泰筏味泰國船河專門店 (已結業)

大角咀好少去，但其實旺角行去都ok方便der。見到openrice介紹價格位50蚊以下？應該平過係mk正中食泰菜？見menu真係幾平就行嚟食下啦，又唔太遠。泰國魚餅 28蚊，4件熱，內有泰國香茅定金不換味？好香口，點唔點泰國辣汁都得，彈牙感 有！ 魚味有！齊哂。肉碎生菜包 48蚊，好似平過九龍城呀！價錢平左但份量一樣？！抵！我食辣度強左 肉碎辣嫁，但ok中辣對我，有洋蔥有肉粒咁，咬生菜脆，肉暖暖軟硬適中。肉碎中有芫茜加強味，胡蘿蔔就增加口感。燒豬頸肉 48蚊帶甜，特別林身，豬頸肉有肥肉同瘦肉好好吃。細心咬，外層有點脆，好少好少個隻，但食到香茅同燒黑味，過引。船河上一排先食過，今次就放過船河啦？！呃你咋，有細size就叫個牛肉船河 15蚊呀 加8蚊仲有個青檸梳打。青檸梳打酸酸有汽解喝一流，開始大食啦。應該少冰，哈，有點凍呀。細細碗但內料有齊喔。豆卜吸湯夠味不咸。河粉有QQ，牛肉好軟口，霸王雞飯 45蚊，好多荳菜同蔥花。霸王雞是雞脾，肉全是又林又滑，加炸蒜好香。青咖哩雞飯 45蚊辣辣地有椰汁味添。有豆角 有茄子 雞肉份量ok呀，飯都整得好靚 正正方方呀。汁滿飯既感覺好正，少少辣接受到，特別

今日去咗旺角行街，Openrice 下睇下食咩好。揀左附近的泰國船河專門店-泰筏味度食飯，價錢非常親民。呢度會教埋你點樣落order係最好的，很有特式。我地兩個人叫左三個船河，分別係牛肚船河、牛丸船河金邊粉和海南雞船河。呢度既船河好得意，每一碗都係細細碗，但就整得好精緻，而且味道仲係十足十泰國地道風味。小食我地叫左黃金炸蝦餅、燒豬頸肉和串串鷄軟骨。炸蝦餅炸到卜卜脆，而且食落好鬆脆，仲要一滴油都無係面，真係抵讚。燒豬頸肉非常好味，一d都吾乾食，配理泰式醬一齊食，非常野味。甜品我地叫左芒果糯米飯。細細碟，兩個人食就剛剛好。飲品我地叫左椰青和椰汁冰。個椰青好新鮮同鮮甜，解渴一流。

朋友相約食宵夜，我就唔想食太多，就建議輕食，朋友就介紹抵食泰國菜，食多食少，豐儉由人。先點了串燒雞軟骨串，一客二串，點了二客，即炸雞軟骨，新鮮熱辣，食完一串還想再食，可惜怕肥，唔係真係有排食。再來泰式生蝦，一客四隻，一人一客岩岩好。 蝦肉鮮甜味美， 清潔得又夠乾淨，性價比極高，又一抵食之選。最後主菜是泰國烤雞， 冇諗過一客烤雞有成半隻咁多，完全超出咗我哋嘅預算，烤雞皮脆肉嫩，肉汁豐富。一人一杯泰式奶茶， 味道有點淡口，但泰茶味十足，還不錯。朋友約食宵夜都可以再來，唯一唔好嘅就係，附近比較少車位。

大角咀多出名地道小食店，就系人都知，但泰菜，你又覺得除左九龍城外，大角咀又會吾會有一間值得👍🏻架呢？答案你就要親身試一下剌最值得讚是這個泰式豬肉飯，是用了生菜包的調味料＋新鮮肉片，原來除了夾生菜吃外，伴飯吃也一流煎蝦餅，不錯喔，香茅味道帶出蝦的香味。炸雞略乾身，但辣汁鳳爪可為此調和。生菜包，菜葉夠大塊，肉粒少肥肉。芒果糯米飯，椰汁足夠，飯粒夠譅。飲品杯裝，迅速遞上。總括，環境夠寬闊，清悠，員工服務佳！

