泰嘉雯泰式去骨海南雞飯

營業中

休息中

不時回味這間餐廳的去骨海南雞。與其心動，不如行動，今天再次光顧!海南雞飯包括紫菜湯和飲品，另要魚餅則需加$5，共要$48(大概是，哈哈!)，好抵食!先來一碗紫菜湯，紫菜份量絕對不賴，一絲絲好易入口。湯味有獨特的清甜，喝光卻不飽滯，適合餐前開胃。海南雞的黃油飯略帶油香而不膩，拌蔥花和海南雞的醬汁，再來一碗也是可以!海南雞好嫩，如果不是滑不溜口，也會是如絲般滑。我雖然對雞皮絕不捧場，但海南雞雞皮薄得很，不會敲響我對雞皮的火警鐘。雞皮連雞肉吃，才是海南雞。蘸上汁的海南雞更是海南雞。甫入口，醬汁的微辣刺激了味蕾，然而這絲辣味只是轉瞬即逝，隨後來的是蒜香，久不散去。醬汁實在開胃，只用來蘸海南雞，實在不夠，更適合拌飯來吃飯!魚餅帶有冬蔭功的味道，內則有濃濃的魚味。外層經油炸，內裏則是十分有嚼勁。魚餅之典範!檸檸茶的獨特甜味是其他茶餐廳所沒有，正!

喺大角嘴喱間唔算豪華嘅泰國小店，食完我淨係有一個諗法：呢度嘅咖喱超正點！老實講，光係聞吓佢嗰股濃烈嘅香料味，已經心思思想入口輕輕一嘗。海南雞飯，雞皮滑溜得嚟，入口即化，雞肉鮮嫩得滯，胡椒和蔥嘅香味足以令人食指大動。再嚟個扎肉沙律，簡直係爽口得來唔過喉嚨嘅享受，每一啖扎肉，都係彈牙又入味。龍眼冰同樣唔遜色，甜而唔膩嘅滋味令人回味無窮。而家講下個人感受啦，我同老公都係食完之後讚不絕口，覺得係一次幾滿意嘅體驗。喺依間唔起眼嘅店，我地發現咗真正嘅泰國家庭美食。品嚐咁完美口感嘅時候，真係覺得自己彷彿坐咗時光機返去泰國嘅小街巷。整體嚟講，呢間泰國小店絕對值得推薦俾鍾意勁味食物嘅朋友，記得嚟嗰時空肚啲，保證吃得開心又滿足！🍲🥄😋

今次去咗家食店試咗佢哋嘅招牌「去骨海南雞飯」，正！個雞肉滑得嚟又juicy，香得嚟啱晒口味，食落去真係有嗰種口感脆卜卜👌。飯呢，味道就真係與眾不同，每粒飯都吸滿咗雞味，好夾！湯水喝落去清甜又回甘，仲帶少少胡椒嘅暖意，飲完之後成個人都舒坦咗。泰式豬頸肉飯都幾出色，啲肉嫩滑得黎又唔會肥膩，食落口感彈牙，仲有隻秘製醬料，酸酸辣辣，好開胃😍。唯一美中不足嘅就係呢度啲菜樣式唔算多，選擇性比較少，有時想轉轉口味都頭痕。整體嚟講，性價比真係高！覺得自己發現咗個寶藏似嘅，盛惠平民嘅價格就食到咁靚嘅午餐，真係值得推介落去大角嘴嘅時候可以試吓！👍🤤

強烈推薦一家家庭式泰式餐廳，不僅價格實惠，而且美食絕佳，只需45元即可品嚐到雙拼飯。最重要的是，這裡的菜肴非常美味。燉煮的豬蹄香味濃郁，海南雞口感鮮嫩，豬排和豬頸肉香氣撲鼻。香港有眾多美麗而昂貴的餐廳，但煮得好味又親民價嘅餐廳，所以我們應該珍惜這些餐廳，並給予更多支持。而且，這家餐廳離旺角也不算太遠，所以如果你在附近，不妨來試試看。而且，餐廳的環境溫馨舒適，適合家人和朋友聚餐。無論是午餐還是晚餐，這裡都是一個理想的選擇。如果你想要嚐一嚐地道的泰式美食，不妨來這家家庭式餐廳一試。

