沙田科學園湖畔餐廳 (已結業)

4-Mar-2012 (SUN)今日係金蛋FUN FUN日，打算前來科學園參觀，意料之外比我哋發現依間似美食廣場既餐廳！最先吸引我哋既就係店外面既優閒環境，加上天然清風坐在小湖邊，實在最放鬆不過。我哋選了蝦醬炒飯、PIZZA和汽水。蝦醬炒飯只有微香蝦醬，味道偏淡，炒飯比較爛，沒有鑊氣，但風影絕對能撘夠。PIZZA皮薄香脆可口，雖然材料唔算多，但口感佳，味道適中。汽水夠汽又冰凍。

娘娘與朋友們趁重陽節, 便由大圍踩單車, 到科學園午膳行行下看到此餐廳室外環境很舒服, 坐下才知原來是food court般室內亦有lunch buffet, 但我們最後決定散叫了 海鮮pizza~料也算豐富, 而且餅底焗到脆脆地, 熱食好好味 炸薯皮~薯皮炸到剛剛好, 好味 炸雞翼~外表脆脆, 但略油 火鴨絲湯米~都算多料, 不過湯底無咩味 泰色炒飯~炒得都幾香, 又不會太油, 唔錯 豉椒排骨炒麵~麵炸得脆脆地, 幾好食! 不過個汁唔夠豉椒味, 大致都ok! 泰色炒雜菜~份量較少, 味道一般, 這碟較為遜色其實大部份的炸物, pizza都幾有穫氣, 唔錯, 而且價錢亦不算貴如果不是炎炎夏天, 室外環境清幽, hea下真係幾正, 當日我地hea左2個幾鐘, 真的是休閒的好地方

原本睇到D食評都有D擔心不過見佢咁低都不妨一試就約埋班FD去試一試試完覺得幾好～都要幫佢平反一下！食物都算多款式餃子雞翼不錯^^幾新鮮～D蝦又爽甜如果出得密D就更好都唔係好似人地咁講淨係得三文魚刺生姐～師父即切即出夠衛生仲有黑松露汁同龍蝦汁幾好味～同朋友一人叫一碟～好味甜品都幾多個芝士蛋糕超正雖然好衰但同朋友食左差唔多大半個XD個薑汁湯圓都好好味夠香唔太甜最後緊係唔少得個靚景啦～其實仲好多相想分享～但放唔哂總括而言各方面都唔差同出面酒店差不多不過價錢就平好多仲可以免費泊車值得再去！！

快接近中秋節, 原先是想選一間有池畔BBQ , 可賞月的, 上網見此間環境幾好, 價錢都好OK , 又有四小時免費泊車, 試試啦 , 結果有點失望 食物方面 , 相比起昨天的灣景廳, 都不算太少, 但感覺好像去了快餐店, 大部份是極普通之選 , 沒特別 . 熟食 --- 牛尾 , 生菜冬姑 , 彩椒炒珍寶腸貢丸--- 炸魚柳 ( 有 D 油益味) , 麒麟豆腐 (個名幾好聽, 即係火腿蒸豆腐 ) D豆腐好鞋 海鮮--- 長腳蟹 , 螺 兩樣都好有海水味, 幾咸 , 青口 , 中蝦感覺唔多新鮮, 無試 魚生壽司---- 魚生只得三文魚一款, 壽司有幾款 , 普通啦 BBQ ---- 朱扒無味 , 羊架好細塊得塊骨所以無攞 , 牛仔骨都OK啦 日式天婦羅番薯 , 串燒沙嗲 普通啦 , 炸雞翼唔得 粉絲蒸元貝亞女話OK, 但取過一次( 2 隻 ) 之後就唔見再出 , 我無緣嘗試 沙律 , 火腿都有幾款 , 簡直係快餐店D下午茶餐 栗米湯好水 唔得 , 龍蝦湯都勉強合格啦, 不過無料的. 即炒意粉, 多款材料 , 兩款

