法式餅店

營業中

休息中

🧡忌廉明太子扁意粉 $115忌廉明太子醬十分濃郁，充滿鹹香。意粉亦非常掛汁，值得一試👍🏻🐓忌廉卡津雞肉扁意粉 $128忌廉醬香濃，但略嫌重蒜蓉味，吃完後口腔充滿蒜蓉的辣味。但卡津雞肉嫩滑，意粉的份量亦不少🙂🍅餐湯：蕃茄湯 跟餐足料，有不少蕃茄和洋蔥粒，味道鮮甜。而且配上六粒香脆蒜蓉包粒，沾上蕃茄湯吃非常美味🤤☕️鮮奶咖啡 跟餐+$10拉花是簡單的心型，賣相漂亮，奶滑香醇，以這個跟餐價錢而言十分不錯👌🏻

早前復活節遊數碼港商場，起初，想幫襯 Recharge Cafe，問客戶服務員喺邊度？她回答當日無開！發現有部份餐廳竟然無開！ 於是，在商場內外兜個圈，無意中才發現有間甜品店 <法式餅店 Patisserie Les Amis>！還供應輕食、甜品及飲品！正貼合我要返酒店做 Gym，Gym 後，我會在酒店買外賣返酒店房食！店子裝潢優雅，空間感充裕，可選擇室內還是室外用餐；如果選擇室外，店員會給予外賣餐具。如果好天，還可以欣賞黃昏景色！Latte $40水溫頗熱，讓咖啡甘香發揮得淋漓盡致！口感香滑順喉，味道醇厚的！Mini cakes $50/ 3pcsRaspberry 蛋白餅 口感輕盈，餅碎四散，還夾雜士多啤梨果占，粒粒士多啤梨果籽！口味清新不甜膩！Hazel Tart栗子蓉軟滑，味道甜美的，撻身香脆，略嫌厚身！Opera表面有薄薄的朱古力，鬆軟的海綿蛋糕、塗上一層薄薄的忌廉提升口感層次，朱古力海綿蛋糕不算好甜！

數碼港入面嗰幾間餐廳都差唔多試過晒，佢個位置喺停車場扶手電梯上去，一入商場，地產舖隔離，次次經過以為佢係間Cafe，飲吓嘢，食吓甜品咁，原來佢有意粉叫，諗住求其一試嘅心態，冇諗過啲嘢咁好食，首先叫咗一個沙律，個沙律冇乜特別，跟住一個肉醬意粉，跟住一個虎蝦辣意粉，嗰兩個意粉係出奇地好味，我老公係一個肉醬意粉迷，佢竟然話呢個意粉係佢食過最好食，話以後會特登入嚟食佢個肉醬意粉，我個虎蝦辣意粉都好味，個虎蝦係爽嘅，意粉亦都入味軟硬適中，由於太好味，最後食埋個甜品，但係選擇唔多，唔知係咪因為賣晒？最後叫左一個藍莓mini cake同cheesecake，我估蛋糕會唔會係佢哋比較出名嘅？希望下次嚟可以多啲款式揀，想試佢嘅朱古力波

食到一半，都係忍唔住要寫個食評記低佢，因為個意粉真係好好味😋😋在一個悠閒週末，我終於搵到一間可以Hea嘅地方，同時又食到一D有水準食物，價錢又真係唔貴。望住個開陽寧靜的環境，食到有heart嘅食物,真係好滿足👍🏽👍🏽😎

個人真係好鍾意食芝士蛋糕，特別係硬身嗰隻。日式🧀蛋糕都好食，但係切起身太輕，相比之下再邪惡啲😎，再濃味啲嘅紐約芝士蛋糕更可以滿足我對芝士嘅熱愛😙佢嘅芝士味好濃，唔會好似有啲店鋪咁落咗好多粉嘅感覺。士多啤梨嘅伴碟都好靚，咁好嘅天氣☀️，望住個海🌊，同frd傾下計＆食個下午茶就最適合不過喇❤Patisserie Les Amis🍽薄扶林數碼港道100號數碼港商場3樓320舖#nataliefooddblog

流感肆虐，都唔敢去太遠嘅地方，今天就去咗數碼港行下。係呢度搵到一間室外嘅cafe☕️，環境開闊，曬住太陽聽住音樂好舒服。 pizza有唔同嘅餅底同埋味道選擇，餅底焗得非常之香脆，可以睇得出係手工整嘅。試咗沙律🥗同四款🍕而我最鍾意嘅就係一個芝麻菜➕烤雞🍗pizza。好鍾意佢放咗用嚟做沙律嘅芝麻葉係面頭，好香好好食。搭配芝士口感好fresh。 其實呢度真係好啱一家人或者係情侶放假嚟行下，出邊有一個好大嘅露天平臺，仲可以係草地上野餐添！

