泰興餅店

營業中

休息中

今日下晝終於黎到泰興買呢個包，比我想像中好食，之前食另一間覺得太甜，但今次就啱啱好，而且個熱香餅都比較厚同鬆軟。不過現場已經冇之前咁多人排隊啦，所以我果個都唔係即叫即整，已經凍左少少啦。熱辣辣應該會再好食啲。咁樣15蚊我覺得ok值得推薦。

麵包質數都keep到個質數，店舖啲包都係流水式不停出爐，所有包都係熱/暖，呢個位好多大公司既麵包舖都做唔到以前都會間中飲下凍朱古力，以前朱古力粉多啲，濃啲，深啡黑色，依家好似多奶少朱。。真心唔好叫

呢間人氣老牌餅店，應該每位荃灣街坊都識。每次週末行過呢度都會見到門前的一條長龍。嗰日見條龍相對比較短，就去排下啦，等咗20分鐘左右就可以入去買啦～🐽🥚🍔 熱香餅漢堡(HK$15)· 先講價錢，$15一個，對比麥記單點都要$2X，平成一半，真心是街坊價👏🏼· 質素方面，即場煎蛋和煎豬柳扒，攞上手是熱辣辣，辣手㗎🥵· 唔即刻食，拎住返屋企食會涼咗，可能無熱食咁正，但熱香餅沒有腍咗，仍然好食，圓邊煎蛋和豬柳扒調味好好，不是太油膩👍🏼

排晒隊嘅熱香餅漢堡-荃灣泰興餅店今日經過荃灣，就諗住過去試吓排唔排到熱香餅漢堡😗1:45pm 去到，見唔係太多人，同埋2pm 就開賣，所以決定等一陣，點知等等吓已經有20幾人排隊，排到街尾😜終於開賣啦，會叫2-3人入去店舖裏面買，有兩款選擇，一款係漢堡加煙肉，另一款係漢堡，梗係每樣要一個啦😗 份份都係新鮮整㗎，熱香餅好香軟，大大份都係$15🥹好抵食呀

過咗一排但熱潮仍在😂荃灣的熱香餅漢堡+開心果燒餅指示唔太清晰！隊頭放出開心果燒餅牌，店面放熱香餅牌，全部都係1230出爐，仲以為係同一條隊排所有產品，點知去到隊伍，發現原來有另一條隊買開心果產品😧後面嘅女仔同我一樣愕然，完全唔知係分開排隊，覺得指示好唔清晰，而且我哋排咗咁耐最終比後來到嘅人買晒開心果產品，要等多半小時先出爐，我哋都好失望🥲而且我哋都係獨自一人即係無可能買曬同一時間出爐嘅產品🥲·熱香餅漢堡 $15 熱香餅食落鬆軟又唔甜，中間豬柳漢堡唔咸，加埋煎蛋食落好滿足😋個人認為無麥當勞咁甜咁油膩，味道唔錯嘅·開心果撻 $10 新鮮出爐拎上手熱辣辣，餅邊係脆，但成舊好淋，中間開心果餡完全冇味🥲而且只有面層薄薄嘅餡，下面係原味比較濕又無味咁，底部嘅開心果醬失蹤了🥲·開心果燒餅 $10都係新鮮出爐，不過食落好油膩，皮偏厚但煙韌嘅，餡唔算多而且開心果味唔香🥲係有少少堅果香，相比下 嘉多娜出色好多！！

前日經開荃灣無意間發現泰興餅店就喺隔籬，咁啱撞正12:30出爐時間，就打算試吓佢哋近排好Hit嘅開心果系列，包括開心果撻同埋開心果燒餅。入到去環境超級闊落！應該係我見過最大嘅傳統麵包店！不過地點隱蔽少少喺屋村裏面一樓。等咗幾分鐘就出爐啦～開心果撻非常多層表面有開心果脆脆之後就到蛋白跟住開心果醬外皮係傳統撻餅皮，口感非常豐富，開心果味值得一試，另外我哋仲叫咗開心果燒餅最有驚喜，煙煙韌韌糯米皮熱辣辣，非常軟囉，裏面開心果醬油脂出晒嚟非常香濃！我比較喜歡開心果燒餅多一些，唔知開心果迷會鍾意邊隻呢？

