泰好味

營業中

休息中

有一日去到朋友屋企大家都成日好想食泰國菜但又唔想食到成身油煙味就揀咗外賣，呢間泰國菜性價比高嗌左 ：金邊粉菠蘿炒飯馬拉盞通菜芒果糯米飯泰式豬頸肉假日落單都好快到，抵讚👍🏻

屯門紅橋一帶好多嘢食，熱熱鬧鬧，常去的有泰好味呢度麻雀雖小，但五臟俱全你想得到的泰式美味都有齊，呢餐食豬頸肉辣椒膏炒公仔麵，午飯時間會跟杯龍眼冰泰國uncle 負責煮，炒麵爽辣椒膏不太濃但夠入味，豬頸肉醃味剛剛好！auntie 做樓面，好有小店風情，帶過唔少朋友同事嚟，個個都話正

一間不起眼的泰國菜 夜晚九點幾唔想再諗食咩所以見到咩就食咩點知比我執到寶😌老闆應該係泰國人 啲野食全部都好正宗👍🏻👍🏻食泰國野就緊係要一碟生菜包架啦肉碎調味岩岩好 仲有好多青檸汁 愈食愈開胃再黎一醉沙嗲串燒串串都大大串 啖啖肉😋不過沙嗲醬稀左啲 花生味唔夠重 但都好好味再炒多個金邊粉又足料又夠鑊氣既金邊粉 有好多隻蝦 加少少辣粉 味道一流加上一杯椰汁三色冰好濃椰汁味 絕對唔係溝水溝到無咪既椰汁 正本身想叫碟豬頸肉 點知老闆話賣哂 啲肉岩岩先醃驚唔夠入味 唯有下次先試啦

屯門虹橋最出名的泰國菜專門店 - 泰好味「武漢肺炎」肆虐全球，加上限聚令同堂食禁令，令唔少香港既小店倒閉。作為「真．香港人」，又點忍心街上既特色小店，變成一式一樣既大型連鎖店呢？。呢次CK黎到屯門虹橋，拜訪一間逆市下堅持開業既泰國菜專門店「泰好味」，盡一分心支持良心小店。由於店舖都無乜經過大肆宣傳，而且店外既招牌都唔明顯，一般街坊行過都唔會太覺眼店舖既存在。但開業多年都仲做得住，都係靠一班街坊支持，肯定係信心保證啦 ! 店舖面積唔係好大，整間店大約可以坐15人左右。店舖裡面放滿好多有泰國色彩既野，例如泰國象﹑泰皇相片，就似置身泰國一樣。夏天黎食既應該都幾辛苦，因為得一把風扇，而且冷氣唔係好夠凍。咁就重點推介我揀既野食俾大家啦 : 泰式炒飯 : 運用泰國香米既香氣，搭配菠蘿以及什錦蔬菜等大火快炒，鹹鹹酸酸甜甜既口感，才食一啖就會令人食慾大開，撘配花生一齊入口既話，口感層次應該會更加豐富，呢個泰式菠蘿炒飯相當值得推薦！尤其將飯砌成心形先上台，視覺效果很棒！金邊粉 : 呢度既金邊粉炒得夠乾身亦夠鑊氣，配上大量既芽菜及花生碎粒，而粉亦帶D泰國風味既甜甜酸酸，整體配合起黎係相當美味 ! 餐廳仲有

大年初三周圍好多食肆都冇開見到呢間泰國嘢就諗住同班朋友仔叫外賣食全部人都好失望價錢算中等-泰式炒飯竟然係用雜豆炒茶餐廳楊州炒飯都多了料過佢-泰式炒金邊粉無乜味嘅炒粉啲粉好硬啲配菜例如芽菜好似生嘅無炒過咁-馬拉盞炒雜菜一啲馬拉盞嘅味都冇當佢係清炒雜菜咁食都過得去另外叫咗個串燒同拼盤算係正常少少可能都係因為現成品拎返嚟炸或者燒總括然而我哋好失望唔會再有下一次未食過咁嘅質素嘅泰國野打咁多嘢希望大家唔好中伏