自從係泰國食完船河之後，一直有個疑問，「可以因應自己既食量去order份量，一碗，兩碗，甚至10碗，不竟每個人既食量不同，少食既可以食少d又平d，大食既，當然要相應付出多一點」，事過數月，香港真係有得食啦！各款船河 $15$15一碗既船河，真係好抵食，而且份量比在泰國食的大一點點，一般女仕兩碗已經好夠食，男仕就大約食3-4碗；午市時段11:30-15:00只有大碗既船麵提供，不竟lunch hour 人比較多，如果每人食5-6碗，洗碗姐姐都幾唔得閒，份量就係一般船河既三倍泰式海南雞飯 $45泰國既signature 之一，怎少得海南雞飯，雞肉嫩滑，不過皮就比較厚身泰式豬手飯 $45豬手既份量夠多，白飯配上豬手汁特別開胃泰國魚餅 $28小食既選擇也不少，即炸夠香口泰式咖啡/香茅茶 +$5-$8order船河只需加$5-$8就有飲品，咖啡都幾濃，而香茅茶夠香而且唔甜，好好味

一踏入2018年無耐，我就激嬲咗A姐喇。最衰我衰多口啦，唉！而為咗要氹番A姐，佢俾咗個難題我，就係要搵間有泰式船河俾佢過吓口癮，其實喺香港食船河嘅地方好少，左搵右搵，今日就同佢到旺角同大角咀中間嘅泰筏味泰國船河專門店，希望佢食飽飽就唔好嬲啦。呢度嘅船河，分為牛肉類同豬肉類，有牛雜、牛腩、牛丸、豬手、脆肉、豬頸肉等等，而麵底就有河粉、金邊粉、綠茶麵同米粉。，牛雜船河金邊粉幼身滑口嘅金邊粉配上份量唔少嘅牛雜，最好味當然係有咬口又彈牙嘅金錢肚啦，而湯底肉味香濃，又唔油膩，唯一失望係湯底唔算好熱。脆肉船河同金邊粉相比，呢個河粉就係想對粗身同煙韌，各有千秋。脆肉即係燒肉，肥瘦均勻，皮仲好脆添。而食船河，當然唔少得調味料啦！肉碎生菜包份量十足，生菜新鮮脆口配埋微辣惹味嘅泰式肉碎、香菜同紅蘿蔔絲，食落仲有唔同嘅香料味，夠晒fresh。泰式生蝦味道幾鮮，不過，同出面嘅酸汁唔同，我M佬就唔太鍾意喇。酸辣鳳爪A姐就最鍾意食酸辣鳳爪，所以今日又點可以無呢味菜呢！鳳爪夠晒入味，酸酸甜甜咁，仲唔原諒我咩？

Not much traditional Thailand restaurant nearby Mong kok Hsbc, the menu looks appealing. Consider that the restaurant is spacious even lunch time, decide to give it a try.The decoration is very traditional.Moi Nam Chicken Rice - the chicken very juicy, chewy, fleshy and nicely cooked. Not over done, plus the oil rice is chewy.Satay chicken bone - the chicken bone is very crunchy in texture. With a bit of salt that lights up the favour at slightly hot temperature, my appetite is totally triggered

