河內越式小館

營業中

休息中

今次嗌左個沙嗲汁雞扒飯，雞扒大大塊，個汁好惹味，最後食哂啲飯，仲有啲汁淨，膽粗粗問可唔可以要多少少飯，竟然可以喎，如果係之前果個樓面女人，一定唔得啦，另外讚一讚個雞扒先，大塊得黎又夠味，有下次

終於見唔到個樓面姐姐，真好，講真野幾好味，顧客第一印象真係好緊要，之前果個樓面，聽到佢把聲都唔開胃今次叫左個手撕雞椰汁酸湯檬粉，牛油雞翼，檬粉大大碗酸酸地幾開胃，雞翼夠大隻，有下次

第一次寫OpenRice食評，非常生氣的一次經歷，叫了$120外賣，生牛肉河，蝦多士，青檸梳打，價錢一啲都唔便宜，取外賣佢話$120，我叫佢俾啲魚露，之後就拎走，行到門口佢就大聲嗌$123喎😱我就問我聽錯咩？頭先明明係$120俾咗錢㗎啦喎，佢話你要魚露呀嘛要$3囉，外賣已經加咗好多蚊, omg 從來未食過越南嘢要魚露要俾錢，就算係要你可以同我講，咁我一定唔會要嗰幾滴魚露要$3, 做生意咁小家，冇禮貌，住咗元朗都幫襯咗好耐，以前都唔係咁越嚟越差，怪唔之得返晒大陸食嘢都唔喺香港，貼錢買難受，食物又普通冇特別好食😡好不愉快的經歷，以後都唔會幫襯

我同媽媽行到好攰搵個地方食碗麵，地方好舊嘅一間餐廳，入到去坐低睇吓個餐牌，可能仲會有下午茶，由於我哋都冇睇到當時嘅時間，問吓佢有冇下午茶，佢好惡咁樣話而家剩係得晚飯，我哋再睇個餐牌，望到佢牆上掛嘅紙，介紹食物，佢又話好惡咁話你睇個餐牌啦，問佢一啲餐牌上嘅嘢食，竟然仲會有反白眼，由頭到尾嘅態度都實在係太差，係我去過咁多間餐廳，態度最惡劣嘅一間，詢問食物餐牌，竟然會有反白眼同呼喝聲音對待，可想言之冇禮貌到乜嘢程度，點解香港啲餐廳會變成咁，我一定唔會再去，最後叫咗啲嘢都無胃口食，啲嘢食都唔好味。一個10分之差嘅體驗！如果有負五星評分，我一定會比負五星！

正宗嘅大件夾抵食😆係香港真係從來未食過份量咁多嘅越南撈檬，超級多炸蒜之餘，啲米粉、雞絲、其他生菜配料都毫不吝嗇，一人麵好似二人份量咁👍🏻搞到我相信元朗人真係大食啲同食嘢偏重口味啲。本來我叫撈檬就係想食得清淡啲，點知原來可以咁重口味😂果然正啊😎碗麵以呢個價錢嚟講，我真係冇嘢好挑剔，首先佢個手撕雞嘅肉真係啖啖肉，冇咬到筋之餘，亦都唔係全部都係肥膏，有機會係雞髀嚟添，好juicy，一啲都唔乾身。撈檬嘅魚露汁，亦都放喺桌上自助形式任拎，鍾意落幾多就落幾多，悉隨尊便，鍾意甜甜酸酸又得，唔落或落少少食清淡啲都得。呢間專做街坊嘅舖頭亦都好細心，舖頭內有大型電視機播放，街外嘅閉路電視📺，比揸車嘅朋友注意一下路面情況，避免俾人抄牌😎老闆真係好好人👍🏻如果入元朗一定會再去🤣

呢間越南餐廳都食過好幾次， 今日應該係最後一次， 話說本來埋單應該$164 ， 但收$190 ， 你呃幾蚊都算數， 呃成20幾蚊其實都幾離譜， －句話電腦出錯， 就當無事， 相信都唔係第一次， 一碗生牛肉河$64， 加幾粒超細牛丸收$90 ， 又無端端收廚房收寫單$4 聞所未聞 ， 害郡之馬影響香港飲食業， 同埋已經向嗰位冇記性又成日落錯單老婦夥計講條數唔啱，但係佢堅係話啱，最後要同老闆娘拆清楚條數出嚟睇先話係原來電腦錯！ 知道飲食業難做但係都唔可以咁樣呃人😡

元朗河內越式小館的越南手撕雞椰汁酸湯檬粉一如既往，份量大碗，足夠兩人分享。材料非常豐富，雞肉鮮嫩，檬粉口感不錯。不過，這次的湯底沒有以前那麼濃郁，少了一點讓人回味的香味，有點失望。蝦餅有4件，雖然比較薄，但味道還不錯，蝦的鮮味還是能夠感受到。雖然分量少了一些，但整體來說還是令人滿意的。值得一提的是，這家餐廳的服務方面還有進步的空間，服務速度還可以。但服務人員的態度還可以更友善，也可以更寛容一點。整體來說，元朗河內越式小館的性價比還是不錯的。雖然有些地方需要改進，但這裏的菜色還是值得一試，尤其是對越南菜有興趣的朋友們。希望餐廳能在服務和湯底方面做得更好。

🍽️食物方面：🐮越式生牛肉湯河粉💲62牛正 湯好飲 但份量太多 食剩一半麵咁🐷香脆豬頸肉絲拼扎肉絲撈檬粉💲62貪心嘅懶人揀呢個 切絲上方便食🍯蜜式燒豬軟骨4件💲33金沙骨嚟 味道ok 但唔係我想要嘅嘢🥲熱檸水/菜蜜🆓🔈環境方面：Lunch唔駛等位 老店姐姐有啲惡💬其他資訊：河內越式小館 📍元朗鳳攸南街33號地舖ℹ️星期2休息(假日除外）

