泰中意 (已搬遷) 新店位置

今次嚟到親戚屋企附近大水坑呢間泰國菜小店，晚市時段餐廳都坐滿人，食物方面叫咗幾樣，生蝦刺身：食得出好新鮮，最特別係佢配有即炸蝦頭，每隻都食到蝦膏非常惹味豬肉碎生菜包：份量超大碟辣度叫左小辣，豬肉粒偏瘦調味適中唔會太咸，配埋爽口生菜食完好有滿足感泰式鮮蝦炒金邊粉：金邊粉材料有大蝦、豆腐乾、蔥、蛋擠上新鮮青檸汁再撈埋花生碎好香口，食落酸酸甜甜好開胃，青咖喱雞配薄餅：薄餅好香脆，咖喱辣度適中送薄餅一流，整體方面，小店來講質素吾錯，環境乾淨企理，上菜都快，黎到呢區嘅朋友可以來試試

大水坑村內有二間泰國菜餐廳，另一間店的店員和廚房全是泰國人，不過，真要在大水坑吃泰菜的話，這店是我的首選。提一提，這店有做午市和晚市，晚市由1800開始。店裡有點擠，這是香港的特色，正常不過的事，以這店的收費標準，合理。今餐點了海南雞飯，冰鮮雞，但廚師處理得好，有雞味﹑雞肉嫩滑，調味亦不錯，抵吃。其他菜式未試過，不過同行四人都讚好，想丁不會差。當天點了熱齋啡，一如所料失望，下次試試點特飲。暫時覺得這店衛生情不錯。

聽聞呢間餐廳嘅炭燒豬扒同炭燒雞扒好出名，所以我同媽咪慕名而來🫢果然名不虛傳！真係燒得好香好好味！我哋喺其他餐廳從來未食過有呢隻炭燒嘅豬扒同雞扒，其他餐廳通常都係用煎或者炸嘅方式，所以我哋覺得好特別，食落都好香口😋燒豬扒同燒雞扒都配上一個蔥油汁，用嚟撈飯食都唔錯😊我哋平日午市時間黎相當之多人，大部份人食完都會好快離開，所以等位都唔駛等好耐，而由於燒豬扒同燒雞扒都係即燒所以要等大概15分鐘，我同媽咪一路飲咖啡一路傾偈一路等都唔算好耐。呢度除咗食物好味，環境都唔錯，坐得好舒服😌未試過嘅朋友推介你哋來試吓呢度嘅燒豬扒同燒雞扒👍👍👍😋😋😋炭燒豬扒飯配蔥油汁炭燒雞扒飯配蔥油汁跟餐配嘅即磨咖啡(不用另外加錢👍)

經住係馬鞍山嘅亞妹介紹，知道馬鞍山大水坑呢間小店有好嘢食，今次黎開馬鞍山就嚟試一試…果然冇介紹，真係好好味，而且又唔貴！我哋叫咗三個午餐，全部都可以免費配熱即磨咖啡👍👍👍首先我哋叫咗一個巴馬火腿雜菜沙律，巴馬火腿十分咸香配上酸酸地嘅沙律菜和新鮮車厘茄，十分清新開胃😋跟住我哋叫咗一個叼草醬煙三文魚番茄牛角包配薯條，牛角包十分鬆脆，外脆內軟，煙三文魚配上新鮮紫洋蔥同蕃茄，十分可口。薯條亦都炸得剛剛好，金黃色的，亦都是外脆內軟，好味到停唔到口最後叫咗一個香草醬鮮蝦意大利粉，呢個香草醬十分清新，配上煎的金黃的大蝦極之野味，意粉上面仲放咗新鮮車厘茄同埋芝士碎同啲意粉一齊食十分之夾👍我同朋友都食到讚不絕口呢間餐廳啲嘢食真係好好味仲要一啲都唔貴！三個餐加埋三杯即磨咖啡都係$208，每人幾十蚊可以食到酒店級級數嘅食物😍極之推介隱世小店，讚讚讚

