泰國大城船麵

營業中

休息中

服務員態度非常冷淡，三不問不答，都算，年三十晚有霄夜餐算係咁。我諗佢老細想賺埋呢個旺季時段既錢。但佢根本吾知道啲員工幫佢趕客走，我叫左最貴既船面餐 原價98霄夜88諗住個餐話有安格斯牛想試吓。嘩黎到個餐每樣餸比2舊你，我望多望個安格斯呢，佢另外有肥牛既餸無理由肥牛係佢啦。我問個侍應，侍應吾知問個經理既物體，又吾知走左去廚房問。最後個廚房走出黎講話賣哂安格斯牛，轉左肥牛。我火起上黎反問佢，你呢個餐98，安格斯牛無左點會係呢個價錢其一。其二係你地跟本無同個客講無呢隻，如果知無我會想轉其他餐，激死我仲要無所謂咁講可以轉其他，我話吾使啦，哦完我聲就走超級敷衍。衰啲上黎我可以告佢商品說明條例，新年流流流真係廢事同人嘈。呢間如果唔係咁岩年三十夜收工經過都吾會試，平時都吾會食到，呢野食好一般又貴。

試吓佢哋個set，泰式咖喱雞金邊粉+ 熱泰式奶茶 $58點餐嘅時候, 我say Hello , 個waiter完全唔回應又唔望我, 亦都冇笑容, 同機械人點都有禮貌過佢泰式奶茶嚟嘅時候唔係非常熱， 但味道非常正宗，亦唔會好似其他嗰啲咁死甜泰式咖喱雞金邊粉得一隻雞鎚，咖喱湯底濃郁，但又係唔係非常熱， 金邊粉份量好少（我已經係女士）其實成碗嘢好味嘅，但係最大鑊嗰下就係嗰啲脆脆過晒期走晒氣淋晒，真係食唔落口 因為唔夠飽，所以睇吓個餐牌有咩其他嗌，發現跟餐原來應該有個椰汁雞湯， 我就問另外一個侍應係咪有，係自己要問呀嗱，又係黑面的。 唔使講個椰汁雞湯又係唔夠熱㗎啦😂

這家泰國菜船面真是一絕！首先，它的味道非常濃郁，香料的使用恰到好處，讓人一吃就感受到泰國的獨特風味。特別是那碗船面，湯底熬製得甜辣適中，帶有淡淡的酸味，令人胃口大開。而那牛肉丸和豬肉片也非常嫩滑，入口即化。豆芽和空心菜更是爽口美味，為整個菜餚增添了一抹清新的口感。不過，最令我印象深刻的還是那自帶的調味粉和調味油。撒上一些調味粉，淋上一點調味油，瞬間整個船面的味道昇華了！吃起來更是美味無比，簡直停不下來。總體來說，這家泰國菜船面真是一絕！不僅味道好，而且食材新鮮，烹飪技巧更是精湛。如果你也是泰國菜的愛好者，不妨來試試這家店的船面，一定會讓你愛不釋手！

✨冬蔭公湯粗麵（雞/👉🏻牛👈🏻）呢種冬蔭公湯同平時嗰啲好唔同，除咗外表上，仲有呢間湯底相對冇咁流質，好濃郁嘅湯底嚟🧡味道上，聞落就固然好香冬蔭公味，食落好有香料(eg.🍋)同埋椰奶(?)嘅香🥥，有適當嘅辣度，牛肉同麵都好掛湯🌶️。牛肉方面🐮，冇諗過係肥牛，仲要好多塊😳😍😋質地一啲都唔韌，有微微軟熟感，比湯底搶咗味🤣。本來我以為粗麵係一條條勁粗嘅麵條，點知原來係河粉形狀嘅麵，好薄身，食每一啖都掛曬啲湯汁。最後，佢有落唔少菇🍄🤍，可惜嘅係啲菇已過時(?)，又酸又硬😭😭✨泰式遊船金邊粉with牛丸&肥牛呢個湯底好濃郁，好有越泰風味，即係好多香料🙈😂金邊粉質地較淋身，但又唔會難食，係幾掛湯同埋有一種特別嘅口感。牛丸就普通幾粒啦，肥牛又有唔少份量又好食🐮，同冬蔭牛肉一樣質地，一啲都唔韌，有微微軟熟感。可能湯底不一，食得出呢碗嘅肥牛幾清甜，脂肪有淡淡嘅香，肥牛幾好👍🏻

