沾仔記麵食

營業中

休息中

餐廳：沾仔記麵食地點：佐敦廟街菜式：麵餐牌：湯麵（麵，河，米），輕食，飲品，外賣生料，火鍋配料三拼淨食 $47三拼淨食有鮮蝦雲吞三隻，鮮鯪魚球三大隻同新鮮牛肉好幾片。鮮蝦雲吞皮薄餡料爽脆，見到唔少蝦肉。鮮鯪魚球好鮮味而口感滑溜彈牙，絕對係啖啖肉。新鮮牛肉都係好彈牙同啖啖肉。三樣材料都好食！加有韭黃段。淨食比配麪至少多鮮蝦雲吞鮮鯪魚球各一隻。鮮蝦雲吞鮮鯪魚球雙拼麵 $42雙拼可三樣任楝兩樣，鮮蝦雲吞鮮鯪魚球各有兩粒。麵係幼身，有蛋香又有咬口，係完美口感。配紅醋食一流！拼菜 $6拼菜有生菜，通菜同菜心揀。通菜份量好多，差唔多有半碗。時令油菜 $26時令油菜係豆苗，翠綠嫩口，加左少少蠔油就夠味。份量足有一碗。郊外油菜 $18郊外油菜有生菜，通菜同菜心揀。生菜份量足有一碗，加左少少蠔油就夠味。玻璃樽裝可樂  $8服務員即刻喺你面前開，仲附上紙飲管。食物質素唔錯，餐廳地方乾淨，裝修光猛，唔怪之得平日午餐時間都好滿，仲有遊客。

最近去咗佐敦嘅「沾仔記麵食」食麵，餐廳環境裝修簡約，餐牌簡單，主食上嘅選擇精而簡，小食款式亦只係出售兩款招牌產品，但已足以品嚐到香港風味的美食。單拼轉蝦籽撈麵（單點$47），鮮鯪魚球，好大粒，口感彈牙，內有香蔥，毫無細骨，食落有鮮味，配以蜆蚧；高湯採用豬骨、蝦籽、大地魚乾製作，湯底顏色清澈，味道清甜，內有韮黃；蝦籽撈麵，麵條口感幼身，掛滿蝦籽，味道鹹鮮，配菜包括有唐生菜。雙拼幼麵（單點$41），新鮮牛肉鮮蝦雲吞幼麵，新鮮牛肉，採用鮮騸牯牛肉製作，牛肉色澤粉嫩，肉質厚嫩，略嫌口感食落類似滑牛肉，牛味濃厚；鮮蝦雲吞，好足料，皮薄餡多，鮮蝦、豬肉比例適中，內有3隻鮮蝦，肉質爽口，味道鮮甜；幼麵採用全蛋竹昇麵製作，口感條條分明，食落帶有蛋香味道，鹼水味道微弱。大份五粒甜酸炸雲吞（單點$45），即叫即炸，雲吞皮炸得金黃酥脆，食落並不油膩，配以甜酸醬食用，味道酸甜，略嫌餡料份量比較少。小份三粒蜆蚧鯪魚球（單點$30），鯪魚球內有陳皮、香蔥，蜆蚧醬汁內有泥蜆，泥蜆肉質飽滿，口感滑溜，略嫌蜆蚧酒香味道過於濃郁、發酵味道偏重。郊外油菜（單點$18），腐乳通菜，通菜口感爽脆，腐乳口感濃稠，味道鹹香。低糖豆

