泰廚泰國菜館

營業中

休息中

泰國菜一直都係香港人熱愛嘅菜式，包括我在內，所以今日喺旺角行完又搵泰國菜食，做好安心出行同埋量體溫就入咗去泰廚準備開餐！見佢哋餐廳出邊有個專業嘅燒烤爐，於是就叫咗串燒沙嗲豬&雞、泰式香茅雞翼，燒烤嘅功力十足，肉串嘅外層燒至輕微焦香，肉質爽肉汁多，沙嗲汁味道濃郁而且帶辣，食落口更加醒神開胃！之所以話性價比高就係因為佢哋每日都會有優惠小菜，星期三我哋去嗰日就係泰式豬手（例牌）。例牌嘅份量已經好大份，豬手炆得好腍身而且好入味，如果用嚟送飯就一流，而且佢會配埋酸菜同埋雞蛋，用嚟配搭豬手都相當之唔錯！主食就叫咗個泰式炒金邊粉，做法好正宗，要有嘅配菜都有齊，金邊粉嘅硬度適中， 而甜酸味道亦調配得啱啱好，重點就係佢仲會有好多隻大蝦，細心留意埋已經挑走咗蝦腸，做法十分讚！嚟到一定要叫番杯椰汁冰，店員介紹佢哋用椰糖去調配椰汁冰，做法更加健康。而椰汁冰椰味濃郁，重點係底部佢哋加咗椰汁糕，拎椰味唔會咁易被冰溝淡，而且飲落口嘅時候口感會更加豐富，超讚！食滿$200仲可以加$1去叫四款小菜嘅其中一款，而我哋就揀咗泰式椰汁糕，同樣椰汁糕椰味濃郁，而且配搭埋粟米同埋西米，濃郁中帶一點小清新，口感亦相對豐富，超級抵食

今天和家人到旺角購物，不知不覺又到了下午茶時間，又想起食泰國菜的「泰廚」。一坐下來，就看到$99的泰式明爐烏頭魚，便叫了一個，再加幾個其他實惠套餐。“泰式明爐烏頭魚”配白飯、湯和飲品，一大條烏頭魚，用魚形碟盛載，下面再加火加熱，是滾住來吃的。魚肉質地很好，味道鮮甜，加上大量香茅等泰式香料，非常入味。“金邊粉”配飲品，金邊粉很爽滑，味道不錯，而且有肉碎和雞肉，還有蝦乾、豆腐乾，更有魚露的味道。“鹵水豬手飯”配飲品，鹵水汁非常香，無骨豬手半肥瘦，炆得很腍，點些泰式辣醬來吃更惹味。“青咖喱牛肉”，青咖喱清香而不辣，是我最喜愛的泰國菜之一，牛肉份量也不少。加$5升級的飲品-----紅豆冰，有香濃的椰奶味，紅豆又腍又甜，超美味標準餐飲----香茅冰，香茅味濃兼有薑味，非常合我胃口。最後還要讚一讚泰國姐姐在百忙中仍樂意解答我們的問題和有效率地落單。

正在戒澱粉質，行勻新世紀都搵唔到一個啱食嘅下午茶，行到落嚟呢度附近，見到呢間餐廳就睇吓佢個下午茶有咩食，咁啱見到有串燒，都算啱胃口，而且仲只係30幾蚊。款式好多，粉面，泰式沙律樣樣都有，全波都係30幾40幾蚊，我揀咗串燒，有一隻雞全翼同埋一串豬or 雞。沙嗲汁可以揀辣定係唔辣。凍檸檬茶都算幾大杯。如果啲汁少啲就好，雞全翼仲要多汁好易食到成面都係。不過好多人都鍾意多汁嘅，只係我自己不嬲都唔鍾意多汁，同埋唔知佢會直接淋埋上去。味道唔錯，亦都夠熱，$34 冇投訴。

今日同家人去旺角新世紀廣場買完傢俬，之後就去旺角泰廚泰國菜館食下午茶，因為這裏的下午茶份量夠多又抵食。首先叫了生菜包，食泰國菜必叫，如果放得多餡料的話，都會覺得有點辣，怕辣可以放少一點，非常惹味。香茅豬扒撈檬套餐，加入酸甜汁非常好味，第一次食撈檬，原來是室溫的米粉，很適合夏天食，酸酸甜甜，配炸蒜片更好味。另外叫了一個明爐烏頭配白飯，好大條魚，非常入味，不過這條魚需要一點時間煮熟才可以吃。套餐都可以配飲品，送青檸或香茅冰，可轉咖啡或奶茶，加$2轉凍飲，或加$5轉紅豆冰。

