泰式美食 (已結業)

生日男友帶我吃最喜歡的泰國菜，這間餐廳每年都會來吃，今晚食豪爽D咖喱炒蟹，當然有咖喱就一定配garlic bread薄餅，炒菜，第一次吃乳鴿，好好味，夠香口，男友喜歡吃貝類食物，全部都是最喜歡的食物，兩個人吃到飽飽的，好豐富、滿足。咖喱蟹好多羔，好多肉男友超愛薄餅配咖哩泰式芥蘭好香口的乳鴿這裡的姐姐服務好好，充滿笑容，我們吃得好開心

男朋友收夜晚十點。去到九龍城都唔止十點半，眼見呢間餐廳仲開門就去試下。先叫左個椰青（$30）🔹呢個真心正。必叫item。唔單止飲落好清甜，而且椰肉好林新，好易起出泥食🤤最重要係個椰青都幾大個，好抵！我地叫左個大既海鮮冬陰公（$90）🔹個人認為兩個人飲真係未必飲得哂。而家想飲冬陰公都真係唔洗叫海鮮。因為海鮮唔係太新鮮，係隻蝦都仲叫ok（不過唔知係咪我地始終較夜先食）泰式金邊粉（$50）🔹絕對不會encore 之選。炒得太濕，而且冇咩味。最後叫左個豬肉生菜包（$58）🔹呢個味道都唔錯，有少少辣味。食到中途，侍應見到我地冇咩菜包豬肉，都突登拎幾塊菜比我地。呢樣野不得不讚👍🏻

在九龍城一帶如果要選晚餐地點穩定 ，其實會產生選擇困難症。 想吃泰的話真的是有很多選擇， 發現近來的食肆在星期日並不是每間都座無虛席 。 這晚四大2小 由親友揸車往九龍城搵食。 在九龍城要找到咪錶位簡直是難過登天。 這睌車子兜過這間"泰式美食"附近竟然找到錶位。 所以決定又再光顧這間"泰式美食"。這裏已經來過四五次了食物水準非常穩定 ，價錢亦頗相宜。 今晚看見應該都是座無虛席， 證明有一定的熟客。大人細路都很肚餓， 極速點了食物。( 上菜極快，拍車那位親友還未回來已經食緊了)"海南雞飯 " -- 雞有雞味， 雞油焗过的飯又不會太過油膩。"泰式菠蘿炒飯"-- 雖然不是成個菠蘿上但是分量也頗大~ 鋪上甜甜的肉鬆味道非常夾。再來是"鴨肉湯河"和"豬雜湯河"。 記得這裏的湯底味道頗濃，但是小朋友想吃河粉啊~~ "泰式冬陰功湯"當然要order 個大size 啦 ! 嘩 ~~ 超多海鮮呀! 個湯味道非常複雜 甜，鮮，香，酸，辣 ，正呀!"泰式串燒"都是指定動呀 !但係總是覺得哪個沙爹汁比較唏噓 ~蒜蓉包也焗得很脆。另外我們叫了螄蚶 ，其實size好細。食完好似冇食過咁。 不過屋企人真的喜歡半生熟

Considering the quality, I felt that it was overpriced.The chicken wasn't that fresh and it was quite grey in colour and it tasted like boiled over night chicken with a some smell.I know dark meat is dark in colour but it looked bruised meat.The sauce didn't taste right either.

今日同媽媽，妹妹加我一家五口去九龍城覓食，黎到呢一間試試。我地叫左泰式青木瓜沙律，烚獅蛤，大嘅冬陰公湯，泰式炒椰菜苗，蝦醬炒飯，香葉炒河（豬肉），薄餅。先講講青木瓜沙律，酸酸辣辣好惹味，仲有蕃茄同蝦米係入面，十分開胃。開頭我諗住叫雜錦青木瓜沙律，但店員好細心地同我講話因為有咸蟹係上面，怕我地香港人食唔慣所以叫我食泰式好d，值得一讚！烚獅蛤：我本身好鐘意食獅蛤，再加埋個辣汁一流！冬陰公湯：都係好夠辣，入面有好多香葉同香茅，仲有大蝦係連殻嘅大蝦，仲有蝦頭，有2隻大蝦，仲有草菇，係用一個爐仔上，可以保持住溫度。泰式炒椰菜苗，因為有小朋友食所以叫左走辣，椰菜苗炒好味，炒出黎好香，小朋友都食左唔少。蝦醬炒飯：係小朋友係餐牌見到張圖入面碟飯有煎蛋就指明要叫，好香蝦醬味，仲有d肉鬆係側面，小朋友都每人食左2碗。香葉炒河：係好粗十嘅河粉，唔係平時食開嘅廣東河粉，開頭冇諗過係辣嘅但食落發現原來都幾辣不過就會令人一路想食落去，但反而d豬肉就炒得鞋左少少。 薄餅：呢個超好食！佢係即場整嘅所以都要等下先黎到，不過個面好脆入面好軟，超香嘅牛油味，我地要叫夠2碟先夠食，食完一件會令人再想食第二件，正！另外我叫左個

