泰滋味水門雞飯專門店

營業中

休息中

自己本身係住呢頭，所以食嚟食去都係嗰幾間嘢，今日比較早放工，搵嘢食嘅時候決定行完少少，居然發現咗呢一間泰國嘢。佢個感覺呢係比較泰式嘅，入邊嘅店員呢都似係泰國人嚟嘅，所以呢就相對更加有信心啦，而我自己食泰國嘢呢好鍾意食海南雞飯嘅，因為我自己去泰國食開，覺得好好食，但係喺香港又真係比較難再搵返呢一種味道。而呢一間嘅海南雞飯呢都做到少少泰國嘅感覺，因為喺其他餐廳食海南雞飯，通常會有三款醬擺喺枱面，但係呢一間就好似泰國餐廳咁得一款醬嘅啫，以佢嗰張都好貼近泰國嘅味道，所以好推薦。

黃大仙銀鳳街呢邊其實幾多餐廳，今日嚟到呢間泰式餐廳，午餐時間都唔算太多人，但餐廳入面嘅冷氣開得太大了吧，入嚟食飯真係要帶多件薄薄地嘅外套先得😅🔖香葉肉碎炒飯叫咗個香葉肉碎炒飯，炒飯炒得好香，米飯粒粒分明，中間加咗啲香料炒，係有啲辣辣地，不過屬於小辣，所以都接受到☺️另外個雞蛋煎都好出色，係流心款嘅荷包蛋，邊邊煎得燶脆，飯嘅份量比得唔少，所以都食得好飽。炒飯嘅表現唔錯，下次你可以再試一試其他嘅菜式🥳👌🏻

今日突然間好想食海南雞 於是就上OpenRice摷吓睇吓 黃大仙有冇海南雞雞飯食 俾我搵到呢一間泰滋味 咁耐以來都未食過 今日一於試吓 嚟到梗係要叫一個招牌海南雞飯試試 啲雞還可以 但份量唔算多 每一個女仔都覺得可以再多兩舊雞 男仔可能會有啲唔夠食 整體嚟講唔錯 有少少咸

5月19日天氣酷熱，影响食慾，所以揾食肥華就同靚媽，到呢間年多前光顧過嘅食店，食泰國嘢，相比年多前，此店室内裝修，座位格局都比之前格局，美觀及舒適，呢個店内環境改變，真係值得一讚，至於今日，肥華所點嘅，三款食物除咗個，泰式酸辣鳳爪保持到原有好評水準外，其餘個水門鷄飯，無論鷄肉及飯都不及前時，而靚媽所點嘅生牛肉河粉，肥華見到啲佳寶肥牛片，就唔想食，平時食嘢冇乜要求嘅靚媽，就話呢碗生牛肉河係劣食，即是話若肥華和靚媽，都唔會考慮再到此店，食泰國嘢嘞‼️👎👎

【#肥波的外賣生活】#沒有店舖立場資訊 🎈屋企附近其實有幾間有海南雞賣，之前試過呢間覺得佢唔錯，不過又加左價😑下午茶都要$45💵 佢嘅海南雞醬汁就只有一款，微辣（但我依家唔食得辣，結果成個醬都無點過🥲）雞就依然係好滑嚕嚕，份量都足夠，唔會因為係下午茶餐而偷工減料。油飯都好香好好食！食完唔會好濟🈴📍 泰滋味水門雞飯專門店 📍 黃大仙銀鳳街12號地舖#自費 #海南雞 #海南雞飯 #黃大仙美食 #泰滋味水門雞飯專門店

