泓・西日料理

營業中

休息中

在大圍較地鐵站偏離一點點的位置有間居酒屋，地方不算大，但座位安排尚算舒適，讓人感到放鬆，有時我覺得反而呢啲比較偏少少嘅舖子有他們的特色，有不一樣的體驗。《太刀魚刺身》平時很少見這款刺身，所以叫來品嚐，這道刺身的魚肉爽口，油脂冇三文魚咁多，感受到新鮮海水味，啱清淡口味的人。《雞皮串燒》這道菜燒得香口，外脆內嫩，無疑是邪惡之作，一試難忘。《牛舌心串燒》牛舌心的部位口感特別，咬下去有一種彈牙的感覺，搭配燒烤的香味，實在不錯。《芝士酒盗》這道菜滿滿粒粒芝士，口感滑溜，如果搭配飲酒絕佳，一口接一口停不下來。《日式炒烏冬》炒烏冬的香味四溢，麵條炒得煙韌十足，份量也足夠，絕對值得點來分享，如果唔夠飽食呢碟嘢就實足夠。《汁煮牛舌》牛舌燉得淋搭配入味的蘿蔔，那個汁也很濃郁，啱哂濃郁口味嘅人。《魚生太卷》這款太卷用不同魚生配搭而成，口感層次豐富，絕對比一般配搭的太卷精彩。用餐接近尾聲時，注意到隔離桌點了一瓶大酒，還滿有儀式感地用錘子一擊蓋子，詢問服務員得知，店內不時會有一些隱藏菜單，這款叫做「月桂冠（一扑入魂）」的酒，特別適合一班朋友聚會時享用。講開又講，服務員仲特意帶我參觀了二樓的派對房，一眼見晒空間容

大圍呢間隱世居酒屋，食材鮮美，酒嘅選擇種類多，係一個適合同朋友暢聚暢飲暢談嘅好地方。一扑入魂～月桂冠（隱藏Menu：可請店員推介）呢個真係玩味十足，成呈酒咁呈上，然後仲有個扑酒儀式，要扑開先飲得，既好玩又打卡able，為我地增添左樂趣。月桂冠亦係店員向我地推介， 呢隻酒充滿住芬芳嘅花香味同果香味， 味道甜甜地好容易入口，完全唔嗆口，好啱女仔飲，口感亦都好順滑，配日式料理非常合適。芝士酒盜（$58）自從上次食過一次之後就愛上了呢款下酒菜。 一嚿嚿濃郁嘅芝士，啖啖奶蘇香氣係口腔入面停留，上面加上咗鹽漬物，令芝土嘅乳香味提升，送酒簡直一流。大刀魚刺身（$178）店員向我哋推介大刀魚刺身，話係刺身中嘅魚王！難得當做，當然要一試。 師傅刀工好好，每一片刺身都係同樣厚度，一口一片。 大刀魚刺身嘅魚味非常濃郁鮮甜， 油脂非常豐腴， 魚嘅濃厚油脂甘香味十足， 令人欲罷不能。吞拿魚蓉卷（$88）呢個係我食過最好食嘅吞拿魚蓉卷， 唔單止小卷裏面， 小卷上面亦鋪咗滿滿嘅吞拿魚蓉， 重點係啲吞拿魚蓉好新鮮， 口感非常嫩滑， 味道鮮甜鮮味，油脂豐富。炸雞腿肉配自家製醬汁（$78）淡淡鮮嫩雞肉，表皮炸到脆卜卜，但

