泰榮華

營業中

休息中

朋友今日帶我去筲箕灣食飯，對於未踏足過筲箕灣的我黎講，非常新鮮。呢間小店，住打食串燒同小菜，不過近排佢嘅推介似乎係雞煲，可惜我同朋友都唔食。咁我地就食返小菜同串燒。呢間小店面積有2個舖位，雖然無乜特別嘅裝修，有少少大排檔嘅感覺，但地方俾我想像中乾淨。串燒我哋叫左牛柳粒、茄子、魷魚鬚同紅腸。茄子同魷魚鬚都唔係以串串型式上，感覺好似炒咁，不過都好香。牛柳粒夠味夠淋，紅腸都落左醬料去燒，好好食而唔會太咸。冬蔭公蜆湯，平時喺泰國餐廳飲冬蔭公湯一般都會過咸，但呢個啱啱好，夠冬蔭公嘅酸辣味，但唔會過咸。豬頸肉多士，多士夠脆，豬頸肉燒得好香口，唔會好油。馬拉盞炒通菜，用煲仔上，夠晒鑊氣熱辣辣，不過就有少少咸左啲。不過留意餐廳會喺星期一休息，我哋就摸左一次門釘。

收工想搵d嘢食完先返屋企本身見到門面好似要坐街邊又好似冇乜人咁對呢間都冇乜太大期望估唔到有驚喜❗️環境 🟨🟨🟨⬜️⬜️7點左右嚟到 得一枱有人望到好似要街邊咁原來入面有室內冷氣房一坐低咗冇耐就開始陸續有人喇多人嘅話係有d嘈嘅 整體食物 🟦🟦🟦🟦⬜️• 牛油蒜香雞翼 • (🤩)呢碟我會形容為今餐嘅重點一上枱已經超級香咬落去好熱好熱明顯係新鮮炸超！級！鬆！脆！唔似一般炸雞翼咁多粉咁硬真心係必點之選！小貼士: menu 上面寫$78/8隻不過如果食唔晒係可以嗌半份 4 隻嘅😎• 涼拌牛肉 • (😌)牛肉好嫩身 都好足料有少少似泰式鳳爪果個汁不過再杰少少酸酸辣辣 又唔係話太辣好醒胃• 馬拉盞鐵板通菜 • (😶)與其話係鐵板 話係一個大鐵碗好似啱d成餐飯個菜都keep到個溫度 熱辣辣不過馬拉盞味唔算話好出 不過不失• 香葉肉碎炒飯 • (🤨)呢個唔係好啱我哋口味同出面食開嘅香葉肉碎炒飯唔一樣唔算香 而且冇乜見過有肉碎同香葉程度係直頭要同餐廳確認有冇上錯菜只可以形容佢為: 一個炒飯🤷🏿‍♀️• 菠蘿蜜冰 •以為係普通菠蘿點知原來係大樹菠蘿甜甜哋 幾好飲其實 menu 仲有好多嘢都想試明爐烏頭啦，串串

泰榮華係一間位於西灣河同筲箕灣之間嘅泰式小店，我同太太算係佢哋嘅常客，久唔久都會嚟食吓。每次嚟，我哋都有幾款必叫嘅菜式。首先，我哋一定會叫蒜蓉牛油雞翼。佢炸得勁香，外皮鬆脆，而且雞肉入面仲keep 住juicy！最正嘅係，佢有大量嘅蒜蓉，係重口味之選！再嚟就係生菜包。肉碎＋洋蔥＋香料，再配上新鮮嘅生菜，口感一流。每次食都覺得好滿足！最後，佢哋嘅XO醬炒蘿蔔糕味道亦都好出色。唔會太油膩，蘿蔔糕香口得黎，仲有D爽口嘅芽菜一齊食，真係好正！

