泰地道 (文苑樓) (已結業)

約了住在附近的朋友，在這間泰國餐廳晚餐，點了軟殼蟹咖喱套餐，還有明爐魚。這兩款食物是店員推介的精選食品。自己另外點了幾杯飲品再加3隻燒扇貝，再加上泰式鮮蝦炒金邊粉，就是很好的一頓晚餐。當然和朋友聚會，「醉翁之意不在酒」，但是食物質素也不能忽視，這間餐廳的食物味道及賣相也相當吸引，環境也很舒適，是一處很適合和朋友聚會傾偈的地方。真心推介：軟殼蟹咖喱套餐，包括：軟殼蟹、蒜蓉包、咖喱汁。只售$218….. 扺食

因為要去圓方睇戲，所以係附近搵食，之前食過一次都覺得野食唔錯，有一貫九龍城泰菜水準，今次無諗咁多再食一轉。不過可惜今次預錯份量，兩個人食嘅嘢同4個人食差好遠，係度提提大家不能叫太多，費事食唔晒浪費……加上呢間嘢都幾落力sell食燒海鮮，大家叫菜時可以留意下。🥢🍞黎到必食一定係佢個蒜蓉包，用厚多士切成條狀，面頭鋪滿蒜蓉粒，燒完又入味又脆卜卜，好有心機整（我見啲店員都有係度食😂）。🥢試咗兩隻燒扇貝，又係鋪滿蒜蓉，蓋過晒粒扇貝，可彩扇貝都厚肉，唔會太細隻，中意食蒜蓉嘅人就有福了！🥢冬蔭功湯嗌咗個細嘅，材料有大蝦同秀珍菇，酸酸尾尾帶有少少辣，食完個湯好開胃。🥢食到一半已經好滿足，口痕再嗌咗個馬拉盞炒椰菜苗同雞肉泰式乾炒河，份量好多，兩個人食厭有啲多，所以話一班人食泰菜會開心好多！唔小心點錯咗乾炒河，下次會食返濕炒。😅當晚晚市客人唔多，老闆娘都有禮貌推介餐單比我哋，最尾我地趕時間睇戲，連免費嘅飯後甜品都無食到，好似係糯米糍，個人認為廚房水準唔差，下次會再黎食！

味道一般，樓面女侍應態度十分惡劣，長期黑面，勁無禮貌，簡直係貼錢受氣。洗手間好細，衞生環境欠佳，抽氣糸統十分惡劣，臭氣氛天，要閉住氣去洗手間。不會再有下次。已列入黑名單。

冬陰功唔係原料熬製，開湯包或者湯粉，味道偏鹹，失去原有風味。燒豬髀（188¥，food)，（店員聲稱）滷水完再炸，起冇上粉或漿既情況下炸，豬皮會吸返晒啲油，體驗不好。因為本人是廚師，如果餐牌係寫滷水炸豬脾，我一定唔會叫。相信店員都了解情況，但處理手法不如理想木瓜沙律，有泰式風味，整體係好食。環境方面，優美雅觀。今晚體驗整體一般不算良好。

去食泰國菜🇹🇭當然一定要食冬陰功湯😝呢到嘅泰式冬陰功明爐蟹鍋真係好正💕冬陰功湯底係任加嘅！蟹肉真係非常之鮮甜 勁多蟹肉同蟹膏🦀再加埋下面底嘅粉絲、金菇同生菜🥬都幾豐富

