沙嗲王 (官塘工業中心) (已結業)

觀塘沙嗲王由細食到大 由以前裕民坊到現在觀塘工業中心 白咖喱唔洗講一定係人氣之選 脆蝦棒不小食之王 以前好像比較多不同小食 近年好像比較少出新菜單有時會諗點解唔叫咖喱王可能更加比較貼切。今次我當然係叫番人氣之王白咖喱香茅豬排飯外賣最穩陣 豬扒鬆軟 白咖喱正常發揮 飯比較遜色 應該是用珍珠米 但飯痴埋一舊 濕濕地 做不到粒粒分明 比較可惜 可能因為外賣關係 整體而言 白咖喱香矛豬扒飯都是最穩陣之選 近年沙嗲王好像冇以前咁好吃 希望可以做得更好

一提起沙嗲王，第一時間諗起白咖喱豬扒飯，每次去都必定叫佢🤣白咖啡豬扒飯💯必食推介✨手拍青瓜味道偏淡蒜蓉牛油雞翼😋奶茶都可以😌蔥油山鐵板雞扒飯配日本太陽蛋🍳餐牌

同屋企人經過觀塘諗唔到食咩，就入咗去沙嗲王沙嗲王最出名嘅咖哩豬扒飯同蟹膏蟹肉豆腐煲，白咖哩甜甜地，豬扒炸到好鬆軟，肉質好嫩滑，而蟹膏豆腐煲亦十分鮮味，份量十分多，好適合送飯。

正諗緊晏晝食乜好，係外賣平台見到沙嗲王都有參與。一於試試呢間位於觀塘工業中心嘅沙嗲王外賣送餐服務啦。今次叫咗四樣嘢食分別係白咖哩香茅豬扒飯($72)，沙爹牛more王通菜($53)，蒜香牛油烤餅($17)同炸饅頭($24)。雖然係外賣送餐，要讚讚餐廳豬扒炸得非常鬆脆，伴上白咖哩汁，簡直perfect match。呢個牛more王通菜，沙嗲汁香濃，配上通菜好夾。蒜香牛油烤餅鬆脆香口炸饅頭炸得金黃色，外脆內軟

第一次用OpenRice 沙嗲王外賣自取，比預計時間早左可以拎，野食都唔錯，價錢一樣，但份量比堂食少，衣點餐廳希望要改善一下！公平一點！製作時間同外賣包裝都很滿意！

經過觀塘工業中心見到勁耐未食過嘅沙嗲王，即刻走入去😆一個人食咗一份超豐富午餐🙈🙈白咖哩香茅豬扒飯 $60讀書果陣朋友介紹之後每次去沙嗲王都必食，白咖喱香，豬扒都有3塊，送飯一流轉朱古力沙冰 +$13面頭有阿華田脆脆添口感，凍冰冰嘅朱古力冰，超邪惡，飲完重幾磅🙈🙈2隻蒜香牛油雞翼+$15，抵呀！原價好似要廿幾蚊2隻🤔熱辣辣，勁香蒜味，多幾隻都食得落😚😚😚食完，爽晒☺️☺️仲有好多野想食，下次要拉埋朋友仔食先得！

每次去食白咖喱豬扒飯都會一定加多一個白架哩汁！招牌真係招牌！香濃味美~完全由細到大食都冇變質。最重要係要嗌佢個薄餅攞嚟點汁。最後推介大家係奶油津白，同埋黃金雞翼~ 嚟到沙爹王一定必食！餐廳環境質素中上，枱與枱之間都有好多空位~

去沙嗲王，識食一定係食白咖喱豬扒飯，白咖喱汁真係好好味好特別，第一次食都係係沙嗲王先食到，佢果隻豬扒都特別正，又香又好味又夠多次次都有幾塊豬扒，多到兩個細食既女仔分享一個餐都夠食，有時我同個女仔朋友都係咁分享再點多幾個小食，百零蚊一餐就食到飽一飽，由中學到畢業到出嚟做嘢都勁鐘意食沙嗲王，中學果陣覺得沙嗲王好貴，到出嚟讀書發覺沙嗲王真係好抵食🤣🤣🤣呢排Lunch成日都係食白咖喱豬扒飯，每次四個同事都係一齊食白咖喱豬扒飯，好好笑，平時呢段時間去觀塘分店食都無咩人架，但今次去食........雖然未滿曬人，黎得兩個餐.........另外兩個餐就等左勁耐，搞到紋紋地，因為要趕住番公司打卡嘛......好彩最後都食得切，如果唔係下次都唔多敢係lunch去食😓lunch都係60幾蚊一個餐，加15蚊又可以加兩隻雞翼，幾個同事一齊食夠250又送支超好味既沙嗲王辣醬，又有薄荷糖任拎好好食😋

