泰妃雞 (已結業)

泰妃雞優惠河粉 ($22)一向份量極少今日路過買外賣晩餐, 問職員買晚餐正價河粉($32)份量會否比優惠河粉多. 職員話"一定會多". 到取食物時見只用優惠河粉 的外賣盒, 打開也只有優惠河粉的份量.我跟剛才職員對質, 職員說"挑, 係咁嫁o拉! 唔係優惠時段就無優惠嫁o拉"問題唔係價錢或份量, 係商譽.

今日心血來潮想食海南雞飯呢間既海南雞飯之前我係上環食過一次佢既雞肉係幾嫩,同埋去左骨, 食起黎好方便不過個飯真係唔得,我覺得太過乾身,無左油飯既感覺杯野飲好多冰,好快就飲完

今日去左灣仔買野,之後朋友就叫我食飯喇,去左依到,雖然依到細細間,得唔多張枱,但味道嬴左一切。我地得兩個人就唔洗點等位都好多有得食。首先叫左豬頸肉湯河,佢個河粉夠哂滑,而主角豬頸肉就好香依個香茅味,醃得非常有味, 另外仲可以轉做冬蔭功湯底,一湯兩味,冬蔭功就唔夠味喇,得個辣味,不過都算唔錯既,另外就係一個海南雞湯河,都係河粉夠滑,反而本身個湯底幾好味,雞皮好薄得又唔太多肥膏,賣相唔錯,好吸引,另外一個無骨既雞，啖啖肉最開心,而且雞肉好嫩好滑,仲有瓜做配菜, 賣相靚之外仲係一個好配搭。最後有一個豬脾,不過唔係人人都岩食,因為肥膏可能已經嚇親你, 但肉加肥膏係絕配, 肉夠又夠軟,加埋個膏好香,不過唔可以成日食喇當然 

中午約了同事在外辦事，中午飯時看見了《泰妃雞》這一個名字，突然地令我感覺到我要食海南雞，因為，的確好耐沒有食過《泰妃雞》的出品啦。本想去三角街的分店，但不舍為何，我們最後都是來到位於活道的店。據說，活道的《泰妃雞》是總店，未開始寫食記時已有朋友時常帶我來食。距今，已經很多年了，若不是今天突然想起了海南雞，相信我也不會來回味一下，畢竟，周遭的其他食肆，比起《泰妃雞》更誘惑。《泰妃雞》既然是海南雞飯專門店，久別重來，當然也是食海南雞飯啦。《泰妃雞》的海南雞飯，是祛骨的海南雞，沒有骨，總會吃得更開心，這雞肉，十分嫩滑，亦有足夠的香味，由於是凍食的雞，雞的酒脂豐滿地以膏的狀態停留在皮與肉之間的夾層，雖聞不出香味，但食得出雞肉同雞油的香，多年來的水準沒變。油飯一點也不肥膩，入口後慢慢地滲出雞油的香，而且飯粒香軟香滑，不錯。《泰妃雞》多年沒來，這一天重來小試，這依然是美好的海南雞飯。

灣仔活道1號地下2號舖VTC上完2個小時的堂, 就要好好醫肚祭五臟廟。附近見到間食泰國食身的小店, 都不想四圍找就入內試了。見出名是海南雞飯同豬肶飯,環觀8成店客都是叫這兩道 ,因我不愛吃白切雞, 就好自己點了豬肶飯$48,再叫了個半份的小食併盤 $36兩人share。以碟頭飯的形式上, 豬肶飯飯量不是太多,見到其實是瀂腳手/腳啦,顏色也滲入了豉油的咖啡色。豬手已起了骨吃時更方便, 豬皮及肉腍得入味, 豬皮入口即溶化似是jelly, 不用牙齒咬也已滑進喉嚨裡, 與吃開的炆豬手皮仍是煙韌有分別。難得是絲毫不覺油膩, 白飯上淋上瀂的汁豉油, 豉油汁多了點, 弄得飯帶點濕溼及偏鹹, 總括來充說令我驚喜,可以加點青綠蔬菜平衡一下就更好。小食併盤有雞肉串, 燒得好乾身沾了沙嗲醬也於是無補,不過大串多肉。把視線轉丁外表好似donut中間個空心圈的東西,炸得金黃的炸蝦餅但表皮不脆,彈牙及鮮度都略為邈色。炸荷葉包雞,先加了香料醃好再下窩炸, 香味夠而雞肉保有肉汁,尚算合格。春卷即是預先製作好之物, 皮開始放久了變軟, 也放涼了不好吃。

點了半隻雞+油飯。雞除了雞翼部位外全都起了骨，方便。肉很滑，但沒甚雞味，淨食的話有少少咸，但可接受。個人認為這類雞飯重點其實是個汁和飯，亦是這店出色的地方。醬汁酸酸甜甜，有點辣，但配在一起就是如此醒胃，雞撈了這汁還能將原味帶出來呢！油飯粒粒均勻地染有雞油，很香但不油不膩，香噴噴，正。

