泰然 (長發廣場)

營業中

休息中

臨近中秋，去青衣約親戚吃飯，附近都是連鎖店的快餐或小食檔，把商場行了一圈，找到坐得舒適的餐廳，見到門口人流不少，於是便入座。餐廳主打泰國菜，除了套餐 也有不少單點選擇，餐廳佔地很廣，座位夠多，座位以卡位和四人枱為主。入座後，看到不少街坊也堂食和外賣，原來外賣套餐也十分優惠！曼谷火山排骨 $168近年香港流行火山排骨，就連屋邨餐廳都有，一上菜的噴煙效果很吸睛，排骨大件，數量多。醬汁以酸辣為主，而辣度唔算高，排骨食落淋身，整體食完很開胃。招牌焗黃咖哩麵包軟殼蟹 $188軟殼蟹即炸，因此上枱就聞到香氣，黃咖哩有雞蛋去煮，入口很香滑，比較椰香味重，口感不會辣，反而配烤烘的麵包很夾，連香脆的軟殼蟹一起吃，很推介。炭燒豬頸肉 $78豬頸肉的肥瘦均勻，烤得外脆肉嫩，令人食不停口，旁邊的醬汁帶酸味，同樣很開胃又滿足。泰式生海蝦6隻 $88以小杯的形式擺放，每杯子有生蝦，蒜頭和辣椒仔，食得方便。蝦肉食落爽口，配上泰式醬汁，微辣口感。飛天椰菜苗 $78跟長輩吃飯就叫一些菜，碟頭算大，炒椰菜苗很香口惹味，餐廳用上泰式香料，因此食落帶點刺激口感，整體不錯。

屋企附近商場呢個泰國餐廳係我同屋企人都好鐘意食菜式多款夠特別之餘 味道亦十分正宗地道枱與枱之間有相當的距離仲有卡位最緊要係價錢相當平民絕對是附近街坊一家大細既飯堂 //泰式生海蝦(6隻) $88//先來一客泰式生蝦作前菜用雞尾酒杯盛載著 造型夠哂特別6隻杯有兩款口味其中一款係橙色的酸酸地微辣口味而另一款青色的青檸及香草味都係令人開胃的口感生蝦新鮮彈牙 是一個不錯的前菜//招牌焗黃咖哩麵包軟殼蟹 $188//這款菜式份量十足 賣相好打卡able成大個特厚麵包外層口感外脆內軟 上面放了好香的軟殼蟹軟殼蟹外脆肉嫩肉質肥美多汁 再淋上黃咖喱外觀好似瀑布 黃咖喱好香好惹味加入左好多泰式香料同配料味道帶點微辣少甜 椰汁奶香味濃麵包點黃咖哩就是絕配 //曼谷火山排骨 $168//火山排骨上枱時十分震撼份量十足又是打卡一流附上兩對手套方便食用排骨同肉的筋都煮到很淋青綠色的醬汁 青檸味好清新入口充滿左辣椒同香葉既味道可以去掉排骨既油膩感食落酸酸甜甜好開胃 而且辣得幾過癮 //飛天椰菜苗 $78//好鍾意食椰菜苗 好爽口又鮮甜加了泰式香料一起炒好香食落唔辣不錯 //炭燒豬頸肉 $78//必試!!! 外邊燒

青衣有間抵食泰國嘢，嗰日叫咗佢哋嘅$298二人餐，真係非常抵食！$298就可以喺指定嘅菜式揀三樣菜。我揀咗泰式明爐烏頭、泰式小食拼盤同鮮蝦炒金邊粉。泰式明爐烏頭熱辣辣，滾住食，配上泰式獨特嘅調味料同香料，味道酸酸辣辣。泰式小食拼盤有魚餅、雞翼、炸蝦餅同春卷。魚餅煎得香。雞翼炸得金黃酥脆有油香。炸蝦餅香脆又幾彈牙。炸春卷內裡包著豐富嘅蔬菜餡。鮮蝦炒金邊粉係另一道精彩嘅菜式。金邊粉酸酸地，配料有蝦、魷魚、蜆肉等等。套餐加配飲品有半價優惠。泰式奶茶香濃的紅茶配合濃郁的奶味，甜度剛好。另外，我又叫咗杯梳打水，清涼解渴，消食又開胃。二人餐真係抵食。下次再去青衣，一定會再黎呢間食泰國嘢！

