泰正斗

營業中

休息中

感謝倩揚回到香港都抽空同組員相聚，安排大家喺上水泰正斗包場同組員下午茶，因為場地有限所以只能容納約6 0人。呢間泰國菜師父係正宗泰國人，所以食物味道有一定水準 👍🏻。當天一共食左十款食物，雞全翼燒得好正😋。最出名係海南雞🐔～食完真係明白點解。食物辣度可以要求，所以生菜包减左辣；最欣賞拼盆中炸蝦餅，完全吾覺油。 不過蠔餅就遜色左，如果可以亁身啲會脆口啲。整理食物好好，而且老闆及員工都好好人， 會帶朋友去食。

14/11/2024 - 2人晚市，串燒拼盤$90+燒豬頸肉$88+生蝦刺身$118+象啤10支$280=$576，加一 (576 + 57.6)= $633.6埋單唔俾單你睇，直接收我哋 $818，以為人客酒醉就偷偷計多錢，永遠不會再來。講番食物質數，串燒拼盤的雞肉串肉質好韌，豬頸肉普通沒問題，生蝦刺身也是一般，環境座位闊落坐得舒服，廚房做菜很快，店員服務很好還送了兩件椰汁西米糕給我們，送的西米糕不太甜很好吃。

朋友介紹，上水新開了泰國菜，剛巧朋友生日，就試吓，去到餐廳門口，已坐滿了人。服務員介紹了幾度泰國菜都好好味😋海南雞-好味，如果多啲醬料就好啦😂咖喱軟殼蟹-叫咗小辣，所以好好味泰式煎蠔餅-脆卜卜，正薄餅，蒜蓉包沙嗲春卷拼盤菠蘿炒飯-正，足料馬拉盞炒通菜冬陰功湯泰式奶茶太開心，有啲餸菜唔記得影相😓樣樣真材實料，新鮮熱辣，好好味👍帶了蛋糕，沒有收我切餅費👍，服務員真好，也有禮貌。

食到泰國風味嘅一間新舖，好好食，員工又有禮貌。泰國主廚，近期人氣火爆，經常排長龍！泰國員工又好禮貌，好似翻咗泰國咁。😍裝修風格方面， 牆上掛著泰國圖案壁畫，充滿泰國色彩，新裝修環境舒服優閒。👏🏽價錢親民而且份量又足嘅泰國菜，價錢平靚正，性價比高，九龍區同香港區一定食吾到依個價錢，佢地午市同夜市同樣咁多人。👍🏾如果有幸開喺九龍區就會方便啲，始終開喺上水地點比較偏遠少少，但佢地係值得回頭去再食。🙏🏾