泰出色泰國餐廳

營業中

休息中

晚上行完工展會, 2人提着戰利品入內, 接待的侍應頗體諒我們, 讓我們把大包小包放旁邊未有客的椅上。 我們行了幾個鐘外面一直下毛毛雨；坐位有点窄, 但桌上也放了兩杯暖水,已令人也感覺不錯。可是不錯的服務也不能彌補食物質素差勁的致命傷! 點了海南雞飯和泰式大蝦炒金邊粉, 前者黃薑飯頗香,但有些飯是生骨的, 有些飯卻是爛的, 混在一起；雞肉沒有味道, 不蘸辣汁, 真的毫無味道, 飯和雞都不合格, 盛惠$68 泰式大蝦炒金邊粉只有三隻＂大＂蝦, 感覺又乾又膠； 金邊粉未發透, 幾塊豆腐乾加一些微型蛋絲, 蝦皮,葱, 芽菜和大量油, 糖, 茄汁和醋, .....這樣子未計加一$82! 其實$12也不值 吃剩大半碟, 我也想過帶回家再自己加些其他配料再食, 但麵真的太油了, 欲救無從也太費工夫了！這間餐廳以前我也幫襯過, 印像不錯, 怎知道 現在水準這麼低落, 太失色了

今日嚟到天后，原本唔諗住食泰國嘢，但咁啱有位唔駛排隊就試下啦！冬蔭公味道可以濃少少，但配料好足，魚亦鮮甜咖哩唔係好辣，味道唔錯, 好多料，雞肉都幾嫰滑。roti 就比較油，但好新鮮味道好好，唔怕太咸，又唔怕太油總括食物質素唔錯，可以推介

食物差不在話下，服務態度更差！ 一定唔會再去！ 我們中午時分去叫了一份海南雞飯、印尼炒飯和滷汁豬手飯。 印尼炒飯還可以，但係海南雞飯啲雞完全 好嚡 好靭， 唔好食。鹵水豬手飯的滷水汁唔合格！ 每次叫服務員就做嘢，佢一定會畀返啲說話你聽，真係食到一肚氣

同屋企人去天后找朋友，之後一家人去吃晚飯。本來打算到「甘飯館」或 「食得好」，可惜2店都爆滿，而屋企人又肚餓，所以就到了「泰出色」晚飯。由於已搬出去住多年，特別珍惜同屋企人聚會，平的貴的我來請客都不緊要，最緊要屋企人開開心心。可惜，來到這間餐廳食飯令到全家人一肚氣，嬲爆! 真的超後悔帶住屋企人來到這裡用膳。事源，入座後我去洗手間，一出洗手間，有位身穿工業圍裙，全圍裙濕晒的嬸嬸撞向我，我退後叫她，她好像聽不到，踩了我2腳後，她才反應過來，帶我的衣服已被她沾濕，白色的鞋也被踩污糟。就當是自己倒霉吧! 人家工作那麼辛苦。回到座位，我們叫了5款菜式，加1杯3色冰及HK$22泰象生啤(細)。因為這裡的泰象啤酒有樽裝和生啤裝，我地肯肯定說明要HK$22泰象生啤的那款，侍應手寫啤也寫了"22"。食物都來到了，3色冰也到~ 吃了一會，生啤還未到。就向侍應詢問。侍應沒有回答就走開，幾分鐘後那著樽裝啤酒和玻璃杯回來。當然跟她再說1次我們要的是生啤的那款。她目露凶光的望住我，再望我的家人，最少十多秒! 我們已經覺得很過份了!最過份是她走回落單機，再拿著同一樽啤酒走到我們對面的一張台，然後拎轉身眼厲向我們大聲

有史以來最難吃的laksa! 沒有laksa的味道，只喝到淸水的味道！想廚房可能忘了加laksa paste, 所以叫服務員拿回去給廚房加工，回來變成辣椒味的水！那就完事了！！有叫其他食物，豬腳還可以，雞肉豬扎肉還OK，咖哩牛腩味道還OK但牛肉太乾太老了！還點了一個炒金邊粉外帶，回家老婆一吃又出事了！基本上是番茄醬加檸檬汁炒出來的怪東西！最意想不到的就是連椰青也不新鮮！至於服務方面，感覺上茶餐廳服務還比較好！環境是唯一拿到好分數，店裡空間寬敞，座位合理，衛生程度完全合理。唉！就這樣丟了$315元了！不會有下次了

今晚約左姑姐一家食飯，唸左好耐都唔知食咩好，最終都係決定食泰國菜。於是就搜索下酒店附近有邊間泰國餐廳選擇，最後就決定尼間「泰出色泰國餐廳」。點左几款平時去餐廳都會叫既菜式豬頸肉我腍，醃得好入味，撈埋酸辣汁同沙律菜一齊食，好開胃，但略嫌魚露加太多，偏咸。蝦餅大大件，脆卜卜，爽口彈牙，岩曬鍾意食蝦既我，啖啖肉。鳥頭魚冇泥味，加埋啲酸甜汁、肉碎、椰菜、粉絲，好醒胃。椰菜苗爽囗，加埋咸肉一齊炒，好惹味，但略嫌椰菜有少許苦澀味。雜菜煲，咸淡適中。豬手炆得好入味好腍，食落口有陣陣滷水香味。但因為炆得太耐太腍，賣相唔係太好。味道適中，咸淡得宜，但麵條炒得太濕，麵身大軟，唔夠乾身。落左好多海鮮一齊炒，食落口甜甜地總括而言，食物份量多，味道偏濃，個人認為食物煮得有點過火，導致食落口，質感不太好。