今日黎荃灣，咁啱經過，就去試試。黎到已經見到有人龍，其實我本來想買開心果燒餅，入去舖頭問條龍係咪排燒餅，老闆只講左句叫我出去等，我咪出去排隊，點知條龍係排熱香餅漢堡。既然排左半個鐘，唔買就對唔住自己，反正都係，不如買一個黎食，好彩只買一個，否則超級後悔！呢個包真係伏到爆，圖片同現實不符我預左，但個味道真係伏到爆炸！個熱香餅係全熟，又乾又硬，M記好食過佢不知幾多倍！媒體同網民吹到咁好食，會唔會係咁呀？啲廣告吹得太厲害。我仲買左開心果撻同開心果燒餅，每樣都係$10。開心果撻，都係言過其實，唔係我想像中咁好食，只係一件好普通嘅牛奶布甸蛋撻上面有啲開心果碎同下底好少量嘅開心果醬，完全冇咩特別冇驚喜，係件燒餅我係覺得OK，但都係好普通。呢間餅店不可再，其實只係俾人吹到捧上天咁，實際真係冇咩特別，多人買嘅都唔係佢啲傳統麵包，只係黎買佢嘅新式野，但真心唔係好好食好特別，尤其係個熱香餅漢堡，雖然只係$15，但一啲都唔值得去排隊買。

之前成日門口都有排長龍，今日12:10pm經過見唔多人又唔太熱就環排下，見到12:30pm 出爐 。大家留意，逢星期一至五 - 出爐時間12:30；星期六、日及公眾假期為2:00！一日等得一次出爐時間 。言歸正傳，我都唔係第一次排，上個月又係咁岩經過排隊，點知因為每個人無限買幾多嘅關係，岩岩去到我就俾前面個男人買哂🫠🫠🫠所以今次我就係見排我前面唔係好多人，應該唔會掃得哂呱 。到12:25pm，店員開始分批俾人入黎買熱香餅漢堡，每輪大約5-6個人入去。總共有3款味：1）原味-豬柳熱香餅漢堡 $15 2）煙肉 $15 3）雙併 $18我買左原味同雙併，以為熱辣辣，點知個熱香餅唔熱的，但真係好鬆軟；入面加左美奶滋沙律醬，係幾好食，雙併幾好，口感豐富同埋整體再香啲，再飽肚啲，但值唔值得排就見人見智，我覺得要排半個鐘就唔太值，如果人少少就到出爐時間就ok嘅～

星期六日兩點鐘開賣熱香餅漢堡注意返星期一至五開賣時間唔同之前睇左好多片訪問老板又試過晏左嚟排唔到隊尾今次終於排到啦👏真金白銀💸🥰俾左64蚊 物超超超所值熱香餅漢堡15蚊乘2凍奶茶14蚊開心果燒餅10蚊乘2行近舖頭都見到人籠指示牌就細左d有個大大既「開心果燒餅」新產品既招牌令到當日有人排錯隊（意思係想買開心果燒餅唔洗排隊，係買熱香餅漢堡先要排隊😂）持續有人排隊老板出嚟安排排隊真心安排得好好 唔會亂唔洗同人嘈值得一讚由於現場即時製作排隊到我地啦老板指示同「馬尾個姐姐」講要幾多個睇著個包整好見之前衞詩雅😘讚過咖啡奶茶天氣太熱啦 叫左個凍奶茶（少冰）行左一陣十五分鐘先食個包個包都保持到溫暖（由於我對甜味接受能力幾高）我覺得好好食熱香餅好鬆軟 當然係甜有D好似沙律醬？都係甜既蛋同漢堡都煎得好好但朋友個個包既熱香餅有少少乾身同硬應該煎得耐左比較上無我個包甘軟朋友激讚個奶茶當然朋友同我都鐘意奶味重既奶茶少冰真係做到少冰放左一陣先飲仍然好飲好開心 好有幸福既感覺好有細個茶餐廳既溫度但明明係而家配搭既食物而燒餅，相信一付款後三十分鐘係最佳食用時間雖然過左，開心果既味都好濃在場見到有啲長者哥哥姐姐同舖面打