放左工諗住近近地就試下係工廠大廈地下既沙嗲王啦，唔洗點等位同埋入面好闊落。😛😛1.沙嗲牛肉粉絲$48見到佢地個新餐單有沙嗲牛肉粉絲就諗住試下啦，牛肉都算ok，個沙嗲湯底唔得，好多油但又冇乜沙嗲味，有少少中伏feel。下次都係叫返佢地d經典野好d😔😔2. 白咖哩豬扒湯烏冬$64依碗烏冬就正常好多啦，係佢地出名既白咖哩湯，豬扒亦都有三塊，烏冬都算彈牙，算係幾抵食，但都係好多油。總括黎講，依間沙嗲王普普通通，叫佢地招牌菜式都唔會中伏既。

星期六，家人趕貨，大家下晝飲完茶，佢去工廠夾手夾腳做啲下欄嘢，做完當然老細請食飯，但係星期六晚飯時間，APM, the wave 嗰啲真係唔使旨意搵到位，工廠附近有間沙嗲王， 大把位，諗住入去飲番支啤酒，點知入到去原來佢冇酒牌。坐低俾QR code 你自助點餐，好似好多嘢揀其實好少，因為佢係一樣嘢變出幾個餸果種。例如雞翼，個底味基本上係一樣，炸之前撈啲牛油蒜頭，就係蒜蓉牛油雞翼，加啲鹹蛋黃，就係黃金雞翼，咩都冇加就係普通炸雞翼....沙律幾款，個底係一樣嘅沙律菜，一樣果二種醬汁，只睇吓面就係雞扒定係溫泉蛋定其他。沙嗲牛肉，個底配西蘭花係一個餸，配第二種菜又另一個餸，配粉絲又係另一樣。試咗上面嘅嘢，後加沙牛西蘭花同蒜香薄餅。舖頭名叫做沙嗲「王」，但係冇沙嗲串燒嘅，唯一嘅沙嗲，就係沙嗲牛肉，我哋叫咗沙嗲牛肉西蘭花，嗰啲沙嗲牛肉就係類似茶餐廳早餐沙嗲牛肉麵嗰啲，同個「王」有好大段距離，唔辣，冇花生香味，牛肉就係梳打粉拿到林晒冇味果種。廿幾年前沙爹王幾出名，尤其是學生好鍾意去食，白咖喱豬扒飯係名物，咁多年冇食過，梗係有叫嚟試吓，白咖喱好甜下，冇咩辣味冇香料味，一定要送飯食，齋食超膩的。豬扒又係

次次去沙嗲王都會食白咖喱豬扒飯同芝士焗年糕 ，呢兩樣真係最好食😋😋沙嗲王嘅白咖喱汁好好味，味道好濃，就咁撈飯食已經好正。香茅豬扒都唔錯，豬扒入味，雖然有時會炸到燶咗😂芝士焗年糕真係至愛，年糕上面嘅芝士好多，仲有少少煙肉碎，真係好惹味🤤

去親沙嗲王我都會叫白咖喱食好多年無食過喇 對上一次食應該係裕民坊鋪仲未執之前😂今日心血來潮想食下閒日無咩人等位幾好坐低左就點左好耐無食過嘅白咖喱豬扒飯可惜 份量好似比以前小而且白咖喱個味道同以前有分別無左以前好香果陣椰味而且豬排質素都差左其實味道唔差架 但可惜唔係以前隻味

觀塘工業區的美食，沙嗲王最近的優惠吸引我們。沙嗲王與你時光倒流十二年，外賣自取還有八五折優惠。午市套餐的話，價格優惠，有主食一份，飲品，加錢可以有小食，餐湯，印度薄餅。超驚喜的芝士棒，一元一條，最少五條，可以任意選擇自己的數目，伴菜也好好吃，美乃滋加烘乾的煙肉碎，成為一大亮點。外脆內彈牙的脆蝦棒，是沙嗲王必點的美食之一。炸饅頭配上煉奶，也是一大絕配，完全不會覺得油膩。煙肉菠蘿鮮茄醬pizza，Pizza是印度薄餅底，顛覆平時吃Pizza的想法，而且完全沒有違和感，不論是配咖喱漿的印度薄餅，還是Pizza的食法，都一樣好吃。最後點了芝士焗年糕，香濃的芝士醬配上烘乾的煙肉碎，完美混合在一起，分量多，分享食最為合適，儘管今次沒有點任何飯類，都一樣可以吃到飽。

今晚同同事夾單叫沙嗲王最好味既白咖喱豬扒飯食！😋加上好肚餓，好快就已經食哂！實在係太好味啦！😋😋😋豬扒d肉易咬，用匙羹都分得開d肉👍🏻白咖喱撈飯撈豬扒都一流！😋😋外賣送餐連運費$65

今晚買外賣返屋企食🤣見沙嗲王做緊七折套餐✨於是嗌左白咖哩汁香茅豬扒飯 加牛油雞翼$62黃咖喱香茅豬扒粒飯配溏心蛋 加牛油雞翼$52兩個咖喱都好惹味 但係白咖哩味道更溫和 椰香味較重🍛牛油雞翼皮脆肉嫩 好香香茅味🤩而家香脆芝士條仲有一蚊一條嘅優惠😆10條+ $ 10 超抵🥳有香濃芝士味嘅春卷仔都係第一次食 估唔到會咁好食🤤