泰出色泰國餐廳

營業中

休息中

午餐點海南雞飯，第一啖咬落雞肉充滿油益味，而且雞肉好鞋要吐出來；凍柑吉水淡而無味。另外，雞肉金邊粉一上枱已經嚇親，未見過金邊粉會出水而且味道過甜，真的好難食😩。蝦餅算是正常一點，但醬汁又是過甜🙈

食物menu圖片, 跟上枱食物不同。貴野就唔一定好食, 平野又唔一定難食,而係有冇心整野食比客人食先係重點。亦不是價錢既問題, 唔係平就一定要比cheap野, 個menu上價錢係你地鋪頭定既。圖中相片既蝦係有尾 , 清楚睇到係一隻原蝦。食物嚟到, 比左4粒雪蝦, 勁大陣雪味。下午茶價錢, 都冇要求你比咩靚蝦, 貴蝦, 海蝦之類。 但冬蔭功湯湯底既, 都唔會係比雪蝦客人。menu清楚睇圖片係有2，3隻蝦就叫嚟試下。點知中伏 影響晒心情。

行過電氣道，最终選了泰出色呢。本想叫二人套餐，但礙於份量過多，最後叫了兩個餸一個菠蘿飯及千層糕。侍應很貼心：提示我們若叫燒雞便要等20分鐘，我們要了一客呢。不需20分鐘，燒雞便上桌，爽。雞肉好入味。另外一碟馬拉盞炒通莱，落了蝦米更好味。至於菠蘿飯，多材料，正。千層榚原先說賣光，但店員說可拆散外过賣的千層糕給我們，很窩心又驚喜噢！

行過天后想買外賣見到呢間好似唔錯午餐款式都比較多選擇好多都好吸引！最後叫左2份海南雞油飯+凍飲😋外賣盒每份兩蚊呢個外賣好足料！我本身唔食雞皮，去咗皮之後佢都有好多肉😍之前去過其他餐廳好多時有骨海南雞都係得啲雞骨好少肉呢個完全夠食！另外海南雞雞肉好有彈性食得出唔係飼料雞仲有佢嘅醬汁都好惹味！酸辣辣好送飯☺️到個油飯喇，份量好多，男士都應該夠食佢嘅油飯鹹鹹地，個人應為唔錯湯方面係冬瓜湯同其他例湯一樣係味精水飲左兩啖冇飲喇.總括嚟講：60幾蚊一個午餐都算抵食既，因為份量都好多，質素方面都比我想像中好，等緊外賣其實都好多人入去幫襯，下次或者都可以試吓其他款😆

今日獨自去食lunch, 想搵啲粉麵食，行過呢間泰國餐廳，見到有啲冬陰功湯粉麵，都岩食渦，就中左入去啦😆叫左個肥牛冬陰功湯金邊粉，加杯凍檸茶少甜少冰，質素正正常常啦，價錢都正常啦，坐得又幾舒服，滿意嘅，冇乜特別驚喜😊如果有多幾個人食，可以加啲小食，或者加返個菜，不過我得一個人，又唔係太肚餓，就冇加其他小食，見佢加$30，$40 ，可以有個炒椰菜苗，或者有啲炸蝦餅嘅。應該下次經過，唔知想食咩嘅時候，都會再幫襯嘅😄

比其他铺贵，仲要发毛……我食到呕。买左两盒，有一半都发毛。小朋友都食左，希望冇事。我食左三个，呕到不得了。大家光顾真系有小心啲～今日系中伏的一日。嗮左钱都算，自己病左

叫咗個冬陰公河同三色冰，冬陰公湯底超淡，粉勁淋，雞肉韌，咬到牙骹都攰攰地，三色冰得一色，真係好耐冇食過咁難食嘅嘢，即係我畀呢個價都唔要求有咩好貨色，但至少唔係食唔落，真係好唔想浪費食物，但真係剩返半碗食唔晒。

冬陰功湯河可以揀一款餸，我揀左蝦，碗湯河味道好清淡又唔辣又唔酸，河粉係幼條，都有少少彈牙。另外，加左$12升級特式飲品，泰式奶茶，睡就咁睇杯奶茶既顏色好似係泰國飲咁，飲落去只係好稀，擺明水加得好多，溝得好稀，$12係唔抵給

終於維園今年有花展，先係附近食晏先。屋企人想食泰菜，成條電氣道得呢間，於是試吓。明明出面有位，唔知係咪見有老人家，諗住會食得耐阻住佢，叫了我地入去入面一間房仔，得50呎度，放了四張二人枱，本想出去坐，但老人家怕麻煩，於是算了。但呢度完全被遺忘，首先無人入嚟落單，落了單成35分鐘都未有任何食物飲品到，要不停自己行出去搵人。終於搵到人，想要杯水，又叫你自己去斟水，又唔同你講係邊！有朝一日你都會老，咁對老人家太差囉。終於來了杯珍多冰，酸既？隔夜架？來了豬頸肉撈檬，完全無味既。個咖哩豬扒飯就勁咸完全貼錢買難受的一餐