馬鞍山不是美食沙漠了！呢度係我食過最好食嘅無骨海南雞🤤我同我朋友都食到讚不絕口我本身唔食皮的，如果食雞皮嘅朋友應該會鍾意食，因為我朋友話d雞皮食落一d都唔肥！仲好香口！海南雞嘅肉質十分嫩滑，連雞胸都唔覺得”鞋”，好好味😋海南雞配上呢間餐廳嘅自家製香茅油飯十分之夾，個香茅油飯都好夠味，正式都可以🤤餐廳仲提供三款醬汁，每一款都好好味，我特別鍾意佢嘅自家製泰式醬汁，酸酸辣辣十分開胃👍👍👍鍾意食海南雞飯嘅人真係唔可以錯過！十分推介👍👍👍

餐廳侍應態度極差，安排座位概念嚇死人！ 成日覺得好多人會黎食，好多位唔比客人坐。迫你坐佢心目中要你坐的位置。 一張長枱可坐6人，又係4個位之間隔板。 即係可以安排4人坐一邊，唔識的2人座隔離啦！ 但侍應唔比我一家四口坐，以為有人book，誰知跟本無人預留，只是侍應唔想我們坐果度。點解話疫情下唔敢再去？ 係因為最終我們原本想坐果張枱，結果安排左全部唔識對方嘅人一齊坐，大家面對面食飯隔塊板都無！ 雖然，餐廳內有風扇，但我們坐角位張枱，就非常焗熱，空氣極唔流通，所以我們都盡快食完就走了！

一進入餐廳就已經感到職員態度惡劣,因有陪同老人家進入餐廳所以掃描安心出行比較慢,職員已經不耐煩及黑面。 入到餐廳職員安排我們近門口的位置坐下,但因覺得好熱及不夠空氣,所以轉了隔離枱坐(當時只有我們&一枱客人),職員即時用好惡劣的態度話要比返張枱佢給之後可能多人的客人坐。我們有4個人,這是一張4人枱人+一板膠板及旁邊是一張可移動的2人枱。當時沒有人排隊入餐廳,又沒有任何標示唔坐得,唔知點解唔比坐。之後我們按她安排轉另一坐位,坐位後面有擺放餐廳物品所以比較狹窄,但我們不想再因坐位的問題抖纏,所以就坐下。(後來她都是安排其他4人入坐那張枱,所以覺得毫無道理) 點餐後,發覺餐廳越來越熱及好焗,所以問職員可否開大d冷氣。而職員只話已有開冷氣給你們,就走咗去。餐到了,我點了碎蛋沙律牛角包配薯條及雜菜沙律。但沙律酸到食唔落口,薯條又少,成個餐好似得個牛角包食咁!(價錢$78都唔係平到咁既質素呀嘛)最後,剛食完最後一啖連飲品都未飲完就收野,有冇咁急呀!

該日行完山，經梅子林落富安花園離開，見時間尚早，仲有堂食，就打算搵個地方食啲嘢，富安花園對出大水坑村有幾間食店，之前試過一間日式的都唔錯，所以今天就試吓另一間泰式的。大約下午3 點時間，店外都坐滿人，可見此店都頗受歡迎，坐低見到餐牌有泰式或西式，有下午茶餐，亦有午餐，原本打算食個下午茶就算，但午市餐牌吸引好多，所以就2個人都叫咗午餐set，跟餐有餐湯及飲品，可補差價叫特飲。午餐set 如下：🔸泰式海南雞配香茅油飯海南雞嫩滑，雞味算okay, 配點的3個醬汁都唔錯，喜歡中間個薑蓉，好似加咗少許香茅味，點落好惹味，香茅油飯都唔錯，少少香茅味，飯軟熟唔爛飯。🔸蔥油炭燒豬扒配白飯見到朋友這個飯簡直驚為天人，無諗過係2大塊豬扒，豬扒仲每件都大過我塊面，好誇張，上枱新鮮熱辣，分咗朋友幾舊黎食，好好味，有炭燒香味，肉質唔嚡口，而且入味，即使唔點醬汁亦好好味，而個醬汁有香茅味，好配，點咗有提升肉味，不經不覺朋友就成碟食晒好滿足。因為真係好好味，所以我地都有同番餐廳員工講，原來炭燒豬咁扒係佢地出名既，炭燒魚都係。好開心朋友點了出名菜式試到😂另外點了凍咖啡及蜜糖青檸梳打，咖啡是即磨的，因為聞到隔離枱熱啡好

