泰筏味泰國船河專門店 (已結業)

雖然成日都見到泰筏味的推介，但一直都未有機會試，今次因為黎開附近，就黎食左個下午茶。雖然係星期六，但下午茶時間唔多人，唔洗等位。呢到款式都幾多，我同朋友一齊叫在個海南雞飯，脆肉湯河，同埋蝦餅，都幾抵食。泰式海南雞飯  $45因為唔係減價食品，所以份量都好足，就算係晚餐都一定夠飽。質素就不過不失，飯嘅味道唔錯，唯獨雞就淡左少少，冇咩味。脆肉湯河  $15下午3點開始，湯粉類就會由平時$40減至$15，份量都會減左，當小食都夠，但如果係想飽嘅，可能就要叫多幾碗啦。原來脆肉即係燒肉，一碗都有兩舊，仲脆嘅，河粉就比平時果啲闊，都幾好食。蝦餅  $28呢個蝦餅好好食，脆卜卜，仲好彈牙。鍾意食蝦餅嘅，記得一定要叫

最近新開左幾耐下既呢一間餐廳我一直都未有機會試下霸王雞飯見到個名咁霸氣, 平時叫海南雞飯就食得多, 今次就試下新野, 大大隻既脾位加一碗飯, 隻雞都幾香同埋好嫩滑, 最正係D醬汁, 雞件吸收哂D醬汁真係一流既味道, 我再用D醬汁撈飯食勁香口!!泰國雞寶原本都唔知係咩, 食落發現係炸丸咁上下既野, 但係入面既肉又爽又嫩滑, 外面個層就脆皮又香口, 超正, 唔覺唔覺食下又一粒食下又一粒, 係我推薦既小食!!泰式生蝦出面食生蝦閒閒地都過百元, 呢度咁平真係過下口癮都抵, 原來質素都唔差, 跟足哂有齊應有既配料!! 食落都幾爽口, 不錯不錯

有冇諗過而家可以15蚊就食到湯河?? 原來真係有架....豬雜船河份量來說不算大, 但係材料都算幾多下豬雜係香港要食到都唔易, 今次食口感都係爽口既, 而且清洗得乾淨, 沒有腥腥的味道, 船河有泰式香料既味道, 令到個湯底係比起港式既粉麵更加有味道同飲得落口芒果糯米飯綠色既糯米飯見過未原本黎既時候都呆左一呆, 點解同我平時見開個D完全唔同既本住一個試伏既心食下佢E原來真係食物不可以貌相, 又幾好味WO佢個味道其實係同泰國食到既芒果糯米飯一樣只不過顏色唔同另外要讚既就係個芒果肉, 超甜, 一點酸既感覺都沒有!!

大角咀周圍行，除左打邊爐外終於搵到間 啱口味嘅泰國嘢食啦，呢度類似快餐店嘅形式，收銀枱比完錢之後，拎個牌仔返位度等嘢食。呢度咩都細細碟，價錢又平，咩都可以食少少，麵都叫左幾碗，好好味，生蝦，生菜包通通都比我叫曬，平時一個人又點可以食到咁多野。海南雞飯係好嫩滑既。最後加左個甜品，芒果糯米飯。芒果唔係一片片，而係切開一粒粒。味道都唔錯！至於嘢飲方面，同事就飲啤酒，我就叫椰汁冰，但係上到來係一杯preserved椰汁呢！以呢度抵食價錢來講，都OK既，合理價錢合理水準~

夜晚六點幾去到，夜晚其實客人唔算太多，我地揀左圓台座，好舒服，鋪頭係自助形式，自已去點野食，點完拎住個牌放係台面，等人黎送餐過來！送食物黎既速度都幾快，唔使等甘耐😜😜好快有得食。船河，叫左牛腩和札肉粉，15蚊碗，細細碗，岩晒！叫兩碗食，個湯幾濃又夠熱，D粉係粗身的，我幾鐘意食！😜😜😜蝦餅好彈牙，好好食！生菜包D肉碎炒得好香！好食！芋絲蝦就麻麻，鳳爪份量太少。生蝦都幾大隻，個汁好開胃的！青咖厘牛既味道係幾香，不過白飯好淋，唔係一粒粒甘，白飯就不太好吃！豬頸肉就切得唔算簿，好正！😜價錢親民，D叔叔員工好好人，好有禮貌！又座得舒服，真係抵食！😜😜😜😜😋😋

