泰好味

營業中

休息中

行過門口見到無乜人食都心知不妙，點知真係咁難食。價錢同食物質素唔成正比都由佢，海南雞飯斬到啲雞好似bite size咁，又唔知點解可以煮到隻雞完全冇味，個醬明明係海南雞飯嘅靈魂，佢係難食到令人靈魂出竅。定個飯唔好食都唔緊要，叫佢斟杯水俾我，杯水都係有怪味嘅。

可以介紹3种菠蘿炒飯，烧雞中羽（泰式燒豬頸肉味一小碟大碟價錢）。泰國鹵水豬手可以叫阿婆豬手起碼鹵咗幾日，泰式燒大頭蝦未到桌面聞到臭味，白飯凍可以泰國人習慣食凍，價錢又貴又唔好食

琴日咁岩經過見泰國野就入左去試 差不多住滿哂人 出野係有啲慢 問過係因為得一個人炒野 所以要耐心等候 我地叫左 一個炸魚 好有心機炸 係脆到連骨都食得 一個金邊粉 菠蘿炒飯啲飯好食 椰汁雞湯 炸蝦餅係即時搓完炸 所以 好彈身🤤 雖然叫得唔多 但五個人 食到好飽 因為佢份量大😍 等耐都係值得嘅 老闆娘都好好 叫我地食左先再叫 怕我地食唔哂🤣🤣 叫左杯沙冰 係比杯高一個山既Size 都好多🤣🤣最後老闆娘仲送左個小甜品比我地食 佢話係自製既泰國糕點 真係好好食 不過 佢話吾係成日有 大家可以去碰碰運氣 呢家仲唔洗加一 真係好抵食 老闆娘又好好客 會同客人吹下水 大家不妨去試下🙆🏻‍♀️

218套餐，原來係一人套餐。暫時係我心裡泰國菜劣食第一首先，一小隻炸黑左的軟殼蟹，食落似係曬干左嘅，有一陣干貨味，唔知係咪曬乾，變到好細隻，普通匙羹都長過佢。然後，顏色怪怪地嘅海南雞，唔似出面其他店金黃色，然又得4，5舊，仲要成個餐無飯無主食，加22蚊多份餅，跟住又收多左我錢，真係笑左，出門口先發現薄餅收左蒜蓉包個價, 唔怪得晚市完全無人，真係等收皮上次同女友係沙田食nara，198都有兩大隻新鮮又好食嘅軟殼蟹，今次真係中哂招，

晚上进去没什么客人，菜品可以，就是有点贵，还要加一服务，怪不得没什么人，以后不会去，本来以为小店不用加一，菜品本来就不便宜，环境一般般，有點失望，外賣居然也有加一，不可思義

路過看到這間泰菜館好像還不錯，雖然價錢不便宜也買個外賣試試看。進去就簡單的點了個肉碎生菜包。第一次光顧，卻沒想到外賣竟然要收加一，我跟櫃台說外賣也要收加一嗎？她的回答是這裡有八五折。既然她問非所答我也無謂糾纏下去。回家一看，份量還真有點小，我算是這個菜的擁躉，不同的店也吃不少，但這間的份量是從沒遇過的小我自己吃完一整個還得煮麵吃來撐飽一下。味道是可以的，沒很出色也絕對不難吃辣度人人不同但對我來說是合適。本來看他週五晚上七點多都完全沒顧客就支持一下，但這樣實在沒下次了。看來沒顧客有時也是有原因的。

我是泰好味的忠實fans，由它在觀塘碼頭熟食中心開始已經幫襯，睇住老闆娘由少女變大肚，現在生下bb，食到老闆娘都認識我， 每次下午去到都沒有特定叫什麼，總之老闆娘發版 ，我完全信任，因為她抄什麼都好好食，沒有騙你。去到現在，在康寧道有地舖，幾年間，我這位食客一直追隨，見證著這餐廳的實力，的確煮得好好食。今天向你介紹豬手,好入味又唔會太肥 ，豬皮乾淨，無毛毛 ，欣賞它下面有鹹酸菜，更能中和味道，不會覺得太肥膩,不要小看這小小的鹹酸菜,把這個餸變得不平凡,而且有菜，這個配搭非常無敵，旁邊的酸辣醬汁十分惹味，辣度酸度剛剛好，使你會追著吃的。咖哩蝦味道、濃度，剛剛好，不會太鹹，有椰汁、蛋白，非常之香，蝦肉新鮮彈牙，咖哩汁有芹菜點綴，非常惹味，相信配蒜蓉包，也是一流。今天是星期五 ，這個配搭有套餐價HKD219 免加一，非常抵食，餐廳中型size 有卡位，坐得舒適。

突然想在觀塘試吓泰國菜，上網搜尋了很久，決定試吓呢間，職員態度一般般，因為五個人食飯，差一點無法入座！四樣餸+3杯飲品共430元，真心貴。耐唔耐試吓可以接受。（特別是出糧的日子）1.炒金邊粉：酸酸甜甜，口感比炒河粉更林，分量較少，內中有蝦、豆芽、豆腐...因為見識少，不明白旁邊的兩條生蔥有何用？）2.菠蘿炒飯：用料十足，有腰果、提子、肉鬆、辣椒粉等等，份量足，色香味俱全3.燒豬頸肉：份量少，燒得好香，好煙韌4.泰式雞腳：份量少，叫咗小辣，仍然非常辣，但係醃得好入味。另外兩杯龍眼冰（好重糖水味，龍眼肉的味較淡）一杯凍檸茶（一般般）。