晚上匆匆忙忙冇特別去煮飯，所以近近地過咗嚟呢大水坑村食泰國菜。 我哋點左泰式沙爹串燒，因為我哋鍾意食牛肉所以叫左半打牛肉。一食落囗就知道係新鮮烤，牛肉仲帶有好多肉汁，好嫩囗。 佢哋嘅沙爹醬係自己調配的，雖然有一些微辣 ，但係花生味也很濃厚，小朋友也容易入口的。 另外，我哋也點咗泰式海鮮濕炒河和菠蘿海鮮炒飯，無獨有偶兩者都係以海鮮為主，但口感好不同。海鮮濕炒河 食落去會感覺好似加咗少少黑胡椒同潮式黃豆醬去調味，海鮮既味道更突顯。而海鮮炒飯則能夠帶出菠蘿的鮮甜，加埋豬肉絲和提子乾，令人食慾大增。 當然兩者的海鮮配料也都是加了蜆肉，鮮魷和大蝦為主，但菠蘿海鮮飯就加了兩隻烤青口，感覺再特別豐富。我哋點咗芒果糯米飯做飯後甜品，黑糯米微微的暖帶上椰香作面，再加上香甜的芒果，真是飯後必食一絕。我哋四個人一共食咗三百多元 平均每人都是80蚊左右，以晚餐來說食風味餐都算係抵食。

係大水坑村入面有唔少小店，日本菜泰國菜西餐都有，今日就試吓呢間泰國菜啦，一早打咗電話黎訂位。店舖入面都唔算好細，大約有六七張枱。睇餐牌，其實價錢同出面比唔係話真係平好多，不過價錢合理，比出面係平d。椰青買三送一好大個好冰凍而且好香，厚肉牛雞串燒有d細串，不過好香好惹味蝦餅推介，好彈牙好香好好食，亦都好大舊泰式炒金邊粉，入面有兩三隻蝦，同埋少許雞肉，唔鍾意食花生嘅人要留意，好似我哋咁都唔鍾意食花生，所以冇撈到d金邊粉燒豬頸肉推介，燒得好香，好軟熟，好食青咖喱牛腩唔講以為係白咖喱，講真個咖喱冇乜味，不過啲牛腩就好淋，好食薄餅點咖哩，可口的薄餅，不過都好脆總結食物份量都幾大份，價錢唔算貴，食物質素亦都唔錯，係個咖喱差少少，特別推介蝦餅同豬頸肉

馬鞍山有一間有格調嘅泰菜餐廳，舖頭唔大只得10張枱，不過秋高氣爽佢喺室外都會開枱，夜晚坐喺度都幾chill。之前已經食過幾次了，今次去食食物質素差咗。一行三人叫左六個菜，包括辣肉碎炒河、蝦醬炒通菜、炸蝦餅、串燒、木瓜沙律同埋蒜蓉包，另外再叫咗杯鹹檸七。香辣肉碎炒河必叫，夠火喉又夠辣，食到停唔到口。泰式串燒總共有六串，豬牛雞中揀兩款，我哋叫咗牛同雞，今日個雞幾好食好嫩滑。炸蝦餅佢個炸蝦餅都冇得點挑剔，鮮炸出嚟熱辣辣，唔會唔好食。我都幾鍾意食佢個蒜蓉包，非常之香脆，牛油同蒜蓉都好多。其實佢個鳳爪沙律就真係做得好麻麻，鳳爪得幾隻，汁又唔夠多，我唔多推介。蝦醬炒通菜今日炒得唔係咁好食，太鹹。個鹹檸七都好鹹啊。埋單$460。呢間餐廳環境都唔算唔錯，同埋其實佢有幾款特色fushion菜，所以我間中都會嚟食下。

員工服務態度惡劣😡食物未食完就收碟，我哋話要之後就將隻碟飛出黎今時今日咁嘅態度係唔得㗎！同佢講咁嘅態度佢仲超住我，下次唔會再嚟亦都唔建議朋友嚟！食物比以前差咗好多，無味無道，