泰嘉雯係專做外賣的，落單後好快就拎得🥡今次叫咗「泰式炸魚餅湯檬 $34（轉冬陰功湯 $3，雙拼肥牛 $5）」粉面份量非常多，好大碗！▶️湯底：個人幾鍾意呢度嘅湯底，酸辣程度剛剛好，食到有香濃嘅椰香味。湯底有辣椒絲，香茅等食材，呢啲通常食唔到，如果店舖可以篩走呢d湯渣會更好。▶️魚餅：有3塊，就算浸咗湯底都食到外皮係煎過嘅香口味。不過，有少少魚腥。▶️肥牛：都幾大塊，普通質素啦，$5唔可以要求咁多。除咗有湯渣係敗筆，整體嚟講性價比都好高👍🏻

叫左個無骨海南雞飯$40，套餐有一個湯一個飯 好鬼抵，又大碟，雞又滑，醬又好夾個雞油飯。之後再想試下小食，就加左個細札肉沙律$30，又好意外地夾個酸辣汁，好開胃好好味個老闆睇上去好cool,其實好暖男，我order完個札肉沙律老板就同我講：個札肉辣架，你ok嗎，同你轉小辣啦，之後老板見門口啲食客拎主啲重野，同佢地講咁重洗唔洗擺低呀？呢間餐廳真心好有人情味 ，而且野又唔貴既小店真喺好小有👍🏻👍🏻

今日放假，接完阿仔放學後諗住醫肚😋，阿仔話想食冬蔭功湯河，泰嘉雯當然係不二之選啦。話說呢間小店已經開業超過9️⃣年，裝修普通😶，門口更加講得上完全唔起眼😅，但係佢雖然低調，食物係高質素嘅👍，佢最出名嘅當然係招牌所寫嘅去骨海南雞飯🍚，但係佢嘅冬蔭功同樣非常出色，不過今日我要試埋佢嘅豬頸肉飯整得如何？泰嘉雯店舖唔大，只有3張2人枱和2張4人枱。今日去到已經坐full哂🥲，阿仔又話好想食，咁~唯有外賣啦🙈....泰式魚餅湯河 $34 轉冬蔭功+$3只需要+$3就可以轉成冬陰功湯底，真係好抵😍。魚餅炸得夠香口🥰，有少少香茅味又彈牙😚，好好食😋！冬蔭功湯嘅甜酸辣度做到啱啱好👍，好平衡🥰，仲有少少香茅味添😋。至於河粉就好滑，但浸湯太耐就比較容易斷開，所以如果買外賣時，記得記得記得同佢地講湯和河粉分開盒！泰式豬頸肉飯 $40豬頸肉份量唔多，只有大約6~7塊，不過都正常，一般豬頸肉飯出面收緊七八十蚊🤫，呢度收得你40蚊，我覺得可以接受🙂。豬頸肉做到爽口彈牙，香口美味😋，超讚👍。如果堂食的話，枱上有酸辣汁，魚露，乾辣椒，辣椒汁，方便調配適合自己的味道，但係外賣盒飯就只得豉油🥲....龍眼冰 跟餐+$5