最近去咗旺角一間開咗好多年嘅泰國菜，餐廳位於花園街近街市嗰邊嘅天橋底，入到去發現裝修同以前唔同，裝修咗翻新左，餐廳有兩層，今次坐咗上層食晚飯。舖頭提供嘅菜式好多款，主要都係傳統同埋主流嘅泰國菜。當晚叫咗生菜包、炸蝦餅、黃咖喱牛、沙嗲串燒、泰式乾炒河粉，兩個人食晚飯，食滿$200仲可以用一蚊優惠價換小食（4選1），當晚九點入座就冇晒生蝦，想換生蝦嘅朋友可能要早啲去。一蚊換購嘅小食我哋就揀咗泰式海蜇同埋西米椰汁糕海蜇用上平時生蝦嘅醬汁撈勻，食落酸酸甜甜帶點辣，配埋海蜇爽口嘅口感食，十分開胃。生菜包調味足夠，魚露嘅鹹味及少少青檸酸味十分開胃，肉同埋菜嘅份量都好慷慨，兩個人食每人都有五六塊。炸蝦餅即叫即炸上菜熱辣辣，一碟6舊既蝦餅每件都好飽滿，食到蝦滑嘅同時亦都會食到完整嘅蝦肉。沙嗲串燒喺呢度嘅招牌，係店外有爐燒，可以外賣燒串食。呢度嘅全消主打雞、豬及和牛。當晚叫咗豬同雞，沙嗲汁可選擇辣或唔辣，而我哋就叫咗辣。沙嗲汁食落好重嘅花生味，分量好慷慨淋滿左全條串燒，而串燒火侯都燒得恰當，每一件都食到肉汁，唔會過老。黃咖喱牛調味偏甜，咖喱汁亦唔會太稀，配菜嘅薯仔炸過再加入咖喱汁，唔會整到啲薯仔爛晒同時

通菜街呢間泰國野成日都大排長龍今日見冇咩人唔洗排就試吓 除咗主餐牌仲有優惠餐牌 惠顧滿$200仲可以加$1換沙律/生蝦/海蜇/椰汁糕😍 超抵泰式燒豬頸肉 $76豬頸肉外邊燒至脆身 肉質爽口 配上自家制醬汁 酸酸辣辣 冇得輸😋泰式小食拼盤(細) $95有炸蝦片 蝦餅 魚餅 春卷 同豬、雞串燒各一蝦片比好多🤣 魚餅好重香料味 入面好多豆角 串燒沙嗲司華力腸 $15同兩串豬雞串燒放咗喺一齊最好食都係司華力腸😋 外層夠脆皮又唔會太鹹沙嗲醬好香 重椰奶味 香濃可口泰式肥牛湯河 $52湯底清甜 重蘿蔔味 入面嘅蘿蔔都好軟諗入味湯河份量好多好大碗 食極都食唔完🤣凍泰式奶茶 $14口味比較淡 無論甜味 奶味 茶味都係淡咗啲加$1嘅椰汁糕 都有四個🤣🤣

本身好鐘意泰國同食泰國菜既我♥️因為疫情關係冇得去旅行，唯有喺香港搵啲泰國餐廳之下過癮～～ 雖然佢間餐廳比較細 同比較舊個環境但食物又真係好有水準，點既所有餸菜同埋飲品都好好食同飲，所有嘢都好足料，價錢又唔會太貴，不過座位方面就坐得冇咁舒服，環境衛生都麻麻，但起碼佢食物都有水準所以我又覺得OK！以前覺得要去九龍城先食到地道嘅泰國菜而家喺旺角一個咁方便嘅地方都可以食到🙌🏻依間餐廳已經係我第三次去，誠心推薦

去親旺角係Moko 落天橋角落位置 每次都被個串燒吸引雖然大熱天時 個姐姐都好落力咁燒串燒被陣香味吸引入左去食返個下午茶🥰價錢都算實惠🔆泰式扎肉湯河 $28唔好以為下午茶 細細份黎到都幾大碗下🤫呢個價錢 扺食啦😆早知就叫少串雞 唔使咁飽🔆雞串燒 $15@被佢吸引 點都要叫返兩串 大大串 燒到剛剛好 唔會太柴大愛 沙嗲醬 落單時叫左多醬😆🔆泰式奶茶 跟餐凍飲+$7一般般 唔算太濃茶香 略甜疫情下間隔 唔算太迫 整體來講幾好

