河內越南餐廳 (已搬遷) 新店位置

我同老公同朋友加她的小朋友入黎食飯，然後我同老公打算叫一個餐，點知個侍應態度差到核爆，原本同佢講我同我老公叫一個餐。當然我地原本是要中午的午餐，如事解佢極度不肖咁，佢話要最低消費，我唔明我地原本諗住一個餐叫一杯野飲，講真都至少60-70蚊，我見態度咁惡劣，直情同我地講無人迫你地食wo，我話咁算啦，幫我取消佢，轉2杯熱奶茶算（20蚊杯），我同我老公講一陣倒左佢都好，佢之後收我奶茶錢，直情連奶茶都無諗住比我，我吹佢我杯奶茶，佢話你話倒左佢丫麻😂我人生第二次食一間咁差態度既餐廳

越式蟹膏湯檬 ($45): 湯底足料色澤呈深橙色，有蟹膏的鮮味，味道香濃鮮甜。配料有大量肉碎、扎肉、蝦、芽菜、香葉及蕃茄。檬粉入口爽滑，整體不錯。餐包飲品，我選擇了熱奶茶，奶茶跟平常港式味道無異。可另加$15飲冰滴咖啡。烤牛肉撈檬: 檬粉分量多，加入少許甜酸汁撈一撈，烤牛肉肉質鬆軟，只嫌較碎。

其實已經無乜野講，奶茶難飲，春捲用萬年油炸，入面餡料淡而無味連胡椒粉都無，魚露連基本甜味都唔得，淨系酸食越南平民食物應該有當年越南時代入面struggle 嘅風味，呢間野食到嘅系因為地點方便所以做得幾差都有錢賺，理得你求求其其嘅味道炸春卷嘅油仲深色過maple syrup，味道同texture都係，無過份或不合理之猜測

好嬲呀 , 今日1:15p.m一行五人中午到河內食越南粉, 我要左一碗雞絲扎肉金邊粉$35 加凍奶茶, 凍飲加兩蚊, 總共$37. 食到最後幾啖, XX o係我碗粉度, 我立刻將我口裏既金邊粉吐出, 我d同事查看佢地碗野仲有冇其他XX, 我同事發現佢地d甜酸汁都有xxo係裏面。之後叫左個越南女伙記黎睇啦 佢將我碗粉收走及佢問我想唔想要多碗 (仲敢食咩 , 取消喇!) 佢幫我cancel 左我碗粉. 但係我張單多o左$14既 (其中一位同事飲凍飲, 所以佢寫$16) 仲有, 。埋單既時候, 問佢點解係$16, 佢話當我冇食野, 飲品要收返正價$ 14,  ! 佢個態度勁差呀, 堅持話我唔再要, 大佬.....見到咁樣仲點食多碗呀 , 我唔想再見到強哥! 我好後悔冇影XX張相, 諗住Cancel左就算, 唔好攪大件事, 點知佢地既處事方法係咁差, 我只好將張單影相, 希望大家幫我評下理  我永遠唔會再黎食同埋一定會記住呢個$14既正價飲品呀.............嬲 嬲 嬲 !(XX) 自己諗........

經過佐敦的白加士街無數次，多數是為了去澳牛。而這間與澳牛數舖之隔的越南菜小館河內通常只是匆匆路過，印象中光顧過的次數應該最多只有三數次。 就如不少小型食店，座位安排有點逼，搭枱也是少不免。店內佈置簡單，有不少越南擺設，不過全部都看得出有點'歷史'，帶點點殘舊感，就如在提醒食客這店都開了段不短時間。店員都是越南女子，感覺地道，但放心，要與她們溝通落單，用廣東話當然OK啦。不知廚房又會不會也是全越南班呢？這夜只想簡簡單單來碗越南生牛肉粉($40)做晚飯。這裡的牛肉粉湯頭雖然看來顏色深，但不會太鹹太濃，而且不油膩。不過飲落味道頗淡，只帶淡淡清甜。生牛肉片肉香一般，粉算滑溜。好在配著新鮮九層塔及大量洋蔥絲等，令這碗味道偏淡的生牛肉粉至少食起來覺得清新。總括來說，無論食物，服務和店內環境印象都只是不過不失，會否再訪，就隨緣吧。