這天來到虹橋午餐，挑選後決定食泰國菜。可能係時間仲早嘅關係，店內嘅燈都未開晒; 問到店員開舖未?  佢就歡迎我入店內坐!  舖內環境唔大，擺放咗幾張4人檯; 無咩特別裝潢。午餐有套餐亦有散點選擇，今日點咗呢D...*午餐-豬頸肉辣椒膏炒公仔麵: 份量適中，味道偏甜; 如果可以再辣D就Good啦。*豬肉串燒沙嗲: 十分驚喜，肉質軟唔乾柴仲要有肉汁; 不過呢度只有豬同雞供應。*西施抽蝦沙律:  蝦肉彈牙，整體唔會太酸太辣;  唔太食得辣嘅朋友可以選擇。

泰。好。味龍眼水，免費。大大隻，厚肉彈牙生蝦豬頸肉冬陰功湯金邊粉 （$48）Openrice: #VictoriaChan1008#food #foodie #手機食先 #相機食先 #美食 #好味 #吃貨 #cook #delicious #tasty #oichiii #iger #youtuber #health #心心物語

行過幾次見到好想去試下既我見係OpenRice啲食評又唔差先走去食瀨晒嘢唉失望今日得閒就同老公走去食點知出事金邊粉我覺得好失望又冇味跟住又要好鬼甜唔知係我唔係我問題拉但蝦又唔彈牙個冬陰功湯又太酸真係卑唔到反應服務態度係幾好嘅本身以為通常係啲偏僻啲嘅地方冇咁張揚嘅地方嘅泰國嘢係最好食但係點知今次出事服務態度真係真係確實唔差嘅失敗就失敗在個金邊粉唉本身滿懷希望去食呢間野。。。唉失望而歸真係有一次冇第二次

<屯門不錯泰菜>😃泰好味 我上網睇有好多分店 但市區嗰 d從來冇食過 亦唔知係咪同一個老細 , 不過今日探屯門朋友 佢介紹呢間唔錯 就入左去試 😃 食店好細間 見到有 d人 lunch叫外賣 餐廳淨係兩公婆做 食物質素十分唔錯 住屯門係值得黎食下👍🏻 🍴香葉炒飯🔥🌿唔知點解老板甘有心機 整左做心型 有洋葱 青豆葱花 辣椒等等 整得好惹味🌶 飯粒 粒粒分明 口感煙靭 仲有 d豬肉碎同 蛋碎 增加香味同口感 好正好有鑊氣🔥🍴冬蔭公湯 🔥用明火煲住既冬蔭公湯 湯底味道酸辣開胃 帶 d奶香 同香茅香 蝦肉好新鮮又多 落足料🦐仲有雜菇 葱花 點綴 好味好香！ 🍴泰式生蝦🦐生蝦夠肥美新鮮 凍既程度剛好 上面有 d蒜同辣汁 一齊食好爽口 辣得過癮 正🌶😃 🍴辣醬炒魷魚🦑魷魚好多足料 用左青椒 洋葱辣椒調味🌶佢 d醬汁甜咸味平衡度好 仲帶 d辣香 魷魚彈牙入味 好正🍴小食拼盤😍春卷 串燒 蝦餅春卷充滿住蘿蔔絲 粉絲 菇 好有口感 外面香脆。入面熱辣辣🔥正 蝦餅🦐蝦肉蝦膠彈牙 出面香脆 點甜酸汁更正 而串燒都燒得好好 雞肉彈牙 熟得剛好 帶 d沙嗲汁好味🐤 🍴生菜包🥬🐷洋葱 葱花

