泰和味

營業中

休息中

去咗長沙灣食呢間非常低調由泰國人主理嘅地道泰國菜，間舖頭叫做泰和味，舖頭勁細，頂多放一張枱，要堂食就要喺行人路開枱，喺隔離地產舖窗口外面開枱食，又或者馬路邊拍住欄杆開枱食，試過揸車嚟到拍馬路邊，喺正自己架車隔條圍欄開枱食，感覺特別有風味，有兩個識講唔鹹唔淡廣東話嘅泰國姨姨主理，因為人手有限，即叫即整，所以人多啲嘅話，都要等一段時間，食過幾次都好有水準，今次唔叫飯，叫咗生菜包、椰汁雞湯、泰式炒通菜同埋串燒豬牛雞加雞翼雞軟骨，椰汁雞湯好足料，飲得出好多香料，微辣，我最鍾意佢嘅椰汁味冇完全蓋過辣味，好飲，生菜包好大碟，唔會太濕，亦唔會太乾身，炒到出嚟味道啱啱好，唔會過鹹，又唔會過淡，係個色水爭少少，我鍾意上色多啲啲，泰式炒通菜今次失咗少少水準，今次炒出嚟嘅通菜泰式調味不足，但味道係OK嘅，只係冇之前幾次咁有泰式味，至於串燒，就一直保持到水準，全部都唔會燒得太乾，唔會過腍，有咬口，雞翼係全翼，食得比較麻煩，但燒出嚟嘅香味滿分，個雞軟骨燒出嚟外面微脆，一樣好惹味，最後埋單價錢一如以往平靚正，每個菜式炒粉麵飯平均都係60幾蚊，整體依然係抵讚，最唔好可能係個店舖細，要喺街邊開枱食，崇尚衛生嘅人未必接

一間唔起眼嘅小店竟然有真·泰國風味小菜！愛食辣嘅朋友必試👍🏻👍🏻👍🏻推薦：生蝦刺身厚身爽脆由其是個汁真係靈魂所在🦐，生菜包夠香辣啲肉唔會炒到老晒😋，馬拉盞炒雜菜夠惹味🤩不過想試嘅朋友要早小小去到因為真係小店一間門口得三張勉強座到四個人嘅枱仔晏咗就可能要等一下，我今次係第一次食呢間而且我又係住响附近所以我就買外賣返歸食返到屋企都仲熱辣辣味度都唔會有太大影響😋係呢個疫情下又唔想冒險去旅行可以試吓呢間頂頂癮😂💪🏻👏🏻

地方好細，得4個位，環境算簡潔，但嘢食係有heart 嘅用咗openrice 嘅外賣自取，落單後寫需時30 分鐘，最後等咗 52分鐘先有，因為都有唔少人等緊但嘢食質素唔錯嘅，串燒$36 3串，抵食好味道～ 即燒係唔同啲金邊粉個份量好巨大，夠2-3人食，性價比高 有用魚露 係泰國嘅風味，攪到我即刻好想去旅行通菜 叫咗馬拉盏（辣） 嚟咗個有蒜蓉有咸肉嘅通菜，唔知係咪夠正宗。建議如果日後流程好d , 若要等得耐早d 講實，唔洗我半個鐘後去，再坐係度等半個鐘

較早前係附近買野，醒起之前bookmark左又咁岩係一條街之隔既泰菜，小店鋪面比較細，黎到就買小小外賣返去試下啦。🔻生菜包食泰國菜我一定會叫既食物之一😋對比之前個2間，呢間個價錢平好多喎，份量都多，調味都幾恰當🔻串燒 串燒款式唔多，d 醬料食落都係同一種味，下次可以試埋炒粉炒飯

真係泰國人煮！真係泰國人煮！真係泰國人煮！教完班，夜晚9點幾未食嘢就去賣外賣，依家的生活就是這樣了。點左：1）泰式乾炒豬肉河：這個必試。好夠鍋氣、入味、肉碎好夠。再多一碗飯撈下就食得晒d 肉碎。d 河粉係碎咗少少，但係跟蔬菜的size 好匹配。而最好味之處好乾身，你唔會覺得好油膩而唔食。2）串燒：牛、雞腎、雞翼我覺得要加返d 醬就會更好味。雞賢好多件，但不太硬。牛肉就乾左d, 加返d 醬汁就會惹味。雞翼最好味3）春卷：拎返屋企就真係淋左。下次真係堂食好d

咁好食都無人講！小編😎每個月起碼食一次😝真係食唔厭，店內仲要係泰國人做主廚，全部野食都好正宗👅其實係小編😎有私心唔想佢結業🤫，晚市禁堂食令到生意更加慘淡，所以介紹俾大家，快啲嚟支持同懲罰下啦！💪🏼==============================🇹🇭泰和味 Thai Yummy @thaiyummy📍長沙灣營盤街159-161號金德花園地下1號舖⏰星期一至日 18:00 - 00:00 (只做晚市)==============================1️⃣ 【豬肉碎生菜包】$50個人認為肉碎嘅汁係精粹，無論係屋企點整都做唔出咁好味😣佢嘅汁酸酸辣辣好夾😋加埋生菜🥬成個口感提升咗好多，最鍾意佢份量夠大超抵食👍🏻都唔知佢賺唔賺到錢嘅！😠(🔥怒食指數：9/10)==============================🔥評分：環境：--/10 (外賣)味道：9/10性價比：9/10總分：9/10==============================