呢間位於大圍嘅泓・西日料理，位置比較隱蔽，但係食物質素絕對唔馬虎。環境舒適，燈光柔和，簡約木系裝潢營造出一個寧靜舒適嘅用餐空間，適合想靜靜嘆吓嘢食嘅朋友。唔會嘈吵，可以同朋友慢慢傾計，享受悠閒嘅用餐時光。我哋叫咗幾樣嘢試吓：首先係深海池魚薄切($178)，魚片薄切得嚟好新鮮，入口即溶，鮮味十足，完全無腥味。之後嘅鮟康魚肝 ($88)，口感滑溜，鮮味濃郁，入口即化，絕對係高質之選。壽司方面，油甘魚壽司（$28/件) 魚肉爽口彈牙，醋飯酸甜適中，整體平衡感一流；而中拖羅壽司（$48/件) 嘅肥美程度令人驚喜，入口即溶，油脂豐富，鮮甜味美。燒物方面，鹽燒告白鱔（$58/串) 外脆內嫩，火候掌握得恰到好處，鹹香適中，完全唔會過鹹。另外，鹽燒雞皮（$28) 係我嘅驚喜之選，脆卜卜嘅雞皮，油香四溢，口感層次豐富，絕對係送酒佳品。我哋仲叫咗杯清酒，配埋呢啲小食，簡直係完美組合。主食方面，汁煮牛舌（$98) 牛舌炆得非常淋，味道濃郁，醬汁滲透入牛舌之中，口感軟嫩，完全唔會韌。而牛肉稻庭烏冬（$88) 嘅稻庭烏冬麵條彈牙爽滑，牛肉片分量十足，湯底清甜，整體味道平衡，非常滿足。飲品方面，我哋仲叫咗杯青森蘋

2024年9月23日 星期一今晚放工之後係大圍附近行咗一陣，順便等老婆收工一齊食飯行經過積福街竟然見到有一間居酒屋應該係開張左冇幾耐，雖然位置唔算太顯眼，但裝修得幾有風格，感覺好似日本嘅傳統居酒屋咁，一於俾個機會佢試吓裏面既食物係點坐低咗再慢慢睇返餐牌，發現同一般嘅居酒屋冇太大分別，反而係價錢比較平，可能因為地區嘅關係，而且食物選擇都幾多，除咗壽司同卷物，仲有串燒同定食，由於花多眼亂唔知揀咩好，最後詢問咗店員嘅意見，揀咗幾個菜式等咗一陣食物就開始陸續送到，首先有秋刀魚刺身，切得好薄，睇得出師傅嘅刀工，食落去有咬口，夾埋蔥同薑蓉一齊食就完全食唔到腥味，反而有少少辣勁，食落幾開胃之後有海膽吞拿魚腩蓉卷，每件卷物上面放咗勁多吞拿魚腩蓉，一啖根本食唔晒，口感好豐富，除咗食到新鮮嘅吞拿魚腩之外，卷物裏面都有包住海膽，充滿海水味，再加上卷物嘅醋飯比較酸，所以食完都唔會覺得太膩，份量兩個人食就啱啱好跟住有小食炸雞，每嚿炸雞嘅份量都幾大，外皮炸得好香脆，裡面既雞肉仍然保持嫩滑，唔會覺得好韌，點埋醬汁一齊食會冇咁油膩最後仲有日式煲仔飯，裏面放成個魚頭同魚肉一齊煲，之前從來未試過呢一款煲仔飯，十分創新，啲

大家好今晚到了大圍泓西日料理食既呢間對比傳統日式居酒屋會有多D創新既菜式首先係銀雪魚刺身銀雪魚正常煎比較多整刺身都幾少見不過原來甘整法都OK都可以食到銀雪魚既鮮道跟住既味增青瓜青瓜係好清淡既食物同赤味增配搭都幾夾雞皮串燒同牛舌蕊串燒都好正常雞皮串燒燒得好香脆牛舌蕊都係牛舌既中間部份食落比較脆口吞拿魚蓉卷就係好多吞拿魚蓉好軟滑跟住仲有汁煮牛舌牛舌好厚切而且好腍仲有好入味既蘿蔔 最後就係泓炒飯炒得好香口有幾多雞肉

