河畔冰室

營業中

休息中

偶然經過，見到人不多，正合我想舒舒服服食一餐的需要。店鋪雖細，但冷氣夠，位置不太窄，環境乾淨。點了福建炒飯和羅宋湯叉燒通粉餐，先來福建炒飯，本沒什麼期望，吃了幾口後發現飯炒得爽口，餸料和汁的味道配合得洽到好處，比很多酒樓炒得更好。羅宋湯叉燒通粉很足料，整個茶餐份量十足，味道也很好。

豬手飯成碟得一舊豬手（撕碎、走肉，得返皮同骨）成碟係一粒肉都無（已經唔可以用一啖尼形容咁奢華）寧願你加價好過咁樣搵人笨👎返左成日工只想食餐飯填飽肚 都食唔飽 ！！！平時絕少網上留言 但都忍唔住要申請個ac上尼留個言👎以後會斟酌幫襯👎👎👎

餐廳設置吸煙區本身無問題，照顧唔同客嘅需要，明白嘅。但出面人食煙啲煙不停熏入室內，室內全都係煙味，食咗咁耐聞足咁耐，禮貌叫店員開冷氣通一通風，一句話唔到事，就完。食半個鐘聞足半個鐘二手煙。

這間餐廳看起來很光亮，看起來好像很不錯，不過有以下的問題，如果能夠改正就好了：（1）天花冷氣機直吹（詳見照片），非常冷（建議你客人們帶件外套），夏天一熱一冷，非常容易感冒；冬天氣溫本來就低，冷氣再直吹就更加冷。大半年前向店員反映，希望安裝「冷氣機擋風板」，結果店員說不知道是什麼，到現在也還沒有安裝，反而隔壁「惠澤坊茶餐廳」剛開張不久就安裝了；（2）店員態度一般，不敢恭維。以前有幾個店員很貼心，一星期起碼光顧4-5次，現在嘛，2次都嫌多！（3）東西是蠻好吃，但是現在價錢漲了，以前一個晚餐套餐差不多50-55元，現在55-62元。如果服務態度好一點，我不介意漲價的，但現在......（4）門口放了兩個大垃圾桶，所以會有蚊滋，特別是坐在門口外面的位子時候要特別注意！

外賣熱好立克及葡汁雞球飯！出店一睇杯飲品係啡色,行返轉頭問店員係乜,佢話冇好立克咪換杯阿華田比你囉,真係比佢吹脹,咁嘅服務態度都得嘅,唔洗同客講清楚嘅！返到屋企盒飯真係谷鬼氣雞球就冇雞粒碎就有三四粒！佢地係咪博D外賣客返咗屋企就唔會投訴呢！早D執啦唔該,唔好做衰香港美食餐飲業個朶啦

嚟過一次下午茶見地方都ok今晚就去試下晚飯，我二人但得門口中間張窄嘅二人枱，見張卡位兩個客都差唔多就等下先（諗住真好彩可以坐得舒服啲食番餐）準備落單時個侍應就話。。侍應: 我地門口有三位客，你地搬過門口張二人枱啦我: 吓！我等咗好耐就係專登等呢張卡位所以而家先入嚟侍應: 呢張係四人枱，你地係兩位所以唔可以坐呢張四人枱，唔介意嘅你地就坐個張啦！（態度極唔禮貌）我: 但我介意侍: 咁你地得兩位嘛只可以坐個張，呢張俾四人坐嘅我: （我望下枱周圍都冇貼<4個人枱>啲貼紙所以先講）你呢張枱冇貼話只可以四人坐，同埋上個客都係兩人點解佢地又可以侍應:因為當時唔多人吖嘛侍應嘅態度就係要迫我搬]我: 係咪寧願我走都要俾呢張枱你?侍應就用寸寸地眼神望望下就企開，佢回頭望個樣就係想我走攪到咁已經頂住度氣跟住我起身走同佢講"我讓張枱俾你吖吓"明白生意想做多啲，但茶餐廳嚟講2人同3人消費大約相差都係$100左右啫又可必得失個客呢，有時2人嘅消費或者仲多過3人。 如果佢唔係呢啲態度我都會讓俾佢咁樣做生意咁嘅服務態度點敢再嚟呀

開返晚市堂食，就入去試吓晚市套餐裝修好靚，又光猛又新淨老闆娘服務態度非常好！一入到去即刻話我知邊個位冷氣比較大員工跌咗嘢落地又即刻講對唔住嚇親你哋叫咗個滑蛋叉燒飯，$52包飲品同湯，都幾抵食味道唔錯，冷氣咁大，食到最後一啖飯都係熱嘅👍晚市套餐如果可以多啲選擇就更好～希望服務態度一直要keep住！！

河畔冰室 睇落去就知新開講左環境裝修先個feel 唔錯 幾聰明 用玻璃同白燈 不繼既折射反射 可以慳番唔少電費白 淺色裝飾加埋反光白色大理石感覺精神光猛價錢就收貴左點點 味道冇特別