泰式肥牛湯河 ($28)本身諗住28蚊仲要包泰式凍飲(香茅冰/青檸冰) 既 唔會大碗得去邊點知真係喜出望外大大碗 熱辣辣牛肉份量都唔少! 河粉係幼河而且湯底味道亦非常惹味 真心超值我加左$7蚊就有凍泰式奶茶我唔飲得凍野，但真係太熱， 所以我叫少少冰，佢真係做到少少冰! 好貼心即炒系列雖然冇下午茶咁平 但見到隔離台食緊好香好吸引所以都叫左個 泰式乾牛河($58)好大碟 好惹味 夠獲氣 其實都抵不過好似第一次食係配青椒 哈哈加左$5蚊就有杯紅豆冰 超多紅豆 好抵叫左兩串串燒真係即叫即整既 雞肉($15串)個汁幾好食 雞肉幾大舊和牛($25串)有四大粒 幾香口本身以為個下午茶好細 所以叫左個小食炸蝦餅拼炸魚餅 ($78)都幾大份喎炸蝦餅非常彈牙提提大家炸魚餅用左種泰式香料有人勁中意, 但有人會唔太好 叫之前問清楚 唔好做大哂鬼服務態度好貼心但埋單竟然唔洗加1最後重要既野提多次下午茶係 2:30 - 5:30!!真心抵

今晚的晚餐，一又揀了食泰國菜，就是旺角通菜街的泰廚泰國菜館。餐廳門口侍應正在燒燒烤串燒，非常吸引，串燒放滿了燒烤爐…因為一入門口見到串燒太吸引了，所以要了串燒雞肉及串燒豬肉，兩款串燒面上都放了很多的沙爹醬。特色的沙嗲醬非常香甜，帶有異國風味的燒烤串燒特別的美味。泰式香葉肉碎噲飯，肉碎炒得很入味，還配有一個帶點香脆內裏流心的雞蛋，拌飯食真的好美味。酸辣鳳爪沙律，真的很喜愛食泰菜酸酸甜甜的味道，所以這個鳳爪沙律我很喜愛食，爽口很惹味。馬拉盞炒通菜，廚師放了特別多的馬拉盞醬料，令通菜炒得爽口之餘特別入味。惠顧小菜滿$200，可$1任選一款四選一，有木瓜沙律、泰式海蜇、泰式椰汁糕及泰式生蝦 。我喜愛泰式椰汁糕，不會很甜，帶椰汁的香，做為飯後甜品，感覺食完很滿足！食泰菜配上椰汁冰及凍檸樂，食得特別滋味！

下午茶好抵食今日星期日因為整野遲咗出去食飯，所以都搞到差唔多兩點幾先同Endy哥出去一齊食飯。問佢想食啲咩嘢，佢就話想食酸酸辣辣嘅嘢，如果有埋串燒就更加好。於是我哋就走咗去食泰廚泰國菜館，可以滿足晒佢想食嘅嗰兩樣野，哈哈。見到下午茶餐價錢又唔貴，咁抵食嘅價錢每人叫咗兩個下午茶餐…….泰式肥牛湯河$33（送香茅冰或者青檸冰)轉紅豆冰或者涼粉冰就加$10呢碗泰式肥牛湯河酸酸辣辣幾開胃，肥牛煮到啱啱好熟，所以一啲都唔老。成碗泰式肥牛湯河都幾大碗，一啲都唔似係下午茶份量，所以覺得都幾抵食。紅豆冰偏甜，可能因為裏面有好多紅豆，椰汁味都幾濃郁。扎肉鳳爪沙律$40（送香茅冰或者青檸冰)轉紅豆冰或者涼粉冰就加$5鳳爪唔算好辣，但係酸酸辣辣都幾醒神開胃。而且裏面仲有幾多扎肉，同埋一啲洋蔥蕃茄配菜。香茅冰清清地，香茅味都幾重。串燒餐$32（送香茅冰或者青檸冰)轉紅豆冰或者涼粉冰就加$5可以揀兩款串燒，我哋就揀咗雞全翼同埋豬肉串。兩樣都燒到好香口，而且沙嗲汁辣辣地，同燒咗嘅嘢雞翼同埋豬肉配合得好惹味。香茅豬扒撈檬$45（送香茅冰或者青檸冰)轉紅豆冰或者涼粉冰就加$5豬扒又大件，肉質又鬆軟，唔會太乾或者太硬。