大圍一間新店，主打日式料理整體體驗都唔錯八爪足（$188）⭐️⭐️⭐️⭐️呢道冷盤刺身好鮮美八爪魚既肉質滑嫩且富有彈性，每一片都切得均勻，色澤透亮。搭配上清新的檸檬汁同少許既醬油，增添左幾分鮮甜同清爽既口感👍🏻👍🏻海膽吞拿魚腩蓉反卷（$158）⭐️⭐️⭐️⭐️海膽同吞拿魚的細膩相互融合不過吞拿魚蓉嘅味會重啲反卷的米飯恰到好處，軟糯口感層次分明鹽灣活白鱔串燒（$58）⭐️⭐️⭐️⭐️⭐️必試！雖然價錢上我都覺得有少少貴但係佢嘅白鱔肉質好滑嫩，燒完之後散發出的鹽香味加上佢嘅醬油，烤得恰到好處外焦內嫩！出色雞翼串燒（$28）⭐️⭐️⭐️⭐️雞翼外皮微微焦脆，內裡的肉質鮮嫩多汁汁煮全目鯛頭（$148）⭐️⭐️⭐️鍾意食魚頭嘅話可以嘗試吓魚頭的肉質鮮美，湯汁濃郁，帶有淡淡的魚香。鮮甜

去完圍方行街唔知食咩好，但又想幫襯下小店。見到呢間居酒屋好似都幾多人推，又有好多款酒，就行遠小小去try try。大刀魚入到去見到有一個「日本時價特式刺身」menu，好似好新鮮咁，佢地做咗個火炙處理，令到刺身食落更香口肥美。海膽吞拿魚腩蓉反卷每舊反卷都有一團吞拿魚腩蓉同埋中間有位海膽。食落去帶有小小層次感，一個反卷有6、7舊，都幾划算！土佐豆腐食落兩重質感，外面皮嘅部份有小小咬口，入面豆腐部分仲係好嫩滑。加咗小小汁醬，食落幾特別炸雞腿肉配自家製醬汁新鮮炸起唔同啲，食落脆口。鰻魚炒飯

大圍出名多嘢食，今次試咗呢間西日料理，質素好唔錯，推介俾大家黑松露深海池魚 $178刺身係薄切，見到池魚晶瑩剔透，入口充斥住滿滿嘅魚油香同黑松露味，魚肉肉質略帶彈性，鮮味十足😍魚生太卷 $108一上檯真係o咗，因為呢個卷物超級大份，包住極多魚生，包括三文魚、鯛魚、油甘魚等，呢度一份等於平時嘅幾份卷物，食完呢個都飽咗一半😂而且飯都唔係一般個飯，有調味過👍🏻雞翼串燒 $28串燒燒得好出色，火喉掌握得好好，調味亦適中，雞翼肉質滑嫩牛舌芯串燒 $58牛舌芯有翻咁上下厚度，同樣燒得好好，香氣十足，入口有咬口之餘唔會太韌汁煮牛舌 $98牛舌煮得好入味、軟嫩，除咗牛舌之外仲有大量白蘿蔔，調味方面薑味超級濃郁，帶有薑嘅辣味，好適合冬天食泓．炒飯 $98食到最後其實已經好飽，但試咗啖炒飯之後都忍唔住食晒，炒飯嘅配料超級豐富，用咗日本米，仲加咗胡椒增加香味

環境裝修唔錯，好有氣氛，燈光柔和，令人感覺好舒適，除咗地面嗰層設有多張座位，樓上仲設有機器可以同朋友一齊唱k！餐牌選擇唔少，有多個種類可以揀，有前菜、串燒、刺身、鍋物、甜品等😋😋😋日式凍蕃茄 $48原個蕃茄切開一塊塊薄片，加埋沙律菜同醬料一齊食，好清新好開胃😻😻八爪足 （時令） $188八爪足刺身好新鮮，冇雪藏味，食落好鮮甜同爽口~黑豚露旬卷 $48推薦！黑豚肉好juicy ，包住露旬好易入口，燒得好香口，唔錯🤤🤤🤤雞翼串燒 $28外層燒到微脆，咬開入面肉質好鮮嫩，好多汁😍😍😍士佐豆腐 $58豆腐好大舊，外層好香脆，咬開入面好滑，調味唔錯，值得一試！吞拿魚蓉卷 $88 推薦！！呑拿魚蓉好新鮮好好味，入口即溶，飯粒本身已有調味，唔洗落豉油都一樣好好食！牛肉稻庭烏冬 $88 好足料，烏冬煮到啱啱好，軟硬適中，牛肉好嫩，配烏冬一流😋😋😋一扑八塊 $5881L嘅日式酒品，人多可以叫黎一齊玩🤣🤣🤣扑開再倒入各個酒杯，有得玩又有得飲！