因男友在九龍城上班，所以經常出沒於九龍城這次在九龍城聽朋友介紹一間泰國菜的湯河神似泰國街頭的麵店，所以去一試進去人不多，不會等位就可以坐只有兩個人所以也沒有點很多菜式，三道菜剛剛好！特式牛肉湯河湯底和泰國一樣以豬血製成，非常濃郁，味道也像我泰國吃的時候相似，十分不錯！泰式炒金邊粉味道火侯十足，非常入味，但粉卻非常幼細，感覺蔥和芽菜的量比粉還多串燒（豬，牛，雞）即叩即燒，非常香口，但三款肉質方面沒太大特別值得一提是沙嗲醬，醬汁相對稀身，沙嗲不算太濃，但感覺加了一點青檸汁，酸酸的比較開胃價位不算很高，若不想每次吃泰國菜都是跟以往一樣，不妨到這叫一碗湯河，試試另一種風味

今日趁假期同男人去荷里活睇戲，睇9點半所以趁有時間就去九龍城食泰菜，早排去長洲食泰菜唔好食，一於黎九龍城補返數。男人一向都食開呢間所以就帶左我去了。一入到去就坐低叫野食，叫左個咖哩青口，蒜蓉包，青木瓜沙律，鳳爪沙律，冬陰功湯。青木瓜沙律真係好好食，夠味，夠新鮮，仲有最正嘅番茄同埋花生碎。然後個冬陰功湯就好多海鮮但個湯唔得，味好淡！咖哩青口配蒜蓉包好好味，好夾啊，即焗又熱辣辣嘅蓉蓉包係最好味架！男人叫嘅鳳爪沙律就爭啲喇，鳳爪唔太入味....不過配菜嘅味係足夠的，可能因為太好賣醃唔夠😂⋯⋯男人食左呢間野好多次，所以，下次都會再黎嘅❤️

朋友仔話要食泰國野，又唔想去返之前嗰間，咪叫佢來呢間囉。我食開的星期五晚7點半到，都唔係好多人，唔怪得我book位的時候，佢都一副唔使book的態度。坐低就急不及待叫野一早做定功課的我，唔使睇就叫得。不嬲來開都無叫咖哩的，但主腳想食，就點個咖哩大蜆。個姐姐笑咪咪咁同我地落單，超友善生蝦先上，每次來都必點。有8隻，啱啱好每人兩隻。好大隻，又爽又鮮鐵板蠔仔蛋都好但可惜有殼蛋下面放左好多芽菜，咁就唔會咁油喇！咖哩，無咖哩味。其實我係鍾意食泰式咖哩的，因為加左蛋，但佢完全無咖哩味，就真係差左啲。不過啲蜆好大隻炒椰菜苗，咸左少少。三味魚，其實係燒魚加左啲酸甜汁上去不過都係就咁燒魚好杲啲。不過我下次想試明爐烏頭串燒不過不失，有雞翼，雞肉，牛同豬。今晚無叫飯或炒野，其實呢間的都唔錯，下次要食返先得。嗰個姐姐真係無得頂，應該獲選為香港最佳侍應丫呢間野價錢都好公道，幾抵食，所以一直係我至愛

好耐冇食泰國嘢食喇!今日見得閒同friend 去咗九龍城食朋友之前去食過覺得好味所以就叫埋我去食我地嗌咗幾個菜，當中生蝦同冬陰功最好味冬陰功好香，味道濃郁，唔會好辣，適合啲唔係好食得辣既人!配飯一流炒飯稍嫌飯較濕，食落口感不夠乾身魚香味亦欠佳，不過上面的蛋就炒得剛剛好!炒金邊粉味道唔錯，唔會炒得好油，甜度剛剛好最後食翻個甜品就剛剛好!糯米飯的硬度適中，芒果亦幾甜，唔錯整體服務不錯，價錢小貴，不過同朋友聚會食好啲唔緊要喇!

好有驚喜嘅餐廳👍- 泰國入口梳打水 (附圖）- 生鮮彈牙嘅生蝦刺身(附圖）- 辣椒糕炒蜆。蜆好大隻，不過好"un"，味道一般- 冬陰公(小）偏酸。可能食完好辣嘅生蝦啦- 泰式炒通菜。都唔錯總括: 會再去食嫁😁👍👍

兩點左右，3個人拖住饑餓的身軀入左呢間鋪頭。好多謝朋友帶我來依間好好味的泰國野，一定會繼續支持丫！比起嗰ｄ排晒長龍的店，個人覺得呢間比較正宗先來個我最愛的生蝦，yummy!!!肉質好爽，鮮甜呢個柚子salad有別於其他店的，味道好特別，唔知係咩sauce。上台時仲係冰凍的，on the top仲灑左d fried coconut絲，好愛它喔！不可不食第一次食燒魚，好嫩，唔使10mins就俾我地KO左la, 又係推介！平時都係食蒸烏頭的，依家食泰國菜，又多一道菜可以揀la呢個炒金邊粉都唔錯，同其他店差唔多。夠乾身，唔油，味道唔會偏甜，正最後就緊係要食埋甜品先走la...糯米軟，芒果甜，上台時仲熱熱的，滿足晒la呢個soda好特別呀，第一次見，泰國soda water＋青檸。不過呢個我冇試，朋友飲only