天時暑熱食下泰國菜都唔錯！平時行過旺角見到呢間已經比佢既串燒香吸引！今次就入黎試下！原來有$1優惠，滿$200就可以換1款！另外每日都會有唔同既菜式特價！我地用$1加左個泰式海哲，醬汁酸酸甜甜，海哲滑溜溜又爽口馬拉盞椰菜苗係地道泰式既菜式，個菜炒得好香好惹味，辣辣地海南雞飯個雞肉好嫩好滑，油飯好香！然後就到串燒，即叫即燒，好鍾意個沙嗲醬，夠香夠濃，串燒的確出色！椒鹽豬朳肉質鬆軟，口感鬆化！椒鹽味夠香夠入味！呢間泰國菜整體價錢唔算貴，味道幾正宗！

今日出嚟旺角嘅寵物街想睇吓有冇得意嘅狗仔，睇完玩完一輪就開始肚餓，喺天橋行旁既泰廚既串燒實在太香太吸引啦，一於入去嘆番個下午茶先大家估下呢碗粉幾多錢？係28 ！$28！，扎肉都有四塊，仲有舊大白蘿蔔仲要送咗杯香茅冰，呢個價錢會唔會真係太抵，話晒旺角都係旺區，而碗粉既道都相當唔錯，性價比非常高，真心推薦比大家朋友就叫左橙色炒金邊粉由於呢度嘅下午茶實在太平，我都唔太好意思就咁埋單，所以我決定嗌返個海鮮幫幫老闆青口夠晒入味，如果辣椒膏可以再辣啲就好啦果然我個鼻係冇介紹錯，每串都只係$15，我叫左2串雞，2串豬，串燒一d都唔乾，個沙嗲醬仲有好濃既花生味最後仲可以一蚊食埋個甜品，實在太抵啦

呢個暑假冇得飛番轉曼谷/清邁真係有啲可惜…不過喺香港你慌難搵到好嘢食咩😏即刻飛落旺角就食到地道滋味啦！Let's go！.呢間食店每次經過都見到有人排隊等買串燒！ 一於入去食個晚餐🍴發現佢哋星期一至日都有優惠菜式！(但今日星期三果款我哋唔啱食冇叫😅)先嚟兩串✨雞肉串燒沙嗲$15@✨即叫即烤仲淋上咗微微香甜嘅沙嗲汁好鬼惹味！跟住係餐牌上推薦嘅✨乾咖哩炒牛肉$80✨果然同一般食開嘅咖哩有啲唔同呀！聞落幾香幾特別！汁料甜甜哋！而且牛肉份量好足又唔韌！配埋豆角菜肉平衡👌再嚟逢食泰菜必叫嘅✨馬拉盞炒通菜$67✨偏辣少少！通菜都都炒得青翠😌無話黃哂！仲有叫埋澱粉質至夠飽架！✨泰式海鮮炒飯$75✨係睇得出嘅咁足料！除咗面頭有一堆櫻花蝦之外…仲有大蝦, 青口, 魷魚等等！而且炒得都夠鑊氣呀！食咁多嘢緊要飲番杯冰凍嘅✨咸檸七$22✨啦！成餐晚飯完滿哂！. 另外每點小菜滿200蚊可以揀一款『一蚊雞菜式』❗❗咁抵！就揀咗✨泰式生蝦✨雖然只得四隻！但係肉質絕對彈牙新鮮！超級性價比高！一蚊仲想點呀😍😍

成日經過比門口的串燒香味吸引住，今日就決定入去坐低慢慢食😋即刻叫返幾串先，豬雞各15元@1串，雞翼18元就要兩串雞、兩串豬、兩串雞翼，加上濃厚的沙嗲醬，好惹味🤤🤤下午茶餐要左個香茅豬扒撈檬加青檸冰$45好大碗，豬扒醃得入味炸得香脆，檬粉夠大碗，配菜都夠豐富🤤特式午餐-泰式豬頸肉炒飯加熱檸水$58豬頸肉又爽又多，炒飯不油膩，好香口，大碟👍🏽😋老闆話每星期轉一次，唔使怕悶最後要多個肉碎粉絲湯$60叫了咁多重口味野，要返個清淡些的粉絲湯，特別好味，材料一樣咁足，肉碎、粉絲、蔥、菜、紅蘿蔔🥕熱檸水、青檸冰酸酸甜甜好正全部埋單259元，飽到夜晚唔使食晚飯😅😅