同男朋友倆人撐枱腳，走到康寧道開餐。店舖沒有華麗的裝修，只係普通茶餐廳格局。因為人少，只叫咗3款食物同飲品，分別係冬陰公湯、拼盤&Pad Thai食物份量頗大，我哋兩個人根本食唔晒冬陰公湯入面有6隻蝦同大量菇，蝦算新鮮，没有發霉，每人飲咗兩碗有多！拼盤每款都好味😋Pad Thai 炒得唔錯，沒有好油，但花生油味頗重仲叫咗杯荔枝火龍果沙冰，飲落幾清甜男友杯荔枝梳打也不錯👌總結：應該多人食比較適合，因為份量太大，價錢合理

同女朋友第一次食呢間由泰國人打理嘅餐廳，果然冇失望，超水準！👍👍價錢平，水準高！尤其是鹽焗魚！夠juice !回味!生菜包酸辣適中，冬蔭功香滑，不會太酸！👍👍青木瓜沙律非常出色👍👍串燒真的一讚肉汁非常👍下次再試👍👍

尼間泰國餐廳唔算大間，但原來有二樓，好處人唔多，有時只自己一枱客，係二樓大聲講大聲笑冇人理，唔好處要叫食物加單時冇人理😂但佢嘅午餐係抵食同美味的！尼碗冬蔭公好多料，加$6有其他肉類，加$10可以加海鮮，我今次加左豬頸肉，燒出嚟的，肉多汁又香。冬蔭公湯底比較啱香港人口味，香濃得黎唔係極度酸辣，作為lunch 幾開胃又飽肚！海南雞飯係毎次諗唔到食咩嘅時候必選，品質有保證，但同事怕肥，選左白飯，個人來講，我喜歡佢嘅油飯，有雞油香味，特別之處當中加左少少薑蓉煮飯，雞也香滑，值得一試！

之前見到食評正面, 剛好在觀塘又想食泰菜, 便前往一試, 到達時晚上6點, 第一枱, 就坐後, , 有如去左紅館山頂位最後個行睇演唱會, 舉極手都無人應,(當時有一位女士在講電話及一位後生女在抺餐具), 足足舉左10分鐘手, 講電話女士才暫停講電話幫我落單, 跟住再講電話,10 分鐘後, 菜到, ....賣相OK, 炸虾餅一般, 串燒樣靚但入口暖嘅, 心唔熟, 乾炒咖哩虾又係樣靚但連暖嘅感覺都無, 虾嘅外皮糊哂, ????? 好似做好左好耐咁 !!重有加支啤酒又係暖嘅真係唔知點講!!!

今次第一次食呢間泰國餐廳個人比較懶 迎合電子化既服務用左某app外送服務叫左泰式豬頸肉炒飯加凍啡整體制作時間都快手送黎時還暖暖的份量亦裝滿了整個盒子炒飯唔太乾身，但食到味道 唔會太重味精有車厘番茄混合 酸酸甜甜都幾開胃豬頸肉燒過的 幾好食 有香茅味凍咖啡出奇地又幾好飲 好飲過平時啲茶記唔係得水味感覺 不過個陣餐廳就送漏左枝飲管多謝支持環保呀🤣炒飯價錢就56蚊連飲品都可以大眾接受到既價錢下次可以再試其他菜式

位置不起眼，店內整潔。食泰菜燒烤唔少得，鹽燒側魚真係超正，肉嫩鮮味，得條大骨啖啖肉燒雞翼味道好夠野味泰式通菜都ok青木瓜沙律就差咗少少，本身個沙律味道是不錯的，仲放咗炸豬皮係面，第一次食，幾特別，就係加咗花生碎至死，d花生碎(益)咗，攪到有點扣分。整體上係滿意的，服務不錯會再去食。

暫時係我食過最好食既泰國餐廳！！！舊鋪係碼頭熟食中心時。食過佢地既雞飯 覺得好食過泰國曼谷水門雞飯（粉紅制服、綠色制服）名過其實 失望。竟然係香港水門雞飯好食過泰國？！雞比較嫩 雞皮係滑 而飯油香 。相反 泰國雞比較瘦 唔鞋 雞皮爽 飯無咁重油香。總體泰國水門雞飯口味清爽 香港水門雞飯偏香個人鐘意食泰好味佢地既雞飯 。入正題 餐廳裝修係茶記 。餐牌價錢唔貴 相比九龍城生蝦一碟都一百蚊左右呢間先$78 。叫左燒牛肉 明爐烏頭 紅咖哩牛腩農夫包 炒通菜 炒金邊粉 。燒牛肉 好食 燒到牛肉中間粉紅色 食落好重牛香。明爐烏頭 普通 配料粉絲好食 索曬湯汁味。咖哩包 就係呢一道菜 認定好食過曼谷既泰國餐廳 個包脆卜卜 紅咖哩好特別 有菠蘿料 味道好有層次 食到最尾都唔會厭 牛腩炆得好淋 食唔到筋 無牙都食到 飯後唔洗搵牙籤了牙。炒通菜 有鑊氣 個汁好特別 食唔停。炒金邊粉 炒得乾爽 唔油 份量好大碟 比其他餐廳多半份 又係好食過曼谷街邊小炒。員工泰國人 佢哋廣東話正過譚仔姐姐 得一個香港人 溝通無問題。總括而言 性價比高 水準之上 估唔到都有沙律菜伴菜。希望小店繼續做落去 可以有個好地方食正宗