泰寶龍

營業中

休息中

呀嘛呀！呢間泰寶龍真係一個寶地，啱啱喺西貢飽覽自然美景之後，搵嚟都係要填填肚吖嘛！每樣野食都惹味到令我停唔到口，嗲㗎！椰子雞湯好夠kick，湯頭香濃撲鼻，入口即刻有種暖笠笠嘅感覺，小辣得嚟唔會太過火，啱晒算唔會食辣嘅人！佢個柚子蝦沙律真係勁爽口，柚子肉多多汁潤，配上噴香嘅炸蒜粒同埋花生碎，真係食咩都開心！喂，點解每樣嘢都咁夠味㗎？沙嗲串外皮香脆，肉質嫩滑如絲，一撈個沙嗲醬汁，秒變味蕾狂歡嘅Party場🎉！咸豬肉炒椰菜苗食落好過癮，咸香中又帶點辣味，正！糯米飯跟個心型芒果配一齊，係咪話我鍾意你咩？好心思，好甜蜜！整體嚟講，呢度嘅泰國菜真係喺口感同味道上做足咗功夫，下次一定會再嚟嘗試其他菜式！吃泰不離，真係飽到篤！🥥🍤🌶️

今日心血來潮，腳步引領我去到「泰寶龍」試吓正宗泰式美食。首先，個炸蝦餅真係得意過癮，外皮金黃鬆脆，一口咬落去，蝦味濃郁又彈牙，真係㗎嘞！串燒我就揀咗牛同豬來試，發覺牛肉真係夠晒嫩滑，一啖肉嘅滿足感爆燈💥！然後青咖哩雞，真係巧妙到爆，個汁香滑惹味，微辣得嚟又唔會蓋過其他味，d嘅茄子仲係個中亮點！來到蒜蓉包，呢個可好，外脆內軟，吸晒啲青咖哩汁，正到喊出嚟！再講吓咸肉炒椰菜苗吧，咸香鮮脆，好夾飯，一個字嘅感覺：正！飯後來杯菠蘿沙冰清清口，微微的乳酪味，感覺好特別，吃得出來啲菠蘿碎，好滿足呀🍍！整體來講，「泰寶龍」真係一個泰菜好去處，地道到不得了，賣相、口味甜鹹適中，每一味都係掂擔擔！大推薦俾想要一個開心飯局嘅朋友，你又點會錯過呢？👍🏻🌶️🍚

成日嚟西貢，好多餐廳其他都食過晒啦，呢間餐廳算係不過不失，性價比都OK，就做咗我哋嘅長期飯堂。.本身諗住去食另一間海南雞嘅，但係朋友話想飲冬陰功湯，又嚟咗呢個老地方食泰國嘢。說好嘅冬陰功湯呢？點解冇圖嘅，因為一上到枱就俾人瓜分晒，相都影唔切😂😂.補番個海南雞俾大家睇啦，味道唔錯，價錢都算係中等，但係一定冇專賣海南雞嗰間咁好食㗎啦。跟住帶咗個豬手，炆得好淋好入味唔錯唔錯。鏡頭以外嘅仲叫咗個油飯，但係就好普通囉唔算好香。.有飯有肉當然要嗌埋菜啦，嗌咗個泰式炒通菜，香辣辣好惹味，配上通菜嘅爽口非常啲開胃同送飯。.經過都可以試吓嘅，不過就唔好期望太大😀

今日嚟到西貢，一落巴士就行到附近的食街睇下最後妹揀咗呢間係巷仔嘅泰國菜，都有唔少人坐係度食呢度個格局都好有泰國風味座位係巷仔之中，廚房就係旁邊邊食邊聽到炒菜的聲音同香味餐牌都貼滿係牆上及放在枱面睇過餐牌後，都有好多款式揀妹揀咗泰式金邊粉炒蝦，等咗十多分鐘就上菜嚟到賣相唔錯，橙紅色的金邊粉配上幾隻大蝦旁邊仲有大量花生碎、芽菜及香蔥先試大蝦，入口爽滑，可惜不新鮮肉質有點霉金邊粉調味還好，酸甜味挺開胃連埋配菜同花生碎食落層次分明

偶然入西貢行吓，老友介紹呢度有泰國野食，就跟佢去試吓。行入去條巷仔，入面都幾似泰國街頭橫巷食店，因為鋪仔細細所以坐落有啲逼，坐低求其叫幾個常食泰式食品做個比較。叫左串燒、蝦醬炒飯、芥蘭炒牛肉同泰式蠔仔蛋。4樣野只係覺得個炒飯同泰式蠔仔蛋可以。炒飯有別於平時茶餐廳嘅蝦醬香味，佢比較惹味咸香，不過飯就偏濕軟。而泰式蠔仔蛋鉄板上有特色，甚有蛋香，不過啲蠔生生地同有少少沙，所以我都唔敢品賞太多。串燒只係做返基本品質，估計可能用現成急凍貨。至於牛肉炒芥蘭啲牛就慘啦，一啲牛味都無，唔知啤水定本身牛肉問題，加返啲底味會好啲。價錢方面，4樣嘢加埋三百六，份量就唔係好夠。不過望出去成街遊客，忽然覺得收遊客區價都好合情合理。

