泰華餐廳

營業中

休息中

講到泰華一定要推介豬手麵 佢每次都有三舊豬手 豬手整得夠林 老人家都啱食 夠入味 加埋辣椒油真係冇得頂 我屋企嘅老人家都成日買嚟食 就知道呢個好穩陣 所以大家行過都可以試吓豬手麵 就知龍與鳳啦 外賣好啦 因為地板長期都好立 可能貴人善忘 應該長期冇人拖地😂

以前中學成日食，今天我有幸品再嚐了一道絕妙的椒鹽骨飯，這道菜給我帶來了無比的滿足感。這是一道以豬肉骨為主的料理，搭配了獨特的辣椒豉油，為整道菜增添了獨特的風味。首先，讓我來談談這道菜的香氣。當服務生端著這盤椒鹽骨飯走近我時，一陣撲鼻而來的香氣立刻讓我食指大動。濃郁的辣椒與豉油的香味混合在一起，散發出誘人的氣息，讓我迫不及待地想要嚐一口。接下來是口感方面。椒鹽骨飯的骨肉經過炸製，外層酥脆，內裡則保持著嫩滑的口感，這種鮮嫩與酥脆的結合，讓每一口都令人著迷。辣椒豉油為整道菜增添了一抹微辣的風味，讓味蕾在酥脆和辣椒的刺激中得到了完美的平衡。最後，我要說一下這道椒鹽骨飯的整體味道。辣椒豉油的香辣與豬肉骨的鮮嫩完美結合，每一口都讓我感受到了食物的豐富層次。這道菜的調味恰到好處，不會太鹹或太辣，讓人可以細細品味每一口的美味。總結來說，這道椒鹽骨飯給我留下了深刻的印象。它的香氣、口感和整體味道都讓人難以忘懷。如果你喜歡辣椒豉油和豬肉骨的組合，我強烈推薦你來嚐嚐這道椒鹽骨飯，相信你也會被它的美味所征服！

今晚屋企冇飯食 途經呢間舖頭 見到門口寫住有煲仔飯 想食 所以入去試試 叫咗個雙腸排骨煲仔飯 本來就剩係得雙腸或者排骨 所以加排骨要加多$10 OK冇問題👌🏼等咗唔係好耐 就有得食 不嬲對食嘢都有啲要求 個煲嚟咗 先落煲仔飯豉油 再冚蓋焗多2分鐘 等啲飯入哂啲煲仔飯豉油味 好食😋👍🏼排骨一啲都唔韌 骨肉容易分離👍🏼 雙腸(即係臘腸+潤腸)好味道 😉🤟🏼 最正反而係個飯食到底嗰啲飯焦😱真正嘅飯焦 脆卜卜 香噴噴 有料到👍🏼 就咁煲仔飯$50 +餸$10 一個字 掂！絕對值得一試

話說今日有要事要上樂華接人，諗住入去食d野算啦，叫個紫色頭髮嘅阿姐落單，同行嘅人嘟完安心放咗個電話喺檯，可能佢見到，咁我哋諗住落單啦⋯⋯之後佢問我有冇安心，一定要我出示，（語氣仲要勁差）我都已經一肚氣，（正常嘅我，係會有禮嘅，唔該前唔該後既人）最後都比咗佢睇，之後落單叫吃個沙薑雞飯，同行叫咗個焗豬扒飯，我果個沙薑雞飯完全冇沙薑味，仲要連咸味都冇，最後係要加豉油係飯先食得入口，佢個焗豬扒飯仲衰，黎到一陣燶味，永世唔會有下次(如果老闆睇到，你請嘅員工咁嘅態度只會令你倒米）利申我同行係樂華大

行完山到樂華邨搵食，雖然屋邨唔細，但餐廳又唔算多，左選右揀先搵到呢間唔係商場內嘅屋邨茶記。星期日下午茶時間全場坐滿，眼見街坊多點盅頭飯，炸脾薯條多，我就選擇食炸兩，蘿蔔糕加奶茶，腸粉出奇滑，油條又夠脆，驚喜👍，奶茶同評語一樣奶味重，茶味少，但勝在夠滑。蘿蔔糕正常，粉多蘿蔔少，但味道比酒樓點的好味。老公點左牛丸米，凍檸茶，牛丸冇牛味，檸茶正常。今次驅使我要寫食評主要原因係想幫泰華平反一下服務態度，由入餐廳一刻幾乎滿座，只能撘枱坐2人位，後尾執枱姐姐主動叫我地轉張4人枱坐得舒服啲，落單姐姐亦非常有禮貌，埋單亦有講多謝哂。所以值得為泰華平反下。