今天去了泰出色吃泰國餐廳,我首先買了幾件泰色糕點回家吃,但侍應見我拿了泰色糕點說不可以堂食,但我說回家吃,之後叫了一個2人在套餐,536元,但食物味道一般不太好吃,吃完後埋單,先發覺比少2個白飯給我,但侍應妳都埋了單,不如算數,我話不可以明明白飯套餐跟,無可能算數,跟着侍應下次再來吃,補回,我話下次不來吃,最後侍應唯有補回2件泰色糕給我,我唯有無奈接受,所以以後一定不去這間店吃,吃了一肚火．

今天跟我家老闆到維園外勤，午餐時間快閃天后，走到電器道的「泰出色泰國餐廳」，身為海南雞飯控當然不會錯過至愛的碟頭飯，然後…我想告訴餐廳，海南雞飯跟文昌雞飯是有分別的。😅

今日維園游完水，就約左幾個朋友係附近食飯。大家都鍾意食泰菜，就揀左哩間。😋泰式醃生蝦刺身 $118生蝦都好大隻爽口，賣相都十分吸引。醬汁就唔夠正宗泰式既香辣味。😋泰式辣肉碎生菜包 $80哩個都係偏唔夠辣，本身我都唔係太食得辣，但食泰菜點都要少少辣先好食。但佢勝在肉碎唔太肥，同埋生菜係超大塊同新鮮既，好容易就包得住。😋沙嗲串燒 $78叫左雞同豬，肉質都可以，唔會太乾，都係醬汁唔夠辣。😋泰式秘製咖喱軟殼蟹 $152哩個就有點失望，上菜時都完全唔知係軟殼蟹，因為太細粒啦。而且炸得比較深啡色，唔係金黃色。但咖喱汁還可以，偏甜少少。😋鳳梨海鮮炒飯 $108哩個有驚喜，佢有好大粒既菠蘿，飯都算爽身唔會淋晒。一般既水準都有既。😋香油酥餅 $42哩個配上軟殼蟹既咖喱汁食就無敵啦。好味。😋泰國椰青 $36哩個椰清要讚，好清甜可口，係咁飲停唔到，仲想飲多個，感覺好fresh。算係一家唔太正宗泰菜既餐廳，可能偏向左港式口味。但傾計食飯算係一個唔算既地方，都算寧靜舒服。⭐️⭐️⭐️（5星為滿）泰出色泰國餐廳 (天后)天后電氣道86號地舖#飲飲食食 #食好西 #周圍玩 #周圍食 #介紹返 #餐廳推介 #美食 #香港美

星期六下午去食late lunch，叫左個香辣肉碎炒飯、冬陰功大蝦湯河，因為係假期既關係，冇下午茶餐牌，要用午餐價錢order。天后、炮台山係競爭激烈的地方，煮既野食都竟然咁冇誠意，以前都唔係咁。1. 香辣肉碎炒飯隻蛋係乾既，炒得唔香同熱、辣味太重。2. 冬陰功湯底非常淡、得幾隻蝦同超細，一啲蝦咪都冇。天后、炮台山好食/ 價廉物美既泰式餐廳太多，呢間真係要加倍努力。P.S. 雖然食物同價錢一般，但餐廳位置好，出面人流好充足，所以都keep住有人幫襯。

難得去到天后、經過見到好似都唔錯咁買咗椰汁芋頭糕同椰汁斑蘭糕兩嚿都係食左一啖就唔想再食唔明啲咁簡單嘅糕點可以整到咁難食好後悔、自問真係好少浪費食物、但依兩舊糕真係頂唔順冇下次

天后電氣道一直都被人稱為食街 林林種種嘅食店都會係呢條街 今日就試試呢間都開左好多年既泰國餐廳 但對比其他泰國餐廳呢間就較為平傭冬陰功蝦湯(細) $78成個湯只有一隻蝦 香料份量對比一般泰國餐廳較為不足 酸辣度可以再濃味啲馬拉盞炒芥蘭 $78呢款只可以話係蒜蓉炒芥蘭 完全食唔到泰式馬拉盞既味道略為有點失望 正常馬拉盞都係食香料 一般馬拉盞好多時都會有其他配料炒製 等佢個味更加豐富 例如會放辣椒、紅蔥頭、蒜頭、蝦米、花生醬、青檸汁等等 但睇相我只能話呢款只係用左蒜蓉炒 味道唔夠濃郁泰式椰汁青咖喱雞 $88青咖喱既味道一般都會食到好多香料 但同樣呢款都係冇咩香料 而且質感比較流質較為稀疏 雞肉份量亦都唔多 專登為左呢款咖喱叫左蒜蓉包 但太過流質既關係會食到好麻煩總結黎講 呢間所有食物對比正常泰國餐廳都較為淡口 香料份量選材都略為少 唔可以話佢難食 但既然想食泰國菜既人客都相信係想食出香料既味道 而唔係淡口無味既泰國菜#泰出色泰國餐廳📍天后電氣道86號地舖📸 Credit to Instagram: @mroolong