同老公諗食乜好，講開上次食過船河但唔夠正宗因為太大碗，泰國食嘅船河細細碗差不多一注一口，d碗還會疊起來，埋單時好開心，而且又多口味選擇又經濟,所以無得去旅行也可去食翻餐懷念吓囉！今次終於比我揾到間係大角咀嘅船河專門店，更係要老公車我去食啦！兩公婆放工去到差不多1930, 店內門口已經推介有什麼選擇，呢間店鋪地方好大夠寬敞，豐檢由人！坐低後睇啱想食什麼，之後就可以去落單比錢架啦！串燒豬肉 $22 味道同泰國人差不多，味偏甜，肥瘦肉適中，燒得剛剛好。黃金炸蝦餅 $28熱辣辣外脆內彈牙，好味美！肉碎生菜包 $48份量也不少兩三個人都夠食，生菜新鮮脆口同辣辣惹味嘅泰式肉碎還有好多香菜蔥粒紅蘿蔔絲，色香味齊包住好正囉主角佢地介紹叫四碗基本先唔夠先再落單，大致上分牛同豬，還有四種唔同麵底，河粉，金邊粉，綠茶。麵同米粉，個人最喜愛係泰國河粉切得較粗身帶點煙韌，金邊粉就幼身滑口！豬雜，豬手， 扎肉和豬肉丸船河，各有各精彩， 絕對有泰國嘅風味。每款也是$15 ,經濟實惠。 溫馨提示： 泰國空運燒雞 $65醃得入味但較乾身所以d 雞肉嚡拾拾Menu每枱枱面都有提供，細心方便客人 龍眼冰 $18一般不太甜還

星期六最好就係訓到自然醒 然後再嘆返個下午茶啦 2點幾去左呢間好出名食船麵嘅泰國菜餐廳位於大角咀 係奧海城同旺角站中間估唔到又幾多人喎 可能因為實在太抵食啦餐廳以自助形式落單 餐具。水。湯 都自己黎我地叫左個酸辣鳯爪醒醒胃 唔算太辣再黎招牌牛雜船金邊粉 湯底十分香濃而且材料十足 3點後重大特價 $15一碗食泰國野又點可以唔叫炸蝦餅呢外層好脆口 蝦肉十分彈牙 配埋酸甜醬一流最尾加多個海南雞飯 啲雞肉好嫩滑配埋黃油飯 完全無得輸 推介

This place is quite a trek if you don't live in the area.In the afternoon, you can order the smaller bowls so you can try different noodles and combinations.The soup is the same but you can choose chicken, pork etc.Clearly I liked the green tea noodles and the rice vermicelli.It was strange they had green tea noodles but I liked them because the green tea wasn't strong and the texture was like instant noodles.The rice vermicelli was another favourite of mine because they were thin and absorb the

知道呢間泰筏味都有一段時間，一直都好有衝動想試，因為感覺它會係另類嘅泰國平民美食，同一般九龍城泰國餐廳，有著不一樣嘅風味。餐廳位於大角咀近旺角段釆用自助點餐方式，先付款後上菜。晚飯時段所有湯河都做成縮細版，只售$15,讓客人可以試足不同款式。龍眼冰--味道較淡，珍多冰--可能是預先做定珍多泡得太耐，只種糊口嘅感覺，但椰青$28大大個，清甜多水，好掋食(唔記得影)海南雞飯--雞肉嫩滑，飯粒分明，做得最好係個惹味辣椒醬，整體都有3粒星星泰國雞寶--外層類似腐皮卷住混有香料嘅雞蓉餡，香脆小食，唔錯泰式酸辣鳳爪--雞腳同洋葱，芹菜，比例好好，調味都唔錯，唔太辣適合怕辣人仕。生菜牛肉包--酸辣香口，味道好地度，但總感覺食落有啲似豬肉。主角上場，湯底好好味，喜歡酸辣嘅朋友可以自己另加辣椒粉，醋，糖，魚露，以作調味，我自己就食反原味已覺好正。而配料我們揀咗牛腩，牛雜，脆肉，豬手，個人認為豬手較為出色。(河粉同金邊粉，記得一定要揀河粉，真係好特別q口，好味)千層糕--口感煙un，淡淡斑蘭味西米糕總括食物價錢平，味道地度，值得一試

