泰傳奇 (已結業)

過嚟附近做嘢，又喺Emax 落車，咁當然喺呢度搵下嘢食，喺open rice search到呢間泰國餐廳評語唔差，就入去試一試，點知就比我學到嘢！Lunch time menu 選擇多，我呢啲有選擇困難症，揀咗好耐，就食個招牌咖哩雞球飯啦+凍檸茶！QR code點餐有個好處，出餐快，唔夠一分鐘，杯凍檸茶嚟咗，抵讚，點知唔使另一分鐘，個咖哩雞球飯出埋！望咗碟嘢一分鐘，食咗我人生第一啖嘅招牌泰色咖哩 x 麥記麥樂雞飯。。。老實，咖哩味道唔差，夠熱，但個麥樂雞係凍㗎！唔知係咪因為喺麥記買上嚟攤耐咗呢。。。早知我先去麥記買返盒上嚟加餸啦，起碼係熱嘅。。。埋單有折64蚊。。。咦，喺麥記食到十幾廿件喇喎

呢間泰國菜係上年新開嘅，身為泰國菜愛好者嘅我喺佢新開嘅時候已經急不及待咁試咗一次。記得啱啱開張嗰陣時，可能係因為經驗唔夠一開始帶位、落單同埋上菜嘅情況十分混亂，令到進餐體驗大打折扣。今次再幫襯嘅時候發現佢哋各方面都進步佐唔少，可以喺位到用手機scan QR code落單，十分方便，抵讚👍🏻 ——————————餐廳嘅師傅同部份員工都係泰國人，所以味道都比較正宗。而我今日就嗌左泰式炒金邊粉。泰式炒金邊粉 配凍檸茶 🍋🥤$65🇹🇭 (7/10)金邊粉炒得乾濕得宜，配上青檸汁同埋辣椒粉，真係越食越惹味啊😋😍 提提大家，啲辣椒粉都幾辣下㗎，大家記得按照自己嘅喜好落啦🌶而且手機落單果陣餐廳仲好貼心咁比大家選擇少麵定多麵😊———————😋味道：7/10🤵🏻服務：7.5/10💰抵食：6.5/10⏳排隊時間：0分鐘

今日lunch試咗依間泰式餐廳，叫豬頸肉船麵湯斑蘭麵，豬頸肉好香好入味，斑蘭麵食落同普通幼身嘅拉麵差唔多，但船麵湯太鹹啦，下次都係點清湯會比較好，整體來講算便宜，有折$50埋單🙈

下午茶份量唔少喎，我哋兩個叫左pad Thai, 同濕炒肉片河粉。pad Thai 味道啱啱好，配料都好多，有雞肉又有蝦，又唔會炒得太乾。至於濕炒肉片河粉，略嫌個汁太多，點都有啲似湯河，用嘅河粉河粉偏大條，不過整體味道都唔錯。

泰傳奇上年開張不久我已經食過一次， 這裏的老闆親切友善， 所有菜式都是泰國廚師做的。 今次帶埋媽咪來試下， 疫情下餐廳做了優惠， 餐牌上的菜色都有折， 我們點了泰傳奇海南雞飯$82， 黃咖哩牛腩飯$70， 泰式炒金邊粉$70， 凍奶茶跟餐加$3。泰傳奇海南雞飯～ 海南雞肉嫩好味， 配上雞油飯香噴噴的。泰式炒金邊粉～ 分量大碟，如果味道可以再酸甜返少少就更好。黃咖哩牛腩飯～ 辣度適中，咖哩味很香， 牛腩炆得夠腍。凍奶茶～ 甜度適中， 好飲！泰傳奇是我在九展裏面其中一間喜歡的餐廳。

老實講 呢個價錢係抵食嘅如果蝦餅魚餅有貨但係態度非常不好我們到達門口時待員工得閒幫我地安排位等左三分鐘左右員工等閒了竟然第一句是“點呀，講啦”我覺得係 我係貪平靚正黎食野姐 但係都唔係咁掛？入到去環境係唔錯嘅下午茶放題身一碟係佢比你嘅有墨丸，魚皮，雞翼，魚餅，春卷，沙律等等食晒再追加但係追加時 以上食物都未必有我係為左蝦餅而來沒蝦餅咁叫返魚餅啦 魚餅沒貨黑人問號 咁頭先第一次來個碟嘅魚餅是什麼？咁叫魚皮啦魚皮要加錢？但係見另外一台又可以追加？唉 食飽就算無下次 幾平都唔會再去

同男朋友一齊每人嗌左個1人餐， 有湯，主菜，甜品，飲品。餐廳老闆(?!)店員(?!)都好有禮貌幾好招呼，入面電視機仲播緊泰國戲。 而家抗疫時期，餐廳入面既客比較少， 可能因為咁上菜速度都唔耐。先上左2個湯， 一個係椰子雞湯， 另一個係冬蔭功湯，2個湯都幾出色同好大碗， 好香而且味濃， 椰子雞湯仲好滑，仲有好多雞肉食。之後黎埋2杯野飲， 椰汁冰同珍多冰， 味道都唔錯， 椰子味重。跟住上主菜但由於太肚餓嘅關係原來唔記得左影主菜， 一碟係泰式豬肉濕炒河， 另一碟係泰式菠蘿炒飯， 2個主菜正正常常， 中規中矩， 同出面味道相若。食完主菜已經好飽，最後甜品係4件荷葉椰汁糕(每個餐2件), 味道正常。總括黎講，晚餐都算係抵食， 不過主菜正正常常， 反而湯更出色， 同埋食到好飽，如果個1人餐入面可以選擇泰式串燒就更好。