去過依間野2次，但唔會再去！野食唔錯幾好味，豬油渣撈落d麵度食，味道同口感都好正。好評講完講差評！服務真心好差！第2次去時，問個拎豬油渣，佢話無曬，過左陣隔離枱都問佢拎，奇蹟既一刻出現la！同一個侍應但唔同既答案！佢拎左成樽豬油渣出黎比個客！今日行過想再去，去到門口佢叫拎飛排隊，我2位排第2，後面仲有2組2位第1組入左去之後過左陣，有個女侍應出黎用泰文同第3組講左2句就比左第3組入！我同第4組都呆左！入去問佢地，佢話係張枱漏水，但好奇既係第3組嗰2個客唔係入漏水位！服務真心好！

船麵湯底好濃……好有泰國既味道豬頸肉都好食😋但性價比唔高因為價錢都偏貴、份量唔多兩個炒飯都炒到粒粒分明，不錯👍🏼飯後有甜品送但味道就一般般服務態度就幾好👍🏼

下午餐（2：30 - 6：00）包椰奶雞湯、餐飲。T611 香辣海鮮炒河（$58）凍泰式青檸茶（+$2）椰奶雞湯，椰奶味有，帶少少酸微微辣，開胃。凍泰式青檸茶，偏甜及帶有少少“香水”味。香辣海鮮炒河，即炒，鑊氣一般，但味濃，辣度足，配料十足，除咗蝦、帶子仔、魷魚鬚，仲有大量蔬菜（洋蔥、黃紅椒、紅蘿蔔、粟米芯、豆角、秀珍菇、香葉，生菜絲墊底）。河粉偏闊但闊度不一，超煙韌加軟滑，幾好食，如果份量可以多啲更好。

依間泰國菜位於謝斐道，就唔係正正地鐵站口一出嘅街道，所以就算星期六日都唔洗等好耐就有位😜✨ 酸辣豬頸肉生菜包 $78 （推薦）一次過滿足曬想食生菜包同豬頸肉！豬頸肉咬落香嫩多汁💦配埋微辣嘅泰式醬汁、香蔥、紫洋蔥十分惹味，就咁食都好好味😋想無咁飽膩仲可以包生菜一齊食，口感爽脆，食落仲多一份清新嘅味道☺️✨ 泰式炒通菜 $68泰式炒通菜香氣十足，通菜炒得非常爽脆，好有鑊氣，每一條都好有光澤✨但食落又唔覺好油，而且有炸蒜粒灑係上面，口感香口🥰✨ 冬陰功海鮮炒飯 $88炒飯粒粒分明，而且好乾爽、上曬色，充滿淡淡嘅冬陰功味，但又唔會太辣👍🏻配料有大蝦、界花魷魚、帶子粒等，份量真係好抵食，男士份量‼️✨ 泰式咖哩牛粗麵 $78泰式咖哩比想像中更濃郁😱味道偏重椰漿、椰奶味，食落粗麵係超級掛汁，但食到中後期變咗撈麵同埋都幾有飽膩感🤭鐘意濃郁咖喱嘅朋友可以一試。✨ 泰式黑咖啡 $28飲落比美式黑咖啡無咗苦澀味，反而有種焦糖嘅甜甜地嘅味道，幾特別🙊✨ 泰國大城船麵店內就無乜特別裝潢，一般嘅香港冰室咁，都會有卡位咁，坐得都幾舒服。而且無收加一服務費，所以單以食物質素係不錯嘅👍🏻.⭐整體︰8.0/10⭐食物︰8.

🍜大城招牌船麵（鴨蛋麵）配料有雞蛋、豬肉丸、豬潤、肉片、牛丸、安格斯牛、炸豬皮等，用料豐富十足！最好食嘅莫過於係安格斯牛，牛味濃、肥瘦適中！湯底非常濃郁，麵爽口彈牙，非常好食，推薦！.🦐炒鮮蝦金邊粉顏色鮮橙色，賣相吸引，用鮮蝦、雞蛋、豆腐、芽菜、菜脯等配料同金邊粉一齊爆炒，鮮蝦彈牙、鑊氣十足！旁邊有花生碎、青檸汁、青木瓜絲、生豆芽菜可以自行根據口味撈勻。最鍾意撈埋花生碎，有香濃花生味，同炒金邊粉味道好夾！生豆芽略嫌味道過生，稍為焯水會更好。.🐷酸辣豬頸肉生菜包酸辣汁可以中和豬頸肉嘅油膩感，包埋生菜會更清爽，仲有生洋蔥作配搭，整體味道好食！分量方面都好多，建議3人share 會更好，兩個人食略嫌太多🤣.🥥椰汁糕椰汁糕食餐廳贈送，椰汁糕味道清甜，作為飯後甜品一流！.

