泰好味

營業中

休息中

在Openrice紀錄為我的心水餐廳只有五六間，泰好味是其中之一。價錢相宜、美味、份量足、服務好又露天坐街邊，就是這幾個條件已令我對佢一試難忘，幫趁了已有五六年，凡想起泰國菜，總是泰好味優先。半年多沒來，意外地發覺小店已擴充，加租用了隔離的糖水鋪做室內鋪，座位即時多了一倍有多，這叫有麝自然香，食物質素水準保持，自然客似雲來。先來一碟生蝦刺身$55，是這兒的名物，蝦大隻，新鮮爽口綿滑，即叫即剝。配上辣度十足的辣汁，異常醒胃，四個人吃一碟絕對不夠，故先後order兩碟分享。食家偏愛這兒的無骨鳳爪，鳳爪份量足，一碟滿滿的，做得爽脆好吃，酸辣度適中，不到十分鐘已成碟清哂﹗泰式魷魚沙律是每次必點的美食，魷魚軟身彈牙，辣度驚人，對我地呢班嗜辣之徒絕對是一大挑戰，明知山有虎卻又偏向虎山行，辣完送兩啖啤酒順順氣又再來一件，再辣再隊啤，這正是沙律可愛之處﹗炭燒豬頸肉份量足，豬頸肉於烤後不會太肥膩，是下啤酒的良物。串燒雞肉，醬汁偏甜，還是原始一點的沙爹最好食﹗最後來個泰式炒通菜作結，連六支泰象大啤，最後埋單$440，4個人一人也只是$110，極抵食，難怪未到八點已要等位，看來下次來吃要早點霸位為妙﹗

是日又同班fd一齊去搵野食, 其實九龍城既泰國野都出名抵同好食, 咁今次呢間都係朋友中有人推薦先去既新裝修既舖面都幾靚幾舒服我地到既時間只係星期一既6點半, 所以入面都無人直接就坐低由於一開頭未齊人, 就叫左幾串串燒食住先, 都幾好味下既又快手其實生蝦同鳳爪個汁一樣, 都係好辣但真係好好食, 好快就搶晒蝦餅夠晒脆好好食, 份量都夠, 值得一試!! 馬拉盞炒通菜, 好細碟, 少得好緊要, 味道都係好一般我自己最鐘意食既生菜包呢度細碟之餘都真係好麻麻, 個味有D怪, 唔知點咁咖哩蜆好味不過得好少蜆咋!!!!個咖哩汁撈飯一流加落去既蒜蓉包真係食過翻尋味好正!!!蒜蓉好夠多!!呢個係後加既, 因為我地六個女仔食都發現佢D野份量唔多夠結果先再加個飯本身想叫肉碎炒飯但諗起有叫左生菜包就放棄左不過呢個菠蘿炒飯濕濕地, 好夠味!埋單我地六個人食左560蚊左右其實呢間野就唔算差, 只不過佢既份量同價錢o係九龍城真係大把選擇所以應該可一不可再架啦

九龍城是香港吃泰菜的好地方, 泰菜館林立. 對我來說餐廳裝潢並不是最重要, 最重要是菜式夠地道這次選了這家小店吃看看這家泰菜館夠地道與否小店旁有用餐空間, 坐下來之後四人點了八樣東西青木瓜沙律蠻大的沙拉, 味道上做得很好呢~! 因為吃過不少地方的木瓜沙拉都死酸死辣這裡的沙拉酸得來加了糖調味, 酸酸甜甜的很開胃很順口青木瓜絲爽脆清新, 沒有過多的其他配料, 簡單但好吃生蝦刺身這裡的生蝦刺身很划算, $50就有一碟, 我們一共叫了兩碟吃生蝦鮮甜爽口, 沾上酸辣夠味的醬汁很讚! 這裡的酸汁調的蠻辣的, 但味道很好不太能吃辣的朋友也忍不住沾很多來吃小食拼盤這個小吃拼盤有炸皮蛋, 蝦餅跟春卷. 春卷不油皮層脆口, 但我一向不太喜歡吃泰式春卷, 只吃了一小件蝦餅彈牙夠蝦味, 不錯吃, 炸得也很乾身炸皮蛋很好吃!裡面的皮蛋黃還保留糖心, 配上外頭的蝦膠多了不少味道冬蔭功叫了小的冬蔭功, 料也有不少, 有蝦, 磨菇, 番茄. 味道比其他店的辣一點點我很喜歡酸度剛好, 弄得也不會過油. 裡面的香料隔走了很多, 所以喝吃來不會同時喝到太多香料的碎鹹魚炒芥蘭上桌的時候很夠熱, 芥蘭很爽甜沒渣. 但鹹魚的味道