本身想去佐敦食煲仔飯，但冇book位食唔到，係附近揾左間泰國野黎試，冇做research 下又估唔到ok喎😋😋#蒜蓉包 🥖❣️一客6件，有燒過既紋，好香脆又唔會太硬太乾，蒜蓉包就咁食都好好食，唔一定要配咖喱😛HKD38#沙爹串燒 🍢❣️揀左要雞同豬各3串，好香炭燒味，食得出真係燒唔係炸，肉質唔鞋，火喉岩岩好，配埋微甜花生沙爹醬好正HKD88#燒白鱔 🐟❣️見多人推介，叫左一串試下，呢個價錢size比想像中細，不過都係燒得好好食，魚油味出晒黎，仲有個酸辣汁配埋。如果多返啲肉就perfect👍🏻HKD58#泰式鮮蝦炒金邊粉 🍝金邊粉唔會太淋又唔會一pat野咁，鮮蝦冇乜特別蝦味，調味有啲單一，冇乜火喉，唔夠惹味，相比下呢個較普通HKD78#冬陰公大蜆雜菜煲 🍲❣️餐牌冇得點的，係職員推介有新鮮大蜆，點煮都得，本身想咖喱炒，不過職員話咁會晒左啲新鮮蜆，建議冬陰公煮。好彩聽佢話，大蜆真係好鮮甜🤩，冬陰公唔會太濃味又可以釣到啲鮮味！冬陰公個味都調得幾好唔會超辣HKD148#凍泰式奶茶 🥤一黎到飲落口，嘩！爆甜，好似飲一啖都會糖尿咁🙈同職員講，無要求下都即刻換過杯，茶味濃啲少甜啲既HKD25加一服務費#泰地

今次去左佐敦食lunch，聽講泰地道好食，就入去叫左最common ge pad thai，估唔到有咁大碟，仲金光閃閃咁，入面都好足料，唔係用蝦米仔，加左7蚊叫左凍奶茶，都好好飲，甜味好自然

📍#泰地道 人均消費: HKD58渡船街其實好多毫不起眼的餐廳，今次又試下泰菜，都多人，餐廳小小都可以容納30幾個客！🆗泰色鮮蝦炒金邊粉🍗 $58其實泰國菜咁多選擇，但總係食嚟食去都係嗰幾款！無錯！今次又係食金邊粉🤣🤣賣相就幾靚呀，不過就冇乜味加杯泰式奶茶，甜到澀不過餐廳抽風有點差，食完成身都有陣油煙味

邊返工邊返學, 又撞上凍冰冰嘅冬天, 真係又凍又攰又餓咁辛苦, 放學一定要食啲飽肚嘅嘢食, 如果唔係就太可憐啦<蒜蓉包>泰地道嘅蒜蓉包好鬆軟, 蒜蓉醬落得好足料雖然外賣有啲凍咗, 而且冇咁脆, 但依然好好食<炸蝦餅>炸蝦餅份量都幾多, 炸得脆卜卜, 炸粉好薄, 蝦肉量好俾面爽口彈牙, very good<泰式鮮蝦炒金邊粉>泰式鮮蝦炒金邊粉攞上手好墜手, 金邊粉呃到實一實, 用筷子用力咁搞都搞唔開可惜味道唔係好夠, 但誠意搭救, 非常抵食

蒜蓉包點咖喱都幾惹味 但蟹唔算好鮮好好味 燒牛扒幾香口 唔會好鞋 算係唔錯嘅炸皮蛋不過不失 冇咩特別海鮮炒時蔬 都係普通整體價錢唔算好抵 野食唔係特別好食 普普通通 個日有部冷氣壞左 行到去流哂汗位於渡船街嗰邊 對我黎講唔算好方便所以唔使特登過去食

星期六約左班好耐冇見嘅朋友去食泰國嘢聚吓😄朋友推介咗呢間餐廳仲一早已經訂定枱我地一行5人準時去到餐廳，唔需要等就入得去啦入到餐廳朋友就急不及待叫左生蝦，咖哩蟶子配蒜蓉包，串燒雙拼揀左牛同雞，馬拉盞椰菜苗，燒鱔，招牌烤雞朋友果然冇介紹錯，餐廳食物賣相已經好吸引，每樣食物味道仲唔錯，食完之後已經諗定之後會再同屋企人過黎食啦，所以好值得推介😊