朋友知道小胖男友鍾意食泰國嘢 就介紹咗我哋去塘尾道一間自助嘅泰國餐廳 話勁抵食咁話見到下午茶15蚊一碗麵 抵到呢下次要較岩時間再黎過!!咁抵唔怪得呢幅圖話一個人叫四碗都唔過份啦間餐廳都幾大下 入到去好似快餐店咁自助點餐 再自己揀位坐職員之後會將食物送到枱上另外仲有個自助區有得自己裝老火湯飲 幾抵讚生蝦刺身$48有交易 生蝦新鮮 個汁辣度適中好開胃扎肉船河 湯底濃郁 有白蘿蔔 豆卜等配料 仲用左我好鍾意嘅懷舊公雞碗裝第一次食呢種泰式船河 d河粉同平時食開既唔同 唔係一條條而係一塊塊嘅 薄得黎幾滑可能船河太好味 令到個泰式肉碎飯被船河比下去 稍為失色反而小食就樣樣都抵食又好食 仲好多選擇尤其個蝦餅 足料又彈牙 唔油膩好食食埋個傳統既泰式椰汁西米糕就飽飽收隊食咁多野加埋都係$300蚊唔駛 好抵食

泰筏味，一間我加了很久但還沒嘗試的餐廳，今天終於“飛雲來了”，午飯時，早走五分鐘，去一去大角咀，就係咁簡單。餐廳位置寬敞，旺角太子的上班一旅，這裡很適合大家。餐廳設有自助區，例湯、凍/熱水任你攞。牛腩船河金邊粉，上枱賣相不錯，而且湯底色水顯示不是Hea你的，金邊粉的韌度控制得宜，有彈牙Feel，牛腩也炆得很腍，絕對不是平凡的泰式湯河。脆肉船河金邊粉，脆肉是我最喜愛的泰式湯河材料，可是不是每一間也有得食。脆肉其實是把五花腩用鹽醃了，再炸脆，咸度和火候的控制是最大的難度。脆脆的豬皮，加上肥瘦適中的肉，就是精髓所在。黃金炸蝦餅，大大份，外皮脆脆，內裡彈牙，值得一試。豬頸肉生菜包，帶點微辣，配上生菜，很開胃。龍眼冰、洛神花茶（加$5-8 有飲品），食泰式河，飲泰式飲料是常識。西米糕，吃飽飽，再來一客甜品，完美的結局。

今晚過左來大角咀做嘢，見凍凍地隔離剛好有間食泰food，食碗熱辣辣泰河都好哦~一入到去陳陳食物香撲鼻而來，好肚餓添。即叫兩碗招牌 泰筏河食先。細細碗材料十足。我地分別叫左扎肉，同豬雜。啖湯好濃骨味但好清，完全唔肥膩，河粉係一片片咁十分有咬口。好食！再繼續食經典小菜，有泰式酸辣開胃鳳爪，脆口炸蝦餅，香口爽脆既燒雞軟骨，甜甜地既豬肉串，最好食係個香絲蝦卷，用魚肉包住粒蝦，米粉卷住酥炸，外脆內裡彈牙。正！

今日係大角咀收工，見到有間泰國餐廳幾得意，深深比個價錢吸引住。正宗泰國船面，啲湯底非常之特別，用豬骨豬血同泰國香料餚出嚟嘅湯底，深啡色但係好通透，非常之香，呢個係豬雜船河 有咸豬肉，豬大小腸、豬耳，晚市 $15咋。呢度嘅嘢食全部都細細份咁，價錢都相對咁平D，就算只兩個人去食，都可以食到好多款式。冬陰公海鮮泰粉，好香濃嘅蕃茄味，值得一試。泰北牛肉生菜包 用泰國香料整嘅炒牛肉 非常之嘢味 我覺得仲好食過豬肉生菜包 芫莤丶乾蔥頭丶牛肉丶蒜片 、蔥 全部得配合得好好。呢度啲串燒真係整得好好味，有少少甜，好鬆軟入味。無骨海南雞飯，嚟都一定要試，唔使＄250就食到咁多野。