假期真想找尋有陽光又寧靜的地方，享受一下大自然，一家人駛車到科學園走走，食一餐下午茶，只見餐廳選擇不多，所以便走進這店。燒雞湯烏冬 - 雞偏向乾，但整體還ok。中式抄飯 - 無甚麼特別。泰國抄飯 - 我朋友話 "唔係應該係辣味的嗎？"豬扒金邊粉 - 湯底無味，豬扒一面炸成啡色，一面好似無炸過，白雪雪，肉地超乾。有點可惜，如果我早點查看openrice，我相信我會去其他餐廳試試。

晚上係慶祝媽媽的生日，想試呢間食buffect好耐，今次專程一試。Buffect 6:30開始，食到10:30，時間十分充裕，加上冇乜人食(可能星期一)，所以都食得好舒服。裡面d 食物款式不多，但係大多數新鮮，有青口、海螺、蝦，新鮮，青口大隻，雖然佢想做到有海水既鹽味，好過一d 酒店唔新鮮，細隻，仲超淡冇味。熱醺好食，而且係即整，唔會凍哂。唯一既係0個度得壽司冇刺身，而且壽司飯係舊飯，大打折扣。如果有刺身會更好。我覺得咁既價錢抵食，去酒店反而未必有咁既質素。

上星期去左依間餐廳預祝母親節, 坐係室內窗邊用餐, 環境優美, 落地大玻璃望住戶外既噴泉, 夜晚配合燈光, 真係唔錯~食物方面, 百幾蚊本來期望唔會好高既但其實都ok呀, 有串燒, 壽司, 刺身, 螺, 沙拉, 燒烤, 薄餅, 意粉, 甜品..........仲有花膠羹同壽包整體黎講係意料之外呀..爸爸就鐘意冰鎮翡翠螺, 個人呢~就比較鐘意d熱盤, 意粉同燒烤!!員工態度亦好友善呀, 全程掛住笑容希望以後有更多更多既選擇啦一個人只係$148加一, 仲有免費泊車tim~~我地成家人都覺得好抵呀, 哈哈

個晚同D朋友諗著係科學院園影相, 就順便BOOKING個自助餐試下啦, $138食個晚餐, 仲有DISCOUNT 算超值啦 一去到, WOO 環境好好, 有室內及室外, 室外個感覺好好, 好舒服, 咁我地呢D餓鬼, 緊係坐室內啦, 搵食快ma . 我地一行4人坐底放好D野就急不及待咁出去睇下有D乜野食....嘩...勁啊..魚生, 生豪, 白湯, 都冇...........正常ar 咁平....但係唔會連白湯都冇掛...咁有d乜ar...有青口, 壽司, 上湯蝦烏冬, 炸魚, 沙律, 生果, 甜品, 值得一提的係佢地會即叫即做的意粉,(註: 唔係有專人同你做,係邊個侍應得閒都會同你做ka.連帶位個個都會,真係專業) woo...D粉勁粉, 令你會試完一口就即刻放底, 仲有個BBQ, 係OK (呢個係真係可以), 起碼有豬, 牛, 羊都有..不過有限仲要等師傅得閒又排到你, 有人同你搶咁你就再等下先啦... 柸橙汁就...飲水好D.

前果排同個舊同學食飯..佢介紹我黎食..話食過覺得ok..咁我就上網睇下人地d食評啦..點知見到咁多人都話唔得..諗住是但啦..咩都試下..我諗我同學唔會點我既..咁我前2日就同屋企人去餐廳度食啦..以前未去過科學園仲以為好難去..點解原來咁近火車站..==可能我地早到...6點幾去到果陣都唔多人..個waiter仲好好人咁提我地有信用卡discount..之後坐低食野啦..原來又有螺又有刺身果d..仲有蟹有蝦..冇諗過百幾蚊有得食哩d..我同屋企人都覺得幾抵..平時出面買蝦蟹都貴啦..宜家除左哩d仲有刺身果d wo..之後食到7點幾果陣原來出面有個噴泉睇..其實都ok既.....餐廳環境都唔錯丫....野食亦都ok wo!埋單仲要每人$200都唔洗..希望下次會再有多d好野食啦!