【油尖旺區】【沾仔記麵食】同田慈仁喺佐敦，行行吓肚餓就搵吓嘢食，一時三刻都唔知食乜好。見到呢間沾仔記，知道佢哋都係老字號嘅麵檔，就入去試一試佢。行近先發覺原來都幾多人，張張枱都好似坐滿晒人咁，點都一定要搭枱。搵到兩個相連位置就坐低咗，就開始睇有乜嘢食。麵食嘅餸其實得三款，雲吞、牛肉、鯪魚球，田慈仁試 $41 嘅「牛肉雲吞河粉」，再飲 $8 嘅「津路烏龍茶」。佢都有夾啲料畀我一齊食，所以我都知道啲嘢唔錯。尤其係佢哋最出名嘅雲吞，真係皮薄餡靚，蝦味濃郁得嚟仲要勁大粒，一啖係食唔到一粒嘅。我就試 $41 嘅「鯪魚球撈粗麵」配 $8 嘅「低糖豆漿」，撈麵本身要加 $6 所以單餸都係呢個價。而佢哋嘅鯪魚球都好高質素，同埋都係好大粒，豆漿亦都好飲。我哋都試咗 $45 五粒嘅小食「甜酸炸雲吞」，係好足料嘅炸雲吞嚟。夾埋 $143，係可以嘅。。。（地址：佐敦廟街300號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty

沾仔記好特別, 佢無過多既配料,主打3款 (鮮蝦雲吞、鯪魚球、騸牯牛)今次叫左雙拼,雲吞拼鯪魚球,粒粒都兵乓波咁大~湯底：濃郁大地魚香味，夾幾條韭菜一齊放入口係最好食麵底: 彈牙，蛋香味都幾好雲吞：好多蝦,成粒9成都係蝦，佢係我少有食到有蝦味的雲吞,但亦有肉香！鯪魚球: 魚球細滑,但都有啲彈牙,口感唔錯, 魚味都有,因為加左啲芫茜就無咩腥味,我都食唔到任何魚骨！好好既體驗感我最驚喜係佢時菜有豆苗囉！仲係好新鮮,亦唔係比得少！推薦鍾意食雲吞麵既人去試上呢間店！

沾仔記喺一間多年老字號，主打雲吞，同埋手打竹笙麵，裏面嘅餸選擇並不多，專心做好牛肉雲吞同埋鯪魚球💪💪蝦子雲吞麵這道蝦子雲吞麵的雲吞鮮嫩，蝦子的鮮香味十足，搭配彈牙的麵條和清爽的湯底，讓人感受到海鮮的鮮美雲吞牛肉撈粗麵雲吞牛肉撈粗麵的牛肉鮮嫩多汁，與滑順的粗麵相互融合，讓每一口都充滿濃郁的肉香。撈麵的醬汁香氣四溢，口感層次豐富，牛肉亦都食得出係新鮮牛肉，落啲辣椒油超正🤤🤤🤤炸雲吞炸雲吞外脆內滑，餡料豐富，搭配醬料享用更加美味。白灼豆苗白灼豆苗清新爽口，保留了蔬菜的原汁原味，搭配輕盈的醬油，讓人感受到健康的魅力。這道菜品作為配菜十分合適，能平衡其他較重口味的菜品。

🌟放工返到屋企，梗係要打邊爐舒服下啦！今次去咗九龍油蔴地廟街嘅沾仔記麵食買咗幾樣生鮮食材返嚟，真係超正。✨首先買咗生鮮蝦雲吞一打，$68。啲蝦雲吞真係大隻又鮮甜，餡料豐富，蝦肉爽口彈牙，打邊爐嘅時候放落去煮一煮，啖啖蝦肉，真係無得彈！✨再嚟就係生鮮鯪魚肉半斤，$44。鯪魚肉滑溜香口，打邊爐嘅時候放入湯底，吸收咗湯嘅香味，鮮味十足。鯪魚肉片片厚薄適中，煮耐都唔會散，好方便食。✨最後係生鮮騙牯牛肉半斤，$72。啲騙牯牛肉真係超嫩滑，油花分佈均勻，打邊爐嘅時候放落去煮幾秒就食得，口感嫩滑多汁，無論點樣煮都好好味。🌟總括嚟講，呢次喺沾仔記麵食買嘅生鮮食材質素高，價錢合理。

