泰作

營業中

休息中

我們點選了一個二人套餐，包括兩吋魷魚串燒、半隻海南雞、和炒金邊粉。海南雞OK炒金邊粉味道雖然還好，不過份量真的太少，一個人也不夠飽。第一個疑惑是二人套餐竟然沒有包括飲品？ ！第二個疑惑是二人套餐竟然只包括一碗甜品？！甜品送來的時候，當我們覺得有點懷疑的時候，禮貌地詢問店員，為什麼只得一碗甜品？店員說由於份量很大，適合二人share 。我們看到甜品的份量不禁慨嘆，這碗甜品連一個正常的飯碗也沒有，大概只有五啖的份量，五啖份量的甜品還要二人share嗎？其實甜品的成本也不高，為什麼這樣對待客人呢，大家吃得開心不好嗎？

今日係餐廳叫左一份炒金邊粉，一份馬拉盞炒通菜。所有野都好普通，又貴。完全唔值呢個價錢。仲要唔熱，淨係暖，唔熟，份量少！？啲菜叫左少咸少油，又咸又油又難食。仲要生生地，又唔熱。金邊粉啲蝦都係用急凍蝦，完全冇蝦味，仲要一啲都唔彈牙。啲粉又冇擺位。杯水又污糟，仲要有一層油係上邊！仲要收加一，張檯又冇餐具，又係俾QR Code自己落單，買單又要自己行出去，都唔明收咩加一！！！！？？？真係寧願去隔離食KFC！！千乞唔好去呢個商場唔洗排隊嘅餐廳

星期六下午，選了兩份午餐，一份泰式海南雞拼無骨豬手飯，一份青咖喱雞飯，配檸檬茶，沒想到，無骨豬手淡而無味，海南雞鞋口，咖哩雞十分乾，白飯硬到似生米般，檸檬茶草草兩片檸檬，食物同飲品質素比快餐更差，超揾笨，令人感到非常失望，永不會再有下次。

行到附近是但搵間野食，見唔洗排好耐就等尼間。個落單app超廢，卡到不得了又碌得唔𣈱順，唔知load咩，勁慢，頂唔順叫侍應比餐牌黎再搵佢落單。叫左個菠蘿炒飯、燒豬頸肉、牛柳沙律、泰式奶茶。所有野都唔熱，只係暖。菠蘿炒飯唔係原個菠蘿，只係有3舊為1串，1碟有2串，凍到好似菠蘿冰咁，d炒飯只係微暖，有3粒蝦仁又係凍既。燒豬頸肉，質素正常，但都係暖。牛柳沙律，牛柳未切，但沙律洋蔥比例最多，得幾粒青瓜同半粒車厘茄。泰式奶茶，味好濃，但好細杯。我都已經冇興致影相，亦唔值得我影。

夜晚見呢間餐廳對比其他餐廳唔多人，就入去試吓人手唔夠，入座後等咗5分鐘左右都未有QR Code可以落單，得嗰2、3個人做叫咗個海南雞飯，啲雞完全無雞味，仲要唔係熱辣辣嘅加咗錢諗住試佢哋新嘅燒雞鎚，啲雞鎚又細，又係無雞味，得啲醃料味，好咸☹️出餐速度尚可接受，但係奈何啲嘢食唔夠熱，無咩味，仲要唔平......

不要來這家餐廳！食物很難食，吃了一些炭烤豬頸肉和冬陰功面湯。結果我胃痛得很厲害，嘔吐得很厲害。豬肉不新鮮，聞起來很臭，湯的味道也很難飲。我告訴她這件事，她否認對食物有問而且態度很差，非常不道德。你們被警告了！

夜晚急住搵地方食飯想搵間唔係太貴於是揀咗呢間我哋叫咗個菠蘿炒飯同埋炒金邊粉都係好普通蝦都係用急凍蝦 完全冇蝦味 仲要一啲都唔彈牙菠蘿唔係超級甜嘅糖水菠蘿 都有返少少酸味飯 唔係好油 呢樣嘢幾好 腰果少少脆口金邊粉加咗青檸汁落去就好食啲酸酸甜甜好開胃好可惜冇提供BB凳

在青衣嚟講，呢間餐廳嘅出品可謂相當突出，性價比頗高，幫襯咗好多次午餐，出品都相當穩定，員工又幾有禮貌，所以想寫篇野講吓佢。佢有一款午餐係蔥油雞扒煎蛋飯，真係冇得輸，相當美味，雞扒堅嫩滑，煎蛋又香，份量又足，正👍。除此之外，佢哋嘅海南雞、船麵、「甘甘」（即係涼瓜）炒蛋都好正，好食同抵食過同場其他餐廳。另外佢哋週不時都會有新出品，等客人冇咁悶，呢排見佢推出咗牛仔骨同椰子雞湯線麵，六十幾蚊包飲品，下次應該會試吓，又或者如果夜收工可以試埋佢哋嘅晚餐，睇吓佢哋小菜質素如何，到時再報告。最後不得不讚下佢哋嘅硬件配套，例如舖面裝修、餐具都相當精緻，對比坊間其他泰國餐廳，真係唔同級數，值得推薦。

今日係青衣城經過Twinkle Elephant，見店名可愛又有隻草泥馬即管入去食過晏，叫咗過冬蔭功豬頸扎肉河，估唔到出奇好味，湯底唔太辣啱我口味，最怕出面嗰啲又咸又辣所謂冬蔭功真係唔識欣賞，豬頸肉扎肉份量適中，唔會得兩片😅，同行友人叫咗蔥油雞扒太陽蛋，雞扒煎得香脆肉質鮮嫩絕對唔係粗製濫造，午餐包埋飲料種類選擇都好多，咖啡都係手沖唔係即溶嗰種，睇得出店主好有心機經營，埋單大約七十每人，絕對可以再幫襯😋