元朗雞地出名多野食食次就試下呢間河內越式餐廳星期六2點後入去即有位，期間人流不斷👍🏻近住小學果邊，鳳攸南街🫰🏻舖面都算大，又夠開👍🏻冷氣夠，坐得都舒服👍🏻👍🏻越南手撕雞椰汁酸湯檬粉$62都幾大碗！好多檬粉！😍手撕雞份量多👍🏻👍🏻椰汁酸湯幾正！少少酸，開胃👍🏻👍🏻椰子味唔算好濃，整體好好食！推薦🔥越式蝦餅飯$62 蝦餅有4件，香蝦味，咬口唔錯😋😋👍🏻點埋個泰式辣醬一流👍🏻豉油白飯就普通左少少，白飯係普通米，味道同口感都一般總結：有下次！白飯建議轉食檬粉🙇🏼‍♂️餐牌選擇超多！花多眼亂，多人一齊食就正👍🏻👍🏻

今日有事要過元朗雞地，所以諗住順便於附近買埋午餐外賣。家人想食越式湯粉，經網上平台訂河內越式小館外賣自取，有75折優惠。確認訂餐後大約15分鐘就可以取餐，唔需要等太耐。三寶湯粉 - 豬扒及雞翼OK。火車頭湯粉 - 材料算豐富，有生牛肉，牛腩，牛丸，牛肚及牛柏葉，感覺大滿足。蒜蓉包 - 始終係外賣，已經凍咗，不過仲係香脆。整體材料豐富，湯唔會太咸，味精就間間都會落的。服務方面由於只限取餐交收部分，所以不作評論。

係雞地既呢間越南野，位置幾隱蔽，夜晚收工同朋友過嚟食。入到去員工服務態度好好，餐牌都有好多選擇，總會有一樣嘢啱食。我叫咗個烤牛肉撈檬，一上到黎望到碟野有勁多牛肉，每塊都大大塊，起碼有成十塊咁多，而且食落啲肉一啲都唔鞋，好滑好夠味，加埋啲汁食埋碟粉好正😍真係超級足料，勁抵食。另外仲叫咗個手撕雞飯，手撕雞又係成半碟都係，食極都仲有，不過佢哋嘅手撕雞唔係平時出面食開嗰隻味，我諗主要係黑椒做調味？如果送飯清清地一流。

下午茶時間入到去指住個下午茶餐牌同侍應落單，碗野黎到仲好驚嘆覺得下午茶黎講好抵食wor，即刻share俾住元朗既朋友仔讚下呢間野。點知食完埋單先知原來收左午餐價😓 同個職員講，個職員仲話係因為我哋落單冇講明係下午茶，有啲人會嫌個下午茶份量唔夠喎。真係眼都凸埋，邊個會諗到下午茶時間入去，仲要指住個下午茶牌都可以無端端俾人收左午餐價😓嗌左個生牛河，我又唔覺得同隔離枱個嗌下午茶份量差幾遠啦😓 咪又係咁大隻碗咁多牛肉😓 另外嗌左個豬頸肉飯，得五塊勁薄勁乾既豬頸肉，仲好意思收午餐價？其實差廿幾三十蚊真係冇所謂😓 如果佢一開始有講明我哋係嗌緊lunch (而個portion真係有分別既話)，但又要將個責任推返落我哋度話係因為我哋冇指明係下午茶😓覺得間舖頭真係幾唔老實😓 總結: 絕對冇下次！

以前去元朗食大大件壽司，醉雞，葡國菜，甜品。今次朋友帶我去呢間小店，環境似茶餐廳，但餐牌上係越式美食。越式咖喱豬頸肉炒檬粉 $66因為檬粉賣晒所以轉做金邊粉，原來越式咖喱炒出黎好似星州炒米咁，有蛋絲，洋蔥，大量叉燒絲，面頭再鋪四塊豬頸肉，店員仲拎埋碟泰式辣醬比我點，成件事根本係分開兩樣。不過真係好多料，味道就係星州味。番茄素雜菌湯飯 $58呢個湯飲得出唔係鮮茄煲而係用茄膏煮，所以只嗒到酸味，成碗湯飯一件番茄都無，就算有再多雜菌也難免感到失望。

隔籬間日本餐廳冇開，諗住貪方便就入去買外賣。叫咗個雞飯同香茅豬扒飯，佢問飲乜嘢我話包唔包？佢話凍飲加三文，反正屋企大把野飲就買杯凍檸檬茶畀老婆飲。$149覺得有啲貴，但係諗住間餐廳就係噉冇問。過咗十幾分鐘之後攞外賣嘅時候覺得唔對路問佢究竟啲飯幾錢？佢話張單有寫個喇外賣加二！我就嘩咗一聲覺得噉嘅以後都唔會幫襯就走。走嘅時候再望下張單，頭先話加三文嘅凍飲變咗19文。完全係呃得就呃。返到去打開個飯份量又少又難食恐怖到不得了，千萬唔好幫襯被騙。

因為朋友來探我上班所以想找間快靚正的餐廳可以爭取多d時間去傾下計ma見到呢間食vietnam野 感覺應該都ok就入左去 叫左個綜合肉 金邊粉都唔錯 味道唔會太濃 個湯都好飲之後就係柚子大蝦沙律覺得可以再比多d汁 咁樣會出味d 因為汁唔夠多 所以就搞到好似柚子 同蝦好分開咁 呢個好推薦呀 係蝦西多士 入面d芝士教好濃岩曬我地2個人口味😆😆😆😆份量都夠正常午餐來講 都係一個好選擇出菜都好快😎😎因為成日都幫襯d連鎖店 所以諗住小店要支持下呀