經過見到一間唔起眼既泰國串燒店舖間好細 好似得串燒食意想不到 入面有海鮮食麻雀雖小 五臟俱全只不過 櫈坐得唔太舒服眼看廚房係泰國人煮冬陰公湯 太過酸  無乜辣味 唔知係未迎合香港人口味 唔算太好味  唔會難食但都可接受咖哩蟹 係樓面介紹 隻蟹好大好新鮮個咖哩有少少遜色 太膩蒜蓉包又好好食 勁脆燒魚 新鮮即時燒 都好好味 一拎出黎燒時 已見條魚 好新鮮但二人食 已經太飽 食唔晒因為咖哩蟹太濟隔離枱 叫左爆炸魚勁香勁辣經過一聞到 都好香下次再去 試下

喺朋友口中得知到呢度夜晚有串燒食 咁今次就特登同朋友過嚟呢度食晚飯啦！去到門口就見到有串燒燒緊啦😋😋 咁入到去餐廳呢就唔係好大 所以如果想唔使等位就早啲去啦！ 入到去有一張餐單定係食串燒嘅 有牛有豬有雞 仲有啲雞軟骨等等... 如果要揀頭三樣呢 我會揀雞肉雞翼同埋蝦👍🏻咁除咗串燒之外 都仲有好多泰式嘅特色美食 包括馬拉盞啦 通菜 燒餅等等.... 我要推介下呢個飯 你可以揀蝦或者蟹 我地簡左蟹啦 你唔好睇落個飯到好似冇乜蟹咁 但係食落去啲蟹味都好重 同埋係有蟹肉嘅！！ 記住趁熱食😋

原來長沙灣有間泰國人開嘅小店，今日終於試咗！雖然店舖細細坐位不多，要坐門口，但食物質素唔錯，份量十足，而且好有泰國的風味！試咗「生蝦刺身」，啲蝦好新鮮好大隻👍🏻啖啖肉，配埋個醬汁好開胃「炸蝦餅」，好足料，咬開真係仲見到有蝦！一碟有八件好抵食！「泰式鳳爪」，個人覺得依個係有就返香港人口味，因為係泰國食果啲係爆辣！酸酸辣辣幾開胃。「椰子雞湯」，重口味咗少少，但都好好飲，個湯好足料！最中意湯入面啲雞比菇！整體而言今餐好滿足，下次一定要試埋個烤魚！支持本地小店正宗泰菜！

價錢合理，抵食舖頭夜晚6點先開，但地理位置方面，有啲入，小本經營生意，坐位唔多，大多數坐外面，服務員很貼心，食物等候時間快，我地4個人食都係584蚊。叫左泰式生蝦，好新鮮甜，一定要試。有泰式豬頸肉，有生菜包，有菠蘿炒飯，烏頭，串燒，泰式椰菜苖，有泰國師傅親自調出的醬汁，好好味值得試。

有次無意中發現呢間超級低調既泰國菜，泰國人主理，坐街邊，又係貪佢夠local叫左生蝦，生蝦最緊要新鮮，而佢非常爽口，$80 蚊。跟住侍應放低左碟炒通菜, 本來唔係我哋叫嘅，只係送錯枱。由於碟菜個樣太正，仲對住我招手，我唯有叫阿姐煮多碟，一食落口，啲菜爽，嫩，脆，蒜蓉又夠香。簡單嘅嘢都可以煮得好好食。燒豬頸肉生菜包 - 豬頸肉夠多油，加上泰式沙律汁，新鮮菜，好味。燒側魚，一送到上枱，聞到好香嘅泰式香草味，燒得剛剛好，條魚好滑，又有香草果，正👍🏻冬陰公同泰式鳳爪不過不失都好食嘅。舖頭不太，要坐街，但3,4個人，人少少食下local 野，叫6個餸都係$396，仲可以係邊度揾到。

呢間我食左好多次，之前連open rice都未有呢間舖，泰國姐姐主理，3個字形容「平靚正」，好食，價錢又平，食物又大碟，唯一唔好就係間舖好細，唔可以太多人去食，多過8個都應該坐係街都唔得，要分枱。舉個例子：叫碟蝦餅，出面d舖頭所謂既8件係分半，實質得4件，仲要80蚊以上，但呢間舖仔唔同，佢俾足8件你，仲要80蚊唔使，真係好抵食。生蝦又新鮮，又大隻，仲要平。今次又係介紹俾朋友食，終於係open rice見到，所以寫呢個post。不過佢開好晏，好似係6點先開，只可以食夜晚。