政府又話禁晚上堂食，所以在1月13日，禁食前一晚，同靚媽到此間新開，泰國菜館，試吓佢哋嘅出品得唔得，成日都話，一間泰國菜館嘅考牌菜，就係冬蔭公湯，同埋酸辣泰式鳳爪，如果連此兩樣，泰國尋常百姓菜，也做得唔好，咁呢間泰國菜餐館，都前途似咁，好快玩完，是晚本來就諗住點呢兩樣，考牌菜外，再另加明爐烏頭及活蝦刺身，但入到此店，發覺此店格局，屬於衹適宜食一類，泰國街頭食品，所以就衹柯打咗，泰式鳳爪，水門海南鷄飯，及㗎喱簿餅合共3款食品，先講個海南鷄飯，D鷄係得嘅而跟飯個湯和醬汁亦有泰國風味，可惜個飯偏淋及唔夠油香，祇值俾B级評分，至於個㗎喱簿餅，就真係麻麻，碗㗎喱汁稀如水，完全掛唔到上塊餅度，此食品俾盡都係D级分数，至於個泰式鳳爪，此店卻做得非常好，有接近泰國本土街頭水準，有A级評分，總结如果你想食泰國嘢，又唔想坐太耐嘅話，食完即走，此店實啱你

今日與太太及母親3人去黃大仙，原本打算食打冷，但因人多排隊改去鄰近的泰滋味食晚飯。進入餐廳時，人客不多，裝修普通，全部都是小圓枱，沒有大枱，我們3人一枱會覺得放食物空間稍有不足。所以原本對食物質素沒有太大期望。今餐叫了水門雞半隻($78)，泰式炒通菜($58)，炒花甲($88)，青檸蒸烏頭($138)，青木瓜沙律($52)及油飯($10)。食物上枱後卻發現全部食物質素都超出預期，均很泰式亦很入味。尤其是青木瓜沙律，雖然收費$52，但份量足，酸辣度亦夠。而青檸蒸烏頭亦很大條，配料足，但美中不足是沒有提供蒸爐補溫。最重要是價錢唔貴，5款食物再加油飯才$424，抵食!好食!

今晚外賣冇咩頭緒，係街上走走見到呢間舖頭內都唔少客幫襯，試試買個水門雙拼雞飯（水門雞&炸雞）餐跟湯飯-唔太油膩，但唔係好夠香，不過Lite啲都啱我口味水門雞-肉質好嫩，唔錯好食！個醬汁我幾鍾意，調校得剛好，唔鹹炸雞 - 幾特別，個雞表面味有別於普通炸雞，我都覺得唔錯湯- ok, 偏鹹整體ok ，服務態度都好好！會再來試其他食品😊

鳳德近期有多間新食店開，每次行過都想試這間，但店內經常太多客，唯有等下。今日（7/3/2021）下午四點，終於等到無咁多客，可以食吓下午茶。點了一個下午茶餐，無骨水門雞飯$40下午茶來講，都叫大份，油飯好香，夠味，雞都唔錯。下午茶無炒河，但想食，便叫了一客泰式乾炒牛河，炒得好乾身，唔太多油，但唔夠味，。再加多一客小食~泰式春卷，是侍應介紹的新食品，唔錯，好多料，剛炸起，好脆，配上泰式醬汁，正。埋單$148，最唔方便是要比現金，希望下次幫襯可用電子貨幣。

After hanging out with boyfriend in his area of residence, he mentioned there was a new place that opened up recently. We decided to go there for dinner to give it a try.Menu is in Chinese only. There is no 10% service charge. They have a daily dinner special on a board located outside the restaurant.The meals come with  a standard hot drink with optional upgrades and soup. The soup is a peppery chicken broth. It's really peppery! So beware if you can't handle too much spice as it have me coughi

住附近咁啱經過見到有下午茶，只需30-40蚊，一於試下。估唔到有驚喜，呢個價錢有咁質素，冬陰公湯底夠濃味，酸酸地好開胃，加上呢個價錢，抵晒。再唔幫襯下香港飲食業，真係怕好食嘅野無晒。

雞飯d飯完全無味道👎！鹹檸梳打得1/4角咸檸完全無味,飲水冇分別😣！酸辣鳳爪唔酸唔辣🤦🏽‍♂️點能夠叫泰國酸辣！我都係第一次要立即寫評語😣（大家應該知點解👎👎👎👎👎）