原本都沒有打算為這家餐廳寫食評，但是實在太差，所以真心想反映一下，希望餐廳能夠改善。話說今日在數碼港食午飯，本身已經沒有太多選擇，見到這間Cafe樣子不錯，就不如入去吃個午飯。點了這個蕃茄虎蝦闊條麵，價錢都不算便宜，都要$90 ，而且沒有附送餐湯餐飲。在收銀處下單了後，等了一會，店員把意粉送到。吃了數啖麵條，小妹發覺這碟意粉所謂虎蝦，賣相和普通海蝦冇分別，體型細小，飲茶燒賣上面隻蝦都可能大過佢，而且整碟意粉只得三隻蝦，蕃茄意粉的味道淡而無味，小妹在家煮的意粉好味過這裡的十萬倍，而且還敢收這個價錢，實在深感不值！希望數碼港能夠引入多些餐廳同客人選擇！

Lovely salad, pasta and pastries.Slow Sunday lunch. Sip of coffee, watch the world go by. That’s all that one needs.

放假時應該放開平時追趕的步伐，放慢腳步來慢慢嘆番個下午茶時光。點了一杯cappuccino 和一件Mille Feuille, 懒洋洋的坐在梳化位，一邊聽音樂一邊品嚐美食，數碼港商埸人流較少，可舒服地享受。這款糕點是店員推介的，果然不錯。酥皮餅好鬆化，入口颯颯聲，好酥脆。餡料有兩層不同味道，一層是custard, 另一層是咖啡味， 好滑溜，好濃郁，味道不會太甜，最適合一眾少女們。Cappuccino 質量相當好，甘味誘人， 飲後餘韻力強，濃濃的咖啡香氣撲鼻。

这个间刚刚法国学成归来的女孩子开的店，有室内有外摆位，风景好靓！carrot cake同蟹肉三文治都好好吃，咖啡也好好饮，下次再来还会来这里最重要是店主好热情，对食物的评价及了解程度好到位。足见食物多么用心！好衬这么靓的风景呀～

［午市抵食@數碼港］煙三文魚忌廉芝士貝果 Smoked Salmon and Creme Cheese Bagel ($60)評分: 8/10叫朋友入數碼港陪我食飯係好難既一件事，原因係大家都覺得數碼港無好野食 =.= 作為喺數碼港番工既 foodie，我想講的是其實呢度係有 hidden gem 㗎。呢間開業一年既 Les Amis 專售精緻既西式糕點，午市更有供應輕營主食，今次推介既就係煙三文魚忌廉芝士貝果啦。其實香港好少有地方食 Bagel。曾幾何時，鰂魚涌既 Bago 係小妹至愛，可惜後來質素麻麻。雖然 Les Amis 唔係 Bagel 專門店，但口感紮實得黎又唔會難咬，軟硬適中。加上成吋厚既 Creme Cheese 同新鮮既煙三文魚，食呢個做 lunch 好健康～跟餐加 $30 仲有法式甜品添，認真有質素㗎 P.S. 事緣小妹得知有朋友啱啱新 join 喺數碼港番工，日日都剩係食數碼港四座 canteen 仲食咗一個月 =.= 因而啟發咗小妹的起心肝喺 Openrice 寫食評!!~

上星期完了seminar後，無意中選了這間小店歇一歇。遇上一位很健談的叔叔介紹了店內一款Apricot cake，蛋糕造型精緻，有杏脯的香味而不腻。細談下知道店舖是父親為女兒開的。他的女兒本身是在外國讀營養學，所以對食物的質素及味道有要求，曾經為某高官女兒造了leaflet中的結婚蛋糕。店舖名稱譯作"朋友"，三朵花本身是可製作食物的材料，三種顏色代表法國。真令人感受這父親的心思及偉大。

重臨驚喜小店，今次試了兩欵cakes。Tropical Island 融合多種夏日水果，內𥚃是 Pineapple Almond Cream, 然後外面的crumble jelly分別由香蕉、芒果及passion fruit 組成，味道非常有層次感！另一欵看似金莎的Banana Planet，外皮是Crispy Praline加Chocolate Mousse，𥚃面是香蕉Jelly，食落蕉味濃濃~店主話通常會在早上製作一欵cake，完全是用心手作！