波仔

營業中

休息中

近排都比較多買外賣， 而且知道波仔做緊日韓美食推廣，咁今次就走去波仔試下佢哋嘅白汁芝士煙肉意粉、芝士泡菜雞粒炒飯、韓式上湯小籠包 同埋椰汁紅豆南瓜蓉，估唔到咁有驚喜！白汁芝士煙肉意粉醬汁好鮮味，而且可以均勻地撈每一條意粉，再加上煙肉夠香口，絕對可以帶出食物嘅層次質感 。芝士泡菜雞粒炒飯好有韓式味道，泡菜同雞粒份量夠多，叮過後，飯面上滿滿嘅芝士溶解曬，令每一啖飯都充滿芝士香，食到停唔到口。 韓式上湯小籠包入面嘅餡料好飽滿，而且內裹湯汁令人回味無窮。而最後食嘅椰汁紅豆南瓜蓉就超足料，紅豆嘅份量超多而且成碗甜品質感濃厚，因為用真材實料嘅南瓜打成蓉，啱曬鍾意健康又鍾意食甜品嘅我。即日起波仔多款日本及韓國產地直送美食新產品登場，而且波仔全線分店可以低至85折優惠價購買， 真係萬勿錯過!

波仔一向有多款選擇，今次試吓特價嘅清湯牛腩。清湯腩優惠價$42(原價$48)。清湯牛腩啖啖肉，牛腩比較軟身容易飽，飲埋湯汁更加滋味。小籠包：小籠包一盒有四個，餡料十足，價錢經濟實惠是不錯的外賣選擇。煮法簡單只要開包裝後放入微波爐叮8分鐘就OK，如果你想小籠包皮更加軟熟的話，建議蒸煮更好。椰汁紫米露：一向是我的最愛甜品之一，這款紫米露的材料十分多，啖啖都是紫米，椰汁味香濃，最重要是有大盒和小盒裝供應，凍食和熱食一樣好味。

我間中都買定波仔喺屋企，整番熱就食得，今期最新登場清湯牛腩有優惠，全線分店可以優惠價$42 (原價$48) 購買，咁凍唔想落街，隨時用黎做晚餐夠方便。清湯牛腩牛肉味濃，肉質夠淋，彈牙，清湯最食到原味，成袋加入熱水煮番熱就食得，份量都不少。日式咖哩豬扒飯咖哩汁濃，日式偏甜，唔辣，豬扒算淋，飯量多飽肚。瑤柱雞粒荷葉飯飯粒有陣陣荷葉香，雞粒嫩，瑤柱絲伴飯，清淡健康。飯只需叮幾分鐘就食得中式糖水今次揀左紫米露，幼滑香甜，紫米具有滋補健身和藥用功效，大人小朋友都啱食。

我印象中波仔只係賣叮叮飯，今日再去發現有大轉變，可能要貼合市場既需要，所以引入咗各式各樣既食品。除咗有叮叮飯，叮叮意粉外，重有點心、餃子、湯包、粥品、煙三文魚、CP 雞翼、蔥油餅、千層蛋糕、糖水、新鮮蔬菜等等，最後買咗呢四樣食品。日式煎餃 : 將餃子放入氣炸鍋炸，估唔到出嚟既效果幾好，個皮脆卜卜，而且餃子啲餡料好多，所以每隻都肥嘟嘟，味道又幾正，好食過好多牌子。挪威煙三文魚 ($31) : 見價錢咁吸引所以試下，大約有七至八片，三文魚豐腴肥美，油香滿溢，而且重有濃郁既煙燻味，味道真係唔錯，真心推介。👍🏻瑤柱雞粒荷葉飯 : 荷葉飯蒸完後散發出微微既荷葉香，材料有雞肉、蝦米、冬菇、瑤柱，飯粒夠煙韌，而且份量亦幾多，以叮叮飯嚟講，質素算唔錯。清湯牛腩 : 呢個係新產品，整法都十分方便，折左包裝盒成包放入滾水煮就可以，有七至八件牛腩，牛腩口感軟嫩，不過肉味再濃點會更滋味。