以往食泰國菜多數去九龍城，今次試新嘢見到餐牌有個二人餐推介，睇落都幾多嘢食前菜我哋叫咗半打串燒：三串豬肉三串雞肉，串燒有驚喜，燒得香口惹果而且沾上特調醬汁，非常juicy之後欺辱上場：咖喱軟殼蟹磚頭包，上到嚟個樣好得，咁就要試吓食落味道係咪真係得😂果然表裏一致，咖喱汁好充足，軟殼蟹份量都唔少，有四大嚿，配埋焗得香脆可口嘅磚頭麵包，簡直一流之後再加咗半隻海南雞，海南雞雞肉嫩滑可口，質素令人滿意最後叫咗個小甜品拼盤：有奶茶奶凍、千層糕同椰汁糕，每樣兩件，甜度適中

泰然 青衣担杆山路6號長發廣場地下114B號舖長安長發邨內一間 佔地平方大 樓底高大量卡位坐得舒服 食個泰菜串燒沙嗲（半打）$88串在竹籤上，配以調味醬 烤至金黃色微焦和香脆外 伴隨著沙嗲的蘸醬炭燒的香氣、肉質的嫩滑，以及調味醬的濃郁風味海南無骨海南雞（半隻）$98皮滑 肉質的嫩滑和濕潤 雞肉味相對清淡 食其鮮雞味配合醬汁可 辣椒醬、醬油和薑蒜蓉甜品拼盤 ＄48泰式千層糕（5件）$38融合椰漿和糯米的香氣，質地柔軟椰漿的香甜可能是這道甜點主要風味之一青檸梳打 $26

今日我哋去咗泰然食，叫咗個兩人餐。好抵食好大份，食到我哋捧住肚走。兩人餐有好多嘢揀，總共可以揀3樣菜式，我哋叫咗泰式經典明爐烏頭、雞肉串燒同生菜肉碎包。泰式經典明爐烏頭：魚肉有質感，有鮮味，加埋啲充滿香料嘅湯同醬汁，開胃惹味。湯入面都好多配料，粉絲、肉碎、蘿蔔，好足料。食完條魚忍唔住就飲啲湯。生菜肉碎包：餐廳好細心，所有菜式都可以揀唔辣或者小辣，我哋揀咗唔辣，食到泰式香料同酸酸地嘅青檸汁味，配落生菜好清爽。雞肉串燒：意想唔到有六串，雞肉好滑，好大舊，啖啖肉。兩人餐可以半價要飲品，另外要咗個椰青同龍眼冰，龍眼冰好欣賞佢無出面嘅咁甜，比較啱返香港人口味，食咁多野都係300蚊左右，會再返嚟食～

當日黎到屋企附近商場入面既餐廳同屋企人食晚飯～6:00pm 幾左右去到等位大概等左15分鐘左右，餐廳主要係Qr code 落單，菜式選擇都頗多😍當日點了：❣️冬陰功海鮮湯湯頭味道酸酸辣辣，好開胃🤤整體都香濃，香料味亦剛剛好湯內有新鮮蝦肉～怕辣既人都可以試，因為係酸多過辣～❣️招牌去骨豬手煲豬手外皮有光澤，炆得香，味道方面唔算重味，豬手底下仲有好多芥蘭墊住整體味道一般❣️泰式串燒串燒都頗惹味，香口❣️泰式鮮蝦金邊粉最鍾意呢款主食，炒得好香，金邊粉煙韌口感，味道甜甜酸酸😋配料有魷魚、蝦、炒蛋同芽菜，豐富口感～❣️珍多冰消暑飲品🥤唔怕過甜但略嫌椰香可以再多啲～💠💠💠💠💠💠💠💠💠💠💠💠💠💠💠💠💠💠💠 總括來說，不錯吃既街坊餐廳，選擇種類多，味道亦不俗，得閒唔想煮飯，亦可一食既街坊餐廳😋

