泛后甜品 (已結業)

晚上與朋友到元朗吃完晚飯，友人興起想吃糖水。見B仔記等候人數眾多，故退而求其次，到附近的糖水鋪碰碰運氣。來到在又新街附近的泛后，等候的人也不少，故對糖水的質素有一定期待。可以看到店內已坐滿客人，最後我們被安排到後面街的店鋪前坐。看看餐牌，價錢比一般的糖水鋪為便宜，很附食品也是在30元樓下。最後我點了一道蜜瓜黑糯米。到餐後，發現店家非常重手，奶的份量太多了，令到整碗黑糯米都浸在奶中，感覺有點失衡。吃下去發現黑糯米的黏度不足，咬下去像吃飯多過吃糖水，另外黑糯米的甜味也欠奉，可能店家太多客人沒足夠時間準備吧。水果不夠冷凍，吃下去像放在室溫很久的感覺。整體來說以等候接近一小時的時間來說，是明顯有點失望。不過勝在價錢公道，大約30元。如對糖水味道沒太大要求的可以一試。

我叫椰汁西米露,但來左碗西米糕, 成碗都係西米, 得少少椰汁,完全唔似係糖水囉, 從來冇见過椰汁西米露係咁既樣成碗西米糕咁樣, 勁唔得, 咁樣都可以收人20蚊, 咁都可以叫西米露勁失望

一行人晚飯後搵甜品吃，元朗很多甜品店都是小店，所以人多一定會來這間，地方大又有大枱，等位也不用等太耐中式，棉花冰和普遍的糖水都有供應我們點了大碗的楊枝甘露，一大碗足夠5個人分，99蚊計返抵過每人叫一碗，而且十分足料，芒果西柚肉都很多，味道不錯相比之下，這個士多啤梨新地就很不值了，43蚊只有2球雪糕和少量果肉，不過朱古力雪糕十分好吃，味道很濃!另外點了一份老水雞翼尖，醃得很入味，店員還很細心地預備了骨碟這間店是人多的好選擇

番石榴鮮果雪花冰($46) ，綿綿的雪花冰入口即溶，番石榴香味清新，很推介，荔枝味爆珠十分過癮，加上奇異果和芒果粒，十分豐富，整個配搭傾向酸甜清新，實在是飯後解膩的不二之選。鮮雜果涼粉（細）($39) 用上新鮮蜜瓜、哈蜜瓜、西瓜和芒果，絕無罐頭食材。榴蓮班㦸 ($40) 是我的至愛，外皮輕巧，忌廉滑溜，榴蓮香濃，而且榴蓮肉給得很豪爽，有時我一口氣吃不完三件，便帶一件回家翌日再慢慢嘆！魚蛋 ($10) 元朗好幾間店賣的魚蛋，都是非一般的味美，若大家細意品嚐，會發現魚蛋有魚味之餘，也帶有一股陳皮的香味，而且魚蛋的彈牙度，絕非旺角街頭吃那又鬆又淋又無魚味的低質魚蛋可媲美，泛后是其中一間售賣傳統魚蛋之一食店，就是小時候吃到那種風味，大家不妨試試吃不吃得出那種滋味。小時候移民美國回來的表妹和港島區來的朋友，我都帶他們品嚐這裡的魚蛋，他們驚嘆都說能吃回兒時的味道呢！

最近晚晚要OT，返到黎求其買啲野食下，是晚去了買腸粉，十蚊有五條，好過自己蒸。膠袋都有啲油，搵個碟盛住食。十蚊五條，作為小食，加埋醬都夠飽的，腸粉很煙韌，豉油不死咸。最正係醬料自己落，加左大量麻醬，少許辣醬同甜醬，仲有加左大量芝麻！而加好多腸粉舖無芝麻，呢度比自己任落正喎。

佢應該係我見過最大粒既糖不甩 平時食既都係細細粒架嘛 依家成粒湯丸咁… 而且佢太濕啦 一沾糖就令d糖黏成一舊舊 糖粉入面有花生碎 但就冇芝麻 缺少左一份香味佢味道真係一般 不過就好大碟 有成8粒咁多 當飯食都得中式甜品入面最愛燉奶呢間既燉奶奶味幾香濃 配上淡淡薑味 不辣不搶味 甜度亦啱啱好😋 質地雖算滑 但太稠 蛋同奶既比例仲雖然調校下

出得街就梗係出去食下好西啦! 近近地去元朗一轉啦!食到飽飽地，最岩就係去食糖水架啦~記得大肚嗰時，老公都有帶過我黎食，不過就無咁夜，元朗真係愈夜愈精彩呀! 周圍都泊滿車，周圍都係人!!!泛后甜品梗係「飯後」先去架啦XD，我地叫左個「椰汁黑糯米」&「鮮奶燉蛋(薑汁)。椰汁黑糯米味道一般，黑糯米無乜味，而且煮到太”傑”好似食緊糊仔咁，主要都係靠個椰汁既甜味，之但係椰汁又太少啦，搞到成碗野都無乜味咁，晒左D黑糯米!!!鮮奶燉蛋(薑汁): 首先講講D薑汁，唔係好食到薑味，一D都唔辣，本身想叫D WAITER加薑汁，但老公話算了，蛋都燉好啦，如果加左薑汁就好似食緊薑汁豆腐花咁…格格不入了..D燉蛋就幾滑，整既時間剛剛好，蛋唔會太老，而且面都無氣泡，好考功夫呢! LIKE!!!

