泰好味

營業中

休息中

海南雞飯+可選香茅黃薑飯或白飯+ 蠔油生菜+生菜豬肝靚湯+包一杯熱飲只係$52 (11:00am-6:00pm).今次我叫左海南雞飯（走胸）+黃薑飯+生菜+湯+ 熱檸茶睇到圖，飯超大碗，係足足一碗（形狀：🍚）生菜既份量亦超級多，似正價買一個例菜既份量海南雞既份量亦超級多，只係海南雞無去骨但呢個價錢呢個分量，亦十分滿足！性價比十分高！.最有驚喜係個湯！生菜豬肝湯，豬肝仲非常有味，唔會好沙/好「鞋」口，湯味道似老火湯，絕對唔係平時個啲例水，亦飲唔出味精好味到直頭想買多碗！（$14)

平日午餐時間，周圍都滿座無位，行過見有位就入去試下。睇招牌以為係泰國菜，其實係有d台式又有d一般茶餐廳既餐點。價錢約$40-60左右一個套餐。點左海南雞餐$49，包豬潤湯，薑黃飯，一碟油菜，一碟雞有七八舊。野飲揀左凍杏仁霜同凍華田，一個餐睇落份量好足，夠飽肚。雞有透明啫喱，點個泰式醬幾滑，係幾好食。個薑黃飯好乾，我係比較鍾意食濕潤軟軟的油飯。個生菜唔錯，爽口又翠綠。個豬腩肉肉燥大碗飯$47，飯的確好大碗。夠兩個女生食飽，肉燥既量都唔會太孤寒、味道可以，腩肉肥得黎入味好食。仲有五片生菜，算係幾有誠意。最後係個XO醬炒煙燻鴨胸烏冬$50。味道麻麻，個鴨胸好似炸完定焗完，有點硬乾感，整個烏冬好油。有幾條菜係入邊好生，無食到。整體，環境好擁擠，坐得唔係咁舒服，不過出餐快。質素不過不失，$50既價錢區內可選擇更好。

天水圍新北江商場，N年前身係八佰伴，日本百貨倒閉後就變成咗一個地踎街坊商場。呢個商場狹窄污糟（特別係個廁所）但出奇地小店及餐廳勁多。怕腸胃唔好、易肚痛肚屙嘅朋友，請叫外賣喇！呢間餐廳我已經幫襯多年，最常叫嘅係『金牌特餐』$36-可以A配B。我最常食豬潤米配炸雲呑，或者配朱古力西多士。另外最常食嘅分別有『皇牌靚雞套餐』，有海南雞、霸王雞、口水雞。午市係$46，其他時間係$51-。呢個餐係附一碗好飲嘅豬潤湯。最後都係成日會叫嘅就係『任你百搭餐』，叫得呢個餐嘅話，我一定會轉冬陰功湯底。雖然要另加$15，但一定係物超所值。配料十足，香味濃郁，絕對有泰國餐廳一樣水準！呢碗餸有：豬扒香腸魷魚呢碗餸有：豬頸肉雲吞魷魚

抵食霸王雞午餐$46，包一碗黃薑飯🍚，一碟薑蔥霸王雞🐔，一碗薑汁豬膶湯🍲，一碟菜🥬，一杯凍飲🥤，好抵食😍!服務好👏上菜快💨好值得幫襯👍👍👍

講起天水圍，我一諗就諗起華嫂，但我朋友竟然同我講有另一間餐廳既豬仔包仲好食！聽講呢間餐廳既豬仔包好快就賣曬，黎遲少少都食唔到，好彩今次係平日去，而且時間尚早，仲有得賣。😚😚😚不過，原來我係最後一份，個陣先大約2點半。試過個包之後，真心覺得呢間餐廳既豬仔包真係好出色！！比華嫂好食好多倍😍😍豬扒好香又多汁好好食，個包既皮又好脆。雖然個沙律唔會話好特別，但係都好好食，而且剩係個豬仔包都拎滿分！！！唔洗其他野都得如果入去天水圍既朋友，真係可以試下呢間餐廳既豬仔包！！！真係一試難忘！！重點係呢間餐廳唔貴！！

朋友之前推介一間天水圍好好食既茶餐廳！我今日終於有機會跟佢黎食啦🤤🤤我地平日下午茶黎咁岩有位！唔洗等，朋友成日話呢間茶餐廳大件夾抵食！又要好好味添！佢就極度推薦個豬仔包，話仲好食過華嫂個個！但係點知今日豬仔包已經賣曬啦！要明天請早！好食既野咁快賣曬又難怪既朋友第二力推係香茅豬扒同肉躁飯，咁我就好醒咁叫左香茅豬扒肉躁飯啦😆😆食完之後就覺得朋友真係無介紹錯！！因為真係好好食！！尤其是個香茅豬扒！我真係勁中意😍😍😍肉躁飯同其他野食都好好食，下次得閒要再黎食過！