食咗幾日西餐，老細話要食返餐local嘢～今日響九龍公園附近行過呢間麵店，佢話幾有feel喎，咁一於入去食返餐啦！！佢個menu好簡單，主要配菜得三款：雲吞、鯪魚肉、滑牛肉～咁識食嘅梗係乜都要啦！！嚟個三拼撈粗，老細要蠔油撈，我就用蝦子撈～而家真係唔係好多地方有蝦子撈麵食㗎啦！！🥰👍🏻上枱份量嚇咗我一跳！！大大碗蝦子撈麵～唔會再加醬汁，等你食到蝦子嘅鹹香味～雲吞好大粒，鯪魚肉都係大大粒～魚肉丸綿綿之中又有啲彈口～滑牛簡直係一絕，真係好滑呀！！老細話要食香口嘢～嗌多個炸雲吞加酸甜汁，同埋一個炸鯪魚肉～～鯪魚肉就梗係要跟蜆芥啦～靈魂醬汁呀！！佢啲蜆芥啲蜆大隻到呢！！😍😅呢度嘅油菜竟然有豆苗？！🤭可以揀～夏天仲有韭菜花～睇得出係良心食店，價錢實惠，用料上盛！下次行過路過都唔可以錯過呀！！😝😅🤣👍🏻

琴日返工冇咩心情, 唔想試新嘢,但係佐敦有冇咩選擇見到接仔記開咗好多年又有分店就入去試吓. 入邊唔係好多嘢食得鯪魚球,牛肉同雲吞見到姐姐喺門口包好多非常新鮮，所以叫咗雲吞同埋牛，有蝦子麵梗係要蝦子撈啦雲吞每一粒都有三隻蝦，非常大隻足料，味道未去到驚為天人，但係好過好多雲吞麵舖牛肉係成碗麵嘅精髓，啲牛肉好似落咗生粉那個咁樣一樣咁滑，但應該天生係咁，淨係落咗少少鹽食落去爽滑冇渣好重牛味仲叫多咗碟油菜同豆漿，唔開心嘅一日帶嚟一啲甜味

好耐之前食過一次依間粉麵店，但係已經忘記左位置，直到今日個朋友帶我黎Menu好簡潔，只有幾款食物：鯪魚球、新鮮牛肉、鮮鮮蝦雲吞湯底顏色好清澈，加咗韭黃好香，而且味道就係廣東雲吞麵檔嗰款我選左幼麵，麵條有少少鹼水味，但食得出有淡淡既蛋香，我轉左蝦子撈麵，佢整得好乾身呢樣嘢係做得幾出色，而且蝦子份量都唔吝嗇，足夠每一條右面都能夠掛到鮮牛肉算係淋滑好易咬，但份量吾算多，但依個價錢都幾抵食炸雲吞普遍都比出面大粒啲，蝦肉幾爽而且彈牙，炸到金黃酥脆再配上酸甜醬食，個人黎講都幾中意小店嚟講，希望繼續可以保持水準

運動前唔想食太多，約左朋友過嚟輕鬆食個麵，簡單又滿足 😋 入到去見到沾仔記主打鮮蝦雲吞，新鮮牛肉，鯪魚球呢3樣餸，於是我哋咩都叫嚟試吓 ★̆̈ 雙拼（鮮蝦雲吞+新鮮牛肉）麵/河粉 $42 湯底清甜，冇鹼水味，仲加咗蔥，飲落香氣十足。雲吞超足料，入面起碼有三四隻蝦，蝦肉彈牙，牛肉新鮮滑嫩，加埋秘製辣椒醬，香口又惹味！★̆̈ 蜆蚧輘魚球 $30/3粒 炸魚球外皮夠薄，食落唔會太熱氣，咬開見到滿滿嘅魚肉，配埋蜆蚧醬嘅鹹香味，鮮味十足 👍而家已經好少舖頭有支裝可樂，飲落真係爽🥤

好友約我去位於佐敦廟街300號地舖的《沾仔記麵食》食雲吞麵，環境舒適，坐得舒服。鯪魚球、牛肉和雲吞都是餐廳出名的自家製品牌，可以選擇單拼、雙拼或三拼的粉麵，又可以選擇湯麵或蠔油撈麵。我點左個（鯪魚球、牛肉、雲吞）三拼蠔油撈粗麵，好友點左個 三拼湯粗麵，另外點左個 蜆蚧鯪魚球（5粒）$45。蜆蚧鯪魚球炸得外脆內嫩，魚味濃郁，點左蜆蚧更惹味；生滾鯪魚球更加係原汁原味，雲吞是店員的手作，蝦肉新鮮，大大粒，好好食，牛肉是新鮮肉片，牛味香濃嫩滑，粗麵底爽口彈牙，放湯和蠔油撈都好食。