抗疫期間晚餐唔想煮就只可以食外賣，媽媽生日當然唔使阿媽煮，我哋揀咗呢間叫外賣，見有人推介食黃咖喱蟹我哋就早兩日打去餐廳留定我哋仲吩咐店員幫我哋留一隻大啲嘅因為媽媽鍾意食蟹呢隻大大隻嘅黃咖喱蟹做咗主角，鍾意食蟹嘅媽媽都大贊，冇諗過外賣都咁好食可以食得咁豐富除咗蟹我哋仲叫咗好多嘢食，如圖所見有泰式肉碎生菜包，燒豬頸肉，炸蝦餅，泰式串燒，燒牛肉，泰式鳳爪沙律，牛油果大蝦沙律，冬陰功忌廉鮮蝦意粉，菠蘿海鮮炒飯， 泰式海鮮濕炒河，甜酸蝦球，泰式無骨海南雞飯，蒜蓉包...樣樣都好好味外賣嘅賣相都好靚，除咗黃咖喱蟹，我想特別推介泰式肉碎生菜包，泰式無骨海南雞飯，泰式燒牛肉同埋菠蘿海鮮炒飯，呢幾款都好適合外賣，唔會因為外賣而降低食物嘅質素...我哋全家都食得好開心，媽媽唔使講淨係食隻蟹都已經好開心抗疫在家有時真係唔知食乜好，真心推介呢一間，感覺到佢每一樣野都用心製作，確實係好味

疫情嚴重日日都煮飯真係諗唔到整咩😅想去泰國不如就食下泰國菜當去左🤪網上外賣平台外賣自取仲有8折，滿$250用MasterCard 即減多$20，幾抵～燒鱔，冇得輸👍🏻外皮燒到香脆，肉質保持爽身彈牙。雖然係外賣，外皮仲keep到脆口，諗起都流口水🤤Pad Thai，水準之作😍炒得非常乾身, 唔似得出面果d勁重茄汁味又勁多芽菜，配埋炒香左的花生碎，加添香口，推介👍🏻燒牛肉，燒到5成熟，肉質嫩口冇筋，不過鹽似乎重手左，有點太鹹燒口舌，厚切的有3大塊，還以為需要一點牙力。但咬落第一口令人驚艷，估唔到係好諗身，配以沙嗲醬一齊食很有泰式串燒感覺😂通常泰國菜都比較濃味，呢度每樣菜式都配有車厘茄和醃製青瓜，可一解滯膩感覺❤️

上星期二經朋友介紹試左呢間位於大水坑村裏面既良心小店，朋友真係冇介紹錯，呢度既野食真係樣樣都好好味加上仲係黃店當然要推介一下呢度晚市開6pm,我同三個朋友未到6pm就到左，店員都好友善未夠鐘開門叫我地入去坐住先果日係附近有堵路，我聽到店員和老闆娘的對話都是左罵黑警當日左附近單車公園放TG所以也幾肯定這是黃店。講返餐廳環境先～我同朋友都覺得裝修好有家的感覺，坐低傾計食飯都好舒服我地叫左...串燒雞＋豬，細細串有六串，燒得幾香，個醬好特別好好味泰式椰子雞湯，呢個又係好好味的，好足料，食到有好多香料、乾蔥、雞肉、草姑等等，飲落除左椰汁同雞湯味仲有青檸味好開胃的！炸單骨雞翼，香口野味，好岩喜歡食濃味既朋友泰式海南雞配香茅油飯，呢個真係真心超好味，冇得輸，係我地食過最好味的海南雞，首先個賣相已經好好，見到都🤤...食落更加不得了，皮嫩肉滑，又有雞味，另外配上三款醬汁各有各好味，可以送幾碗飯都得，除左雞，呢個香茅油飯又係冇得輸的，好香好夠味，d飯仲好有口感，剛剛好！係perfect match！菠蘿海鮮炒飯...個賣相又係好靚，不特只食落又係好好味好開胃，又足料，配上肉鬆一齊食好夾最後，呢條生燒的