今日同FD游完水～～又去咗九龍城食泰國菜。。！！都係覺得哩間抵食。。。水準OK生蝦刺身～爽！（醬都好味）蒜蓉包（超正～推介）我地叫咗兩兜！咖哩炒蛤（但可能壞咗。。。。D味變咗！！佢地即刻換比我地！！我地轉咗咖哩炒蝦）咖哩炒蝦！好味。。點蒜蓉包食！蝦醬通菜～～普通泰式炒飯～OK香葉肉碎炒飯～正。好香！泰式鳳爪～我好中意。。（但怕辣既人就唔好食啦）全部都係$337(仲有三罐汽水。一個椰青）。。。其實。。仲有好多嘢我之前都食過，，都OK。。。生菜包啦。。。炸蝦餅。。。燒魚。。酸菜魚！！我會再去食。。。由於佢地係大排檔。。但好細間。。。建議唔好太大班人去。4/5個去就最好！！夜晚9點後最好。。。因為去地有9點前。。擺唔到噤多檯

位處九龍城有多間泰國菜館, 不過有好多間都幾貴下... 呢間店仔價格較平, 環境處於馬路旁街邊檔, 天氣涼涼地, o係度坐下都幾舒服... 叫左牛肉串燒, 炒金邊粉, 炸蝦餅, 鳳爪! 牛肉串燒配合沙爹醬, 好香! 炒金邊粉也不俗, 料足! 炸蝦餅, 圓碌碌有蝦味, 夠彈牙! 遺憾係鳳爪太辣, 未必人人頂得順, 而且太多筋啦...

一講起食泰國野 第一時間就係諗起九龍城之不過九龍城太多 間間都差唔多樣究竟邊間最好味最抵食有次同朋友傾開計 佢話「泰好味」真係太好味而且好平年初三晚黎到都幾多人 差唔多坐滿間野係有dee細同有dee迫既order左一串雞肉一串牛肉一個炸蝦餅 一個海鮮炒飯同一個泰式炒通菜串燒雞同牛都好一般燒得未夠香 而且有少少un 個沙嗲汁都非常普通佢將蝦餅切開左一細件一細件所以望落有好多件 蝦肉彈牙 有蝦肉鮮甜味外皮脆卜卜 而且有甜酸醬點 一流!海鮮炒飯好真材實料!平時係茶餐廳食既海鮮炒飯最多係青口 冰蝦同蟹柳呢度有由魚 大蝦 青口 蕃茄 洋蔥同少少雜豆材料新鮮!!!!!不過略嫌個飯淡左少少泰式炒通菜都幾辣唔食得辣既人記得叫佢少辣!整體都唔錯下次一定要食生蝦刺生同小食拼盤話哂都係招牌菜!

九龍城有很多間泰國菜館，除了泰式燒烤外，我對這間情有獨鍾，因為價錢實惠，有風味，而且食物質素高。而點解會係有風味，因為暫時環觀九龍城咁多間內，暫時只係得呢間需要係坐街邊，原因是店內只能容納兩至三張枱，有需要時，佢地會將d枱set係門口及隔旁的橫街內。現在正值寒冷季節，可以一邊食辣野，一邊吹住風，仲唔係有風味。其實有無風味都係其次，最重要食物好食，而這裡正正做到大件夾好食，價錢比同區平了一至兩成。以生蝦刺身作例子，一般為70蚊一碟，而這裡只賣48一碟，價錢真的平了很多，而且質素幾好。生蝦結實爽甜，咬落彈牙，自家製的酸辣汁更加係味道超正，超惹味，沾上少少已覺得辣，但又不能不沾，這辣汁正是令生蝦刺身味道昇華的導引。小食拼盤又是抵食之作，整個拼盤只收55蚊，已經有蝦餅、春卷及炸蛋，先講炸蛋，炸蛋非常之好味道，香脆既外層包著軟糯既皮蛋，雖然蝦膠的份量不多，但正是更好味的根源，平時食炸蛋，蝦膠份量與皮蛋份量相約，只會令皮蛋味道被蝦膠味道蓋過，而這裡則不會有這個問題，兩者得到均衡。蝦餅看似普通，卻是一道功夫之作。蝦餅炸後，外層香脆，內裡煙靱，自家製的蝦餅果然不同凡響。但春卷則不能與上兩者相題並論，如

