影片
以上資料只供參考, 請與餐廳確認詳情
距離上次用餐不足半年，但水準已急降，今次同樣點墨魚海鮮飯，用料冇了帶子及魚，只有青口同墨魚仔，墨魚仔也太難吃，四字形容“無味太韌”，意大利飯煮得過淋，同廣東飯冇分別，只是加上忌亷、芝士同黑色素，感覺不像意大利做法，不好吃也不太難吃; 南瓜湯，一點也不好喝，正是麵粉加忌廉再加色，不知為何，以為把所有食物加上忌廉加芝士便都可以變成西餐; 沙律 –記得上次用牛仔肉為主再配沙律菜，今次不知用了甚麼肉，硬硬實實，邊邊還有肥脂，用上太多紫椰菜，口感不好外，味道也偏苦了; 主菜除了點了上述意大利飯外，還點了雞扒沙津，雞扒煎香後，放在太多紫椰菜的沙律菜中，雞扒切成一條條但無味道可言，單是菜也不好吃，要$158再加一真有點不值; 甜品是檸檬慕絲蛋糕，一向不喜吃慕絲做的甜品，所以不予置評，咖啡是即磨咖啡倒還可以 ;總的來說，今次晚餐合格水準也攀不上(公司在附近,平時都會午膳,也發覺水準時好時差,好的餐廳不會這樣)
繼續閱讀
每次來到兆和街的 Petit Bristol，心𥚃總有種無名的興奮，莫非原因是餐廳跟巴黎名廚 Eric Frechon 的 Epicure Le Bristol 名字有點相近，感覺如像在三星級餐廳進餐？喜歡 Le Bristol 那種法式小館的風格，雪白色的外型遠遠已經可以看到，荃灣區可算是獨一無二。小店面積不大，未座滿二十人經已有些擠迫。食物方面，餐牌並不是千遍一律只做法國菜式，大部分時段會加插一些意大利粉或意大利飯之類的多國美食，給食客多點選擇。午市兩道菜的套餐可以先揀選餐湯或沙律，一向自命著重健康，因此先點沙律。沙律雖不算豐富，但欣賞醋汁的酸性剛剛好，加上少許芝麻油香，效果十分清新。主菜是香煎雞腿配帶子。雞腿煎得香口，而且入口不似一般西餐的雞腿那麼粗糙，相反肉質還相當幼滑。配菜的帶子也一樣不欺場，除了擁有足夠份量之外，味道也非常甜美可口。美中不足的是友人的燒牛肩肉，縱使只是三成熟，但口感卻比較煙靱，否則整體的評分將會更高。
繼續閱讀
今晚朋友想食西餐，於是我提議去這間幾別緻的「法國小廚」，入到去看Dinner menu, 有三文魚，蝦，雞.....等。選擇不太多，於是我們叫了2份一樣的「牛柳餐」： 晚餐湯係~ 「素翅忌廉湯」，好飲！我自己好喜歡E個湯，好忌廉味，裡面有素趐，味道好夾！正！正！另外，餐包係法包（麵包軟硬適中）前菜~「凱撒沙律伴帶子」，個菜比較咸，帶子剛剛熟。一般！主菜「牛柳」份量比較少。牛柳面煎得幾好，七成熟，剛剛好！裡面又不太生，肉味也夠，配埋芥辣，正！伴菜也不錯，有勝瓜及烤薯仔。（反而朋友個碟就比較多血水， oh! No! ）餐涷檸茶，檸檬比較酸，茶底一般。之後，來的甜品，我覺得驚喜，好味噃！，但分量比較少，再大件D會更好！這個晚餐總括來說，分量比較少，女仔食差不多，男未必夠。
繼續閱讀