今日和太太往泰筏味食午餐, 我們點了朱手船河, 海南雞飯、串串雞軟骨、黃金炸蝦餅和椰汁冰。朱手船河湯底香濃有濃香朱手味, 朱手有嚼勁, 有濃香骨膠原, 朱手皮好香, 肉好腍, 船河面條爽滑；海南雞飯黃薑飯好香好綿, 雞肉肉質鮮嫩, 食落惹味不油膩；串串雞軟骨燒得乾身, 雞軟骨食落彈牙, 惹味醒胃；黃金炸蝦餅炸得金黃, 蝦餅食落彈牙而不感到油膩, 好美味的蝦餅；椰汁冰飲落好香椰汁香味, 飲落解喝。餐廳形式自助, 座位舒適, 食物美味醒胃, 尤其是船河和海南雞飯, 食落惹味, 小食串串雞軟骨和黃金炸蝦餅食落香脆而不油膩, 佐酒一流,餐廳價錢超值抵食, 我們食了一頓舒適的泰國菜。

早排去泰國旅行返嚟，一直都好掛住泰國嘅嘢食，咁啱係雜誌睇到大角咀開咗間船面嘅餐廳，所以一於去尋找返家鄉嘅味道。價錢勁平，晏晝三點至到10點，一碗船面都係＄15 ,當然佢嘅size係會分量少啲，但係就可以試到唔同嘅味道。我哋兩個人叫咗三碗面，佢哋嘅湯底都係一樣，好濃郁，真係堅足料，好泰國feel。面底我哋揀咗金邊粉同埋河粉，個人鍾意金邊粉多一啲，佢隻河粉係泰式，肥肥地闊身河粉，湯麵嘅配料我都有豆卜同埋白蘿蔔，個白蘿蔔吸晒啲湯汁超好味。海南雞飯＄45係配油飯架，飯帶有淡淡的椰子汁香味，海南雞超滑，最重點係旁邊嘅醬汁，同我喺泰國食嘅係一模一樣，係泰國嗰種辣味。蝦餅都好抵食＄28有四件，炸得好香口，入邊都好彈牙豬頸肉＄48 ,份量都唔少，肥瘦剛好，而且好有咬口，值得一食朋友點左泰式咖啡，原來係齋啡嚟㗎 ，我試咗一啖，有啲似滴漏咖啡嘅味道，而且唔會有泰式過甜嘅味道。我試咗一啖，有啲似滴漏咖啡嘅味道，而且唔會有泰式過甜嘅味道。我就點左個椰青＄28，好清甜，配泰菜真係一流

泰國其中一樣地道食物是船麵，現在香港已開始多了賣船麵的餐廳了，而且這間價錢更非常經濟，值得一試！船麵在晚上時間只是$15碗！更有豬手飯、海車雞飯、串燒等等，都好多選擇。生蝦 $48每隻都肉厚肥美，而且都幾新鮮，生蝦上有蒜片、辣椒，再點辣汁，都幾辣～海南雞飯 $45個飯是糯米飯，甜甜地，不是油飯有點怪而雞肉夠嫩滑。豬手船麵 $15 選了金邊粉$15份量都不少湯底濃郁但不味精，好有泰式風味，而金邊粉好彈牙，豬手都好稔，蘿蔔好入味。蝦餅 $28質感好彈牙，真材實料，熱騰騰好味。

來到大角咀尋找好味道這家泰國船河專門店是我們的選擇點了泰式豬手飯豬手軟嫩肥瘦相間且肉味濃飯粒偏柔軟伴上泰式醬料吃不錯吃點了一大堆小吃過過癮雞軟骨鈣質豐富有咬口串燒豬肉肉味香濃肉質軟腍一口剛好吃掉一串是不錯的小吃迷你豬肉丸在泰國街頭無處不在這種小巧的豬肉丸充滿麵粉味口感彈牙千絲蝦卷外層由油炸的馬鈴薯絲組成內層則由蝦肉作餡料口感外脆內軟蝦肉味鮮明泰國雞寶沾上泰式醬料十分可口肉質結實淡淡雞肉味在口腔內散發熱辣辣的泰國魚餅充滿香料味道清甜的椰青清新是解喝首選喝罷把內裡果肉吃掉十分滿足最後以芒果糯米飯作結甜品可能太早點放涼了米飯有點硬芒果果肉味有點淡今夜輕輕鬆鬆過一下泰國癮也是不錯的