見泰好味喺openrice d comments ok，上星期五就同男朋友去試下，叫左三個餸: 生蝦($43)，蝦餅($35)，青咖哩豬($45)+蒜蓉包($15)+白飯($6)，啤酒($20)。但味道我覺得只係一般。個生蝦ok，蝦餅可以大件&彈口d，個咖哩豬最唔ok，味道太咸&d豬肉好"鞋"。下次應該唔會再去lu~

很久之前己想來到吃很出名的生蝦，見到好多食家都讚賞這間的生蝦做得不錯，於是便就在這中秋節來吃一餐勁！真是十分爽，而且仲滿足我既食慾，真是開心呢！3個人叫了7款美食,好像不用錢的...哈哈...值得一讚是店內的蒜容包,真是太好味...整個包都是新鮮出爐...外脆內脆,仲好食過出面的面包店...再配上青咖喱,,,真是一流呀!!!!!好味好味!!!!

都不止一次品題呢間小店，無去半年，上星期同友人一行四人再來食飯﹗就是妳了，九龍城泰好味﹗店子雖少，食物種類卻不少。呢度出名價錢相宜，食物比起九龍城其他出名一點的泰菜至少平3成。小店一間，室內座位甚少，迫迫狹狹的只有六七個，其餘枱開在門口及露天後巷，建議坐街更舒服﹗有幾味食物是我同食家每次來都必點的，食左幾十次都仲好有水準﹗就讓我介紹一下我同食家的泰好味必吃三寶﹗第一樣是生蝦刺身，只係$40，有十隻﹗隻隻肥美飽滿，新鮮實淨，入口軟糯爽口得不得了，佢個自家製辣汁超惹味，蘸少少提鮮勁正，不過唔好蘸太多，因為真係好鬼辣﹗以前來每人會食一碟，呢次小吃多滋味，大家分享﹗今夜不喝酒，要了杯青檸梳打，酸酸甜甜幾開胃﹗第二樣必點的食物，是這兒的泰式小食拼盤。只係$50吧，大大碟夠四個人分，在其他地方邊到搵呢？我最鍾意食佢個炸皮蛋，即叫即整入口是熱辣辣的，皮蛋外層包上蝦膠，炸得金黃香脆，中間皮蛋香噴噴又夠軟熟，外脆內軟的交融，有如樂章。食家最愛吃春卷，切得細細粒容易食，春卷皮夠扎實，脆口無比，入面是蘿蔔絲、粉絲、肉碎等餡料等，蘸上甜酸醬同吃，好味道﹗就咁叫個蝦餅有成十件八件，呢個拼盤每人有一件就岩岩好﹗這

七點左近 , 二個人岩岩有一張細枱 , 叫左個拼盤, 泰式炒金邊枌同雞串燒.拼盤 $50, 都幾大碟下, 幾好味下 .串燒一些都唔細 , $6 都幾抵 炒金邊粉就不過不失 叫做合格 不過可能近排多人來足佢些枱放係街度, 佢唔開枱俾客, 見到好多客都要等!