【#海南雞皇🐔 】#泰嘉雯泰式去骨海南雞飯食開上癮🤣 雖然連日都35度以上🌞，仍然都好想去食🇨🇷 #海南雞飯 ，希望搵到更多好味道😄上網搵到係 #大角咀 有一間幾抵食既餐廳，係一間小店，店名寫到明去骨海南雞飯，水準應該幾好😊搵咗一陣，終於搵到，不過落半閘🤔 係門口望咗一陣，$40就有得食，凍飲➕$3，都真係幾抵，幾年前好似只係$35😮有一位應該係老闆叫我入去，咁就成為佢今日第一個客😅野食好快到，雞都夠嫩滑，係幾件胸位會相對少少鞋，不過都可以接受。油飯就比較一般，唔算太有油飯香。最出色係個汁，夠酸辣惹味，我都忍唔住撈晒落飯同雞度食😄老闆咁啱行過，非常好人問我汁夠唔夠要唔要多D😍 真係好好👍👍♥♥ 有某D鋪要汁竟然要加錢🤢#凍檸茶 稍稍偏甜，不過味道似曾相識，好接近我最愛但已失去果間既味道🤔 唔係🇭🇰式既沖法，有🇨🇷式既獨特之處。雞飯仲跟一碗紫菜湯，味道較咸，正好可以解辣🤣之後都有幾個客人，都係叫海南雞飯，證明依度應該幾受歡迎。$40+3 絕對唔貴，西九龍中心都做唔到。佢仲有下午茶，單點$37😄 過往比較少踏足大角咀，可以慢慢再發掘吓💪推介指數：7/10泰嘉雯泰式去骨海南雞飯大角咀櫸樹街

雖然舖面裝修普通，但勝在值廉物美😋客人大多點去骨海南雞飯味道正宗、份量足夠、不肥膩+$5 有青檸冰飲，啱晒夏天消暑我地加多份時菜好大碟兩人埋單只係$115🤩推介畀想食家常菜同慳錢嘅你😄

位於大角咀，餐廳入面環境唔大，得幾張枱，十幾個位左右，主打都係食海南雞飯多眼見。去骨海南雞飯 $35★★★☆☆份量正常，雞都幾多舊，雞肉都唔鞋口、唔會乾爭爭，但唔算滑身。雞皮做唔到好爽脆Ｑ彈口感。雞肉食落冇一般海南雞帶少少泰式料味，冇咩雞味，反而食落有少少住家蒸雞嘅味道。個泰式醬正常啦，酸酸辣辣，冇話特別驚艷到。但三十五蚊仲食到「去骨」海南雞飯，正常份量唔係MINI SIZE，飲品凍熱都係加多三蚊，呢個價錢真係好難第二到搵到。泰式燒豬頸肉湯河$32 / 泰式香茅豬扒湯河 $29★★☆☆☆河粉正正常常，湯底普通，少少味精湯底。豬頸肉有5-6塊，唔大塊同唔厚身，老實說唔太夠食同餸埋碗麵，豬頸肉冇咩焦燒味道，淋淋地亦唔太有味，冇泰式FEEL。食完成個麵都唔太滿足，好似食河粉居多咁。豬扒都係普通帶少少香茅味，冇話特別好味唔好味，但豬扒嘅肉點都多過豬頸肉，仲要便多三蚊。如果太家真係想食，可能叫兩拼會好啲，豐富啲又冇咁寡。泰式酸辣鳳爪沙律 (小) $25★★☆☆☆無骨鳳爪，酸辣味唔出同埋唔太入味，但都爽脆同凍既,，小食黎講都可以叫下，但小份最多夠2個人食。泰式香茅雞翼 (小) $25★★★★☆雖然

今次係第二次食，兩次都係食咗湯河~第一次叫咗豬頸肉湯河（$32），轉金邊粉金邊粉似係河粉嘅幼版，份量都唔算細，正正常常嘅水平但係個豬頸肉就有啲少啦，同埋細細舊又唔係砌得好厚咁，食落都有少少唔太滿足，但係三十幾蚊算係咁啦~第二次叫咗海南雞湯河（$35）加香茅雞翼（雙拼+5~）海南雞唔算好有雞味，但係份量都唔算少，大概有五舊左右。佢有畀雞胸位，但係食落完全唔鞋！ 雞翼嘅話唔算大隻，有好多條雞毛，同埋塊雞皮都有好多肉眼見到嘅黃色油脂。 食落去你會知道係食緊香茅雞翼，不過隻味就唔算好出，但都好好食~~河粉嘅話都中規中矩啦，但係個份量好似少個金邊粉（？）兩個粉都會跟好多芽菜，少少蔥粒，同埋嗰啲一粒粒我唔知乜鬼嘢（通常啲泰國菜都會落嗰啲呢~）🤣🤣 個湯底飲落清清淡淡，但係又唔知點解令人飲上癮，我飲曬，但係完全都唔口渴，所以佢應該都冇落味精。我同事叫咗豬頸肉拼肥牛河粉。佢就話啲肥牛都好好食！除此之外，我兩次都有叫炸春捲（$30） 一份有四條（細餐牌寫咗五條，應該係未更新） 唔清楚佢係咪即炸，因為始終唔係好熱，但係食落都好脆。我都唔知佢入面究竟係放咗啲咩餡 ，但係好好好好好好食😂一個女仔食就絕對飽嘅，

