泛后甜品 (已結業)

黎到元朗，本身打算順便過黎B仔雞翼尖朝聖，不過實在太多人喇，唔想再等位嘅我，就去左佢對面嘅甜品鋪。鋪頭裝修簡單，仲有啲舊香港味，相信都經營左一段年頭。我去果時算早，人流唔算特別多。蛋白燉奶(薑汁） $21味道可以，奶香味出，雖然唔算好滑，但都係合格嘅水準。不過薑汁落得唔多，都冇乜薑味，當佢係普通糖醬會心理平衡啲。香芋西米露 $21最好食嘅香芋係綿綿地嘅，但呢度唔單止唔綿，仲有少少硬，搞到香芋同西米露係完全分開曬，冇夾過。唔好嘅香芋係唔香嘅，西米露雖然都算係煮得粒粒分明，但椰汁落得太少，好似飲緊米白色嘅清水咁。總括黎講，如果純粹想搵個甜品食下，係可以嘅。但如果有時間，有少少要求嘅，都係食番前面B仔會更好。

沒有B 仔大名氣，帶住狗狗要坐外面，就決定去泛后試下，發現原來比B 仔更好食！涼粉雖冇B仔咁大，但啲生果好甜好好味！生果款式又多，下次我都會去泛后唔洗再等b仔喇楊枝甘露芒果好多，一讚！服務員啲態度很都好好，唯一唔好嘅，店入面比較少位，想坐店內就要等下喇

今日行過又新街想食甜品，B仔同泛后甜品兩個選擇，都係決定食泛后甜品啦！下午時間雖然唔洗等，但舖頭𥚃面都坐咗九成人。坐底就即叫嘢食，一個楊支甘露加一份魚蛋一份燒賣。呢兩份小食都唔算貴，每份$10，魚蛋有12粒而燒賣有5粒。魚蛋同燒賣味道中規中矩啦，點啲甜醬蔴醬都幾好食。楊支甘露方面都俾得好多料，好好柚子及芒果。柚子又唔甜而且芒果都幾甜呀。個西米露底亦做得唔錯，西米好腍而且佢哋落咗唔少花奶，令到碗楊支甘露更香。其實泛后甜品水準都唔錯，除B仔之外都另有選擇~

平時見到餐廳入邊成日都好多人，終於有機會試下，叫咗海帶綠豆沙，同埋蛋白燉鮮奶（薑汁），熱辣辣嘅蛋白燉鮮奶好滑同埋有恰到好處既薑汁味。唔會太甜，又有香濃嘅牛奶味 。21蚊一碗好合理。會再去食的。

成日經過都無入去食，今次見唔洗等位就gogogogo主力都係賣傳統甜品既！🧐另一個細餐牌就係雪花冰系列☝🏻最後叫左4碗糖水同腸粉魚旦燒賣🤤凍喳咋：好足料好多紅豆，腰豆，芋頭，料係多到每一羹都大滿足👏🏻 配椰汁，一流✌🏻椰汁芒果西米露：正常味，芒果偏甜抵讚👍🏻熱既白果府竹糖水，味道偏淡，糖水口感比較漿狀，食左一半太膩食唔曬😿食糖水又點只淨係食糖水，緊係要食熱野啦！腸粉又點少得😽，食腸粉主力緊係食醬（混醬走辣醬多麻！），魚旦係細粒陳皮魚旦，燒賣雖然有d 偏粉，不過整體配合多麻醬係救到成碟腸粉，哈哈哈😼

講起元朗甜品出名嘅大家都會諗起某間英文字母涼粉，但係個人食過覺得普普通通，後來發現有人推介呢間泛后甜品又咁啱唔使等位就決定試試個人其實唔太熱愛西式糖水但見楊枝金露竟然有家庭裝好搞笑就點左黎試家庭裝楊枝金露好大碗好足料；芒果打汁加埋椰汁西米自己撈埋好特別好過癮；柚肉好飽滿唔乾身，食落爆汁好甜；芒果粒好多好濃好香甜；西米大細適中而且粒粒分明唔會黏口雖然座位好逼又好多人好嘈，但係糖水後講算有誠意，質素唔錯，性價比都算可以

