泰潮 (已結業)

除夕日Husky受傷了，看過醫生後都沒有心情慶祝倒數等，所以走去黃金隨意吃點甚麼就算，雖然差不多十點，但仍有西餐要等位，所以我們到獲米之蓮推介的泰潮吃飯⋯來到泰潮當然要試海南雞飯和豬仔脾飯啦！又加價了嗎？無骨海南雞飯$56，但雞翼是有骨的😂雞肉嫩滑又啖啖肉豬仔脾飯忘了走豬皮，惟有叫Nosir食豬皮吧😝豬仔脾飯還有咸菜丶滷蛋半隻加豬大腸，好惹味如果以裝横及環境來看，完全不明白為甚麼要加一收費😓

好多雜誌都介紹深水埗話好多好嘢食，行行吓見到呢間餐廳話米芝連推介就衝咗入去，環境無乜特別，不過都算乾淨。而食物，講真，真係唔明米芝連評分嘅標準，其實唔係難食，不過真係超普通，普通過普通。個冬音功湯河係其中一個推介菜，入面得蝦、菇同蕃茄仔，我平時都食得幾清淡，不過今次連我都覺得唔夠味。而呢個鎮店之寶海南雞飯，無乜特別，好似住家菜，好一般。最後個木瓜沙律，唉，亦好普通。食完成餐飯，我真係好想問米芝連評審係咩標準，完全係無言，不過人均$88，香港地食餐晚飯，咁降低自己要求，都算勝價比高

途經深水埗撞到個朋友，無端端就一齊食。咁佢一口就話食呢間因為唔使等位⋯心諗大件事，會唔會好難食。去到見到海南雞係招牌，咁就穩陣地叫咗個海南雞飯配油飯套餐嚟嘅，套餐包普通飲品、例湯、青瓜粒。見到芝士蝦丸又想叫＄40得兩粒⋯⋯之後見到豬手飯有餐就係咁我叫埋豬手飯。好似無菜，雖然佢個餐有個青瓜粒，但係都係要多碟馬拉盞炒雜菜。先講雜菜味道正常，都多菜大碟嘅。送嗰個青瓜粒呢就豉油碟上，落咗啲撈檬粉嘅酸汁。海南雞飯啲雞起咗骨，除左隻雞翼，雞嘅份量都多。啲雞皮好嫩滑，雞肉唔鞋。啲油飯就差啲，飯本身應該唔係油粘米，一粒粒爆開晒既，所以飯鞋口又無雞油香只得黃色。豬手飯個飯都係呢個油飯，但係個豬手就比較出色，嗰啲豬手皮好滑滑呢～估唔到啲豬肉好冧唔鞋，同埋好大個獻汁，有一啲酸菜粒喺碟邊。到＄20一粒嘅芝士蝦丸係爆漿芝士。芝士呢就多嘅但係就冇乜鹹香，蝦膠正常（都係來貨架啦）＄20一粒實在太貴。飲品加錢叫左龍眼冰杯，同有龍眼水熱飲嘅，正正常常有幾粒龍眼乾咁，龍眼水味道唔濃得個甜。咁樣食都要三百🙄雖然唔使我俾⋯⋯

今日行過深水埗，米芝蓮餐廳竟然無乜人排隊，於是入左去食。泰潮滷水豬脾飯餐 ($56)豬脾肉質偏淋，份量亦唔少。泰式咸菜咸咸酸酸，幾開胃，豬大腸無乜特別，得一舊。滷水蛋唔夠入味。滷水汁甜甜地，味道ok。PS: 白飯可以加$5轉油飯環境似普通茶餐廳，只有圓凳，坐得唔舒服。侍應都NICE嘅。

我很多年前在深水埗做野時，這裡剛開始營業，本來是一間的，跟著因爲生意好，所以很快在隔離開多一間。這𥚃的海南雞飯，雞肉比較滑，雞油飯都幾香，質素和之前差不多，可以一試。

Open rice 成十年都有，我第一次嬲到寫留言，未試過出街食飯咁，成間野服務態度極差，問餐唔解釋走左去，客人轉左隔離位，叫佢個餐送返去我個位，佢答我佢唔會送過去，你返去原位食，呢d 餐廳阿嬸，我一世人都未見過，永久唔會再去

福榮街行咗一轉，見到泰潮唔使排隊，即入醫肚，嗌咗最簡單的套餐，56蚊個價加上米芝連推介，心諗點都唔會差啦，三個人分別雞飯、鴨飯、豬手飯，講真：個米飯係靚！冬天就千祈唔好嗌，成個碟頭飯都是冷冷的，好彩有送杯味精蓮藕湯暖返個胃，本人胃口都幾大，所以基本上六成飽，食完先醒起泰國餐，點解我哋唔識嗌泰式食物，失敗的經驗！

幾個月前同老婆去食過都幾滿意，今日返去食以經不及以前，雞算OK，啲飯完全冇味了！想加隻糖心蛋，最後比隻色媽媽滷水蛋，同伙記講貨不對版，黑口黑面收返走，態度差，以後都唔去。

今日響深水埗唔知食乜好，途經黃金商場附近既泰潮，入左去食下，叫左個海南雞飯，裡面都算多人，店員都好有禮貌，跟餐有個青瓜小食幾欣賞，唔係度度食店個餐都有菜食，另外有個冬瓜湯，衣個就真係麻麻，飲落有好大既唔知係味精味定胡椒味。個主菜海南雞飯都算ok,我覺得都滑，價錢餐牌係$56,加左$12餐飲龍眼冰，另加一，埋單每位$75