呢間泰國餐廳係新開既，價錢好鬼死親民。唔好以為開係大角咀就一定唔方好食，泰國餐廳有既野，佢地都有，亦都多選擇，最重要係比出面d泰國餐廳價錢平一半。👍🏻👍🏻👍🏻👍🏻環境都幾舒服唔會坐得太迫。佢有自助區，有是日靚湯😋供應，仲系無限添飲。必食豬肉生菜包，價錢平，份量足，好好味牛腩船河，超平，不過就比較細份啲，大食嘅人應該要叫多一兩份。新鮮生蝦，必食之選。燒雞軟骨，鬆脆可口。呢杯係花茶，都幾好飲👍🏻👍🏻👍🏻食泰國野要配合既當然係鹹檸七啦。生牛肉船河，牛肉好彈牙唔會太老，湯底超正👍🏻👍🏻👍🏻😋調味料架俾你自行調味。炸雞翼，好香口。炸到好脆，不過好熱氣。哈哈，中意食雞翼既可以試試👍🏻👍🏻😋芒果糯米飯，細細份，食飽飽做甜品一流呀👍🏻👍🏻👍🏻😋😋

六點幾啱啱過左下午茶時間，經過這間泰國茶餐廳，見價錢平平地，所以試試。餐廳裏面佈置得很別緻，座位舒適，地方又大，企企理理。有點似連鎖快餐店，坐低後去排隊落單比錢，之後有個牌比返你，到時再送到上你枱。外面有餐湯自取。香茅茶及椰汁冰香茅茶有很香的薑味，香茅味較淡，味道清新，不會太甜；椰汁冰有點啫喱條在底，椰汁味不會太重太甜。豬雜船金邊粉大既是平時的1/3份量，豬雜包括了豬腸、豬肚、豆卜等，每樣一件，勝在樣樣都有，金邊粉很爽口，豬雜有點似滷過，炆得很腍很入味。青咖哩牛腩飯有很多舊牛腩，雖然叫青咖哩，但一點也不辣，咖哩裏面有很多的香料，所以咖哩汁很香口，而且亦有少許的椰汁味，但不會太甜，牛腩炆得入味且腍，咖哩送飯絕對係無得頂。串燒豬肉及雞軟骨豬肉表面燒得有點焦脆，肉質有咬口，有些香茅香味；雞軟骨口感豐富，硬中帶點脆。泰國魚餅有淡淡的魚肉香，反而香葉味道較濃郁，表面比較油膩。

放工去旺角街市買些雞翼，發現了有間泰國餐廳，應該是開業不久，因為之前經過都唔多覺眼。既然經過見到，當然入去食個晚餐試試。餐廳主要有飯粉及小食，價錢走低價路線。要先去買票點餐後，就可以坐低等佢送上枱，另外亦有自助餐湯及冷熱水供應。先點了個牛雜船河，只係$15，雖然細細碗，但勝在可以試多幾樣。牛雜河裏面有蘿蔔、牛肚、牛肉、牛腩等，真係樣樣都齊，湯底濃郁，河粉比較寬及腍。泰式海南雞飯的雞而起骨，方便食用，雞肉雖不是新鮮雞，但依然嫩滑，配上薑黃飯及海南雞醬，送飯一流。炸蝦餅炸得外脆，肉質彈牙爽口，是其中一款我最喜愛的小食。燒豬頸肉價錢比普通小食貴，份量約有一塊，表面燒得有點焦香，肉質爽口不會太油膩。洛神花茶有點山渣酸味，酸酸甜甜，非常開胃及去油膩感；椰青味道清甜，但椰香比較十淡。整體味道不錯，款式雖不算多，但價錢抵食，性價比高，平時經過平平地食返餐好過返屋企煮。