是是但但入左呢間餐廳食飯,環境唔算舒服, 好細,有d迫~兩個人坐左張四人檯,見到隔離張椅上都仲有幾粒飯,清潔欠奉。點左一碗香茅豬扒湯河同一碟越式炒金邊粉。香茅豬扒湯河份量唔多,味道較淡,好彩我食得較清淡,但其他人食就未必岩。越式炒金邊粉比較油,無咩材料,有d弄豉油味~到埋單時候,明明好多伙記,都唔知點解個收銀會去左落單,一味叫我地等陣....雖然價錢唔係貴,但希望佢可以係無各方面都改進下...

午餐收$55, 不便宜的店, 與其裝修不相稱, 心想, 有甚麼奇特之處, 試一試吧.蝦醬炒飯, 材料只有蝦, 蝦是連尾部的殼, 新鮮貨, 基本上沒有其他材料, 飯炒得不太乾, 但尚算粒粒分明, 沒有一舊舊, 可惜飯身水份未收, 咬落淋口, 蝦醬味道濃郁, 整體而言, 材料質素尚可, 可惜師傅炒工未達標.凍飲再加兩元, 合理加費. 但收$55的午餐, 質素改進仍需努力.

這家小店經營方式的越南餐廳是sunflowerting 打從十多年前就開始食佢嘅出品: 伙記全是越南人，最近才知有名人早前推介食; 想起上回到現在已有差不多一年沒光顧了，當中乃因太多其他好嘢食用料與以往相比已大不同: 雖則是用越南的新鮮貨，但論熟牛河($35) 送到面前委實有點失望: 賣相唔多妥，除了沒有九層塔，牛肉凌亂而有D濃咗湯底尚算突出鮮味確實沒有味精，河粉粗幼不一只見洋蔥同莞茜蔥在漂浮。拍照期間給阻攔 ，連忙在枱前映特寫; 反而驚喜是熱奶茶($12)夠滑茶膽濃郁有獨特芳香,越飲越入味外帶扎肉雞絲撈檬，賣相份量同味道較堂食更上一層樓

食友推介!近九時，人客很多阿姐全程在忙個不停，阿姐手腳快未幾已安排到位置給坐下.牛油雞翼: 較為失望, 無以前咁好味, 雞翼亦比以前細隻...豬肉脆片: 一碟有七塊, 份量比我們想象中多,蝦片夠脆身, 豬肉也入味, 可以推介! 越南春卷- 外皮炸得好脆，內餡也好入味，加上適當的香草，增加了不少香氣和口感，食得過。椒鹽軟殼蟹 - 炸得好乾, 雖然有魚露點, 但乾同燶的感覺完全不可以令我覺得佢好食, 比較失色生熟牛肉粉 - 好正宗的一碗生熟牛粉, 味道真不錯, 湯底鮮甜, 牛味充份, 加埋件大大件的白蘿蔔, 十分之正宗的越式風味, 細嘗之下, 發覺胡椒的味道都幾重吓, 多種味道的配合之下, 碗生熟牛粉好快就放入肚裡, 連湯都差不多飲哂咸青檸水 - 推介!!平心而論，味道是不錯, 但食物水準不如前

8點幾黎到好多人,好彩行快幾步坐到最後一張台先唔使等位店員好忙, 叫左幾次先有MENU睇, 不過店員都好有禮貌, 每次都會講唔好意思每次食越南菜都會食牛肉湯濛, 有D悶, 今次黎到蘇師傅介紹既河內越南餐廳, 叫左個鮮蝦湯濛鮮蝦湯濛 ($35)首先飲一啖湯先, 好咸, 應該係普通既味精湯蝦都夠新鮮, 數量都多, 濛粉好似無牛肉湯濛咁多, 整體普通食完好口渴, 味精落得太重手了.....