朋友住大圍想搵個地方 唔係商場方便泊車揀咗呢間日本餐廳 環境唔錯好適合傾偈日式凍蕃茄$48加上和式醬汁 蕃茄新鮮多汁作為前菜唔錯-壽司選擇都又唔少吞拿魚蓉卷 $88 性價比OK因為除咗卷裏面嘅吞拿魚蓉上面都有豐富的吞拿魚蓉 口感更rich八爪足刺身$188口感好新鮮 八爪魚質感比較爽口好適合送酒 刺身都係每日新鮮運到所以都比較值得吃朋友比較鍾意食炸物呢款炸雞腿肉$78 配上自家製醬汁炸粉的味道是比較和風的感覺有少少似唐揚炸雞 啖啖肉 唔係預先製作雪藏嗰種泓。炒飯炒飯有唔少配料 例如豬肉粒 各種蔬菜等用咗日式醬油 份量都比較大方串燒都有唔少選擇

過兩日情人節，但唔想同人迫，提早兩日去大圍一間小店食情人節套餐。餐單好豐富，燒物、刺身、壽司、料理樣樣有齊。兩款牛舌一個薄燒，連大蔥同蛋漿食可以混和油膩感；另一款牛舌心串燒，軟硬程度啱啱好，連埋露筍豚肉串同免治豬肉串，口感同味道都好豐富。炸雞份量好多，外脆內有肉汁，同他他醬好夾。重點係刺身同壽司呀！！！絕對係高級食材，全部都好新鮮，而且厚切，一啲都唔慳皮。首推海膽好鮮味，亦好大舊，食完好耐個口都有浸鮮味。我哋點多份日本生蠔，勁大勁creamy, 處理得非常仔細，加埋三文魚子更有口感。料理主食有肥牛烏冬，肥牛肥瘦均勻，湯底清而不膩，有飽足感。成餐唯一左口魚邊壽司略咸，可能醬汁重手咗啲...餐廳仲有二樓，我八卦上去望下，原來係超大一個廳，有埋電視音響，可以唱K, 好少有咁正嘅party venue, 如果有十個八個朋友食飯就最啱...（老細話食到天光都得）餐廳仲有好多日本酒，多款精緻靚酒杯配月桂冠，完美！☺️咁多嘢食只係$798，淨係刺身壽司都值回票價！

去居酒屋食嘢，款式都會相似，所以質素好重要。我哋就從幾樣經典嘅種類，去測試吓呢間鋪頭嘅食物質素。🍖前菜同小食，對於我嚟講前菜都會選擇新鮮嘅沙律，要做到refreshing嘅效果，蔬菜嘅質量就好重要，我哋揀咗原個凍蕃茄，出嚟嘅效果係一片片，但係其實系可以合成一個，睇得出成個蕃茄非常飽滿，裏面超多汁，而且，外皮相當完整，脹卜卜。居酒屋當然要叫酒，酒盗芝士就係最好嘅送酒佳品。芝士非常濃郁，配合上面嘅鹽辛，兩隻嘅鹹香，正正配合到清酒既芬香。🍖刺身同壽司，呢度每日都有飛機貨，我哋問咗今日嚟嘅係靖魚，所以我哋就叫咗個刺身，真係不得了，魚嘅味好出，肉質有彈性，唔會腥，加上佢嘅wasabi， 唔係， 應該係話新鮮磨出嚟嘅山葵，同埋薑蓉，真係非常襯到個魚嘅味道。壽司我哋叫咗北海道帆立貝，左口魚裙邊同埋赤蝦，新款嘅肉質都係非常豐厚，再加上佢本身係用上醋飯，唔使點醬油，已經好好食。我特別鍾意左口魚嗰種燒過之後嘅油香，真係好夾個醋飯。🍖煮物同串燒，黑豚露筍串同埋鹽燒白鱔，兩者都啖啖肉又非常香口，又係另一sake既良伴。但係我更鍾意汁煮牛舌，厚切嘅牛肉，用個甜嘅醬汁去煮非常入味，但係佢又甜中帶辣勁，所以你會越食