泰式炒金邊粉 ($70)賣相：🐧🐧🐧🐧味道：🐧🐧🐧賣相方面，金邊粉用透明膠盒盛放，份量十足，佔滿整個外賣盒。鮮蝦大大隻，伴菜款式不少，炒蛋絲、芽菜、蔥、豆腐乾等應有盡有，令整個金邊粉內容更豐富。味道方面，泰式金邊粉獨有的甜酸味突出，十分開胃。金邊粉由於在外賣盒放置一段時間，已「癡實」變成一團粉餅，需要一番功夫將金邊粉「摷鬆」。金邊粉質感偏淋，底層金邊粉較多油偏膩。大蝦爽口彈牙，夠新鮮沒有雪味。豬頸肉炒出前一丁（$61)賣相：🐧🐧🐧味道：🐧賣相方面，豬頸肉量不少，淋上惹味沙爹汁，十分吸引。公仔麵份量為一個麵餅size, 眼見並未夾雜其他配菜。味道方面，公仔麵彷彿未曾炒過，一整個麵餅癡實，夾上來一舊舊、硬掘掘的，而且淡而無味，令人失望。沙爹汁惹味足本，可惜豬頸肉疑似燒過火，質感乾爭爭似肉乾般難吃。泰式菠蘿炒飯（$70)賣相：🐧🐧🐧🐧味道：🐧🐧🐧🐧🐧炒飯滿滿一大盒，色澤鮮黃均勻，蟹柳、魷魚、蝦仁等配料數量不少，加上表面滿滿的肉鬆，令人食指大動。味道方面，炒飯乾身有鑊氣，鹹度適中，配以肉鬆一起食效果絕佳。菠蘿新鮮夠甜，蝦仁爽口彈牙，魷魚煙韌入味。高度推薦。炭燒豬肉（$20)、炭燒紅腸（$17)

📍#泰榮華人均消費: HKD100宵夜時間！筲箕灣宵夜時間真係無乜野食，泰榮華絕對係一個好選擇，勝在平靚正！💯蒜香辣椒牛油雞翼🐔$68上台已經聞到好香嘅牛油味！ 雞翼剛炸起超熱超脆口，一咬落去好鬆化！ 蒜香味都好濃好惹味！ 雞翼夠滑勁Juicy！$68有8隻好抵食！💯避風塘軟殼蟹🦀$108軟殼蟹雖然拆咗件，但保守估計份量應該有3隻！炸到勁香勁好味，蟹味又夠香濃！我一個人起碼食咗一半😂 辣辣地，又有腰果，真係送走一流！🆗串燒拼盤🍢$148串燒拼盤有五款食物，有魷魚鬚，牛肉，豬肉，雞肉和雞腎，仲可以要求佢拆埋竹籤，$148又唔算貴喎！肉類就普通啦，不過魷魚鬚好爽口，雞腎都幾好味，只係我唔太喜歡佢個沙嗲唔夠惹味其實舊年曾經叫過外賣，覺得佢啲嘢食普普通通，今次宵夜堂食，比上次好味好多！而且佢價錢又唔貴，前後飲咗九支啤酒，買單都係$100一個人，性價比都幾高！

泰榮華坐立筲箕灣好多年喺政府食市限聚令之下 佢而家開到12點 太開心終於可以再食佢嘅宵夜啦大蝦金邊粉呢個必叫椒鹽牛舌加燒豬頸肉呢個都值得一試呀马拉盏炒通菜佢嘅肉類串燒都不錯佢會另外搽上沙爹醬

上次叫咗碳燒豬頸肉炒飯、菠蘿炒飯、串燒拼盤、芝士西蘭花蝦球、雞肉炒烏冬。碳燒豬頸肉炒飯真係超級推介！夠味有鑊氣好食！相比之下菠蘿炒飯就只談上不過不失，反而唔係必嗌。芝士西蘭花蝦球有七八隻蝦，芝士係芝士龍蝦伊麵個隻芝士，我覺得唔算特別好食，但係份量都夠嘅。串燒拼盤有10串，五款野，雞肉、豬肉、牛肉、雞腎、魷魚。平均13個幾一串，抵食！只係雞腎真係太難咬。雞肉炒烏冬就都係不過不失，唔係必食。係出面等位嘅時候個阿姐都好好咁比凳我哋坐招呼我哋，叫我哋睇餐牌先，叫完入去即刻有得食！但係等位嘅時候都見到有曱甴😢😢不過都冇影響我哋覺得嘢食好食。