懶得自己煮叫咗個外賣 “干炒雞絲烏冬”，去到攞嘅時候嚇咗一跳，份量只有外賣盒一半多少少。向長髮女收銀員了解，佢話”我哋比足一個烏冬你” 😳 (收$63唔包嘢飲，比一個烏冬係咪屬於正常呢？)味道一般，但份量太少所以性價比十分低。(如非別無它選，可考慮側邊越南餐廳對面金X茶餐廳)利申: 成年男性_普通正常食量

呢間食過次，都俾隻炸雞髀吸引，大大隻又炸得夠香脆，不過食落口就一d都唔覺得乾爭爭，雞油一邊食一邊流出嚟，配合埋沙律就啱啱好👍🏻！因為我曾經試過喺其他餐廳食唔夠凍嘅沙律，覺得沙律醬好水咁，所以唔鐘意！不過呢間就唔同，沙律夠晒凍！整體來講好啱我口味，好食😋！極力推薦👍🏻👍🏻

朋友話成日去幫襯，叫我去試下！不過佢叫外賣凍左都話正😂我當然要去試下堂食，冰室環境裝修幾舒服，望住街境好光猛！朋友話晚市有「黃金脆炸蝦球」「海鮮雜菜煲」「尖椒爆回鍋肉」「蜜瓜炸鮮奶」係佢飛弗 🥺可惜午市食唔到！唯有試左午市套餐先，店員話佢地一星期轉一次午餐set😆見之前有人推介嘅食物，今個星期已轉左，大家要留意下！午餐set中我選左「蕃茄煙鴨胸意大利飯」家人叫左「蒜蓉汁香煎豬扒腸仔飯」 個蒜蓉汁香煎豬扒飯一到就聞到好香噴噴，豬扒仲大塊到遮住d飯😍我個「蕃茄煙鴨胸意大利飯」嚟到，店員見到份量好似少左，立即話幫我更換，好有heart🥰加分！嚟到見到大大碟，未食已經滿心歡喜！喺呢個疫情中，對食客咁關心，值得欣賞！食物美味，店員有愛，下次一定再幫襯 同場見到好多客食河畔招牌炒米粉，話好特別，米粉好煙靭，下次就試下

之前見新開就入去食，河畔冰室個焗豬扒飯好好食，汁又好味，豬扒又juicy。而且啲嘢食都好快到，同埋冰室嘅環境都唔錯，好乾淨，啲員工服務態度又好好，好有禮貌。有機會一定會再食。

今日去開河畔花園附近 之前聽朋友講開咗間新冰室啲嘢食唔錯 就趁着堂食結束之前趕去試吓環境都唔錯 仲可以坐門口欣賞下對面河畔我哋兩個人嗌左三個下午茶set 一來有啲肚餓二來樣樣都想試吓😆首選係干炒西冷牛河 話係用西冷牛肉喎好似幾特別 食落味道啱啱好 河粉好幼滑 牛肉唔鞋 冇雪藏味 抄得剛剛好 好食 😋推薦大家要試吓另外叫咗個鹹牛肉滑蛋牛角包 平時蛋牛治就見得多 夾牛角包就比較少 見餐牌有就叫嚟試吓炒蛋系滑的 配埋喊牛肉再夾落牛角包度好夾 好香 好好食😋鍾意食牛角包嘅朋友一定要試下 店員話早餐仲會有款吞拿魚沙律牛角包添 好想試吓最後係嗌左下午茶成日會叫嘅雞髀薯條🤣店員強調係生炸….食落的確同平時老茶食嗰啲有少少唔同 咬落外皮係脆 肉質偏乾身 但唔鞋 同埋最好係無咩油膩感 唔會食到成口油 啲薯條係波浪薯條 炸到好香 好食😋飲品就叫咗齋啡同柚子茶 大大杯😄整體嘢食質素都好唔錯 如果可以再份量大啲就好啦 對於我哋大食嘅唔係好夠🤣爭啲唔記得咗講佢個辣椒醬好驚喜 好味😋

今日放工唔想煮，見有新開張就試下，價錢合理又好味！叫咗福建炒飯 、西蘭花青衣球、鮮菠蘿咕嚕肉，仔仔勁鐘意食個炒飯，食完再添飯😆！有飯又有湯，真係好抵食，好滿意嘅一餐！雖然今次係叫外賣，不過睇到入面環境舒適乾淨企理，下次一定帶埋小朋友幫襯！

河畔冰室去過幾次，每次都有驚喜，尤其個海鮮湯飯，加咗脆卜卜飯焦，勁好味！一大碗食晒湯都飲埋🤣🤣！仲有黑椒汁雜扒飯，秒殺😋！除此以外，也特別稱讚服務員態度十分有禮貌