睇一睇0的食評原來自已成半年無來，以前差不多個個星期都來食，不過夏天真係無辦法，汗流浹背又怕熱，見今日涼番少少就一行三人來泰好味決戰生蝦﹗唔洗多講一坐低除了啤酒外就係生蝦兩碟，一碟九隻又肥又飽滿，口感軟糯而豐膄肥美，配上辣汁同吃更覺惹味提鮮，仲要只係賣四十蚊碟真係邊到搵，人間之極品﹗再來酸辣無骨鳳爪，鳳爪大隻而肉質爽口，可惜唔太入味。本來叫魷魚沙律，唔知阿姐做咩又俾左個海鮮沙律俾我，既然整左就照食啦，海鮮有青口、蜆、魷魚、蝦等，海鮮均新鮮，但就汁未及魷魚沙律的辣，可以做得更好的﹗最後要多個泰式拼盤，有皮蛋、蝦餅及春卷。皮蛋口感外脆內軟，蛋心夠綿吃落滿口生香，正﹗春卷就工友十分熱愛，細細條易入口炸得香脆，送啤酒是佳品﹔蝦餅彈牙香口，吃得出的生打口感，這個拼盤很不錯﹗食四樣野兩好兩麻麻，下次改番食魷魚沙律唔要鳳爪就PERFECT了﹗

這篇食評其實已經是差不多個多月前的了,天氣有29~30度下在戶外吃泰菜的體驗,上次來是冬天只感覺很大風, 今天則要流着汗食辣又是另一番滋味,還好這條街車不多,不用食沙塵, 我跟太座二人七點多鍾到達,客人也頗滿,老闆娘特地為我們開了小圓枱在店的旁邊, 先來點了泰式炸蝦餅, Size適中的五件,口感的軟硬剛剛好, 看相片似油膩實則沒有太多油的感覺,這個菜亦不昂貴,雖然忘記了價錢,第二道來的椰汁雞湯, 雞是脾肉已經算是可以的了,但整體酸味太重又沒有落南薑, 這個湯不合格了, 第三道是豬頸肉沙律,果然是太好味正如店名,以價錢來講這個豬頸肉已經算超越了,只是菜如果可以多種類一點及切成絲一點的話就更接近完美了,再來試沙爹類的雞和豬, 不知怎解本人感覺是將預先燒至半熟的肉串放入炸爐炸至全熟後再淋上沙爹汁,因為將肉咬下去很多汁液在內,如果是再燒熟的話理應更加乾身一點,而且這個沙爹雞和豬是柯打後差不多三分鐘就拿上來了,雖然老闆娘說是燒的,但是種種跡象顯示….各位食友下次幫襯時不妨留意一下這個菜的起菜時間?當然”炸”亦不是什麼不妥當的做法只是有點取巧,失去這個菜本身的特質吧了,最後點了兩個比較平常不會點的

昨晚星期五即興去了試菜 , 餐廳環境就真係外賣大排檔格局......haha , 對我呢位為食貓黎講, 環境唔重要, 最緊要好味.我地差不多依足前人 , order 了相若泰菜: 8隻生蝦($40) , 鮮尤沙律 , 雞亦豬牛雞串燒各二串, 通菜, 泰式併盤, 海鮮濕河. 汽水 椰青 ,4人 每人$75 , 真係超好味又抵食.....正 !!溫馨提示 : 生蝦汁 ,鮮尤沙律 ----真係幾辣架, 唔食得辣既朋友, 記得叫佢少d 辣.

呢晚相約兩個老友又來開餐﹗未坐低已經叫左個炸蝦餅，好耐無食了，因兩個人真係未必吃得哂一碟，四個人就不用，一人一隻半隻好快食哂﹗蝦餅彈牙香口，蘸上甜酸醬吃是確美味可口﹗生蝦又點會唔要，一客八隻，新鮮綿身又creamy，今次個辣汁轉左，個色濃左，辣了相當多，流汗之作呢﹗豬頸身燒得乾身，邊皮微焦令食落更香口。魷魚沙律真係越來越辣，食一口已經辣到眼水都標，大碟得來過癮抵食，是每次必吃食物﹗辣椒膏炒花甲，花甲相當大隻，一碟我估有十隻吧﹗味道鮮甜個汁亦香而不辣，用來中和其他食物的辣度最好﹗串燒要了雞翼及牛肉，火喉岩岩好不會過老，沙爹汁重花生味，香而不辣最令人回味﹗加多五支大啤埋單一人一百蚊，抵食﹗