星期日約咗班friends踩單車,由大埔踩去沙田,中午時段途經科學園決定小休兼醫肚呢間 Fresh food court 都算大但品種選擇唔算多我叫咗嗰韓式石頭窩飯就真係認真差,冇味道可言,餃子尚算OK但呢度啲環境真係very good 冇得彈,希望食品方面可以改善吓,唔係真係冇下次

試完第一期既台式野，第二日亦試埋第二期既湖畔餐廳，這邊地方跟一期比較大好多，戶外環境更係不錯，很悠閒既感覺，天氣唔太熱之下，係戶外用餐真係一流。這裡很food court feel，有中泰日西，中式泰式係炒飯同埋粉麵，唔太岩，日式既係便當，最大路，就要個鰻魚便當。見有個爐係到加熱d鰻魚，個皮燒到有小小脆，有點功夫的。伴有玉子，凍冰冰死實實，唔食都唔係咩損失。$48蚊一個日式便當。係呢到食飯，食物質素真係麻麻地，不過感覺悠閒，舒服。

可能嗰晚落雨啦, 自助餐唔係太多人及太多食物放出來, 但我覺得食物唔係太難食,大蝦都OK, 沙律幾好, 魚都OK, 雖然無生蠔及蟹食, 我老公咁鍾意食海鮮, 無得食都話價錢合理WO......, 佢有讚牛柳OK...,good good!!!!!! <

這家餐廳像是分開了三部份.. 一邊是快餐的飯堂.. 一邊是供應自助餐的餐廳..中央的位置還有酒精飲料提供.. 還有室外雅座!今次我們選擇了食快餐的飯堂..例湯和白飯比較凍了一點.. 如果可以熱些便好..蝦的味道不錯.. 外脆內軟.. 沙拉醬汁開胃易入口..茄子雜菇肉片味道清淡.. 不油不(俐).. 不過下次要早一點來到才知道是好或否.. 因為今天他們都差不多打烊了!

星期一放工同男友行科學園relax下,本來我地諗住求其食d野就返屋企。不過經過fresh餐廳門口,有位接待員好nice咁叫我地試下佢地dinner buffet,可以入去睇下buffet食d乜先。其實我想講我兩個月前已經黎過，不過覺得麻麻地所以冇再黎！幾經考慮下,就膽粗粗再試過！出奇地,感覺又ok！d食物轉哂,多選擇左,fill野食都fill得快左而食物水準明顯有進步！依家有青口,蝦,羊架...仲有壽司 佢地d 師傅係Japanese counter即時做壽司,夠新鮮至於環境,我不嬲都覺得十分ok,特別係傍晚,個噴泉係勁靚。坐係出面都幾舒服個晚都ok多人去食,氣氛幾好！員工收碟幾快,態度友善。$128加一真係幾抵,不過走既時候,見到有ladies night係每憑星期二,女士有85折@@蝕左tim我haha,唯有下次la

這天早晨小妮子要到中大面試，邀請我陪她去，山長水遠，我怕她路上寂寞，又想替她打氣，而自己又有空，便毅然答應陪太子讀書，但條件是面試後，我要她陪我到處逛。來到這區，很想看看在科學園的金蛋，我們便沿著吐露港公路步行前往，原來相隔頗遠，但途中看看風景，邊談談教授面試的問題，不知不覺間便挨到了。晨早趕出門，我們連早餐也未吃，到這裏，先看看有甚麼可吃？這裏的食肆頗多，大家樂，一粥麵，星巴克，臺式食品等，結果小妮子選了座落在一條人工河傍的 "Fresh" ，是自助快餐店形式，我們買了兩份通粉早餐連飲品，這裏環境優美、寧謐怡人，在戶外對著小河吃早餐本是不錯，但今早氣溫三十一度，還是躲回室內吃。通粉早餐的配料可三選二，火腿，腸仔，煎蛋。我選了火腿煎蛋配咖啡，而小妮子選了腸仔煎蛋配熱檸水。煎蛋煎得半熟，幸好沒有穿黃，火腿祇得半塊，通粉不是 al dente，但不是軟腍腍，還有幾粒粟米和椰菜，味道尚可，勝在夠熱，略嫌咖啡太多奶，有點「膠」口，賣十六元一份算合理。吃罷早餐，走至餐廳盡頭，原來金蛋就在那裏，現已命名為「高錕會議中心」，形狀像天外來的飛船，甚有氣勢。