好耐無去渡船角呢頭搵食，本來搵Pizza食，但最後去左呢度食泰菜，係估唔到咁好味同估唔到咁蝦碌。食泰菜其實都無乜期望，可能就係因為咁，所以係有啲驚喜架。叫左三個菜，蝦醬通菜，炒金邊粉，同泰式燒桂花魚。先上嘅當然係最易煮嘅通菜啦，第一碟頭唔細，第二，蝦醬好濃味又唔會過咸，比起食開嘅多左啲層次，好味，做呢個菜都幾用心喎。再上嘅係金邊粉，粉好煙韌，好彈牙，仲有三只有蝦味嘅蝦，難得，落單時仲特別話個粉啲橙色係咩咩做出來，即刻好似高左啲層次咁。不過最奇怪係條燒魚，我地食到中途先同我地講落錯單，燒左條烏頭，本來想食滑身魚，唔想再等，烏頭都要。但由落單到上菜等左超過半個鐘頭，好彩嘅係，好香，都叫做滑。奇怪嘅係唔止我嗰枱落錯單，隔離枱都落錯。有興趣嚟食嘅要再三小心落單。

我哋係打電話訂位，7點30左右都9成入晒座。 (如果想食咖哩蟹要訂，不過我哋冇叫)店員會推薦今期好食，大家不妨試試我哋仲食左咖哩蛋汁炒花甲（好似係）係用咖喱蟹個汁既做法 同蒜蓉包（好好食）忘記影相大家都掛住食不過得一個人做待應，但食物都好快上枱。三五成群啱啱好，傾下計又食得幾舒服😌飲品方面就小款啲，有杯木橘茶（個名幾特別）試下佢先，好涼茶味🙈我哋唔係好識欣賞😂😂其實有其他野食想試，不過驚眼闊肚窄。下次會再去過

值得回頭住左附近接近一年 從來無機會試 今日終於有機會一試。一坐底老闆娘就已經推介蛋黄漿咖喱勝子（唔記得咗個名）再配蒜蓉包，仲叫左馬拉盞通菜同埋豬頸肉。個蒜蓉包超有水準 蒜蓉香得黎又唔會搶咖喱味 （不過就咁食都超好食）脆得黎唔係果種覺得好熱氣令你唔想放入口既脆。 就咁一個蒜蓉包就真係已經夠我回頭再食！推介大家都去試吓！通菜新鮮而家個馬拉盞味都好出 唔係出面啲死咸而豬頸肉都做到果種脆既感覺食物好食老闆娘好好又友善點嫌衛生麻麻 但都可以接受！

第一次食，服務同味道都好深刻講真，第一次到佐敦渡船度嘅老區諗住品嘗下，有冇d隱世味道行行下，見到e間門外，已經有附近街坊買外賣食咁下意識覺得，贏得街坊口碑，可以外賣嘅回家品嚐嘅，應該味道有返咁上下第一道 咖喱炒海鮮當晚老闆娘推介了花甲，話師傅晏就親自簡嘅海鮮，包鮮味十足先講下個咖喱 味道較重 但個汁就輕身再現埋花甲炒埋一齊 係幾夾 幾香 幾有料（推介必食，海鮮就靠老闆娘推介）第二道 蒜蓉包「極度出色」佢用嘅面包 唔係西餐用開嘅法包而用本地茶餐廳用開嘅方包我好奇之下，問下老闆娘真係好夾個咖喱 又重味 又足蒜香簡介左個做法先油炸一次面包再拎去焗一焗面包表層有小小脆口再咬落去，有陣濃香又岩岩好嘅蒜香而內膽嘅面包有白面包嘅香味講真 個層次感十足 配佢自家咖喱汁絕配 絕配 絕配第三道主糧 蟹肉炒飯味道正常 ，蟹肉份量較少炒飯黎講合格，但配料同蟹肉之間有小小唔夾可以考慮換一換個配料第四道 炒菜味道正常 菜係新鮮嘅因為都吃到好飽 食唔曬味道水平之上價錢又合理老闆娘都服務幾好當日食飯時有小小蚊 周圍係菜度 飛黎飛去可能店內要加強滅蚊