朋友帶過黎食呢間位於大角咀既海南雞夜晚大概七點過到黎，好好彩唔洗等位入面環境唔算大，目測應該得二十個位度一睇menu 驚呆左，三十五蚊居然可以食到去骨海南雞飯，要埋野飲都只係加多三蚊，仲要包埋凍飲，好似時光倒流咁😂😂$35泰國去骨海南雞飯，仲要跟埋碗紫菜湯俾你個飯係意料之外咁好食，點雞個汁都好食，酸酸辣辣咁，但個雞就無乜雞味，紫菜湯就好過飲滾水既，不過咁既價錢就唔好太多要求喇🤣$35海南雞湯河再加$5拼左個豬頸肉河粉都算滑，但個湯唔夠熱同埋湯底偏甜，個人就麻麻哋，好彩加番枱面既辣椒魚露都救番$29魚餅湯河,魚餅都過得去，一碗跟六片，好抵食👍🏻$40大份既酸辣鳳爪，好食，夠凍，酸辣味足，爽口👍🏻👍🏻❤️

今日推介呢間一定係大角嘴既午飯遺珠；《泰嘉雯》幫襯左好多年，喺正新九龍廣場七仔對面，舖頭細細，三張四人枱 + 兩三張二人枱已達極限，老闆一家做曬收銀樓面廚房，一家人一齊撐起間店，依家香港地好少了。小店主打《海南雞飯》+ 泰式小食；今日叫左海南雞 并 香茅豬扒飯； 海南雞 跟上枱既辣醬一併送蔥油飯落肚，簡單既組合，不變既美味。好可惜係今日塊豬扒煎好已一段時間，上碟時已無甚温度，亦無香茅味道可言，豬扒這方面有點可惜。另外，加3 蚊既凍檸茶既茶底亦吾係普通茶餐廳質素，我覺得好飲，但亦有朋友覺得麻麻。各自喜好吧。總結： 大角嘴家庭式經營泰式小店，三十幾蚊抵食抵飲晏晝飯

以前成日都會嚟泰嘉雯食。中午嘅時候一定要早啲出去如果唔係就要等位。最近因為搬咗屋已經好少有機會過去。咁啱同啲朋友講開，佢哋幫我買外賣。叫咗海南雞拼魚餅飯。結果發現海南雞好似少咗，唔知係咪心理作用，得四舊。魚餅有少少乾。 但可能係因為外賣始終行咗成15分鐘，唔排除有影響到。 但係始終都係非常抵食（$40咋）、好味. 支持~

非常親民嘅小店（鋪面堅係超細）老闆應該係泰國人雖然餐廳好細，肥dd真係坐唔落，但總算整齊乾淨 （其實香港好多小店都係咁，冇計🤷🏻‍♀️）所以通常會叫外賣 跟餐送紫菜湯就算單點，但老闆好多時都會送埋極力推薦：海南雞飯：d雞絕對唔會甩頭甩骨黃油飯好香但又唔會太肥如果加多d菜就好缺點係冇酸蘿蔔燒豬頸肉：唔知佢點燒總知係厚薄適中都係嗰句，多d菜就perfect 熱奶茶：好滑好香有lunch set 同下午茶餐 非常經濟實惠