未來兩年，食品味和人情味依然濃，晚上吃餐不錯的地方，朋友讚真係正，價錢公道，真係好介绍。點了幾個餸，自己買酒，未計酒四百鬆少少，吃了三個鐘，人潮未散，高朋滿座。

#Fat99eat筲箕灣❤️呢間泰國野係巷仔入面 而佢既營業時間都比較晏所以疫情之前見好多人都會食呢間餐廳見啲人都會隊下啤酒吹下水咁 都幾梳乎💁🏻‍♀️而Fat9今日又行開黎呢邊 就黎試下啦😋平時夜晚行過見到樓面都好爆下好多人排隊 但可能今日Fat9比較早黎食所以唔洗排隊仲可以揀坐入面定出面tim😼✌🏻睇到佢餐牌佢都有好多款野食啲野食都好吸引🥰同埋佢既價錢比出面既泰菜對比起價錢都較平佢呢個價錢同食物既質素 Fat9覺得唔錯喎🤩👏🏻﹊﹊﹊﹊﹊﹊﹊﹊﹊﹊﹊﹊☞ 泰式金邊粉 58$一上檯就聞到勁大陣既蕃茄味 勁重蕃茄味🍅而佢既麵係比較濕身 冇平時出面個啲咁乾身 但食落口Fat9又覺得濕身幾好食喎😋拿 但佢呢到既金邊粉係冇蝦粒 得花生碎 豆腐乾同蛋絲 所以可能因為咁樣 佢個價錢係比出面平🤪﹊﹊﹊﹊﹊﹊﹊﹊﹊﹊﹊﹊✎ 蒜香牛油雞翼 68$呢個Fat9好推介大家叫黎食🤩呢個雞翼勁惹味🤤你睇相見佢個炸粉好似有啲厚 但食落口唔厚架 唔好見到佢係有層炸粉就覺得佢好厚粉 同埋佢係即叫即整 所以上檯食落口都好脆口😻佢個蒜粒炒到好香口 夾埋落個雞翼到 有埋個牛油淡淡既香味 呢個真係perfect match 正啊

📍泰榮華🇭🇰香港筲箕灣南安街95號地下🇭🇰 G/F, 95 Nam On Street, Shau Kei Wan, HK🌐筲箕灣 味道: 👅👅賣相: 👀👀👀價格: 💰💰💰💰性價比: ⭐️⭐️⭐️回頭率: 🔆🔆人均消費: HKD110突然發現多了很多餐廳加盟某外賣APP，又燃起了我叫外賣的一團火🔥😂男朋友以前住在餐廳樓上，每晚都聞到香濃的鑊氣味，有時都會落去食宵夜，今晚就回味下🤤這餐廳絕不是說笑！餐牌真的有中式，港式，泰式，泰式，新加坡式和串燒！跟以前完全不一樣😅不過點餐時說30分鐘，結果我等了一個半鐘🥲👎🏻鐵板牛柳炒烏冬🍝$83牛柳分量奇小的牛柳炒烏冬，而且牛柳又瘦又短😂😂烏冬夠鑊氣，但超級油，吃到門口都是油而且黑椒過多，只有黑椒的辣味，其他味都被蓋過了👎🏻碳燒豬頸肉蒜蓉包🥖$60究竟我是點了碳燒豬頸肉蒜蓉包，還是豬頸肉燒碳蒜蓉包？😂😂蒜蓉包因為太久已經變得有點鬆軟但尚算可以豬頸肉雖然味道可以，但燒到又黑又乾又韌，而且放上蒜蓉包上面真心不知是什麼配搭😂⭐️避風塘軟殻蟹🦀$103本來想點泰式軟殻蟹，蛋捲避風塘軟殻蟹都是$100左右，結果轉呔了比我想像中出色！軟殼蟹份量都算多，偏細件，口感嫩有點

2邊鋪，一邊廚房加2，3張室外枱。另一邊冷氣室內位&室外位：店小，食煙坐室外，無冷氣，唔食煙坐冷氣房。店內無跟政府規定 (枱與枱之間至少要有1.5米距離)，但地方小，都明白嘅。冷氣房樓底不高，坐滿時就會超嘈。如果怕嘈就可能唔係好頂得住。野食Ok ，雖然水準不定，但整體評分不錯。酒就經常賣曬未入貨，幾次一開門就賣曬，要選其他酒的品牌。最近香港疫情，社會事件等，太多事發生，諗住夜晚飲酒，鬆一鬆。但食到一半，見到個個電視都播TVB 新聞，心情又變得沉重。

之前都係跟人食外賣食過兩次一直都想堂食試下，今次終於有機會泥到！位置唔算難搵，但店舖不大，好彩我哋早泥，唔洗等位之餘重有得揀到最入泥坐一級推介呢個麥皮蝦，之前食外賣個時因為凍咗d，d麥皮會有d淋，但都好好食依家堂食食到係更好味馬拉盞炒芥蘭，好似係每次食泰菜必點嘅菜😂味夠，不過可能本人唔太鐘意咁油膩，略嫌有小小太油呢個雞翼都好正，好熱好脆好juicy！食多幾隻都重食得落泰式炒金邊粉唔好睇佢細細碟，呢度係好似食極都食唔完咁😂花椒豆腐，好惹味，如果再辣多小小會重正d豆腐好滑，而且細細粒，好易入口最後重加碼叫多幾串串燒3個人食，非常之飽