星期日經過謝斐道見到有間泰國餐廳，見到個餐牌又多款式又幾抵食，平均五、六十元一個餐，所以就入嚟試下啦！我叫咗一個泰式遊船濃湯河，非常大碗，有肉丸、肉片、豬潤。湯底好濃郁！午餐係好抵嘅 ，仲送一碗椰子雞湯，味道仲好鮮甜呢！飲品我就叫了一個熱青檸水！青檸非常新鮮！值得推介比大家！泰國大城船麵地址：銅鑼灣謝斐道483-499號新城大廈地下G&H號舖

同朋友喺銅鑼灣食飯，大家都唔知食咩嘅情況之下佢就帶咗我去食泰國嘢，佢話呢間佢都有食過幾好味！本身諗緊海南雞飯定係船麵，見到佢嗰時面有豬潤！唔係咁多地方有得食豬潤，所以就試咗呢個船面！有驚喜好好味呀個湯底，其實我食嘢都幾腌尖，佢個湯底好濃郁但係一啲都唔油膩！我返屋企上網查吓原來泰國船麵嘅湯底係用嘔血或者豬血煮，再加一啲泰國香料，整體現時好好味！而佢嗰個跟Chan嘅椰奶雞湯到甜甜地非常香成餐食得好舒服，呢度仲有廁所添！

泰國大城船麵 (銅鑼灣)銅鑼灣謝斐道483-499號新城大廈地下G&H號舖✿✿✿✿✿✿✿✿✿✿✿✿✿✿✿✿✿✿✿✿✿✿✿✿銅鑼灣鬧市區開咗間經濟又實惠嘅泰國嘢食。呢間餐廳模式好似茶餐廳咁。但佢啲菜式嘅味道係非常正宗。我好鍾意食佢嘅船麵嘅濃度係同泰國一樣。同埋佢啲炒飯都好正宗好好味。食完唔算非常口渴。同埋佢每張枱上邊都有一筒炸豬皮。可以送船麵。😋😋😋😋😋😋😋😋泰式遊船濃湯河（豬肉丸配豬手）$78😋😋😋😋😋😋😋😋總結🤓其實都算好有水準嘅餐廳。總算幾好食呀👍大家可以值得一試。

high quality thai food there.if you know samsen which is famous thai food in 上環 and 灣仔。 their price is almost double compared to here. their noodle is 128+1. here is 78 without +1.best food is dry fired river noodle. the flat noodle, very oily. they added mochi texture into the noodle making it very chewy and elastic. very yummy. me and friend agreed here hv 70% power of samsen, but cost half. very worth.next good food is curry noodle. the curry is just concentrate likes slurry. very yum. a li

-有同事推介呢間係平價嘅泰麵，性價比高，所以過來一試。店舖介紹: 食材、特色調味料每天從泰國空運到港，可以保證新鮮和正宗。泰式遊船湯河 (牛丸/肥牛)麵底幼身，好快會淋晒，本身煮得偏淋，所以唔好影相太耐會變得好難食。湯底就濃郁，但係調味太單一 ，自己加辣醬，或者味粉就會更加好食。(利申: 我自己唔會特別食泰國綠色香草系列，如果你哋一齊食可以將湯底層次提升)牛丸都彈牙無牛味，但係牛肉明顯冇醃過，牛就是普通貨色。泰式奶茶入口香醇都好飲，千萬不要叫少甜，泰式奶茶一定要夠甜先至好飲，茶底偏淡，冰塊溶化後會無味。午餐真係好抵，仲送椰子雞湯，香味超濃郁。如果你在附近返工值得一食，但千萬唔好放假特登過來食，怕會令你失望。

喺銅鑼灣行完街 朋友想食泰國嘢喺SOGO附近見到呢間有個二人餐好似唔錯裏面都幾多人食 應該唔錯所以就試吓啦夜食二人套餐$198-青檸汁燒豬頸肉豬頸肉有啲普通 諗住會係好似串燒嗰啲會燒過 飯但點知好似冇乜點燒過咁 普通就咁煎好嘅豬頸肉 同埋無咩豬頸肉嘅口感應該係切得太薄🥺-泰式炒通菜望落好似普通炒菜咁 但食落好好味個醬汁 好惹味又有少少辣 食到停唔到口 超級推薦 下次一定再嗌😍-炒鮮蝦金邊粉份量都唔少 好夠鑊氣其他配料都比得好足 唔錯👍🏻