影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
果然係名不虛傳 太麻麻雞飯我真係唔知食左啲乜本身為左食夠個泊車優惠諗住食番餐好啲既點知個價就到呀但啲野乸西都爆都未過同一價位咁難食既泰國菜你自己睇下都知架啦依碟就叫脆皮燒腩仔脆？ 邊到脆呀？十足今朝拎左去拜神夜晚執番番黎比你咁叮都懶得叮番熱比你咁又凍又硬又咸個擺盤又唔知佢想點好誠實好立體咁展現左個味道出黎個通菜就正常既 唔講個薄餅就係惠康牌果啲 唔講個咖喱食得下人 但上面舊軟腳蟹又係廢既 唔熱唔脆個幾盤小食都係唔好食既都係擺左成日果啲feel啦你話依餐兩舊水都算啦你比啲咁既嘢我 你收我五舊幾水？真係不可一不可再
繼續閱讀
呢間泰媽媽係apm開左好耐一直都未試呢排外賣平台做緊滿120蚊5折轉埋雞髀為返40幾蚊個就同同事一齊試咗我連續食咗2日 2日都感覺好好雞髀好滑又無肥膏 油飯夠味而且夠乾身粒粒分明 仲有少少芥蘭 芥蘭條條都食得嘅無碎無爛睇得出真係有揀過講真其實係幾有質素嘅 就算正價轉雞髀都係75蚊係對得住正價價錢 如果唔轉雞髀可能就會覺得唔抵嘅所以真係唔好差果幾蚊 一定要轉雞髀之後無咗呢個優惠正價我都會買係暫時係觀塘食過最好食嘅海南雞飯
繼續閱讀
今日網上外賣平台外賣自取有半價‼️所以就嗌咗個海南雞飯嚟食，拎到返去公司就開餐。值得驚喜嘅係，佢唔需要加任何錢有外賣餐具用，而且的餐具都係算幾高質👍🏿👍🏿。至於食物方面，海南雞雞佢係用咗清遠走地雞🐥，所以肉質比較堅挺，唔會話好容易淋，至於醬汁方面，佢就俾咗兩種：一種就係薑蓉一種就係酸辣汁，味道方面都算係正宗。而我覺得值得欣賞嘅就係佢嘅菜心，明顯係用咗新鮮嘅菜心同埋醬汁都有調校。唯一缺點就係佢成份套餐嘅份量太過細，如果個人大食嘅話就有機會好快肚餓😂😂 用咗半價折扣：77/2=$33.5
繼續閱讀
伏、伏、伏一間專食泰式雞飯嘅店舖，啲雞竟然咁差難食🤦🏻♀️🤦🏻♀️成間舖頭餐牌主菜得四五款，照計專注做依幾個菜式，無理由咁都搞唔掂。何況佢嘅招牌菜係「無骨海南雞飯」，心諗應該最安全啦！先唔好講啲雞好唔好味，淨係佢個餐牌都已經伏。佢個餐牌標明係「無骨海南雞飯」！當然我唔會傻到以為佢一嚿碎骨都冇，但都唔好離譜到件件鷄都有骨。問個侍應：又話係「無骨海南雞飯」嘅？點知個侍應話：雞翼係有骨架喎。當然雞翼有骨我知，但其餘嗰啲都有骨喎？然後佢唔係答我問題點解有骨，佢淨係同我講加$5雞髀肉咪冇骨囉。如果你就咁寫「海南雞飯」，有骨我接受到。但你大大隻字寫住「無骨海南雞飯」，然後嚿嚿都係骨，我真係接受唔到。跟住佢繼續好似錄音機咁講雞胸一定夾雞翼，雞翼一定有骨。我再解釋俾佢聽，首先你個餐牌寫住「無骨海南雞飯」，即係代表你哋嘅海南雞飯係唔應該有骨，而唔係叫客人加$5去換個雞髀先至可以成為一碟「無骨海南雞飯」。然後雞胸你話冇骨，但係我件件都有骨個喎，個侍應繼續講：加$5換雞髀就冇骨。最後，我放棄再同佢討論有骨同冇骨嘅問題，因為完全溝通唔到，咁簡單寫返海南雞飯，冇咗「無骨」兩個字，成件事已經解決，如果你做唔到無骨嘅海南雞飯點解要寫無骨呢？之後我決定加$5換個雞髀，點知嚟到啲鷄好似一串炮仗咁黐住晒！一間賣雞嘅飯店，連切雞都可以切成咁，真心覺得好失敗。另外，餐廳講明係用清遠雞，大家一定覺得係肉質嫰滑，鷄味十足，咁就大錯特錯。佢啲鷄又諧又無味，簡直係浪費咗隻清遠雞。坦白講咁嘅質素收呢個價錢都好難有返頭客。
繼續閱讀
依間野開正係另一間貴價泰菜隔離，心諗甘明目張膽搶生意得唔得架，坐入去發現原來係share 一部分廚房😂😂言歸正傳講野食先，今次點左豬手飯同埋牛尾飯。豬手飯正正常常，味道ok 而分量都好足，可以一試。而牛尾個汁好食，用黎撈飯真係一流，但就略嫌牛尾件數分量少左d。成餐飯既重點係包泰奶！茶味同奶味夾得岩岩好，飲落有少少甜，之後有少少回甘，係我最中意既味！成餐飯因為包泰奶而升級左！👍👍整體而言性價比超值，單係包泰奶應該都值30~40(好飲過某d 奶茶店）👍👍
繼續閱讀