昨晚食完糖水後，買咗小食回家吃。誰知食第一粒魚蛋，發覺有沙即吐。之後好幾粒也如是，食到成口沙，真掃興！怪不得對面甜品舖小食經常有人排隊買，而這邊則比較遜色！希望老闆小心訂貨，不要讓小食影響主打糖水的口碑。

當晚，在家食過晚飯後，男朋友帶我到元朗又新街 <泛后甜品> 食宵夜！  我很少踏足元朗，晚上更加少之有少！  意想不到晚上 10:00後，這一帶很旺！越夜越精彩！ 店外坐滿食客，我們兩人一枱，期間，也有兩次一家三口搭枱！ 他是這裡的熟客，我跟他幫襯了三次，女店員拿了兩個膠碗或膠碟給我們，真貼心！  他強調從未試過如此好服務！通常他只會獨佔一張枱，而雞翼尖骨只會吐在桌上！連附近的桌子都無！被他笑說帶個靚女嚟，服務好幾多！ 店方印刷色彩繽紛的餐牌一目了然，簡易清晰！  他覺得對面那間 <? 仔涼粉> 的餐牌，看似有很多選擇！其實把每種配搭也詳細列明，會令人看到花多眼亂！ 供應：甜品、飲品、小食我們吃了一頓豐富的街頭宵夜！ 魚蛋 $10/ 12 粒他覺得這裡的魚蛋雖然細粒，卻是富有鮮味！  魚蛋食落頗結實而彈牙，喜歡其口感，由於我怕辣，只加上甜醬及花生醬，已滿載風味！ 香煎韮菜餃 $18/ 3 隻店子自家製出品的煎韮菜餃，皮薄餡豐，濃郁鮮美！  香脆而薄的餃子皮，一食便知並非雪藏貨色，餡料為韮菜、豬肉、肥豬肉粒，他很喜歡濃味的美食！

天氣凍凍地，睇完「刀下留人」之後唔知點解好想食碗熱糖水XD即刻叫MONKEY爸爸出發啦! 去到元朗成街都係車…是但搵個位放低之後就衝去食野啦喂!我叫左碗「喳喳」，上面仲加左D椰奶~喳喳內我清楚食到紅豆﹑綠豆﹑西米(其他食唔出啦XD)，紅豆綠豆煮得好綿，口感唔錯，雖然煮到咁綿但係都有咬感，甜度亦都適中。西米唔硬喎，又唔太林，一粒一粒好分明。呢碗喳喳落埋椰奶真係好正，椰奶充滿椰香，同喳喳融合一齊，成碗唔單止有片糖既甜品，仲有椰奶既香滑香甜~正!

又嚟到飯後甜品時間啦！ 首先一定係你至愛嘅榴槤班戟啦，皮薄餡靚，榴槤啖啖肉！榴連味道香濃，彌漫住整個口腔，味道久久不能散去！正。 芒果西米露，西米粒粒分明，晶凝通透，加上香甜嘅芒果汁，配搭非常適合。楊枝甘露，同芒果西米露味道差不多，只係多左啲柚子肉，味道上一樣甜絲絲， 好味！ 芒果益力多沙冰，益力多味道淡淡的，沙冰好滑好棉，加上香濃嘅芒果汁，顏色味道配搭相都唔錯。滿足也～

食完晚飯，甜品癮起，好想食榴槤嘅情況下，第一時間走左去B仔⋯點知答案係冇榴槤甜品⋯唔係第一次話冇，依家榴槤短缺咩？如果「貓山皇」有開，我就唔使搵阿B仔喇⋯結果走去佢對家糖水鋪「泛后」撞下彩啦，答案係有嘅!地方都頗為逼，坐低之後，同後面嘅客差啲背貼背，出入都唔係幾方便，但都ok嘅。落單點左一個楊枝金露同一個榴槤班戟，正！楊枝金露好足料，份量唔會太稀亦唔會太「杰」，好易入口，西米粒粒分明，芒果好香甜，正！榴槤班戟外皮好靚，有花紋咖！煙韌得嚟感覺好新鮮，內餡忌廉同榴槤比例啱啱好，榴槤啖啖肉，好香好甜，好滿足！所以話，小店唔會比大店差，用心製作係對客人嘅一大尊重。

收工太夜搵嘢吃，行極都唔知食咩好，經過呢間甜品舖，見到人山人海門口都坐滿晒人，個個除咗食品仲有十枱有七枱都有叫呢兩碟腸粉同翼尖，相信都係店舖必吃，腸粉＄10大大碟，魚蛋係我最鍾意食嘅豉油魚蛋，至於滷水雞翼尖滷得啱啱好又唔會過喊又唔會滷得太淋～泛后甜品😋😋

元朗出名多糖水鋪，但迪迪絕對不會選擇到X記（心照啦又冇服務態度又聲大夾惡收你貴一貴果間囉），而會選擇到附近的泛后甜品。名字夠特別又深刻，吃飯後甜品，當然是要到泛后甜品啦❝ 這天和朋友就即興來一個糖水之夜，迪迪因為小紅拜訪，所以不能吃冰的，就點了個熱的【芝麻糊】（HK$20），味道非常香濃，而且一點也不稀，落足真材實料呢，又大大的一碗果然還是要來中式的糖水鋪才能吃到這樣貨真價實的味道呢！而且才$20，真的很便宜！❞❝ 而朋友仔就點了個【龍眼西米露】（HK$27），這配搭好特別，也真的只有舊式中式糖水鋪才會有這樣Free的選擇呢。龍眼肉身厚而多汁，非常滋味，配上椰汁西米露別是一種新味道！❞

食左個晚飯之後覺得唔係好夠飽,可能係星期6到到糖水鋪都好多人。又新街又方便泊車,咁就去左呢間食左個楊枝甘露。食落芒果味夠濃份量又夠多,芒果又夠晒甜,但係成兜野又唔會太甜,因為佢既甘露都比到小小酸味落去,我諗食兩份都唔會糖分超標啦!而且都係二十蚊左右,夠晒平!