泰東

營業中

休息中

在元朗附近挖掘到了一家特色泰國菜✨這家主要是環境真的很漂亮，拍照也太好看了，入口處用心的裝飾🥳充滿濃濃東南亞風！！青咖喱椰汁牛肉🐮上一次吃青咖喱還是在清邁，這個奶香的青咖喱和店內環境很搭，🍚淋在飯上超正，吃上滿滿的一塊青咖喱🥥椰汁牛肉，牛肉控必點。焗原個菠蘿海鮮炒飯🍍菠蘿酸甜清新的口感好解膩，炒飯粒粒分明香噴噴的💕飯裡面好多🦐蝦仁、肉鬆、魷魚～每一口都是料呢。乾炒鮮蝦金邊粉，😋每次吃泰國菜必點！！金邊粉炒的又嫩又香，拌著配料吃，真的好滿足呀。

第一次帶日本朋友來吃，食物唔錯，今晚有歌聽唔錯，店長好似叫哲，服務好有心，臨走主動幫我日本朋友影相留念，而家好少有呢d服務態度，令我感受到久違的服務態度，加油啦～泰東，希望香港人支持返香港的餐廳

泰式火山排骨+ 青咖喱豬+ 馬拉盞炒通菜+ 臘味三寶煲仔飯+ 蒜蓉烤包+ 芒果糯米飯★－:+:－:+:－:+:－:+:－:+:－:+:－:+:－:+:－★​元朗博愛醫院隔離，黐住新港酒店嘅泰式餐廳，免費泊車，門口有大量戶外車位，啱揸車嚟；地方大，有室內/室外座位，QR code落單，寵物友善。煲仔飯由crossover嘅榮記出品，幾大煲，多餸多飯多飯焦，唔錯👍🏻泰式火山排骨啲肉好鞋，唔好食👎🏻其他屬正正常常，諗唔到食乜又揸車的話可以再食。

乾炒鮮蝦粉絲：酸酸甜甜，好開胃。粉絲炒得乾身唔油膩，不過鮮蝦味淡。泰國珍珠椰菜炒香菇：椰菜有好多洞洞，有種怕佢會有蟲嘅感覺，但洗得好乾淨，竟然無發現蟲😆。但撇除蟲洞，其實炒得好靚，爽脆可口，調味亦好恰當。海南雞飯：海南雞嫩滑可口，啖啖肉。印尼沙爹串燒：雞：入面多汁嫩滑豬：略為少少過火佢個沙爹汁係比較稀身嗰種，有好濃嘅菠蘿味，好香好開胃的。碟碟都好大碟，好飽好滿足。有室外室內坐位可揀，今日天氣唔錯，就揀咗坐出面。坐位寛闊，環境好舒服好chill。

初二團拜一家二十人黎到泰東晚飯🥰🧧因為人比較，選擇坐戶外座位分兩枱，地方好闊落天氣好舒服😜人多試到好多菜式，不過因為新年貨源關係，食唔到煲仔飯同埋泰國菜必點嘅生菜包😥燒烤類試咗燒西冷扒、原隻魷魚、荔枝柴燒雞，燒雞要早半個鐘叫，原隻上枱，提供手套紙巾自己拆肉皮脆肉嫩，值得一試😆燒西冷扒五成熟，炭燒好好食😋魷魚都好大隻另外有必叫嘅炸物拼盤，有四款小食、份量好多😉大家都係鍾意食蝦餅，另外叫多咗一碟，皮脆肉好彈牙🥰另外點咗大蝦咖喱配烤餅，平時食開咖哩軟殼蟹，因為新年冇貨🥹大蝦就唔夠食啦，好似得三隻，另外蝦餅仲有蒜蓉同牛油味，食過都係最鍾意原味💖另外推介大蝦柚子沙律、馬拉盞椰菜苗、明爐烏頭，抵食之選🫶🏻20人食咗$4600，新年來講都唔算貴，20人去茶樓食一餐都要成萬蚊🙈新年食吓泰國菜都有啲新口味，唔使一定食中菜嘅🤭