每次去泰國旅行都會去食船河，中意佢細細碗，可以隻隻款都試，又夠地道，價錢仲好平添~最近知道香港都開左間船河店，急不及待要去食餐廳位於大角咀，係旺角行完街行過去都好近~點餐係快餐店形式，先去櫃面點餐付款，再坐低等店員送餐~我地先去自己茶水區針左d暖水，同攞免費既湯，每人限一碗~湯味道好湯，無味精~睇睇餐牌，價錢真係好平，我地揀左粉同小食開心share~船河我地點左4碗，分別係豬手，脆肉，牛腩同牛雜~兩碗揀金邊粉，兩碗揀河粉，呢度既河粉一定要試，之前睇過有關報導話河粉係店主托泰國親戚寄過黎~一食之下好大月驚喜，同平時食既河粉好唔同，呢個係特別爽滑之餘帶有煙un口感，好好食！推介脆肉河粉 $15其實即是平時食既燒肉，放左係湯度，皮已經唔脆了，湯頭香濃，旁邊有泰國調味料可以自己加~泰式生蝦 爽口彈牙，重點係個泰式辣汁，酸酸辣辣好開胃~酸辣雞腳 $28酸酸甜甜，味道唔錯~泰國雞寶 $28應該是免治雞肉混合其他材料製成，食落有d似麥樂雞~牛肉生菜包 $49牛肉片夠腍身，有牛味，調味辣辣地，好惹味香口，用菜包住食唔會膩，一個可以不自覺食好多~榴槤糯米飯最後唔少得甜品，本身想食芒果糯米飯，但買哂，所以

估唔到奧海城附近會有一間大眾價錢的抵食泰國菜餐廳，真係極為方便，餐廳裝潢好有泰國feel，而且食物質素都相當唔錯。飲品方面我同朋友分別叫左落神花茶同椰青，落神花茶好香，聞落令人心曠神怡；椰青亦都又甜又清新，比起其他地方飲到的椰青更有泰式風味。我地叫左幾個小食，泰國雞翼非常香口，少許辣但香氣同味道都令人食指大動；串燒豬肉味道濃郁，食完令我地開哂胃口；再加埋黃金炸蝦餅，三樣香口食物已令我地感到非常驚喜。另外我地仲叫左一個肉碎生菜包，單吃泰式配味的肉碎都一樣好好食，再以生菜包夾肉碎食落既爽口又有咬口，感覺是頗為健康的食法。主食方面我地叫左兩樣，1.)脆肉船河: 價錢相宜又飽肚，河粉細細條非常滑，湯🥣底好好味，如將河粉連同脆肉同時入口，淡淡的河粉加上濃味的脆肉會變得非常配合！但最令我地驚喜的其實係2.）青咖哩牛腩飯，既有泰式咖哩的香味而且辣度又適中，牛腩亦炆得剛剛好唔會太韌，絕對係全餐最好的一道，值得推介🍽最後我地食埋千層糕做甜品，幾件綠色三角形的千層糕擺起來就好似聖誕樹咁，真係相當應節，食落仲暖笠笠充滿椰香味，呢份甜品滿分，一定要試

好少黎大角咀，但係原來大角咀有間咁抵食嘅泰國菜，仲好有風味添！基本上全部嘢食都唔過＄60，最神奇係佢嘅船河，3點打後只不過係＄15碗！！一開始以為自己睇錯價錢，不過當然＄15會係細細碗啦叫咗一碗豬頸肉船河，同埋一碗牛腩船河金邊粉！最令人回味就係啲兩碗船河，由湯底到麵質到配菜都好好味～直情有令人置身泰國嘅感覺個生蝦都10分爽口仲好大隻，醬汁味道一調校得好好個炸蝦餅外脆內彈牙，炸得好好味~生菜包小小辣好過癮，而且唔會太乾，仲有保留肉汁，推薦！海南雞做得唔錯，雞肉好滑亦都入味。不過啲飯就麻麻哋，冇乜雞油，偏乾配埋冰凍嘅椰青就perfect!