行完山想食泰菜，行入市中心就見到「泰寶龍」親切既店員，於是扑錘試試。我地點了燒魷魚、冬蔭海鮮功湯河同泰式鳳爪。冬蔭功海鮮湯河發揮正常，採用現成急凍海鮮但湯底頗濃，可接受。鳳爪既泰式辣汁有魚露咸香而且具泰式爽辣感覺，必試！反而燒魷魚雖然魷魚鮮味足夠，略嫌不夠燒烤的香口感覺，似白灼後稍稍燒烤，有點可惜，有叫此菜式者需有心理準備。但值得一提是店員親切，舖頭雖然在小巷內但環境企理，喜歡街坊人情味者不妨一試。

不多不少都已經食左呢間餐廳6,7年，作為經常幫襯既街坊真係好失望。質量每況越下，食物量愈縮愈少！我都明白疫症肯定有影響份量，但都唔好少得咁過分！！！！呢次會係我最後一次幫襯😡😡😡😡😡😡😡😡😡😡😡😡拜拜啦泰寶龍，你既好已經成為過去通常幫襯既，大多數都係遊客再唔係就係9唔9先入西貢搵野食既人係我地呢d食開既街坊先會咁失望諗住6點限堂食就外賣都支持一下又點知道今次會係最後一次失望x100

多年食客，今日以後決定以後不再。外賣叫左一個九十幾蚊既椰汁雞湯。攞俾我時老婆同我都嚇親，眼前得一細外賣碗仲要唔滿既。我問佢細既九十幾蚊得一人份，咁大既一百六十幾係咪兩人飲？佢話椰汁雞湯係咁wor。喂，大佬，有蝦既冬陰功我都明貴啲啊.. 呢碗係椰汁雞湯wor。佢地話係正常既。大佬，我幫親你五年幾，你地不漏都係用大號外賣碗，你加到九十幾蚊我都算了，如今你加價不突止，仲搞到細碗到咁？？九十幾蚊wor... 仲要裡面得三兩塊急凍雞肉，香料半碗多。我好失望。泰寶龍bye bye

每次去西貢玩完水都超級攰，搵間好食嘅餐廳補充能量就非常重要🤣今次朋友帶我去左呢間唔太起眼嘅泰國菜，都幾唔錯！餐廳位於巷仔中間，大部份嘅位置都冇冷氣，好有去左泰國熱住食嘅感覺，非常地道😂不過雖然冇冷氣，但體感其實都可接受。✨ 泰式金邊粉炒蝦（$68）每次食泰國菜基本上都會點pad thai, 呢度嘅pad thai味道都唔錯😋食落酸酸甜甜，口感適中，唔會太油亦唔會太乾。✨椰子雞湯（$92）超級推薦椰子雞湯，飲落酸酸辣辣咁，但又唔會令人好頸渴，濃郁嘅椰子香令人飲唔停口❤️入面亦都好足料，加左磨菇、雞肉、車里茄得，非常好味。✨泰式炒通菜（$58）泰式炒通菜味道都唔錯，炒得非常有鑊氣，非常惹味，但稍微有少少辣。整體黎講每樣野食都係above average, 而且價錢唔算貴，下次應該會再黎試下其他菜式😋

20210911 夜晚大約7點唔煮飯一家人買外賣反去食，我就話點都要食泰寶龍，家人就食出名小雞果間。反到去之後，飯係無問題，汁係好食既，辮辣地，但我1食舊雞就嬲了！！！！！！！！！！！！！！我真係好嬲，因為雞既數量無問題，但肉質係柴皮！咬唔到係咬唔到，絕無誇張。。。。。大佬幾十蚊個飯話平唔平話貴唔貴，都係想食得開心啲，食到自己鐘意食既野啫。之前食過你1次都好食既，但今次真係好傷心。仲要俾屋企人過自己攞黎賤，果下嬲呀ma泰寶龍再見，你又可以小個客了😑

響唔少人既眼中，西貢既餐廳不外乎西餐廳或海鮮菜館 - 但其實西貢既泰國菜亦佔有非常大既市場，尤其當大家經過西貢碼頭小巴站附近既橫街個陣，其實都有唔少泰國人企響餐廳門外向你招手呢!趁午飯時間，小編就去左其中1間午餐時間好少客人﹑但晚餐時間好多客人既泰寶龍試下先。午餐既菜式包括海南雞飯﹑豬手飯﹑炒飯及湯粉類，本身會跟碗胡椒味既例湯，而如果加飲青檸梳打﹑汽水或椰汁冰既話就加$10。諗下諗下結果小編就試下喇沙雜錦湯粉，另外再叫左椰汁冰試下。雜錦湯粉大致有2粒牛丸﹑2粒魚蛋﹑2塊扎肉，再配以少少雞絲﹑榨菜。而小編覺得最有特定既，唔係佢既配料，而係佢非常濃郁椰漿味既湯底，基本上每啖湯都會有好香既椰汁味，雖然會有少少膩既感覺但喜歡椰子既朋友會好鍾意。而椰汁冰既椰漿濃度都幾高，整杯冰都偏向甜既椰味，如果係食飯或者想清暑既朋友都會係個好既選擇呢! 整個午餐$65既價錢唔算太平，不過靜靜地咁享用椰子風味既午餐都唔錯架!