老公生日，朋友請食飯，來到泰傳奇慶祝，食到美味食品，在這疫情下令身心舒暢。（生蝦刺身爽脆，燒蝦蝦肉爽嫩醬汁美味， 海南雞雞肉香甜，椰青飯香濃，麵包軟殼蟹精緻美味，泰式河粉滑溜，香芒三色糯米飯精緻美味）感受到全部食品用心製作｡

最近停工又停課 人比較窮 就四周圍搵有咩優惠抵食🤦🏻‍♀️-‼️呢間餐廳$78 就可以2.5小時任食 款式包括泰式Pizza包🥯、燒豬頸肉🐷、香茅雞翼、泰式炸魚餅、炸蝦餅🍤、薯圈🍟等等仲要包埋野飲 可以簡啤酒🍻/檸茶檸水果啲🧐🧐老實講味道一般 服務態度都一般 但呢個價錢真係好抵😂-📍 泰傳奇九龍灣國際展貿中心2樓Very Food 21及23號舖⏰放題供應時間：星期一至日14:30-17:15#小丸子食泰國野 #小丸子食在九龍灣 #小丸子窮食

位於九龍灣既IMAX 既泰國餐廳泰傳奇推出左小食放題🤩🤩🤩🤩..一個價錢78蚊就任食9款小食連一杯飲料！ 同友人一齊簡左泰國啤酒！ 去到餐廳真係座無虛席， 好多人排隊！！..同友人一次過試足9款小食！ 個人十分推薦佢既燒菠蘿， 多汁清甜好大舊！ 另外推薦佢既豬頸肉， 有碳燒既味道， 每塊豬頸肉都大舊， 但略為乾身！ ..佢地會有泰式酸辣醬提供， 同友人encore 左兩round! 店員有禮貌🙏🏻🙏🏻🙏🏻👏🏻👏🏻呢個價錢好值！

位於九龍灣展貿嘅呢間「泰傳奇」最近推出左個泰式放題優惠！$78就可以任食香茅雞翼、炸蝦餅、炸春卷、豬頸肉等多款泰式小食，仲有最受歡迎嘅燒菠蘿，超多汁😋而且佢$78唔洗加一仲會包埋一人一支大啤酒，超級抵食！

之前見到網上寫有宣傳<$78任食Pizza包／香茅雞翼／炸蝦餅等多款泰式小食>所以打電話去訂位試吓。平時唔會過去九展。其實$78任食小食好平！好彩有預先訂位，去到全場爆滿。好受歡迎。入座之後，無需落單，餐廳職員就會自動派第一輪小食俾你，會係一個小食拼盤，包含晒所有任食小食嘅款式。但係第一輪小食拼盤就隨機派。遲過我入座的客人卻早過我有。最後等了大概30分鐘才有第一輪的小食拼盤。。。第一輪小食拼盤包括有泰式Pizza包、木瓜沙律、春卷、燒菠蘿、炸雞軟骨、燒豬頸肉、香茅雞翼、泰式炸魚餅、炸蝦餅、炸魷魚圈。價錢包括每位1支泰國勝獅Singha啤酒。好大枝。整體食物水準都唔錯。好抵食。👍🏻👍🏻大家可以去試吓。全場爆滿，雖然人手不足，店員仍然有禮。👍🏻👍🏻只係落單有點問題，譬如:落兩件佢就俾一件，之後落一件就俾兩件。。。

呢個放題大約2點幾開始，所有野食都會黎左第一轉先，大約9樣小食左右！9成都係d 煎炸野同現成野。有炸薯條，泰式雞腳，炸春卷，泰式魚餅，炸泰式蝦餅，粟米墨魚餅，泰式豬頸肉，豬扒，炸雞翼同燒菠蘿！賣相同廣告好大出入，d店員只係不停擺d 野食落檯，問佢地問題全部都唔識答，一係就答非所問，所有碗碟都係自助形式，放題只係野食，包一杯餐茶，啤酒同汽水都要加錢！無服務，如果下午茶咁既價錢同食物，直接去泰國餐廳食算！

買個下午茶肉碎炒飯嗌埋野飲 58蚊等足30分鐘頂5緊走人問左3個次，啲侍應都話整緊整緊問都5問廚房，hea完我就繼續抹餐具，最尾應該真係漏單，眼見飯鐘就到，起身退錢走左咁就死啦，咁既服務啲野食幾好味都無用啦不過個海南雞飯就真係so bad ，之前食過一次。

一個字-伏Book位知道係有九樣野食，係冇問題，但黎到冇左一樣，唔黎冇通知，而菠蘿係其中一樣，佢只係求其黎一兩條就話冇哂，呢個就唔係任食，嚴重違反商品說明條例！