看電視有介紹蟹膏湯檬, 很吸引我來試試看, 找了一晚看完電影來青檸梳打味道有點怪, 可能是青檸太少而糖漿又有點太多沒什麼酸味, 甜味加梳打的苦味就是了鮮蝦雞絲春卷, 蠻喜歡越式春卷, 不油又好吃點了鮮蝦雞絲, 味道不差, 春卷皮不會硬, 但略嫌淡了一點牛肉撈檬, 不會驚喜的味道, 夏天吃撈檬很合適配料也給得多, 也有不少蔥蒜, 算是合格的一碗撈檬這個算是當晚吃到最好的, 蟹膏湯檬. 蟹膏不是大閘蟹的那種而是比較流質一點的蟹膏, 有鮮味不錯吃. 湯頭也夠鮮甜, 整體蠻好吃的這裡除了蟹膏湯檬外其他真得沒什麼特別, 所以應該也不會再來了

I went there last week to buy takeaways, I think it really cost too much compare to it's quality.1) 3 color rice : the menu shows it is $40 but the woman said takeaway food has to add $5 (if I didn't ask her she wouldn't told me when I placed the order). the rice is ok but I think it doesn't worth $452) grilled pork noodle : again the menu is $ 32 but takeaway has to add $3, the pork is not grilled. it tastes like the meat being cooked in soup for a long time - tasteless and too soft.It's an exp

午市好多人...我地四個人...企o係度等o左成15分鐘先有位...叫o左三個餐同一個小食...1) 蟹膏湯檬: 為o左試佢而嚟~ 都幾大碗~ 湯底好足料~ 好香蟹膏味~ 仲有好多新鮮蓄茄!!! 正!!! 2) 豬頸肉撈檬: d豬頸肉睇落去黑mun mun好似好窿咁...但係食落又唔覺~ 仲好香香茅味~ 唔錯~3) 茄汁牛腩飯: 雖然d牛腩好淋...不過d汁真係一般...好希...4) 牛油果芒果軟殼蟹卷: 呢個配搭真係一流~ 食落去好fresh~ 無得頂!!! 5) 濱海春卷: 我地自己誤會o左以為係濱海...唔係我地想叫o個樣o野...係香脆...不過都好一般...6) 跟餐轉o左正宗越南滴滴咖啡: 好濃味...黑到好似朱古力色~ 飲落去又苦苦地...都係香港style o岩我地飲多d~ 7) 珍多冰: 呢個仲一般...又唔夠凍...影都無影...呢間o野上晒電視...但又真係唔係樣樣都好食...要揀過lor...蟹膏湯檬同d卷都ok...但係飯同d飲品真係一般...等又要等咁耐...又唔係平...都未必會再嚟...

都係睇左cctvb介紹去，原來成日都經過，係有印象，但唔會想入，因為個門面真係好唔吸引！四時幾到，食午餐餐牌，但整體唔貴up to $30, 點個生牛肉，都算大碗，個湯都夠味，牛肉都唔少，我認為個價算低，下次會再試下其他！

我諗如果唔係蘇民峰o係電視節目到介紹過呢間餐廳，都好難會有街客自己走入去皆因門面平平無奇，無裝修，座位狹窄，感覺有D混亂同埋污糟，都好佩服蘇師傅竟然搵食搵到來呢度成間店都係得兩三個越南籍既姐姐一腳踢，基本上廣東話溝通都無咩問題，亦都無落錯單／漏單問題，但係就唔好expect會有好笑容同埋好招呼喇先來既係一杯滴漏咖啡，盛惠$25。一上來已經聞到好濃既咖啡香氣，然後睇住佢一滴一滴咁滴落去D煉奶到，真係未飲落去，先興奮十分鐘後就差唔多滴完，同D煉奶搞勻就飲得。入口真係好香濃，滑就一定係無意式咖啡咁滑，不過佢既咖啡味就絕對有過之而無不及火車頭，即係生熟牛肉＋牛筋腩＋牛丸河粉。價錢大概係＄50，個人認為都幾抵，用料好足，牛丸細細粒但係好彈牙牛肉亦都無咩肥膏，唔會係$10一pack既cheap貨。牛筋既賣相有D嚇人，因為係白雪雪同埋好林似一個肥膏，同平時港式既牛筋好唔同成個火車頭唯一美中不足之處就係個湯底有D油，但係應該無落到味精同埋飲落都有好豐富既香料味，少少瘕疵都收貨啦!蘇民峰強烈推介既蟹羔湯檬。睇電視既時候以為佢賣得好貴，點知都係$40有找個湯檬無咩配料，只係得兩塊味道還可以既扎肉同幾隻蝦～