今早打算去蒸腳，可是一間都沒有營業，來到新北江不吃點東西此行又好像沒意義，所以我找了間餐廳吃個特餐。鑑於最近有次吃早餐吃得太豐富，飽足全日，剛剛的特餐只吃三分之二，免得再次重蹈覆轍。泰好味的金牌特餐配搭挺多元化，A項，B項各選一款，再配多士及飲品。我選了沙嗲牛肉米粉，脆炸韭菜雲吞，朱古力厚多士及好立克。沙嗲牛肉米粉給得不小氣，超多牛肉的，不過略嫌沙嗲醬汁不濃郁，牛肉挺滑溜，但肉味欠奉。米粉不會煮得軟腍，軟硬度剛好。不過脆炸韭菜雲吞和朱古力厚多士頗得我心，炸韭菜雲吞均是自家包製，韭菜肉餡鮮美多汁，雲吞皮金黃薄脆，且不油膩，非常推介大家一吃。朱古力厚多士烤得香脆，朱古力醬濃香卻不死甜，不錯的吃。

今日黎到天水圍第一次係呢間餐廳食晚飯，真係＂只此一次＂見到啲食物即刻令你有意想不到嘅驚喜😱😱😱😱😱😱😱😱😱😱😱😱😱😱😱😱環境衛生非常惡劣，地方狹窄，座位比較少，衛生情況亦比較差！有點兒後悔食左呢間，（建議衞生處黎視察一下）除左＂污糟＂之外，真係無野可以形容！食物價錢雖然平，但我叫左一杯熱檸檬水，竟然發現有一大隻活生生嘅「蜘蛛」😱😱😱😱😱😱仲有佢啲餐具超級污糟，無論係碗或餐具都有污跡，真係想一下你地係怎樣清潔😱😱😱😱😱😱另外，我地叫左一碗米線，係煎蛋🍳裡面，竟然發現有「鐵線」😱😱😱😱😱😱😱😱😱😱😱真係真心唔建議大家去食！！！！

今天與同事放工，整天在忙也沒有吃午餐，便在新北江的商場逛了，想吃點東西。經過這間泰好味，我們都想吃下泰國風味的菜。可是，我們入座後，發現原來是很道地的港式茶餐廳。 看不出餐單與泰式有什麼關系。不要緊吧，我們還是點了個 百選百搭飯套餐 ，包熱飲。原價$38，但因為我們是下午茶的時段，所以減三元，即 $35。飯來到了，賣相可真的很吸引! 太陽蛋煎得很美!品嚐了幾口， 雞扒很鞋很靭，入面的肉都乾爭爭的。而芝士腸有兩細條，好像烤了很欠的樣子，吃落鞋得飲煲完湯的瘦肉一樣。不過它有很多生菜，並且非常新鮮，很好吃!而飲料上， 熱朱古力，味道沒有朱古力味，很淡，只有糖的味道。在進食的期間， 職員都十分有禮貌，與街坊有說有笑，並且很有人情味! 這是十分令人欣喜的! 環境質坐得比較迫，所以吃完很快就立即走了。

店子雖然很小，但小店做食物才會比大集團較用心，菜色不會花巧，主打簡單幾個拿手菜色，海南雞已很多人在此介紹過，我就介紹另一抵食套餐。一個粉麵，一件腿蛋治，加個老火靚湯都係33蚊咋。唔想要腿蛋治可以選奶油豬或奶醬豬，豬仔包即叫即做，上枱時豬仔包又熱又脆口，美味老火湯也很足料，外邊叫個老火沙都三十蚊，雖然是跟餐，但絕不是那些加水例湯或味精湯，真材實料，每碗都有很多蘿蔔，豬肉又沒油，可能是上枱前去了油，用心。