位於青衣城三樓的【Twinkle Elephant】Thai Cafe 是一個令人驚喜的美食天堂。這裡的泰國菜色香味俱全，並且充滿了地道的泰國風味。特別推薦他們午餐的雞扒煎太陽蛋飯和咖哩原條龍脷魚，味道濃郁，讓人一試難忘。餐廳的環境也非常舒適，裝修現代且富有泰國風情，讓人彷彿置身於泰國街頭有好chill嘅感覺。老闆及服務員們熱情友善，服務周到，讓人感受到賓至如歸的溫暖。無論是與朋友聚餐還是家庭聚會，【Twinke Elephant】都是一個絕佳的選擇。每次來到這裡，都能享受到一場味覺的盛宴，真心推薦給所有熱愛泰國菜的人。

性價比差份量少價錢貴。味道差勁，員工服務態度一般，餐廳已不像從前。一家四口叫咗四個菜分別菠蘿海鮮炒飯蚵仔煎蒜椰香青咖喱牛柳蒜蓉金磚叫菠蘿海鮮炒飯，得一碗飯份糧，配料少。仲漏咗加腰果肉鬆。椰香青咖喱牛腩冇椰香味，青咖喱肉不見得特別出色，牛腩當中大部份都是碎肉，只有一兩件係牛腩。泰式蚵仔煎，淡而無味，食不到蚵仔嘅香。唯一保持到水鑽就係蒜蓉金磚，依然鬆脆行可口所以去得青衣城可以有其他更好嘅選擇，建議大家不要去。

呢間餐廳服務質素及態度十分差。今日收工，約下午2:30，去到青衣城唔知食乜好，就隨便入咗呢間Twinkle Elephant 食泰國嘢。雖然我一個人食，但服務員安排我搭枱，明明餐廳重有位，都要安排我搭枱，到我想走唔想食，先肯安排一張雙人枱比我一個人坐。然後，我叫左香茅豬扒河粉，塊豬扒又細塊又薄，重要好乾，無香茅味，總之就唔好食，不過啲野食唔好食都算啦！埋單個時，個果女職員一邊埋我張單，一邊擰轉個頭去招呼另一個正在落order既客人，之後重要成個人走開咗，走咗去另一枱客人個到處理佢落order事情，心諗：我幫襯左你，你都咁無禮貌對我，啲服務質素同態度超差，之後重要收多咗我錢，同個女服務員講收多左錢，佢一開始重要唔承認，話張單唔係我，之後check清楚喇，雖然有退番錢比我，但一句道歉都冇，完全唔覺得自己有問題咁。呢間Twinkle Elephant 餐廳食物價錢貴，但又唔好食，服務質素又咁差，總之係一次十分之差既體驗。

行過餐廳，見佢個下午茶餐牌價錢價錢合理，有飲品，仲有小食可以加配。研究完一輪，就落order,點知俾完錢等外賣期間，發現價錢唔對路，就問一問個收費。我：點解價錢同門口餐牌唔同？侍應望一望： 出面個餐牌無update我：咁你唔update咪即係呃人囉待應：咁我未得閒update 呀嘛。你想點呀。（語氣惡劣）我：咁你可唔可以改番個餐牌呀？待應：大力掉下餐牌，無再理會我。企係門口等左外賣半個鐘，見到那位侍應行行企企，坐係度飲茶，原來咁就係好唔得閒。以後經過泰作。。。不了

今日和朋友閒逛了青衣城商場，不知不覺間感覺肚子有點餓了，而且已經很久沒有食過泰國菜，於是就去了‘’泰作‘’食下午茶。這裏光線充足，地方寬敞，坐得頗為舒服。我們每人都叫了一個下午茶套餐。迷你泰色海南雞飯(油飯) 配熱紅糖薑蜜茶 $62海南雞感覺肉質不太滑，應該係煮得過熟所致，但份量都算多，點上少許微辣的醬汁，提升了雞肉的香味。熱辣辣的油飯不覺油膩，且粒粒分明，散發著一股油香的飯香味。冬瓜湯飲落清甜可口，令人心曠神怡。紅糖薑蜜茶這個熱飲飲落祇感覺到有蜜糖的甜味，但薑的辣味就不夠。青咖哩飯(牛腩）配熱紅糖薑蜜茶 $58微辣的青咖哩汁食落感覺到有一般椰香和香葉的味道，但可惜牛腩比較細粒和肉質比較鞋。炭燒豬頸肉冬蔭功船河檬粉 配黑枸杞玫瑰桑椹茶 $62喜歡食辣的朋友一定喜歡食這個菜，湯底勁辣而香，豬頸肉不太肥膩，而且食落感覺爽脆，檬粉不太硬也不太冧，恰到好處。黑枸杞玫瑰桑椹茶這個熱飲有著微微枸杞的甜味，且有濃郁的玫瑰花香味，飲落令人心身舒暢。

好耐冇嚟青衣城食泰國嘢今日走嚟食泰國嘢叫咗個冬陰功炸魚扎肉金邊粉一嚟到條炸魚大過塊面真係抵食又好味個冬陰功湯底一直都keep到我連湯都飲埋，最後再嗌咗杯凍齋啡完美嘅lunch就係咁啦加上佢哋嘅服務態度非常好，大部份都係泰國人有啲重要識講廣東話，簡直係一流。而家香港商場已經好少呢種特色餐廳。泰國人煮嘅嘢食真係好好食(雖然我好鍾意食日本嘢),加油👏青衣城人流太少，希望商場增加人流幫助呢啲有質素嘅餐廳