好似欠左佢地咁 冇禮貌講嘢態度又晦氣以後一定唔會再幫襯幫襯 尤其是嗰個貌似經理嗰個肥女人 啲態度真係差到冇人有當自己話晒事咁 我想講你做街坊生意好心啲態度就好啲啦個個都好似得罪你咁 成日都粗聲粗氣 又成身煙味 個樣又冇表情 其實你冇深造你不如辭職啦你 又要坐喺度又要覺得不滿 好似啲街坊嗰個得罪你咁 個個都怕咗你 你快啲辭職啦 你唔喺度嘅話一定好生意好多 真係未試過食過茶餐廳食到咁嬲 我亦都係第一次寫食評 如果唔係你咁嘅態度我真係唔會搞咁多嘢 你自己檢討吓啦

（利申）撞啱師傅先好食の叉燒煎蛋飯。蒲左近三十年樂華邨既男人表示，餐牌第一項既叉燒煎蛋飯要撞啱入多咗叉燒同時又係果位師傅整就真係食得銷魂（俗稱好好食😋）👍🏼小編本身已經覺得大坑既順興叉燒煎蛋飯無得輸，但原來高手在民間係民間係真嫁！😍 老師傅手勢很好，之所以整到d叉燒好食，嘴刁嘅街坊男人估計有再浸過秘製醬汁，重輕輕番煎過，加上脆邊煎蛋，真係一流。事隔上一次叫到呢個飯，今次真係可遇不可求，正呀！

今天同我媽落樓下食個lunch! 所以就去左附近泰華食碗粉。點知個阿姐好無禮貌閙⋯⋯因為我地坐低後位置比較窄，我媽坐唔到所以拉出小小，呢位阿姐就閙唔夠位車仔推。真係需要咁無禮貌？唔可以客氣小小？重要係點野食，佢居然唔落單當聽唔到。雖然唔係d咩高級餐廳，但最基本專重人都唔該！

最近天氣咁熱都唔想出街留喺屋企叫外賣叫呢間茶記平時食開都係一貫茶記水準套餐都好多選擇，大約$50左右但送上門要叫滿$60所以今次散叫食物+飲品叫左個焗茄汁豬扒意粉好多汁～正不過佢既茄汁偏豉油味，即唔夠酸味豬扒都有一大塊，好淋身，入味但當然無連鎖店大xx既豬扒同焗豬汁咁好味啦呢到最好係仲有幾條椰菜同芹菜唔駛齋食肉咁唔健康再整返杯冰凍檸茶足不出戶食飽飽～爽

樂華村係一個舊屋村，大多數都係年長的公公婆婆居住，所以村裡面有的食店都比較少。難得，係呢度都搵到有水準的茶餐廳，泰華係樂華村開業多年，多數都係做街坊同附近的學校生意今日我點左個清湯公仔麵做早餐，另外配上太陽蛋同牛油方包，加上一杯凍鴛鴦。佢的公仔麵唔會煮得太淋，有咬口，加上太陽蛋一齊食就更好。另外，凍鴛鴦 好夠味道，咖啡同奶茶的比例岩岩好，又唔會太甜。近排餐廳仲要裝修左，同隔離的粥店打通左，可以一次過食到粥品同港式茶餐。

好耐無嚟幫襯哪．．．一向都覺得呢度啲嘢食幾得架，可以話算係平得嚟又少少水準咁．今日路過，想懷念一下．香濃奶茶但略嫌多咗啲奶．．．個咸魚豆腐白菜湯反而有啲驚喜．．．唔錯噃, 唔咸丫,家常得嚟又出色.磨菇豬扒飯有點叫我失落，怎說好呢？磨菇汁．．．其實係茶餐廳慣常給飯加上的茄汁中，加入了一點點磨菇碎吧．．．好吃是好吃．．．當然，那個豬扒也有一點點討厭的 "疏打粉" 味，但還好，只一點點吧．

中午同老友係樂華邨打完波, 順道附近搵食.泰華快餐廳, 完完全全一間地道舊式屋邨茶記. 但可能冇期望, 反而有驚喜.五個人share左四個餐, 黑椒牛柳焗飯, 有錢佬炒飯, 香茅豬扒飯, 星州炒貴刁. 除左黑椒牛柳焗飯唔係太合我口味 (黑椒汁調得太杰,太多) 其餘三款都唔錯, 尤其係有錢佬炒飯, 有鮑魚絲炒得好香口, 香茅豬扒鬆化脆口, 貴刁亦炒得入味, 咖喱味剛剛好.唯一要彈係份量唔大碟, 通常屋邨茶記應該都係抵食夾大份嘛...