在情人節這個浪漫的日子，來一頓特別的晚餐真是太正了！這次的菜單不但好看，還特別美味，每道菜都讓人感到驚喜。首先，蕃茄沙律清新又開胃，紅紅的蕃茄搭配特製醬汁，吃一口就讓人心情愉悅。接下來的芝士酒盜，濃濃的芝士味加上酒香，讓人一吃就愛上，特別適合開胃。配埋酒 簡直係一流。主菜方面，雞翼串燒、黑豚腩串燒和大蔥雞串燒簡直是完美的組合！炭燒的香氣讓人忍不住想多吃幾串，尤其是黑豚腩，肉質滑嫩，油脂恰到好處，真是美味。刺身拼盤是這頓餐的亮點，三文魚和油甘魚的新鮮搭配，還有深海池魚壽司和赤蝦壽司，讓人食指大動。帆立貝壽司的鮮甜搭配士佐豆腐的清爽，讓整體口感更上一層樓，最後的鰻魚炒飯則是完美的收尾，讓人心滿意足。這頓情人節晚餐不僅美味，更充滿了愛意，讓人感受到浪漫的氛圍，真是難忘的一晚！在情人節這個浪漫的日子裡，享受一頓精緻的晚餐無疑是最好的選擇。這次的餐單充滿了新鮮與創意，每一道菜都為這特別的日子增添了不少色彩。

話咁快又一年一度情人節今晚同老公去咗大圍食情人節飯我哋搵咗一間日式+西式料理餐廳門口掛左啲燈籠好有日本餐廳嘅feel餐廳裝修到同居酒屋一樣亦有好多唔同嘅清酒杯選擇我哋叫咗個情人節二人餐，選擇都有好多前菜嘅蟹籽沙律，切得好幼細，醬汁好多好開胃五款魚生都切得好厚，好豐富炸雞腿肉好多Juice， 炸到熱辣辣脆卜卜，加上佢嘅自製醬汁，配合得好好壽司都好大件，個飯亦都整得好，夾起啲飯唔會跌落嚟，海膽都好新鮮免治雞肉棒配上雞蛋，都係居酒屋一定要嗌嘅食物牛舌芯燒得啱啱好，一啲都唔會韌蘆筍卷啲蘆筍切到好幼細，有口感之餘，仲唔會咬到有渣臨走前去洗手間，發現樓梯上面仲有個閣樓上面有個位置可以適合好多人一齊飲酒食嘢，仲有得唱K，下次可以多d 人去食

今日同朋友係大圍食日本野，呢到環境幾好，位置都好方便。鯖魚剌身鯖魚食落冇魚腥味，脂質含量適中，鮮滑可口，入口之後，魚油味道更突出!海膽吞拿魚腩蓉反卷上枱時都有D驚喜，吞拿魚腩蓉既份量好多! 吞拿魚蓉入口即溶，好好食。中間既海膽都好新鮮，食落係鮮甜，唔會苦，呢個真係一啖滿足。日式炒雜菜有多款菜類，調味適中，唔覺唔覺都食曬! 雞翼串燒燒得唔乾身，咬落去雞翼仍然係肉嫩多汁，而且原先少少鹽既調味已經好足夠! 燒雞皮比起一般既燒雞皮，呢到更加有厚度同埋嚼勁，脆得黎又有肉汁。牛肉烏冬牛肉份量都好多，牛肉唔係全熟，保持肉質嫩滑，湯底帶少少甜味，配搭烏冬好食!