最近出現在荃灣區多了！發現在荃灣某處有間别緻的法國餐廳，門面不大，但就是會令人察覺得到！適逢在我生日那天，決定要在這餐廳慶祝。雨田先生一早已安排了餐廳的一個角落位，靜靜地跟我渡過我的（29+1）的來蒞。這夜的慶祝非常豐富，雨田先生知我喜愛生蠔，特意柯打四隻法國生蠔給我作頭盤，肉質不算肥美，但較creamy，亦帶點海水的味道。品嚐完生蠔，再來一個餐湯+麵包，麵包微温，鬆軟；若可以添食就更好，因雨田先生超愛食麵包哩♥再來的是鴨胸沙律，這個超棒！新鮮蔬菜配黑醋，感覺清新爽口；鴨胸囗感很腍，一口鴨胸肉，一囗沙律，味道適宜！其實到此已經五成飽，但還有主菜未上場！我點的是牛扒，七成熟（其實想要五成熟）牛扒有少許un, 是太熟的關係嗎？！但配牛扒的醬汁很好味。雨田先生點的是羊扒，羊扒沒有騷的味道，個人認為羊要帶點騷味較好。兩份主菜的配菜較合我口味，我還是喜歡食蔬菜多一點，嘻！最後，因為我倆太飽的關係，雨田先生一早買定的蛋糕也只好帶回家跟媽咪慢慢享受。
繼續閱讀
約左兩個寶貝食下飯傾下心事~預計喺荃灣區搵個坐得舒舒服服靜靜地的地方無意喺網上搵到呢間餐廳,好大胆咁決定訂枱一試到左開飯日子,喺條街到搵左好耐都唔見呢間餐廳,終於見到啦~~好簡約的門面,唔難搵的但係唔攘眼,相當底調,心感不妙…担心餐廳的出品會比較沉實同底調,入到去睇餐牌.睇佢的裝飾,睇埋佢的擺設都好精緻,令我有眼前一亮的感覺,服務員拎左個餐牌比我地睇,當日有几個SET LUNCH睇落款式唔算多,有湯有沙律有鷄有飯有意紛, 仲有咸豬手~豬手好吸引,問左服務員係脆皮的,所以決定一試湯 西蘭花磨菇忌廉湯~好香磨菇味~磨菇打到細細粒好有口感, 几種材料份量配合得啱啱好,唔會太結,上面加左個花花印~感覺細心又溫馨,沙律 – 鴨胸凱撒沙律,鴨胸好似另外叮過,有少少暖,而且有少少專為鴨胸調配的汁有少少酸又唔會太搶, 凱撒沙律汁味道唔錯,唔似係買返黎的貨式.蔬菜相當新鮮冇黃冇爛,唔錯~!主菜燒鷄胸意粉(唔記得影相) -鷄胸外層有點金黃色,似係塗左經調味的密糖再拎去煎,邊位的鷄肉燶得比較乾身,但中間部份又熱又有肉汁,好味唔錯~咸豬手 – 相信係餐廳的招牌出品,服務員問我地切唔切~我地要求自己切~豬手份量相當大隻,好入味,相信醃製超過8小時~焗得相當好味,唔會太咸皮脆肉軟,又唔會太乾身,配合埋又靚又新鮮的酸菜,清清肥膩感覺又開胃,真係好味~唔錯~~值得再試!之後我地再每人點左一件蛋糕~服務員話所有甜品都係店師夫做~聽完之後我地相當高興~!意太利芝士蛋糕 –芝士部份唔係咁濃味,我中意重酒味浸到好淋的手指餅,兩者配合得相當適宜,輕輕哂上咖啡粉,整體感覺唔錯!法式焦糖蛋 – 好香蛋味,唔算太甜,上面一片糖又薄又脆,好味美個紐約芝士蛋糕 – 好重芝士味~睇個樣係以為好鬆軟,原來係實的~但實得黎又有種好柔軟的口感,真係估佢唔到咁出色~!食完之後加多杯熱檸水清清腸胃,再傾下心事~完成左呢個小聚會~真係意外地好~!雖唔係乜野5星級作品,但絕對西餐誠意之作~冇比周圍的氣氛影響到餐廳對食物美感的堅持~!!絕對值得再去~!!
繼續閱讀