和同事吃完狗仔粉，阿仔想吃甜品，三人都不想吃殿糖級和B仔，於是走到泛后。阿仔看見雜果新地，想也不想就叫了，我就叫了店家有名的甜品黑白有滑。由於同事另外叫了雞翼尖和燩蛋白，埋單約一百二十元。店員態度相對對面B仔，是比較好的。所見即所得。鮮果雪糕新地：賣相一般，雪糕普通貨色，但薄荷味那個外表不甚了了，但味道出乎意料不錯，水果也算新鮮。黑白有滑：賣相不錯，豆奶布甸有點硬，如做到像PANACOTTA的質感會較理想，我最喜歡它不太甜，配上芝麻醬剛剛好。會否再訪﹖隨緣吧。

如果係元朗同朋友飯聚的話, 通常食完飯都仲好早,大家都依依不捨離開的, 因為平時要約齊腳並不容易,大家總係想見多一面多一面, 有時唔係因為仲有好多野要傾,只係想將呢一份共聚情懷延續,平時最多幫襯的都是佳記甜品(B仔), 不過 B仔 來來去去都只係得三四款值得食,未必可以完全滿足晒每一位朋友, 所以有人提議不如試下呢間 "泛後甜品",佢係每一方面的質素都做得比較平均, 唔似佳記只係倚仗某三幾款耍家野,今晚有老有嫩, 我地叫左 好多杯西瓜冰, 有榴槤班戟, 有水果涼粉, 有綠豆沙, 芒果西米露, 西瓜涼粉, 芝麻糊等等,同行老少都食得非常開心, 沒有一個有投訴, 價錢亦很相宜, 值得下一次再試.

講到元朗，想必大家都一定會諗起佢多元化既野食，尤其系鼎鼎大名既X仔涼粉，而作為吃貨既我當然都去過X仔涼粉，但可惜感覺只是一般，於是繼續去其他同類型既甜品店覓食。泛后甜品系元朗另外一間好受歡迎既甜品店，通常甜品店都吾會太早開，呢間亦吾例外，營業時間為1300-0200。由於真系好好味，所以我已經去過兩次，一次係黃金時間，另一次係凌晨，時段雖然吾同，但共通點系一樣係咁多人，似乎X仔涼粉既新店系泛后既對面都吾令泛后既人氣減少。首先一試就係佢嘅招牌楊枝甘露，我可以講呢碗係我咁多年以來覺得最高性價比嘅楊枝甘露！喺連鎖甜品店食嘅甜品如果以呢個價錢黎講，一般只有普通質素，一定唔會有咁大碗或者咁好食。我諗呢碗既份量比平時食開既甜品/ 糖水店多一半，芒果醬同埋椰汁好分明，最抵讚既系入面真系有好多西米同埋西柚肉基本上成碗都系，我覺得簡直可以當飯食。跟住就到第2個主角出場，登登登櫈，就系「黑白有滑」。黑白有滑系呢間獨有既甜品，個名相當有趣，配料亦都係幾特別，所謂嘅黑其實係芝麻醬，而白就系黃豆製品，我食落就覺得係豆腐味嘅布甸。整體來講幾match！豆腐布甸本身唔算好甜，但加埋芝麻醬就有剛剛好嘅感覺。諗都冇諗過

今日瞓醒突然好想食腸粉，本來諗住去街口檔小食亭度買外賣，點知條街咁熱，咁行多兩步去泛后度食啦，一來有位坐有冷氣，二來一陣諗住去埋對面超市買野，順路啫。隨意坐低後看看甜品牌，都有啲糖水想食嘅，但都係食完腸粉再決定。叫了十蚊腸粉，十蚊辣魚蛋，坐定定等食。等左一分鐘倒已經有得食，姐姐好快手，仲好客氣咁比左好多豉油同好多醬，成碟腸粉浸泡在醬汁中，游水咁樣腸粉彈牙，熱辣辣又無蒸過龍，軟硬度適中，勁正呀多花生醬同甜醬，肥死都唔理啦魚彈有咬口，要了辣味都唔太辣，可能浸左係甜醬度啦。廿蚊食飽飽，糖水都係留下次吧。