周四晚上，想吃飽肚的東西，選了這間吃大大份海南雞飯，還記得第一次吃旺角分店的外賣時，我和我姐都被飯盒的飯量嚇到！泰妃海南雞飯套餐($48)我不知道什麼是泰式海南雞，及何謂正宗，在我看來，好像泰國人做的海南雞飯就叫泰式吧！(像港人做的變種就成了港式！)然而，除了醬汁用了泰式辣醬，我也不怎麼吃到泰式風味…是日例湯有點少驚喜的一個例湯，湯水味道濃淡適中，火候也足，每一口湯水都能嚐到西洋菜及南北杏味！湯內的瘦肉軟腍好味！泰妃海南雞飯還是很大的一碟飯，油飯味香不會過濕，味道還好！雞肉無骨，但可惜談不上嫩滑，味道則只屬還好！冷掉的雞肉還附有一層凝固了的雞油，有點噁心！而泰式辣醬的味道也不怎麼讚，無法為雞肉加分！總括來說，整體水準只屬一般，優點只有飯量很多！

泰妃雞招牌菜海南雞飯，雞件已去骨，不肥膩，滑度鮮味不算突出。油飯油花不夠均稱，口感偏硬，香口力度不足。附上凍奶茶一杯，茶底麻麻帶澀。以此作招牌就令人有點失望。俾多$20在灣仔已有更佳選擇！

有朋自星加坡來, 當然帶他食好野。首選是招牌菜泰妃海南雞，雞皮香滑不肥膩，走骨的雞，是啖啖肉且雞肉超嫩滑，令人念念不忘！真係堅好食除了泰妃海南雞之外，泰式豬脾飯味道出色，豬脾肉入味夠腍身，肉與肥膏合二為一, 脂肪比例剛剛好，是一個絕配, 肉腍膏軟; 入口即溶化的感覺，加上甜甜的酸菜撈飯, 十分醒胃, 正!馬拉盞炒通菜：通菜的配料有蝦米.豬肉碎，馬拉盞味道也不會太濃太鹹，很好, 食落令有一番風味。最後的菠蘿炒飯, 相比之下真是相形見茁, 炒飯太濕, 配料則以肉鬆為主, 提子,冰鮮蝦,青豆, 蘿蔔, 粟米為副, 味道加了一些味精, 太多油, 最後食剩半碟。3人惠顧, 埋單$250, 都算弟

之前看過這間的食評不錯，難得今天有空便去試試看！ 一進去店的環境擠逼，難得找到一個位坐下，便叫有名的海南雞 米粉！上菜時覺得米粉配雞的份量是偏小份的，而且部分的雞肉是切了很久，弄得雞肉乾巴巴！其他的還算滑！而且服務態度不好，店員的口氣像催趕你一般，所以以後都不會光顧！

上次景生的食評刊登後, 啊灣仔之友話一齊食晚飯, 要證明灣仔有好多美食店; 左行右行終於揀咗哩間泰妃雞。店內面積雖少, 只有5小張4人枱, 2小張2人枱。入內時所有4人枱已滿, 我倆只坐了某一張2人枱; 其實內裡5小張4人枱只在我倆坐下短短60分鐘內, 已流量 4-5 轉。 小小的食店, 在狹窄的空間且可搭枱的要求; 人流數目都算不俗, 擠逼的感覺是在所難免!! 慶幸是我倆被安排坐在1小張2人枱, 可自動成一格的食用!!我倆的下單豬頸肉湯河 = 河粉滑, 豬頸肉被香茅醃過所以非常有味; 加錢轉冬蔭功湯底; 無奈只是味精湯, 冬蔭功湯辣味可說尋不到!!泰式海南雞湯河 =河粉滑, 湯底鮮; 雞皮薄即無肥膏但對不吃雞皮的我, 是一個美感賣相; 走骨的雞，是啖啖肉且雞肉超嫩滑; 再來一兩片瓜作配菜, 賣相更美。豬脾 = 厚厚的肥膏可能令人嚇怕, 但肉與膏的合二為一正是一個絕配, 肉腍膏軟; 入口即溶化的感覺; 是食家最低的要求!!! 加上有菜毯低, 是均衡飲食的食譜!!一個小小的食店, 服務態度是不趕客已是很欣賞!!價錢是相當合理啦灣仔地區食晚飯喎。

週日食肆都好多人，路過見唔係好多人，入去一試2人點咗以下幾欵。IMG:3]三色沙嗲串飯：豬.牛.雞.各一串加海雞飯好特式，佢個沙嗲醬好特別要一試。泰式海雞飯：飯好香唔同出面D海雞飯，雞好滑好入味....「正」同佢D秘制海雞醬的確好食。馬拉盞炒通菜：通菜裏面有D蝦米.豬肉碎，食落令有一番風味。

已係3點, 仲未食晏, 超餓和大豬衝了入呢間想食左好耐都未曾食的泰國餐廳~當然係食海南雞飯;另炒個pad thai 喇.雞真係好食, 滑, 夠晒雞味, 飯上的雞油, 好香, 食慾大增~炒金邊粉, 係略油, 預左, 都唔算離譜了.都足料, 夠晒鑊氣, 正.灣仔來說, 價都合理.唔怪得越開越多喇; 真係有水準噃~但為何叫泰妃, 有冇人可話我知呀.... google 都goo 唔倒呀

去左泰妃雞到買海南飯雞飯返屋企食...返到屋企1打開 就聞到啲配菜(蕃茄同青瓜)臭哂!吾知係循環再用定係壞左都照用~.~同埋啲飯又乾乾地 吾係幾中意...不過 啲雞真係好滑既..!

食開三角街嗰間泰妃雞, 活道呢間反而未去過, 今日就嚟試試.海南雞飯: 肉嫩, 皮爽薄; 飯底比三角街店的多, 食唔晒.送例湯, 無味精的, 討好.地方就細過三角街好多.約 $40 埋單, 抵食.更多分享 @ http://locusttunghok.blogspot.com/2011/04/blog-post_9916.html