外賣二人餐$298叫咗個蝦餅，蟹肉炒飯，鮮蝦炒金邊粉。俾咗錢先發現原來閒日有特價，散叫仲平，差價成$40 (蝦餅$138，蟹肉炒飯$62，鮮蝦炒金邊粉$58 = $258)，照常理無理由叫餐仲貴過散叫咁多架😥😥😥發現後距離落單唔夠3分鐘，已即時向職員同經理反映，希望可以取消張單再叫過，但係佢哋話已入單未能處理，仲叫我應該要自己計吓數先😡食物水平其實OK，不過奉勸大家睇清楚先好落單，千祈唔好好似我咁俾人搵笨😡😡😡

早餐評語好難食炒蛋，色香味欠缺，完全失望。冇牛油唔知落咩牛奶炒蛋，同商場其他餐廳比拼，一定輸硬😤仲要另加$8 先可以有炒蛋同多士提供，但要有收返現今茶餐廳早餐價錢，真係黐鬼線🤭🤭🤭服務員唔夠主動，我想要杯水，佢以為我係啱啱入嚟嘅客人，主動俾水，點知我話已經有位，我隨即話想要杯水，服務員竟然話自己去攞啦😤😤😤自己落單個Apps ，點早餐竟然欠缺飲品。服務員要我哋自己點擊，但早餐有冇包括飲品點擊提供，最後又要勞煩服務員係落order，真係嘥鬼氣😂😂😂我諗以後都唔會幫襯佢嘅早餐因為實在太差勁

首先嚟講食火山排骨，呢道菜嘅排骨肉質好嫩滑，而且好入味，，一口咬落去好有嚼勁，配上特製嘅醬汁啱啱好，好好味。接著係泰式香茅魚餅，呢道菜嘅魚肉好新鮮同埋好嫩，而且用料好豐富，包括椰漿、香茅、檸檬葉等等，令整道菜嘅味道更加豐富同埋深刻，好好味。酸辣鳳爪沙律亦都係我哋揀咗嘅菜式之一，呢道菜嘅鳳爪肉質好嫩滑，而且醬汁都好開胃，令人一口接一口。整道菜嘅口感好清新，係一道好好味嘅涼菜。最後係甜品拼盤，呢道菜嘅西米糕、千層糕同埋奶茶凍各自有特色，口感好綿密，而且甜度啱啱好，好啱做一餐嘅總結。總嘅嚟講，青衣泰然嘅菜式好好味，而且價格都好實惠，係一間好值得推介嘅餐廳。位置雖然唔係青衣城，不過個商場都算近青衣站。

之前經常喺IG度見到一間好正嘅泰國菜餐廳，啲價錢唔貴仲好好味。佢地嘅裝修都幾唔錯，有泰國嘅風情。佢地嘅菜單好吸引，價錢亦都唔貴。呢間泰國菜餐廳真係值得推薦，真係冇諗過會咁鐘意呢個地方。每次想食晚飯嘅時候都會嚟搵呢間高質素嘅泰國菜。同朋友一齊嚟，我會推薦叫佢地嘅$298嘅兩人餐，原價$188嘅咖喱麵包軟殼蟹都包括喺內，呢個兩人餐真係超抵食！味道好好食，質素都好好。個兩人餐$298有得揀焗黃咖喱麵包軟殼蟹。呢個真心抵食同好正！超大塊嘅正方形吐司入面有濃郁嘅咖哩汁，好吸引人，咖哩味好濃郁，仲有啲甜甜地椰汁香氣，好有層次感，真係食得好爽！加上啲軟殼蟹又大又脆，炸得好正！而佢地嘅去骨海南雞（半隻）份量都幾足夠，睇落又好滑嫩（食落真係好滑嫩），雞嘅味道都幾濃厚！去咗骨頭之後份量真係唔少，絕對夠兩個人食！最後講返餐廳嘅招牌主菜豬手煲，真係超級推介。唔止醬汁好味，豬肉又超級軟嫩，用筷子夾起嚟都會有啲散開，入口之後就唔洗多啲咀嚼，完全入味又好好食。如果住開青衣或者去開嗰頭嘅朋友，真係不妨去試吓！