波仔係兒時回𢚘，今日行商場見到就買兩手。微波爐都有，幾方便。叮叮菜比便利店平，下次都買個試下帶飯先！清湯牛腩新登場產品清湯牛腩即日起於波仔全線分店可以優惠價$42 (原價$48)購買。見佢平左就買一盒加菜啦！有一湯到湯汁，幾甜。最重要無飲完口渴，味精零？！！牛腩軟牛香，似餐廳食。咁樣買仲平過自己買來整！除咗牛腩之外仲有一個牛筋位，牛脂香好重！香菇肉燥樣子不太討好，但係味道不錯！配飯一流，加埋隻糖心蛋仲正仲刺激台灣食！佢嘅冬菇粒比起肉醋粒大，但係肉操比例好多，食豬肉都抵，哈哈！南乳花生炆豬手本身覺得豬手可能會有毛？但係多慮了！有膠質嘅豬瘦肉，南乳味道唔會太鹹，花生好軟林！

屋企附近有間波仔, 所以耐唔耐都會買定啲叮叮菜，以備不時之需，anytime 半夜肚餓都可以有得食，平時又可以突然加餸，超方便！😆今次就試下佢哋新出嘅墨西哥長通粉，同埋冬菇馬蹄肉餅。估唔到個墨西哥長通粉咁有驚喜，有少少微辣但配埋番茄、茄汁、番茄粒原來可以咁好味。當然青椒、紅椒、洋蔥、火腿等等嘅配料亦都帶出長通粉嘅唔同層次，可能我鍾意食茄汁啦，所以真係食到停唔到口。😋另外個馬蹄肉餅真係好鮮味，馬蹄好爽，咬落去有唔同嘅texture，最緊要係超方便，放入微波爐叮三分鐘左右就食得，對於趕時間或者懶人一族係一種恩物。🤭

相信大家依排多左係屋企食飯，多左留意外賣優惠同即食食品嘅選擇~ 波仔作為大眾廣為人知嘅即食品牌，依排推出左港式大排檔小菜系列，又幾有驚喜喎😎-麻辣雞煲($39/原價$45) 二人份，望落份量唔少，主要為雞翼同雞膇~ 雞肉食落去唔會鞋口🐔 最重要係個醬汁都幾夠味，食得出有花椒，蒜🧄，紫洋蔥等調味，偏甜少少，送飯一流！*水煮牛肉($39/原價$45) 超惹味🌶 個湯夠哂麻辣，係越食越麻個隻🥵 好過癮！見到入面有唔少花辣，辣椒同芽菜。主角牛肉都唔差，幾多件而且易咬。-凡購買任何一款小菜仲可以加$6配白飯/+$6配紅米飯一個！一於成餐係波仔搞掂哂🍚

遇著特價幾抵食 我買咗麻辣雞煲+水煮牛肉+ 叮叮通菜配馬拉盞醬+白飯返屋企😄😄😄通菜同白飯我直接用個微波爐叮就可以同時用個大煲一次過煲熱個麻辣雞煲同水煮牛肉 成包放落水煮大約20mins 倒落碟就搞掂～好少食雞煲係原隻雞翼同雞鎚食 幾得意 食落好香 有6隻咁多☺️👍🏻 👍🏻👍🏻水煮牛肉估唔到幾好食 超好送飯 夠味又香又麻👍🏻👍🏻 個通菜同平時食嘅無太大分別 新鮮嘅 加咗包馬拉盞醬好味好多😋😋😋

以前讀書果時成日食，貪佢夠平CP值又高，同埋質素都OK，不過做野之後就好少再食喇，最多都係偶然買下紅豆沙，都幾多料，所以感覺良好。今次知道佢有得賣水煮，趁最近冇得出街食飯，所以買嚟吊下癮～冇記錯佢好似寫住話要叮7分鐘，但我最後叮咗差唔多10分鐘先得，所以可能要自己調校一下時間。叮後之後即刻傳嚟陣陣辣味，淨係睇個樣已經覺得好辣，入面嘅料都唔HEA架，牛肉都有好多片，而家幾淋身；另外配料都有好多，好似大豆芽菜、木耳等等。食落辣度都有返咁上下，香料味好重，不過都真係幾油幾熱氣，食晒之後條脷都有少少腫，不過幾十蚊又可以吊下癮，都可以接受。