下午兩點左右，我由街頭行去呢間街坊老餅店嘅時候，遠遠已經望到好多人聚埋喺餅店門前。到達餅店門口，見到圍欄貼咗兩張紙，🫲左邊排開心果撻，不過零人排，右邊🫱排熱香餅漢堡，有30多個人在排隊中😳 ，唯有放棄，走入餅店買開心果燒餅啦～*💚 開心果燒餅 (HK$10)． 即買即食，拿上手係好熱辣辣的． 口感軟糯，𥚃面有開心果碎粒和白糖，白糖巳溶晒了，所以對我來說是比較甜💚 北海道3.6牛乳開心果撻 (HK$10)． 呢個價錢有4層口感，我真係覺得好抵呀！． 面頭有烘香的開心果碎粒，咬一口，酥脆曲奇撻皮． 之後是品嘗到加咗開心果醬嘅北海道3.6牛乳蛋漿，所以是啡綠色的，也有香濃的開心果味道． 底下隱藏咗一層軟滑開心果醬，咬多幾啖就會食到😋

呢間舖頭最近好出名，因為佢哋開賣咗熱香餅漢堡，本來諗住過去買，點知錯過咗出爐時間，見到佢哋有開心果蛋撻都好吸引，就買咗三個返去食啦好坦白，雖然佢價錢平，但係淨係睇佢packing已經好吸引。我哋一共買咗三個開心果撻，但係佢求其用膠袋入住，拎返屋企已經腍晒咁究竟好唔好食呢？淨係睇個樣都已經知，放咗一陣已經出油，食落去好腬，加上佢蛋味好重，基本上食唔到開心果味，雖然只係$10 ，但係鍾意食開心果嘅真係唔使特別試

有個紮辮的中年女店員態度好差，問佢嘢，佢語氣好惡咁回答；買左兩款麻糬來試，表皮脆脆地幾得意，但味道好一般，無乜朱古力味同芝士味。服務態度咁差，就算啲嘢幾好食都唔會再幫襯，更何況試過只係好普通。

間最近好受歡迎既人氣麵包店🥐，除左緊貼潮流既PANCAKE包🥞，近來仲推出左唔少開心果味產品，今次就一次過買哂去試哂去。開心果醬蛋糕 $8.5佢係牛油蛋糕黎🍰，質地鬆軟唔乾但偏甜。開心果醬只係面頭，蛋糕本體開心果味就無咩，但牛油🧈蛋糕黎講都可以。開心果醬鬆餅 $8.5佢質地都濕潤但都係偏甜，中間會有一層開心果醬，係味道來源。開心果菠蘿包 $8.5佢個菠蘿皮都好鬆化，入面包住開心果醬做餡，但餡料唔多🥲。開心果撻 $10幾個產品入面最期待，佢用左傳統既曲奇皮🥧，個皮好酥唔錯，可以成個起出黎唔爛。佢表面個層開心果層其實就無咩開心果味，反而中間奶層夠滑🥛，最底係開心果醬。佢既開心果醬係結身，好濃開心果味，點綴哂成個撻，不足之處係分佈唔係好均衡偏向哂一邊🤣，同埋再多啲就好haha 不過$10黎講，我覺得性價比算高分，係唯一想encore既開心果產品。其實佢既出品🥖一啲都唔差，對得住價錢，但係如果抱好大期望係濃味，就應該會失望。假若下次經過無人排，我會再幫襯😆。

我前幾日向呢間鋪一邊排隊一邊講電話，朋友叫我形容一下現場情況，我話好期待，原來會向你面前先向個膠箱到夾料出黎整包 ，但m噹噹快d。老闆無品之餘亦亂咁話佢果個包唔係好似人哋咁預制，唔等得就去m噹噹買，隔一陣仲要加多句要快就去快餐店。。。其實我一直都無同呢個老闆講野，但佢就係甘嘈。今日試左m噹噹果新包，真係好食過荃灣呢間好多，服務態度好，有冷氣。有人拍野咪扮曬野拎d 水出黎，無人影果陣咪由得你曬囉。15蚊都比多佢係因為態度超差同無品。

繼熱香餅漢堡後，再推出牛乳開心果撻北海道3.6牛乳開心果撻新鮮出爐熱辣辣，有D重量，曲奇餅底鬆脆，撻面灑上開心果碎，有咬口，中間蛋漿好香牛乳味，質感似燉蛋，底層再有開心果醬，豐富層次，可惜奶味蓋過開心果味期待陳生黎緊嘅新出品