今日兩口子異口同聲想吃泰國菜，由尖沙咀出發，駕車到九龍城吃。上次試過男友的最愛九龍城泰菜，今次帶他到我最愛吃的。等了一回兒位，坐下跟男友說今晚想吃甜品，於是份量不要點得多。脆肉椰茶苗，自從上次去完泰國，試了非常脆的咸肉，於是回港後去泰國菜館都想點。不過，這裡的脆肉不算太脆，但是有椰菜苗呢，不是每間泰菜都有椰菜苗的，令這道菜評分拉上補下~串燒，點了雞牛豬各兩串，這個比較普通，沙嗲醬亦不算十分出色。青檸冰，我的最曼最愛! 不酸不甜剛剛好!烤鰂魚，平時會叫鳥頭，男友說想吃鰂魚。雖然是簡單菜色，但$85大大條，而且新鮮內質好，黏少少粗鹽更好，男友都說好吃~

雖然才6pm多，可是九龍城周邊的食客已不少，原想吃人氣店 -《X姐》，最後選了不用等位的《泰式美食》。menu內有中、英、泰文，看來很認真似的，實質…繼續看下文吧…青檸梳打（$20），的確如泰國般給予厚厚的冰底另加一支泰式梳打水。嘿嘿，感覺良好兼清爽。他的龍眼冰（$20），粉紅色的杯子，很「卡娃兒」啊。冬陰公湯（小，$60），湯內混有不少蕃茄、雜菌、蝦及香料等等，唯不夠辣亦不夠香，酸度亦一般，蝦肉還有點「霉」。咖哩炒青口（$80），實物跟menu的參考圖可謂相距甚遠（menu內的是較橙橙紅紅的），「咖哩汁」一點也不辣，反而是甜甜的，兩口子均覺得像港式茶餐廳的「葡汁」多一點。一碟只有四顆青口，幸好大小適中，吃起來亦挺鮮甜，但跟想像完全是兩碼子的事。碎豬肉生菜包（$48），原以為這該是道「包無死」的菜式，可惜店子的調味功夫做得頗遜，先是沒有香料的味道，再來就是不夠辣，更可以淡如無味來形容，很…失…望…呢…！！！雜錦木瓜絲沙律（$35），除了木瓜絲外，還混入了芽菜及札肉等等，對比起之前幾款，這道的味道最正常，亦剛好夠辣。 是次總消費$263，食物比想像中遜，質素甚至在一般港式頹廢茶餐廳之下。

鐘意泰國野食嘅我，今次去左衣間泰式美食生蝦刺身:新鮮, 汁醬一流, 但只有八隻, 有十二隻會好啲!青咖哩雞: 青咖哩很青甜, 不過辣味不足, 椰汁味都足, 雞肉肉質比較嫩, 如果不愛或不太能吃辣, 這個汁都不錯馬拉盞通菜: 料子很足, 炒得有火喉,爽口,而且好新鮮嘅市通菜泰式炒金邊粉:份量適中 配料下得足夠絕不油膩也不乾巴巴的 熱呼呼而且帶少許濕潤 十分好美中不足是泰式味道不夠香濃 也欠奉檸檬!! 餐廳雖然有點嘈雜, 但客人大多是女姓, 可以知道這間店是吃食物先.試過後覺得今餐整體味道不錯, 但就是咖哩不夠辣, 風味不足, 但還會再來試吃其他食物

每次提到吃泰國菜，必定會想起到九龍城，因為這裡聚集了最多的泰國人，繼而之這裡的泰國菜館一定比別的地區多 。但要吃到最正宗的泰菜卻不容易，因為有很多泰菜館是由港人主理或做老闆，所以往往會把泰菜改良去迎合港人的口味。對於一些喜愛吃泰菜的朋友，想在香港吃到正宗的泰式美食的話，或許這間"泰式美食" 店子會喜歡的。店裡的大廚和侍應全部都是純正泰國人，採用的烹調方式，也偏向泰式風味。這裡大大話話我也來過十多次以上，可想而之，這裡的食物質素不會太差吧！這晚大約十時才甫進店裡，但幾乎全桌爆滿，我們好不容易才看到最後處有枱四人位掉空，便急不及待地走過去。這裡的環境尚算乾淨，空間感也很大，或許這晚比較多人，環境似乎嘈吵一點。這裡的食物種類繁多，只看沙律款式， 已有十多款。說得出的泰菜食物，這裡幾乎也能找到，而且价錢也很便宜。我們分别點了幾款泰國菜式：椰汁雞湯：講起泰國的湯，我們通常第一個想到的是冬陰功，但其實，在泰國，更多人會推薦椰汁雞湯。端上枱時，湯底白溜溜的很像牛奶，此湯比冬陰功較為微酸、微辣，但又帶著很濃的香茅和椰奶香。湯裡的配料主要以秀珍菇，番茄和雞肉為主，配以一些香茅，南薑，洋蔥和芫莤所調味。奶