*情人節食泰好味*泰好味泰國菜💞💞💞*情人節來到，當然食d好好味慶祝下啦。*心心黎到虹橋附近一間穩世泰國菜，由正宗泰國人開，廚師都係泰國人，味道十分地道。*前菜先點左生蝦刺身，食得辣既一定要食，香辣十足，醬汁好滋味。*點左辣椒少蜆，炒得非常入味，而且醬汁好好味，令人一啖接一啖。*食左甘多辣野，點返杯龍眼冰同埋一碟馬拉盞炒通菜清d健康d。*跟住重頭戲係愛心形菠蘿炒飯，情人節緊係要炒下飯，入面有魷魚，蟹柳，菠蘿，粟米，雜豆，菜，口感非常豐富。*最後，加多碟炭燒豬頸肉，真係外脆內軟，仲要鎖住d肉汁，吾會乾爭爭，最正都係個醬汁，每一啖先嚐到檸檬汁，跟住係香濃，多種調味料組合，值得向大家推薦。*一個人或者朋友家人聚餐都非常適合。*喜歡既請關注我：VictoriaChan1008#foodie #foodporn #Openrice #instalikesandfollowers4u #tbt #rocket_hastags #l4l #instadaily #commentforcomment #picoftheday #takeaway #photo #demo

天氣悶熱，經過紅橋和太太見到有泰國菜館就試下啦～當時就到收店舖時間，就同求其點左個豬頸肉同生菜包～上菜速度好快，同老闆傾下計，原來係泰國人主理既餐廳。唔講真係唔知下次再去過先，今日有點匆忙

前兩日本來諗住食漁匠屋（聽講食材好新鮮），點知無開，咁就是旦搵間啦，於是就走左入黎。我地叫左：1）生蝦—麻麻地，唔太新鮮2）串燒—簡直垃圾，又乾又鞋3）馬拉盞炒芥蘭—完全無馬拉盞味4）糯米釀雞翼—唔好食價錢唔算貴但又唔平，衛生情況亦一般，食物質素就差，差，差！永無下次！

天氣咁熱唔想煮飯，諗住試吓去呢度食泰國菜，點知真的非常失望。鳳爪得個辣味串燒同豬頸肉叫做好D,有肉汁唔太乾馬拉盞通菜完全冇馬拉盞味，好似清炒通菜咁炒飯冇味條烏頭唔夠鮮味啲蝦唔夠新鮮拼盤太少員工得一個，做唔切

喺虹橋附近搵嘢食，見到唯一一間泰國嘢諗住試吓，點知依家發現入去就係一個錯誤！係超級大嘅錯誤！！！！坐低冇幾耐就行黎催我地落單，好， 我地2個人求其叫咗幾樣食泰國嘢嘅基本菜， 包括生蝦刺身，黃咖喱雞，馬拉盞炒芥蘭。先講講生蝦刺身，我未試過啲蝦濕住上，啲汁淋晒落去成盆水咁上碟，心知不秒，試入口，真係連粗口都想爆出黎，好奇怪既味！同平時既汁完全唔同，好難食！碟黃咖哩雞仲經典，成煲湯咁稀到，啲雞好似用水整熟再倒落煲咖哩水度咁，無講錯，真係好似水！稀到！仲要啲雞碎到癲，勁似餸頭餸尾咁，真係見到都唔開胃！諗住芥蘭無死，點煮都應該唔會難食得去邊，點知，一樣難食，一個字「怪」！我直頭想問店主你哋係咪泰國人，我真心未食過咁難食嘅泰國菜，係難食到畢生難忘，我奉勸大家如果唔係想試吓佢有幾奇怪都唔好去食！因為呢啲極品真係會嚇親你！！

因為大家都知道井財街其實冇啲咩好食就諗住去試吓，我個人就覺得非常之難食，炒飯炒到勁林，啲飯係好似粥咁，之後再食個生蝦，得個辣字，啲蝦好似浸左水好鬼耐咁之後又要等，等左成個鐘都上唔齊啲嘢，叫個姐姐上野快少少，畢竟都已經等左一個鐘，吹左四次都冇用，最後實在係趕時間等唔到。至於價錢其實就一般，都唔可以話好貴，不過呢個價錢就一定食得到更加好！依間野極度垃圾，我係比朋友叫咗去兩次，兩次個感覺都係非常之差， 一啲改進都冇。