泰皇雞 (和豐街) (已結業)

喺熊貓叫外賣，想食泰國菜，就揀咗泰皇雞。叫咗個鳳爪沙律、青咖喱豬頸肉飯、泰皇豬脾飯，同埋一杯龍眼冰。樣樣都咁好食，外賣個鳳爪沙律就貴咗少少，要$72，但有勁多舊勁大盒，2個人食都差啲食唔晒，個汁甜甜酸酸咁好開胃😛。青咖喱豬頸肉飯，好好味呀😍唔太辣但好creamy，送飯一流👍龍眼冰係細杯咗啲，但有3至4粒龍眼，唔會太甜夠濃味，好飲嘅👍其實好想食海南雞飯，今次冇叫下次要叫返，聽講係呢區最好食嘅海南雞。🥰

好想食泰國菜就隨便點了這間🐼外賣試吓叫了3盒不同款比較吓泰皇海南雞飯$62一打開見到有雞髀和好多件雞，好靚仔又多飯，雞好滑無乜骨，算多件數，油飯幾香和乾身，好味😋香茅豬扒飯$62豬扒帶少少肥，夠琳唔un ，醬汁另外一個盒送，食幾多落幾多，唔錯。青咖哩雞飯$62咖喱和白飯分開盒，青咖哩好香，唔會好辣，雞繼續咁滑，配咗唔少青豆👍🏻個人最愛海南雞和青咖喱，因為個雞煮得好好，夠晒滑好好味👏🏼👏🏼👏🏼

呢日黎到粉嶺呢邊行山，要揾食就當然要去到聯和墟，本身想食一間泰國野冇開門，於是就去左呢間。雖知係小店，但冇諗過真係咁細，趟門一入，只得對牆的四五個座位，類似快餐店咁自助取餐，一個個餐盤放係度，不過個日得我地兩位客人，呀姐仲送埋餐上枱。呢間野最吸引之處就係平，米線最平$38，食緊既時候見唔少人都黎買外賣，包括地盤工人，呢個價錢的確抵食。menu有飯有麵有小食有海南雞有沙律，第一次幫襯，都係平平地叫個米線食下先。泰式豬頸肉米線 $48上到枱，份量唔多，不過都差唔多，豬頸肉都有五六塊加錢可以要冬蔭公湯底，不過我冇加到，本身個湯底都有味，唔太差豬頸肉燒得唔錯，算乾身，亦唔會好肥咬唔到飲品需要加$5，都好多冰下，不過都算OK總結，價錢平，但份量細唔係好夠食，味道OK

<<Daily 豬仔尋食記🐖>>聯和墟嘅泰國餐廳真係越來越多！但呢排疫情關係呢我都少咗堂食，呢間泰皇雞真係啱曬，佢哋主打就係外賣自取，雖然你都可以係個到食，但我見佢比較迫，所以我就多數會打包外賣走，因為就算外賣佢都仲係幾好味😋😋我見佢入邊做嘢都係一啲泰國嘅姐姐去處理啲飯餸，佢係開放式嘅廚房，見住佢劏雞真係好自癒🤣🤣因為我真係超級推薦佢所有嘅雞飯! ! 佢用嘅雞非常之嫩滑，我之前見佢由一隻完整嘅雞，斬件，佢係非常之熟手！而且見佢斬落去，你會feel 到隻雞係煮得啱啱好 ，食落去嘅時候，佢啲雞好又有雞味，又滑嘟嘟，因為我嗌咖喱雞飯嘅時候，啲咖喱都冇cum過雞味，同佢仍然有佢個咖喱獨特嘅椰奶味道 ，所以咖喱雞飯絕對推薦㗎🌟🌟🌟🤟🏼而小食方面呢都好鍾意食佢嘅炭燒豬頸肉，雖然佢炭燒味唔係特別香，但係佢係偏脆口，同偏薄身，所以呢鍾意食香口野嘅話，就可以試吓佢嘅豬頸肉啦！加上我知佢午餐仲有做埋米線嘅，同埋都真係幾平，講真性價比真係幾高！但係佢就冇乜特色嘅嘢飲！冇我最鍾意嘅泰式奶茶🥲呢個位就有啲扣分🤭不過整體來講食物質素真係幾好😎幾正宗，同埋真係超級推薦佢個雞呀🤣🤣😝

要慳個口罩，唯有叫爸爸落街買外賣，唔一齊落去。第一次食呢間，幾好味！海南雞冬陰公米粉，湯底酸辣啱啱好，啲雞好滑又好味。青木瓜沙律好爽口，又係酸酸辣辣，好開胃。豬脾飯好入味，配檸7一流。

聯和墟既泰國餐廳都幾出名，不過呢間泰皇雞都係第1次食，我諗佢主打外賣，因為堂食既位比較少。叫左佢個香茅豬拉排飯，外賣的話香茅汁會另上，豬排好多，不過個汁太單調，食得多會厭既味道。另外試左青咖哩，椰漿味較重，不錯!

收工好攰，同屋企人落樓下是但食，記得有次呀媽係樓下買左幾件椰汁糕番黎好好食，順便去試埋啲飯餐。環境，呢到係好細既舖頭，得一張長枱坐4，5個人左右。主要做外賣，堂食餐具都係用即棄，環保人士考慮下自己帶餐具吧。我嗌左黃咖哩豬扒飯，唔算好辣，都幾扺食，好多肉。另外有餐湯既，加幾蚊一碗，唔記得影相。小食嗌左炸蝦餅新鮮熱辣又大份，由於即叫即炸所以等得比較耐，個人覺得小食甜品做得仲好過咖喱飯。夜晚口痕想食小食，呢間係唔錯選擇

呢個鋪位轉左手好多次，結果而家賣海南雞飯。今日第一次試外賣海南雞飯。好快手，好快有得食，都幾好禮貌㗎。雞有雞味飯有雞油味，個醬都好香好好味。$48無賺多你會試埋其他飯

呢排天氣勁翳焗， 唔想出街食所以用app 叫外賣揀咗呢間泰國菜。 晚餐時間叫我見有五十幾蚊 套餐都真係堅平 就梗係試下啦~叫咗一個黃咖哩豬扒飯跟例湯，然後加一個豬頸肉做小食。豬頸肉份量堅多!都係五十幾蚊 ~佢嗰個醬汁應該係自家製，夠惹味，都幾夠泰式~我覺得好食過出面好多泰國餐廳黃咖嘢帶少少辣，有驚喜! 豬扒都幾多，唔好睇佢個盒好似好細個咁。總括嚟講五十幾蚊超級抵，唔差得過九龍城嘅泰國菜。 個飯都一定要講， 好少出街食嘅白飯可以 粒粒得嚟夠煙韌，出色呀呢間新野~