有晚唔知食咩好，見悶悶地咁就揸架車入西貢食下泰國野囉😂揀左呢間泰寶龍，其實去到都8點幾，依然好爆，所以都等左一陣位。#炸蝦餅 正常發揮，彈牙！無話粉多，幾好食😋#串燒 (牛同豬)牛好食過豬，因為豬有d肥膏係到，我認係我麻煩😂#青咖哩 (雞)好味，d雞仲係好嫩滑嘅，同埋我好鍾意食個d茄子仔，有好多粒🤤#蒜蓉包 超好食！！又香又脆！係勁脆！點埋d青咖哩真係無得輸！#咸肉炒椰菜苗 d咸肉好好味呀，好脆身又唔會話好咸。(咸肉即係有d似我地嘅燒肉)#菠蘿沙冰 飲到有少少乳酪味，隱約會食到少少菠蘿肉，幾good good😆

去完西貢行山好肚餓⛰️所以就去咗呢間街邊嘅泰國菜醫醫個肚🇹🇭-🇹🇭泰式炒金邊粉🍜-呢個好好味‼️‼️😆雖然呢碟菜真係等咗一段時間，但係因為店員嘅服務好好，所以就冇咩所謂😂金邊粉份量好多，炒得酸酸甜甜，好開胃好惹味😚而且條條分明，軟硬適中😆仲有花生碎、青檸、芽菜伴碟，撈埋一齊食口感都幾豐富🥜蝦有三大隻，幾爽口，但可以再入味少少🤏🏻🦐-評分：8.3/10 價錢：$65-🥘海鮮冬陰功湯河🍜-呢個就有少少失望🥺個人認為可能因為太多椰子汁，所以整體唔夠辣/酸🌶️湯河質感都比較一般🤣但值得一讚嘅係好足料，都幾多海鮮，有青口、魚片、蝦仁、蝦等等，呢個價錢算係幾抵🙈-評分：6.8/10價錢：$55-🍚芒果糯米飯🥭-menu入面嘅相係心形😂所以上菜嗰吓有少少失望🥺而且覺得外表唔係幾靚，所以唔會特別好味😂點知食落又幾唔錯😆有糯米同紫米，幾煙韌幾有口感😍通常泰國菜嘅芒果都會係酸酸地，但呢個都幾鮮甜，所以幾驚喜😍椰漿暖上，而且份量好多🥥-評分：7.6/10 價錢：$60-📍 泰寶龍 西貢📍

The Pad See Ew was ok but a little tasteless and mostly tasted of pepper, I personally wouldn’t recommend this dish. The deep fried fish cakes were tasty and not over done or over oily. Lime soda was nice too. Also the portions were really big which was nice. Overall decent food at an affordable price!

行了差不多六個鐘頭山， 到了晚上當然要搵地方醫肚， 每次在西貢市中心都很喜歡到泰寶龍吃泰菜。 今次大約晚上八點鐘到達， 店內位置比較細已經坐滿客人，所以我們坐在室外。 要大大補充體力， 當晚晚餐有泰式菠蘿炒飯$85、 泰式炒金邊粉$65、 泰式生蝦$88、 泰式炒通菜$58、 泰式肉碎生菜包$85、 沙嗲串燒$78、青檸梳打$28、 香茅冰$28、 泰式奶茶$28。泰式炒金邊粉～ 炎熱的天氣，酸酸甜甜的金邊粉就係最開胃。泰式生蝦～ 泰菜必點的泰式生蝦， 厚肉大隻。泰式菠蘿炒飯～ 補充體力一定要吃返個飯， 每次都叫豬手飯，今次試下菠蘿炒飯， 味道正常， 都係覺得豬手飯比較好吃。沙嗲串燒～ 雞、牛串燒， 兩款燒得剛剛好， 有肉汁。泰式肉碎生菜包～ 豬肉生菜包， 肉碎炒得夠鑊氣又香， 加上脆卜卜口感的生菜， 好味！泰式炒通菜～ 辣辣地， 幾惹味。青檸梳打～ 清涼解渴， 味道很好。香茅冰～ 有微微的香茅味， 但飲到一半已發覺太多冰水了， 味道偏淡。泰式奶茶～ 都是跟香茅冰一樣太多水， 味道很淡。泰寶龍在西貢已經有一段日子， 間中都會掛住這裏的豬手飯， 下次有機會再嚟食！