今日同我既男人諗左好耐唔知食咩好，終於揀左泰國菜食 ！食泰國菜通常都會叫炸蝦餅食，今日不如試下食第二款，炸蝦春卷，熱辣辣，正！男人食到尾吐左一半出黎，話有陣(壓)味，到我食到尾都覺得好(壓),於是同侍應姐姐反應，佢即刻話取消張單，叫我地揀過第二款菜！最終都係揀返蝦餅，蝦餅無咩蝦味，粉多，不過不失！飛天通菜，通菜爽口，辣辣地好開胃！鹽燒爐魚，魚肚放左香茅 南薑 九層塔 ，魚肉嫩滑，淡淡香料味，配上辣醬，食唔停口！

食物: 味道可以，但唔係特別好食亦唔算差。份量:份量可以既，叫咗個二人餐，食完都幾飽，不過唔鍾意佢本身包果個甜品所以另外加咗個芒果糯米飯，食埋好飽。環境:幾好坐既，好多卡位，不過近門口個啲卡位超級熱，因為對大門成日有人入嚟，熱風不斷入，好在去個陣唔多人可以轉位坐入啲，風口位涼好多，不過後期愈嚟愈多人就覺得中等唔熱唔凍。服務:無乜特別，唔差亦唔係特別好。價錢:普通，依家泰國野貴咗好多，呢間野通脹都唔算多，但亦唔係特別抵食。

香辣碎炒飯~好多餐廳都有~味道都唔錯值得一讚係好似改良左無禁辣~更易入口🕵️肉骨茶泰國餐廳竟然有呢樣野~一於試下🤗但係中伏之選😑我朋友形容得好岩~好鹹既豬肉湯無藥材味~差!!生蝦~無咩特別，中中地啦係環境真係幾好~坐得適服

今天試食下天后食街既泰國菜。点了媽媽最喜愛的咖喱蟹。老公喜愛的泰式拼盤及炒金邊粉。我喜愛既冬陰公。全家人都很滿意各樣美食。不過薄餅好似少咗啲。只有4小塊。唔夠食晒啲咖喱汁。要再叫多一客薄餅

每個月有2個星期六到天后晚飯, 亞女話想食泰菜, 所以今次來了"泰出色"。 差不多晚上八點竟然不用等位, 原來除了泰菜還有馬來西亞菜, 大家都唔係好肚餓, 只叫了粉絲蟹煲, 煎蠔餅, 燒牛肉沙律同蝦冬蔭公湯。首先來的是煎蠔餅, 賣相一般不是強漿, 而是一隻隻煎蛋,味道ok。蝦冬蔭公湯如果少D奶會仲好味。燒牛肉沙律亞女好鐘意, 但我覺得太羶。粉絲蟹煲最遲來，賣相同餐牌差太遠啦! 味道不似預期, 可能係馬來西亞菜做法, 唔係泰菜做法。 煲底有八角同樹皮般的香料同豬肉, 成煲野只得八角味。

Service is everything! This is our first and last time here! You don't make customer to wait for their food when late comers are all eating! Our order was never submitted...just marvellous! Food is average and not worst cost us waiting for over 30 mins for a non-existed order. Other people get to sit on nice table and we sat on a small stingy table with people walk pass you every minute and hit on you. Never again.

大蝦炒金邊粉($8x) : 全碟得3隻蝦仔鐵板牛仔骨($10x): 牛仔骨超級"銀" d汁太甜太杰Conclusion: 偷工減料+難食. 我要記住唔好再去. 真係好少覺得泰國菜咁難食=.=

（永不回頭！）今日諗住行完維園年宵後到天后食晚飯，點知一入此店，中伏啦😢。 先唔講侍應服務態度差，媽咪已經等佢執枱已經企開一邊，但侍應仍呼喝我媽咪，我已經不滿。到落單時又十問九不應，不斷叫我等等，都算吧免影響心情，但印象已經大打折扣。但最㷫叫咗碟泰式濕炒河，但碟野黎到只夾咗一啖冇食過，已經一陣強烈酸叔味，即刻同個老闆娘理論！但老闆娘：「碟泰國炒粉係有陣酸味，我依度咁多食客，冇理由食材有問題。我地打開門口做生意，唔會有有問題食材。」爭論一輪，先拎走碟粉入廚房。過3分鐘後，佢堅稱冇問題，又話如果碟粉係冇問題我唔會取消，也唔會比你地改單！」依個擺明屈水！！！媽咪已經不斷同佢理論碟粉係有問題，話依度多人黎食，唔代表食材冇問題，要叫佢取消order。但佢唔肯！當下我聽到個老闆娘咁講法，我即刻同佢講，我唔想再同佢理論，如果你再唔取消order，我會打去搵食環署作評理，等食環署做化驗。當下個老闆娘唔信，仲話：「好，你咪叫囉！個老闆娘又不斷loop番之前講法…（廢話300字）」我懶理佢，直接上網搵食環署熱線，老闆娘見勢色不對，即口噏噏幾句後，即刻好利落地取消order兼攞走碟粉，仲幫我埋單😒但埋

和朋友share食於是叫了一個蟹煲和一個炒飯因為蟹煲製作也要時間等了差不多二十分鐘兩道菜也來齊了不過和朋友傾計時也留意這的環境挺好，很有泰國餐廳的氣氛沒有侷促的感覺多坐一會也舒適食物方面蟹煲配料不少整體十分惹味特別值得一讚的是粉絲唔易斷，挺彈牙而且吸收了蟹肉和醬汁的濃郁味道，好吃好吃至於蟹肉本身鮮甜味很明顯，肉也多，也不錯至於那個海鮮炒飯海鮮也足料，味道很好口感也挺清新，吃著吃著也很開胃雖然個人喜好較乾身的炒飯這個飯不會太乾也不會太濕易入口，比較符合大眾的口味朋友吃這個炒飯吃了很多，我也只是淺嚐而已個人更喜歡那個蟹煲