已選非繁忙時間下午2:00後食lunch, 見到幾個卡位都冇人，與侍應說帶狗仔可否坐露天卡位，她指住另一個位說：都坐到啦，阿姐。嘩! 咩態度，坐唔到卡位沒所謂，是否可以有禮貌些，唔怪得香港食市難做，檢討下員工質素。

近博愛醫院附近，而家餐廳附近可以免費泊車有室內及室外坐位可以選擇，環境靚，像身處於泰國一樣我哋選擇左室外坐位，但夏天需有心理準備室外位置會有蚊，但餐廳有蚊拍水提供👉🏻食物質素高，而且很抵食👉🏻菠蘿海鮮炒飯，份量超級多，而且材料豐富👉🏻小食拼盤，佢得大同細揀，我哋叫左個細份，每樣4件左右，份量都算多

元朗 • 煲仔飯🇭🇰x泰國菜🇹🇭天氣開始凍，梗係要食煲仔飯暖暖個身☺️位於元朗嘅泰東，有車嘅朋友一定要過嚟食！門口有免費怕車，泊車費都慳埋🤣🌟 XO醬排骨煲仔飯 加臘腸(+$15)排骨份量好多，蝦朝係一大條嗰隻，唔係細細粒！鍾意重口味嘅記得落豉油落多啲😆😆 PS記得食埋飯焦🌟蒜蓉包係用法包，烤到外脆內軟，加埋蒜蓉係上面，一個人絕對可以食三嚿😆👎海鮮冬陰功湯成個湯得四舊蝦，菇嘅份量少，味道係酸辣，因為冇乜料所以感覺似飲緊湯水☹️假日帶埋狗仔嚟，坐室外chill下食lunch。

突然之間好想食泰國菜，朋友介紹咗呢間近元朗博愛醫院附近嘅泰國餐廳，呢度環境優美，有室內兩層冷氣坐位，仲有室外露天位或木屋風扇位，又可以免費泊車，食物質素屬性價比高，特別推介呢度嘅泰式原隻炭火燒雞同埋個泰式海蜇青芒果沙律，最估唔到就係有埋臘味煲仔飯食，個煲仔飯係即叫即煲非常香口，天氣涼涼食完個煲仔飯就暖笠笠，雖然地好大但服務員態度都好好值得推介👍🏻👍🏻👍🏻👍🏻👍🏻#如果有埋泰國音樂或者有攤檔買嘢就更加好似去咗泰國喇😅

呢間泰國餐廳係元朗博愛醫院附近，分室外同室內座位，一行入餐廳已感受到異國風情😆！泰式炒金邊粉食開泰國嘢，一定要食佢嘅金邊粉！呢款金邊粉好有鑊氣，而且好足料，大大碟之餘，配菜亦好豐富，大蝦都有5-6隻😋好正！醬料亦好有泰國嘅味道，真係好好食！泰國奶茶奶茶一嚟到嘅時候，已經好驚訝！因為呢一隻顏色嘅泰茶，係真係泰國嗰款奶茶，而唔係港式茶餐廳奶茶🥹🥹🥹好少泰國餐廳真係會有泰茶供應的！泰茶茶味好濃郁，但上絲滑嘅牛奶，好好飲，而且又唔會太甜！正🥹

