, 唔係唔接受意見掛野食就好喇..不過如果可以快D..我會幫襯多D..就係咁是次叫左個沙嗲豚肉粉絲, 同事就沙嗲奇脆雞,沙嗲王係冇改錯名的, 個粉絲真係超級正..好記得當日點幾食完..到7點都仲有呢朕味既胃氣..食得太快..消化不良..多謝晒

再試這沙嗲王, 今次點了個賣相令人讚的菜, 印象深刻:星州海鮮鍋巴顧名思義是東南亞食品, 帶點香甜的汁之中有少許辣, 第一眼已被卜卜脆豎立著的鍋巴, 一手便拿起, 點些咖喱汁, 原來薯容墊底, 令至鍋巴能夠直立式放在碟中, 一口咬下, 三種東西一起, 口感及味道不錯! 海鮮方面都不少, 魷魚及蝦等份量適中, 整體.....讚!!!!是晚服務不錯, 揚手很快有反應的侍應很好, 環境都是一樣呢, 冷氣是非常夠的呢!

不嬲我都好鍾意黎沙嗲王食飯, 鍾意佢唔貴, 好食, 又可以坐得耐,幾時gathering都會黎呢到。不過今次真係令我地好失望呀! 價錢雖然無咩點加價, 但食物質素差左, size 又細左。 1) xo 醬海鮮炒飯, 個飯又濕又淋, 啖而無味, 食落仲有d 油既感覺。2) 西檸軟殼蟹配白飯, 西檸汁好稀, 無咩味, 軟殼蟹炸得超油。3) 避風塘魷魚, 睇樣都ok, 但食落只係食到粉漿多過魷魚。4) 蟹肉扒西蘭花, 味道ok, 最岩送飯5) 椒鹽炸豆腐, 呢個係最好食, 炸得外脆內暖, 豆腐仲好滑。最後埋單$24x, 唔好食, 又唔飽, 失望。

今日十點半先黎到@@人地收11:30pm...所以喱個時候好多位囉咁夜先食...叫左唔係好多野炸><食太多肥架@@見到有支新野要吉到爛先有味都幾麻煩=0=||叫左個面新奇食法...我真係幾鍾意ga其實間間沙嗲王都有水準不過喱間設備真係唔夠冇得禁鐘仔揮手揮左好耐先有人行過黎啊不過勝在位置幾就腳ok ge用完coupon之後比$70左右炸呵呵呵呵...

又係同男朋友出街食飯 二個人唔識路行左好耐終於上左沙嗲王食晚飯大約係8:30~9:00左右啦 一上到去都有好多人等位,, 拎左張紙之後大約要等7張台。本身以為一定要等好耐啦 　冇諗到十分鐘左右就叫左我地入去　重有大大張卡位入到去環境好令好舒服　門口同入面都有一ｄ人型的公仔　雖然有小小恐怖　但係有一種異國風味！叫左：芝士番茄焗豬扒飯；　一上台好香芝士味　而且份量都幾多　但係豬扒比較肥小小。個飯幾好食,芝士同番茄個味道好配合！芝士焗一口扇貝；　好多芝士！　而且好好味白汁餃子　　　；　係好一般個種豬肉白菜餃子再加白汁　雖然白汁好好味　但係餃子有少少失望白汁意粉　　　；　男朋友的　我冇食到，但係見佢食哂我諗都唔錯掛！走的時候重送左＄３０現金卷　　總之…下次一定會再來食飯！

第一次黎喱間食早排尖咀個間搬左黎喱度今次同個fd叫左兩個lunch set整體上都好滿意喔如果個奇趣雞有奇趣豬/牛就好了但佢d石窩飯依然咁好食喱間就地方好闊落唔同我食開其他咁迫=]食完依然有coupon送今次送了$12 下次又食lu三個月內喔

有$30coupon, 見未過期快快黎再食多次。6點幾黎到, 唔需要等位, 大大張卡位俾你坐。2個人叫左1) 泡菜肥牛石鍋飯 $48, 上台熱la la, 賣相ok, 味道ok, 勁多泡菜, 仲有飯焦tim ar。2) 東京吉烈蝦餅飯 $4x, 配上沙嗲汁食, 好味呀, 蝦餅真係食落啖啖蝦嫁, 岩岩炸起, 唔太油, gd。3) 海鮮忌廉湯配蒜容包, 比想像中多海鮮, 有蝦, 蟹肉, 魷魚, 硯肉, 平時d忌廉湯好杰,,佢無呢個情況, 飲完唔覺得膩, gd!埋單平左$30, 2人總共$106, 抵啦。同埋d 服務都幾好, 按個制好快就有人黎serve你~

第一個情人節男朋友話食好D~就簡左係尖咀~第一次去食LE間野~我地叫左~白咖哩豬扒飯名不虛傳椒屏鹽雞軟骨好好味簿餅我地佔完咖哩夾住D雞軟骨黎食~GOOD A熱情果沙冰~LE 個普通啦~

今日去食沙嗲王!咁就叫左白咖哩豬扒飯餐有2舊和果子飲品叫左個青檸咩梅蜜加1後51蚊個飯幾好,個汁甜甜地辣辣地,有3舊豬扒份量OK野飲一般,早知唔叫呢個啦甜品一般

呢排愛上食沙爹王，特別係呢度既忌廉芝士焗魚柳飯，但今日朋友已點左豬扒飯，所以無要到，怕食唔晒。蒜蓉牛油炸雞翼：我既至愛，外皮蒜蓉味香又脆口;內里雞肉入味又滑。白咖哩豬扒飯：白咖哩香濃，撈飯好好味；豬扒只算ok。芝士焗一口扇貝：芝士醬好多，十分 creamy但味道唔香。炸芝士可樂餅：好似心太軟甘，咬落去有流心芝士醬，但就食唔到有可樂味。奶油津白：津白甜，加左臘腸粒 “掉味”很香。 沙爹肥牛粉絲：必食之一，但今次既湯底未夠香濃，上次係旺角食好味d。豬肉粉卷：粉皮 “淰” 身，餡料少，麻麻地。每次食完有潤喉糖送，總是覺得唔 match …….怪怪的。

平時去開JORDAN間沙嗲王…貪佢人少XDD但因為好肚餓,加上個時6點幾,應該唔洗等位!!!!去到真係唔洗等位…不過無得坐卡位-.-但不打緊了,,,,,,有得食已經好好好ORDER 左豆腐…..同埋白咖哩豬扒飯都係我地既至愛食到好飽…下次可以就咁叫豆腐LO飯….就最正!!!不過見佢加價愈加愈多…比CUPON 為番上來其他都一樣算係咁啦^^服務都唔錯…問佢有無椰汁黑 “羅”米…都有答仲叫我地唔好咁早落ORDER..因為好快到~

是晚叫了芒果蟹肉炒飯、椒鹽豆腐及脆蝦棒，芒果蟹肉炒飯是新鮮炒出來的，而味道亦不錯。椒鹽豆腐的椒鹽味濃，而脆蝦棒有蝦味又有蝦肉。唯獨蘋果綠茶味道很淡，所以下次不會再叫了。