呢一間已經唔係第一次食㗎啦 每次諗唔到同朋友食咩都會過嚟呢一間食 第一句嘅價錢唔貴第二佢嘅啤酒亦都好抵飲😂😂 由於本人都比較鍾意飲啤酒 原先我哋係想嗌椰菜苗 點知唔小心睇咗炒椰菜 不過都幾好食嘅 佢本身個菜都炒得好入味 本身我個人唔係話特別喜歡食椰菜 通常都係食葉嘅部位比較多 但係佢依家炒嘅椰菜比阿林身 食落去都覺得唔錯另外我哋叫咗個辣子雞 因為我哋以前食一般都係嗌蒜蓉雞翼 炒通菜 同埋炒蜆 所以今次想叫一d特別啲嘅嘢食 呢個辣子雞唔算話太辣 如果唔太食得辣嘅朋友就唔好揀呢一個啦 味道都算唔差嘅 再加上佢有啲腰果 個人認為幾適合配啤酒最後叫咗個泰式鱸魚 呢一間嘅泰式鱸魚比我想像中還要好 我記得以前去泰國餐廳想食嘅泰式鱸魚 味道一般都比較酸辣 個人唔太喜歡呢一個感覺 但呢一家所做嘅泰式鱸魚 佢唔算有啲太酸嘅嘢 食落味道都唔差 最緊要呢一間餐廳嘅啤酒非常之平 如果鍾意飲啤酒嘅你哋都幾值得嚟呢一度 佢呢一間只需要$100就可以有1 set 象啤 所以得閒嘅時候我都會嚟呢間食嘢

泰國嘢食港島都唔少，不過間間拿手食物唔同。自己最鐘意食泰榮華嘅蒜蓉牛油雞翼同生菜包。啱啱星期五同個friend好夜過嚟。之前食咗少少嘢所以唔係叫好多。唔可以唔叫當然係蒜蓉牛油雞翼，雞翼炸到好香好鬆脆，再加上牛油炒蒜蓉喺面，又香又脆，一啖雞翼一啖啤酒，真係非常enjoy第二個係生菜包，豬肉加上香茅一齊炒，辣到啱啱好，又有生菜嘅清爽，非常之夾最後試咗個蝦醬炒西蘭花，第一次試，蝦醬味香，不過西蘭花炒得有d 痳。食完12 點起，開始收鋪食完走。

去到呢個星期五嘅夜晚，諗起聽日放假就相當興奮。所以呢就約咗朋友出嚟敘舊。由於行完街啦都差唔多夜晚10點，都唔知仲有啲咩可以食。我哋行咗去筲箕灣，嗰度有幾間賣串燒嘅餐廳仲未收舖。於是我哋揀咗泰榮華。入到去我哋坐咗喺個粒頭，鋪仔細細，餐牌就好多嘢食，五花八門，又食魚啦，串燒，炒野等都有得食。入面嗰啲人都係好似我哋咁喺度敘舊，所以佢哋隊住啤酒喺度吹水，好嘈，好似街市咁。佢個名已經話咗俾你知佢係一間食泰國嘢嘅餐廳。所以我哋都叫咗啲比較泰式嘅食物。首先係蝦醬炒貴刁，有別於一般嘅炒貴刁佢冇落咖喱，用咗蝦醬，炒出嚟唔係好覺有蝦醬味。但係呢就相當有鑊氣，同埋冇咩油。雖然有啲淡，但係好好味。已炒貴刁嘅配料有蝦，雞肉，蛋，芽菜同埋蔥等等。係炒貴刁嘅角度來講都幾健康。跟住係香葉肉碎炒飯，炒飯都好香而且唔會一嚿嚿。有少少甜，但係其他配料例如雞肉就中和返個甜味。都值得推介。至於串燒拼盤，有牛雞豬雞腎各兩串，仲有魷魚。串燒呢就麻麻哋，雖然火候啱啱好，但係隻醬汁太甜，同埋啲肉落得太多粉去乸，所以都唔覺得自己食緊以上嘅肉類，只係覺得食緊一堆滑潺潺嘅嘢。總括來講，佢嘅炒功係好好嘅，所以如果來食叫啲炒野會好啲。呢度就啱晒