呢間位於廟街嘅沾仔記麵食一直都久仰大名咗好耐，今次終於都有機會來到呢間懷舊老店食返碗平靚正嘅經典雲吞麵，可以品嚐到傳統嘅港式風味，順便感受下附近嘅熱鬧氣氛～雲吞河💰HK$36雲吞大大粒，外皮薄而柔軟，內餡亦非常之足料，內裡充滿大蝦肉同埋豬肉餡！食落口既有海鮮嘅鮮甜味，又有豬肉嘅香味，味道十分誘人！河粉口感亦非常嫩滑～雙拼麵💰HK$42雙拼叫咗雲吞同埋鮮牛肉，雲吞皮薄餡靚，牛肉鮮嫩得來又帶有自然嘅肉香！湯底清甜，麵質爽口彈牙～蠔油豆苗💰HK$26豆苗脆嫩清甜，表面嘅蠔油亦為豆苗增添咗濃郁嘅鮮味～✨秘製辣椒油香辣惹味，推薦食麵一定要落～低糖豆漿💰HK$8甜度適中，豆味香濃～可樂💰HK$8

今日黎左佐敦開會，經過嗰陣見到有沾仔記😍呢度出名嘅就係乒乓波咁大嘅雲吞😍除咗雲吞好似乒乓波咁大之外，其實蝦肉仲係好彈牙又有鮮味😋 最鍾意佢夠大粒，因為口感係超級充實🤪😝 除咗雲吞係signature，鮮鯪魚球都一定要食架😎唔炸嘅話其實一定會食到最新鮮嘅味道，加上無味精既上湯更可以品嘗出鮮彈口感😚我哋再嗌多一份蜆蚧鯪魚球，係順德嘅傳統小食，將鯪魚球炸得香脆再蘸蜆蚧醬一齊食，味道好惹味🫶沾仔記麵食Jim Chai Kee Noodle📍佐敦廟街300號

沾仔記麵食佐敦廟街300號地舖經開佐敦，老友推介地道蝦子撈麵，食材新鮮高質，果然冇介紹錯。😸蝦子撈麵三拼配料有鮮蝦雲吞、鮮鯪魚球和新鮮牛肉。蝦肉新鮮爽口彈牙，鮮味十足，皮薄餡靚。鯪魚球份量十足，口感鬆軟，調味處理得恰到處，牛肉肉汁豐富，口感嫩滑。湯底清甜冇味精，加了韭黃提升層次，好味道！😻蝦子撈麵，加底，加蝦子，拼山菜，香氣四溢，面層佈滿了香濃的蝦子，粗麵口感煙韌，大滿足！🤤菜心新鮮爽口，加蠔油開胃惹味，趁熱食好正！😸支裝可口可樂真係好飲啲，夠氣夠凍，飲完好舒暢。😁沾仔記麵食 食材新鮮夠地道，侍應服務態度好，還會再來。🤘🏻😎

已有60幾年歷史嘅沾仔記麵店已有多間分店，其中一間位於中環嘅分店仲獲得多年米芝蓮嘅推介👍🏻餐廳簡單嘅裝修，食物款式雖然唔多，見到牆上面嘅餐牌就係嗰幾款，勝在所賣嘅都十分出色🥢 雲吞麵加蝦子竹昇麵爽口彈牙冇鹼水味，湯底充滿了蝦子每啖都好鮮味，鮮蝦雲吞size好似乒乓球咁大粒，每粒都好足料，蝦肉同豬肉嘅比例啱啱好🐟 蜆蚧鯪魚球 $45新鮮打好嘅鯪魚肉，高溫炸到金黃色大大粒，外層酥脆内裡煙韌，魚肉好滑➡️ 沾仔記麵食 (佐敦)佐敦廟街300號地舖