跑到老遠去探班~~ 老公介紹我食這間街坊飯堂~ 大大碟， 超抵食~~~試左金牌特餐、海南雞飯~沒有影餐牌, 忘了價錢, 但應該約$30-40~  晚巿能夠約$40一餐, 真係好抵架喇~~~金牌特餐(A+B+麵類+厚0多士+飲品) 約$34: 點了韭菜雲吞+香芧豬扒+米線+朱古力厚多士+熱奶茶第一樣送上的是.... 大大碗西洋菜湯~ 嘩~~~~ 真係好大碗呀~~~~ 同個麵咁大碗~真係飲唔晒~~~ 味道正常例湯~緊接上麵~ 份量很多~有四粒韭菜雲吞, 豬扒大件, 米線超多,仲有件朱古力厚多士~~ 實在很豐富呢~~~~!!米線偏軟(軟淋淋), 其他都很大眾化, 正常偏好味一點吧~海南雞飯餐 約$45: 份量很多~ 很喜歡有很多菜!! 雞都嫩滑, 但無咩味~ 配上酸辣汁好味一點~但.... 作為海南雞就..... 有名無實了..... 沒有三式醬~ 甜醬油、葱油、酸辣汁~較為單調~ 還有.... 雞是熱上+有骨的.... 這不是海南雞是清蒸雞吧....服務:殷勤、友善、風趣老公說老闆娘(還是待應?)都很好記性, 吃了1-2次已認得, 有次他與友人不約而同剛好也在店內分開用餐, 老闆娘告訴他的

對我來講來講一個完整嘅豐富早餐，應該有一杯飲品，一碗麵食，同埋一碟應該煎煎炸炸既野加埋一片多士。咁樣先叫一個原本嘅早餐。今日食咗呢個30幾蚊嘅早餐，裏面就有一杯飲品，另外我選擇咗沙嗲牛肉生麵，然後就係一件煎豬扒。我好欣賞佢可以食生麵而唔係一定要食米線，唔洗食米粉或者通粉呢啲咁傳統嘅。因為多真係會覺得討厭。牛肉方面既質地係有野處理過令佢不似牛肉。多士是牛油嘅厚多士，好好味。豬扒個感覺好得意，佢又係唔係好肉嗰個質地。唔係太明點解紅紅地色。豬排失敗！

其實之前一直想，怎麼天水圍這個地方， 明明地理環境非常之偏僻，吃個常餐都要40多元😩？現在回想，可能正正就是因為偏僻，顧客被迫捱貴餐😫。有一天又到來新北江這個商場，食肆好越開越多😧；樓下有一間又逼又窄又要坐走廊的食肆，例牌海南雞飯竟然索價半百元😧？！於是試一試這一間泰式店子的海南雞飯。想不到這一盒海南雞飯份量居然那麼多😮😯，平日其他貴的餐廳，哪有這麼多份量的雞。揭開了蠔油油菜，底下還有另一層雞🤓，雖然油飯不是非常之香，可能有點乾。但是除了雞胸肉之外，還給了我一隻雞脾🤓，可算是小確幸。弊處就是，海南雞沒有去骨，又是需要顧客自行去骨，難免有點兒失望😐。雖然海南雞飯配套有辣汁，但是沒有薑蔥，或是研磨到極幼細的薑。另外想不到的，就是這兒送的例湯非池中物，並非一般餐廳贈送的「溝水例湯」。豬潤薑絲水，濃而不腥，湯內還有數塊豬潤可送飯，例湯一流😏。我寧可這店能把雞骨去掉，份量不用那麼多，也較能吸引顧客回頭！

身為北江。妹 一個禮拜梗有一日系食北江既甘今日就去左 泰好味食晏吾好以為有個泰字就系食泰國野。其實系冇關系誠意推介佢個金牌特餐 因為有巧巧食嘅雲吞同豬扒 泥呢度食野系必食既今次就食左豬扒 配太陽旦腸仔公仔面 油多 凍奶茶豬扒真系煎得巧巧食 雖然薄左小小 但香矛味真系好夠 其實本身諗住食雲吞 但北江。妹實在太中意食太陽蛋 所以下次先啦油多其實係烘得巧食既 不過有時師傅可能太趕時間 搽得有啲求其或者太厚 搞到好油利...順便一提 油多可以揀朱古力多士 不過太甜 試一次就好

新北江商場可以話是我同屋企人常去商場，因為屋企附近冇選擇，新北江相比天耀有更多食店,不講環境前提之下，今日同屋企人去了新北江搵食店吃Tea,經過泰好味時候，決定在這間吃下午茶，泰好味地方又細又迫,這間服務又OK,我点了三寶米粉+凍奶茶(33元),阿媽就点了奶油豬仔包+杏仁霜(26元),三寶米粉有雲吞/牛丸/魚丸,雲吞味道麻麻,一夾起就散，牛丸同魚丸就還可以，米粉就唔錯，湯底就一般,好味其實不過不失 ,凍奶茶味道都是一般,奶味有些小淡，甜味亦不太甜,對新北江食店不能有太高要求