有時間都想搵個地方同朋友傾下計講到元朗甜品店真係大把不過講到唔洗等位 又等得舒服就推薦泛后甜品黑白誘惑其實者係豆腐布丁 配黑芝麻布丁真係好滑 而黑芝麻都好濃如果你地下次去到唔想食涼粉咁普通可以試下

星期日居然掛上八号風球，一下風球就走到元朗探望好朋友。在yoho mall 吃飽飽後又想去吃甜品，友人就近近地帶我們到「泛后甜品」。友人極力推介店內的楊枝金露，她說來到這裡必吃的，十分足料。一行七人的我們，選了四份甜品和一份腸粉。友人是芒果控，當然選了楊枝金露和芒果班戟，而我們最後選了鮮雜果西米涼粉撈和芒果雪糕牛奶布甸。楊枝金露的確足料，杰杰的，啖啖芒果肉和西柚肉。而芒果班戟則不過不失，小朋友的大愛，我也趕不切拍下照片就全都送到口裡。芒果雪糕牛奶布甸賣相獨特，十分吸睛。雜果西米涼粉撈中八成都是新鮮水果，水果也很甜。七人共吃了$201，又是吃得飽飽的啊!

星期六係元朗食完晚飯，想食糖水所以就行左過去泛後甜品到啦，去到大約十點半到，好多人等緊位，不過拎左飛等左十分鐘到就有位了。三十幾度坐室外，未食已經出曬汗，好快叫左三樣甜品。芒果西米露芒果幾甜唔酸，西米比較淋。鮮雜果涼粉好足料，有西瓜、芒果、蜜瓜、哈蜜瓜、木瓜，食完好涼快。糖不甩好耐冇食過糖不甩，所以飽飽地都叫左一客，落左超多椰絲同花生碎，三個之中，呢個最好食。 總括黎講都唔錯，足料同價錢合理，不過夏天坐室外仲有射燈照住實在太熱。

本身打算食B仔涼粉，飯後時間，門口已經排左一大堆人等入座，食個糖水都要排咁耐，唯有放棄B仔，試下對面的泛後甜品，唔洗等已經可以入座～～Good！椰汁黑糯米（熱）椰汁夠香夠滑，拌勻黑糯米一齊食甜度剛好最喜歡食有口感的黑糯米，每粒都清楚分明，食落Q韌及有𡁻口～～芒果西米露，芒果算清甜，西米露口感夠Q彈，冰涼清爽，夏天消暑一流，食完透心涼！辣魚蛋係mini 版，咬落幾爽口但唔算入味，醬汁亦不算突出，味道普通普通的魚肉燒賣，唔餓可以唔洗點～～由於座位有限，食完15-20分鐘差不多要起身離座，快食快走～！

今晚吃完晚飯，我們四處尋找甜品店吃碗糖水，不過可能因為星期日的關係，到處都人山人海，我們最終去了泛后甜品吃過極速糖水，反正新北江結業後我們都沒再光顧。這裡都以中式和鮮果糖水為主，我們都選吃最基本的雜果西米露或雜果啫喱，另一位朋友則吃榴槤班戟。先說雜果西米露，雜果確實是鮮水果，芒果甜香，西瓜亦算清甜，蜜瓜口感爽脆，木瓜頗綿密，水果方面整體味道不俗。不過西米露水水的，沒有椰汁香氣，甚至味道可以說淡而無味，就如清水般。至於榴槤班戟份量挺多的，比一般甜品店大件，內裡不會過度忌廉，反而充滿榴槤肉，用料豐富，但香氣則一般。