椰汁紫米露係我嘅必選波仔甜品！勁傑右足了呢個係叮叮雜菜有四種菜！貪心嘅我可以滿足晒本身阿媽都喺度疑惑究竟頂才會唔會頂得順，但係原來叮出嚟同蒸菜一樣，好鮮甜亦都好夠林仲要幾種唔同嘅菜嘅味道Mix埋一齊好正魚香茄子飯好惹味本來唔鍾意食飯嘅我都不知不覺間食晒成盒！佢啲飯又煙煙銀銀， 完全唔似叮出嚟呢個湯係新野！不得了勁多料! 有松茸、雞件、瑤柱、瘦肉，好豐富！個啖湯清得來又勁濃味！屋企冇乜湯水飲嘅話買來飲都好啱波仔果然係居家必備叮叮野

依家疫症仍然嚴峻，同埋都慣咗食多咗外賣少咗出街食飯，所以波仔亦都係我選擇之一，因為佢哋款式多，無論飯類、意粉、湯、甜品、沙律等等都有得揀。早輪比較忙我又去咗波仔買飯食，買咗魚香茄子飯，另外要咗冬瓜盅、杏鮑菇、同埋喳咋糖水，魚香茄子汁濃，茄子就炆得好冧入曬味，而且肉粒加埋啲飯一齊食開胃之選，冬瓜盎湯就好有驚喜，入面有蝦米、瑤柱、冬菇粒、仲有四大舊冬瓜，而且個冬瓜又係好冧，個湯好有鮮味值得推介，杏鮑菇我本身比較少食，因為出面比較少見到，原來好有菇味而且絕對係健康之選，而最後個糖水，入面超多豆超多料，睇得出落足心機嚟煲，如果大家冇乜時間，其實佢波仔絕對係你哋嘅選擇。

因為武漢肺炎，近來都減少外出，多數都會選擇外賣自取，最近就發現分店遍佈全港的波仔有新優惠。產品選擇繁多，有飯麵、粥品、糖水、湯類、小食、蔬菜等等。由即日起至3月29日，只要like波仔社交平台專頁，於全線波仔門市購買價值$19或以上之盒裝叮叮產品兩盒，即送任何口味之細杯裝糖水一個。今次就選了燒雞脾原汁煲飯、咖喱牛腩飯及芝麻糊。只需放入微波爐叮十數分鐘就完成，真是超方便。燒雞脾原汁煲飯 $26原隻雞脾夠啖啖肉，肉質不會太乾，飯粒拌入蔥油更加惹味。咖喱牛腩飯 $28牛腩炆得軟腍入味，咖喱味道濃惹滲出辣勁，相當好下飯。附送的糖水就選了芝麻糊，質地濃稠，但略嫌甜了少許，蓋過了麻香。

波仔@樂富抗疫留家之選留家抗疫不出街買盒波仔就最佳🔅燒雞髀原汁煲飯雞髀大大隻好嫩醃得好入味飯好有雞汁味但吾會套咸估吾到叮叮飯都可以做到咁🔅香蒜蜆肉炒意粉呢個真係由細食到大我貪佢蒜味夠重叮完果陣蒜香真係抗拒吾到意粉有咬口蜆肉都好合理撈埋一齊就係正🔅海帶綠豆沙吾會太甜綠豆煮到起沙係幾吾錯建議叮熱黎食凍食估質感會比較「潔」🔅喳喳吾會太甜又好多豆食完個意粉吾夠飽食埋佢就岩岩好如果有椰汁就好啦咁會更加滑同香除左主食糖水仲有叮叮菜簡單又方便😋味道：7/10性價比高💰消費：$35

有時真係攰到唔想煮飯，更加唔想出街時，冬天一定要有飯到肚，我就要搵波仔啦。我鍾意大盒波仔飯，梅菜扣肉飯肉質嫩，梅菜甜，汁多，鹹甜好送飯，飯叮幾分鐘便食得，飯還保留軟身，不會硬和乾；椰汁咖哩雞飯，雞件大件又滑，咖哩椰汁味濃，汁杰身，飯量足，好好送飯呢！我仲會加叮叮菜，幾款菜類更健康，配豉油和蠔油，貼心。湯我喜歡蘿宋湯，湯料有一半，非常足料。中式糖水我最愛芝麻糊，香濃幼滑。即場加熱好方便，下次試埋其他先