青衣有間泰國餐廳價錢都幾抵食而且味道都幾惹味，經開有時都會和朋友一齊來吃飯，2人坐梳化位勁舒服而且又夠乾淨椰菜苗未食過飛天味道就叫咗原來辣度都不少，十分惹味成日飲冬陰公所以今次試飲另一款，椰青蜆湯，蜆不少而且好鮮甜再配椰青水好夾十分清新全日供應價錢抵食之餘加錢仲可以有甜品青咖喱雞配蒜茸包，辣度小辣幾香口，雞肉不少幾入味香葉肉碎飯，份量大不太辣勁飽肚每款加6元就要千層糕和西米糕，仲要每款2件，甜度不高，口感都不錯珍多冰，不太甜都可以。加$20椰青勁大個而且椰肉十足

平日星期二早上到青衣，近11:30am就快快行入商場，見到餐廳就直入，確定仍有早餐供應就入座。地方大，環境舒適，座位也算寬敞，乾淨企理，服務員做事快，細心。吉列魚柳炸得燶咗少少,，蒜香牛油多士就真不錯，夠香脆，蒜香牛油份量足，咖啡抄蛋一般，粟米好甜，價格HKD49，略貴，可能這裡不是一般茶餐廳，是一間泰國餐廳。

屋企人唔想煮飯，就近近地落咗樓下食泰國菜四個人分別叫左個二人餐再加一個set dinner😋二人餐揀咗軟殼蟹黃咖喱，半隻海南雞再加飛天通菜。 另外再加左海鮮炒金邊粉同串燒。佢既份量全部都好大份，唔會因為係set而偷工減料👍🏻海南雞正常發揮，但要留意個海南雞醬太辣，會搶左海南雞個味。 最滿意係軟殼蟹黃咖哩。咖哩係甜既咖哩，點方包食超級惹味。而個汁份量好足，唔會食到最尾唔夠咖哩點麵包。海鮮炒金邊粉唔會太油，不過略嫌唔夠酸。😅叫二人餐可以半價叫野飲，而set dinner亦包野飲。相當抵食😎

今日朋友三個人去咗試呢間係長發邨嘅泰國餐廳，一直都知有呢間嘢，不過真係上網睇先知咁出名。三個人總共叫咗六個餸，份量超夠，仲差啲食唔晒。我地叫咗個招牌焗黃咖喱麵包軟殼蟹、蟹肉炒飯、泰式酸辣鳳爪沙律、椰青蜆湯、馬拉盞通菜，最後仲加多左個芒果糯米飯，嘢飲方面叫咗珍多冰同埋椰汁冰。個人嚟講十分推薦通菜同蟹肉炒飯，甜品同嘢飲就唔洗講，如果你係一個鍾意椰子口味嘅人就一定要試吓！同行嘅朋友都好surprise，味道十分香濃！芒果糯米飯嘅糯米口感做得十分之好，不過相對芒果就酸咗少少。但溝埋一齊都唔錯👍🏻菜式味道方面互整體算係偏港式嘅泰國菜，唔會太酸同味道過濃，的確係比較適合香港人嘅口味。性價比都好高，黃咖喱麵包軟殼蟹都係$188，三個人嚟食都算多，可能四個人啱啱好。估唔到香港嘅小型商場都咁高質嘅泰國菜餐廳，會再嚟😄。