一班朋友，在深水埗街頭遊走，究竟食乜好？？行吓行吓，見到有米芝蓮的泰國菜，看內埋的裝修，普普通通，應該不會太貴，就決定一試。炸蝦餅，一客兩件，分成四小塊，即叫即炸，表面炸得脆卜卜的，可是欠缺了一點彈牙的感覺，沾上泰式的酸辣醬，味道可以。泰式豬頸肉，選用了不太肥膩的，而且燒得剛好，所以不會太硬，可以一試。 海南雞，雞肉頗嫩滑，雞皮不會太肥膩，適合矛盾的一族。因為海南雞已經去了骨，所以可以大啖大啖咁咁食，而伴醬的雞汁的有一點鹹，如配上雞油飯吃，應該是不錯。 泰式炒金邊粉，伴以韭菜、芽菜、蛋碎、蝦仔、花生碎同青檸。食果時，先把青檸汁和花生一同和金邊粉撈起，味道酸酸地，幾開胃，足料唔駛好似尋寶咁搵啲配料。金邊粉炒得幾乾身，仲幾香.。大啖入口，像茄汁的甜味，再夾著青檸的酸味在口內比併隨即散之開來，而且青檸汁仲可以帶走油膩的感覺。

前兩日去左深水埗，由於Tea-Time時間，所以我同個friend去左“泰潮”食下午茶。舖面唔大，睇下menu，我叫左份海鮮炒金邊粉，好爽口彈配以海鲜，略帶甜味，但都好，值得一試

下午熱得很又餓得很的情況下，隨意走進一間餐廳，醫醫肚。要了碗泰式豬頸肉金邊粉，同行的看到餐牌上有冬蔭公湯粉的組合，二話不說一試。碗的設計挺有趣，活像放大版的湯匙。侍應扼著大湯匙的末端，先捧上泰式豬頸肉金邊粉(HKD 28) 。豬頸肉挺不錯，有肉汁、厚身，不會乾身。一碗的份量，豬頸肉不只三四片。幼身的金邊份配湯底，一般的水準。以這個價錢仍有半碗豬頸肉的份量，配以一般水準的湯底。整體不過不失。冬陰功河粉(HKD 44) 本想要檬粉，但竟然一早賣光，固改叫河粉。湯底挺開胃，冬陰公基本的酸辣，再配些許椰香。 面頭有3隻連殼蝦、底下有車厘茄和菇，村料十足。 河粉吸收冬陰公的湯底，更為入味。再要了碟生菜。 

海南雞飯就周圍都有，但真係好食既就其實好少，有時會到好味既真係會好感動！所以我每次經過有海南雞飯都會試下，睇下會唔會比我搵到間正野~今次試呢間係深水埗多年既泰國餐廳，係曾經獲米芝蓮美譽既餐廳，不過試左今次就令人失望咯！雖然有好多野食想叫，但當然我唔會忘記我黎呢到既目的係海南雞飯啦。一個海南雞飯套餐$56，都唔算平，但有湯有小食，以份量計都算係抵既。湯係普通既蘿蔔湯，有舊紅蘿蔔仔送，味道淡淡的，只能話有個湯濕下口咁，向好方面諗係佢應該無落味精囉至於拍青瓜個量都算多，酸酸地咁都係開胃既，不過不失啦好喇講左咁耐終於到主角海南雞飯首先個份量係令人驚喜既，一定唔算少既，但味道就令人失望喇。雞肉只係普通平時食既雞咁，雞味欠奉之餘亦都唔滑口，好多食過既海南雞都好過佢除左雞，油飯一樣咁重要！就算個海南雞幾好食，無好味既油飯就無意思~呢到既油飯睇落個樣夠黃，比左個假希望我其實自己都識整油飯，佢只係落左黃姜粉所以有個樣 但雞油明顯唔夠多，食落只有少少雞香但唔夠，加上飯都係偏硬身唔夠熱同綿，即使佢個量多都補救唔到~ 過唔到我呢個油飯控呢關啊！總括黎講，呢到除左量多，其他都唔值得呢個價錢

為左評論呢間鋪，登記左openrice！不吐不快！星期日去深水埗福榮街食野 間間都係人，唯有是但穩佐間食叫左豬脾飯, 味道好奇怪，無普通鹵水個味，又無泰式味道。。d汁一試就知係普通豉油加糖加生粉撈出來噶.....邊有人豬脾仲加芡汁啊？？？？加6蚊轉油飯，飯又淋，又卑d汁整到好鬼甜，完全無油飯香味同口感，請問係油粥咩？？？？服務又一般，呢度又要收加一絕對無下次！！！！！今次相都唔想影！

收工後過黎都差唔多十點幾 見到呢間仲開緊 就即刻沖入去試 呢間係正高登附近 見佢話米之連咁勁就試下 叫左佢既海南雞飯 佢跟送既湯 係青紅羅白湯 冇味精既感覺 好有家既味道 唔會太咸 好好飲 海南雞佢就去左骨 不過雞唔夠滑 有小小硬 不過佢個汁就好香 小小酸酸辣辣咁 都好開胃 飯都唔夠雞油香 飯都唔會太濕或者太乾 顏色唔夠黃 所以唔夠飯香 同埋太細碟 男仔食實唔夠飽 呢間似一般既茶餐廳 不都好乾淨 全部都係泰國人 不過講廣東話都好正宗 所以都溝通到 佢地都好有禮貌 好nice 不過佢地應該收十點半 我食食下已經收檔😂😂