影片
電話號碼
29828386
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
食家推介
IFC睇完戲再嘆餐飯中環只係30分鐘船程、海洋公園玩完香港仔同樣只係30分鐘船程，直衝索罟灣嘆海鮮﹗完全意料之外，使得我讚口不絕﹗比西貢及布袋澳更好的選擇。食物⭐️⭐️⭐️⭐️服務⭐️⭐️⭐️⭐️環境⭐️⭐️⭐️價錢⭐️⭐️⭐️⭐️衛生⭐️⭐️⭐️。青島啤酒，國際品牌穩陣之選。豉椒炒蜆⭐️⭐️⭐️，極罕有地給3星﹗雖然不是生炒，但汆水不過份，仍然保持飽滿鮮甜多汁，充滿蜆水蜆味，搭上清新豉椒芡十分可口美妙﹗辣酒煮花螺⭐️⭐️⭐️，價錢貴到可以媲美瀨尿蝦皇﹗熱騰騰吱吱咋咋地送到，極為軟綿入味，鮮氣迫人搶住食﹗身彈篤腍多多汁，只係略為偏細粒。辣酒汁跟大量螺肉齊齊撈飯堅係欲罷不能，可以送上幾碗飯。蒜蓉粉絲蒸扇貝⭐️⭐️⭐️，突發奇想淋上辣酒汁調味，味道襯到絕﹗看似不熱沒半點煙，衝動地整粒啪入滾燙無比，燙到甩皮又颷晒眼水，痛痛啊﹗扇貝肉白雪雪厚厚鮮甜軟塾，加上辣汁蒜蓉的助功，食到要捐手指呀﹗清炒白菜仔⭐️⭐️⭐️，在我心中很難炒得甜的蔬菜就係白菜，難度極高﹗不過師傅功力深厚，炒得爽甜熱辣辣，無澀味無青味無腥味，可以安心大注大注地塞到舌尖上，趙得菜汁飛射。白灼墨魚⭐️⭐️⭐️⭐️，刀功了得片片平均薄切半透明，拖一拖、灼一灼即郂上碟速速登場﹗鮮鮮鮮加上靈魂蒸魚豉油，提鮮提味使到味道更上一層樓﹗揚州炒飯⭐️⭐️⭐️，炒功一流香噴噴，雖然少了點鑊氣，但非常真材實料，百味交錯足料得過份﹗蝦仔叉燒啖啖肉，撈埋辣酒汁更加美妙，停不了地扒飯啊！連碟都舔得立立令。豉油皇海蝦⭐️⭐️⭐️⭐️⭐️⭐️⭐️⭐️⭐️⭐️，直程米芝連級數，我要比10星爆燈﹗去掉腳去掉頭去掉腦非常乾淨，炸到蝦殼香口薄薄脆卜卜，蝦膏甘甜蝦肉爽彈帶汁，原隻入口完全消滅，連蝦殼都無得留低﹗頭抽清香撲鼻不咸不膩不濁，只有鮮的份兒。蒜蓉蒸斑頭腩⭐️⭐️⭐️⭐️，大量的蒜蓉澎湃地包著每吋斑肉，皮膠肉彈配襯著蒜蓉的辛甜更是滋味。蒜蓉斑頭腩揚州炒飯⭐️⭐️⭐️⭐️⭐️，再次發揮我的創意，蒜蓉斑球撈揚州炒飯好食到無可能用筆墨形容﹗蒜蓉豉油撞斑肉，仲有叉燒甜搭蛋香，蝦仔的鮮爽，集百家之大成互相呼應昇華，忍唔住要大啖大啖地品嚐﹗酸辣湯⭐️⭐️⭐️⭐️，港式多料到滿瀉，百鳥歸巢錦鏽超足料﹗酸度高帶著非常多變的味道，啖啖都係精華，層次複習縯紛精彩﹗竹筍、甘筍、豆腐、粉絲、木耳、蛋花、冬菇、紅椒、肉絲、蔥花。果皮蒸鮑魚⭐️⭐️⭐️⭐️，火喉拿捏出色，鮑肉非常彈牙，鮮味保存十分完整，沾滿果皮豉油原集啪入，沒有挑剔的機會。甜橙，擺盆一絕，成堆似兔又似餓，甜味出眾又多汁。
繼續閱讀
平日星期四來行山後，選擇了這間免收茶錢和家人的海鮮餐廳，估唔到是非常好味嘅海鮮餐，服務員Andy服務態度認真，有禮！經濟實惠二人餐，只需要$368，而且新鮮 ，下次都會再嚟幫襯。白灼墨魚蒜蓉蒸班頭腩黑椒牛仔粒再送2罐汽水（我哋換咗兩罐青島）清炒時菜，楊州炒飯同埋水果🍉！同埋唔收茶錢同加1！唸唔到白灼魷魚同頭腩用新鮮嘅魷魚 非常超值，感謝用心經營！期待下次帶小朋友再來品嘗依度環境清幽 （對住個海）食到最後，仲細心提醒我哋乘船時間！
繼續閱讀
閒日與朋友去大嶼山索罟灣行山，行完山去食海鮮。選擇泰園的原因，因為這裏的套餐選擇多，又全包。點了個$368二人餐，再加個椒鹽鮮魷例牌。鮮魷好味，白灼蝦好新鮮，炒蜆和菠蘿咕嚕肉也不錯。起初擔心唔夠飽因為份量唔多，但之後加埋炒菜和炒飯，一定夠飽。今時今日，一個人大約240元，有6道菜，比你坐得舒舒服服，去邊度搵。仲有，服務態度一流，啲餸一個個上，唔會凍晒。店員又幫斟茶、換碟，真係好值得讚👍🏻和推介給朋友。
繼續閱讀
新年期間沒有加價👍一落船都有好幾檔海鮮，見到呢度價錢都幾相宜，二人餐$368（沒有加一茶芥）可以揀三個餸～ 另外包炒菜同埋炒飯，叔叔仲好細心，天寒地凍，佢將檸檬茶「座熱」我哋豉椒炒蜆，唔算好大隻，不過都幾惹味。呢個椒鹽鮮魷，真係令我感到超驚喜！好好味楊州炒飯，呢個唔使介紹。豉油煎蝦，呢個就普普通通，啲蝦唔大隻。略嫌少少鹹。放假期間～ 望住呢個海景，慢慢飲杯茶，食海鮮 滿足！總括來講，以呢個價錢， 10分滿意，服務都很好
繼續閱讀
行完山 朋友想食海鮮 疫情前都食過這間原來已換老闆 今次6人 大家都唔太肚餓叫左4人餐 再加2人份量 上餐時有驚喜海鮮好新鮮 靚女Candy服務好好 每碟份量都唔小 仲有生果同汽水
繼續閱讀