今次嚟到 元朗坳頭東成里1號 🏺♦️🍲🍛前身係(泰屋)🏺10月1號重新再開返呢家改左名叫【泰東】🧉 💕應該好多人都唔陌生 住新界嘅應該都過嚟試過🤣😝包括我 雖然餐廳已經轉咗手 但係良心老闆保留返以前餐廳嘅所有員工同埋廚師 所以大家都可以放心繼續過嚟食泰菜🧉水準同以前一樣廚師係已經黎香港做左幾十年既泰國廚師 👌❤ 而且餐廳老闆每日都會親力親為檢查食材確保新鮮 👍落心落力重點推介😝🔥♦️ 泰式香芒牛仔骨＄118出面食牛仔骨我最棹忌 就係個廚師用醃肉粉過分那到啲牛肉既組織 分離晒🤣 真係你放入口滑潺潺你都唔知食緊咩🤣🤣🤣呢間餐廳唔單止用新鮮嘅芒果作為配襯主角牛仔骨亦都烹調得好好 滑嫩香濃♦️ 海蜇頭青芒果沙律＄88😝😝 私心推薦 💕佢秘制既汁再配爽脆嘅海蜇 正正 ♦️ 泰式薄餅喺呢度嘅招牌必點🏺🫓🫓佢同出面嘅泰式薄餅好唔同 💕鬆鬆軟軟 焦香撲鼻😛 um大食會叫兩次 哈哈哈哈哈🌿題外話 其實我去餐廳食飯 最重要嘅 除咗食物嘅質素 就係員工嘅質素 當你見到個員工黑口黑面 孤魂野鬼既態度真係食物幾好食都影響曬心情 🤣🤣呢到新老闆亦好明白呢個道理好難得可以有班好員工仲有團火去工作 ❤🔥 所以都係原班人馬

兩個人食左煲仔飯，炒通菜，火山排骨煲仔飯：粒粒分明，臘味既油深透落飯到，整體幾好👍🏻馬拉盞炒通菜：味道普通，少少馬拉盞味，菜就過得去火山排骨:個汁正常，啲肉好(鞋)，因為我係屯門某泰菜食過好好食，所以無對比無傷害🤭服務方便，就好好笑😅企係門口等位期間，睇下個餐牌，有個看似比較有年資既男職員拎住一疊餐牌行埋黎，佢一隻手合埋我睇緊既餐牌再拎走😅我真係o左，心諗個餐牌唔睇得㗎？仲要一句唔好意思都冇，可能我阻住佢擺佢手上果一疊餐牌呱🥲補充番啲年輕員工幾好態度☺️

呢間元朗半鄉郊泰國菜轉左東家環境同職員都一樣係菜色多左啲煲仔飯住室外木椅區感覺好似度假咁干炒鮮蝦金邊粉色澤分明 味道香口個人覺得唔使加青檸都好好味有少少花生碎豐富口感蝦肉有三件 都唔錯串燒拼盤有豬牛雞三款各兩串可以自行選擇比例燒得肉香撲鼻沙嗲汁畫龍點睛必點！

博愛醫院附近的泰國菜。環境好舒服，有室外同室內，好似去了泰國渡假嘅感覺。不過留意番入去門口嘅時候，有一級梯級，好多人都會kick 到。小心!小心!小心！。呢度的煲仔飯聽聞都幾好食。原本諗住點牛小排煲仔飯，但係已售罄。所以叫了蟲草花北菇滑雞煲仔飯加臘腸$88+$15。食落有飯焦，但係又無燶。煮得剛好。雞係滑嘅。不過唔夠油香味。味道是可以的。冬陰功湯-小辣(例牌)$95，都好大煲，如果用酒樓的碗仔size ，可以有約八碗。有個爐熱啲湯，熱辣辣好正酸酸辣辣，完全適合香港人口味。入邊有好多材料，蝦，菇。最後叫了一個椰青，大大個。好多椰青水，好清。兩個人share食，份量啱啱好，如果叫多一個小食就更好。埋單$300有找， 係一個合理價錢。

朋友介紹嘅餐廳，順路去元朗試一試，首先停車好方便，有露天同室內，環境唔錯。點咗咖喱牛腩，煲仔飯同燒雞。咖喱牛腩入口即化，個汁好食到想打包走咁濟，超後悔無點多個薄餅食埋佢🤣煲仔飯即場做，要d時間，啱曬飯焦愛好者重點講隻燒雞，原來當日係第一餐上市，膽粗粗試下啦，皮脆肉滑，一剪開直頭爆汁嘎。唯一不足係要自己剪開，剪到手都震埋，提咗意見，佢地話之後會安排代剪🤣神級吃貨，掛住食唔記得影相，兩個煲仔飯，一個咖喱牛腩加薄餅，一隻燒雞，送甜品芒果糯米飯，兩個椰清，800蚊唔使，勁抵食🥹值得推介啊