泰識野 (南京大樓)

營業中

休息中

賣相差，味道差既咖哩飯，相都費時影。一碗白飯+一碗雞碎肉，望住碟野唔好講開胃，直頭反胃，無野飲，仲衰過學生餐，女仔食完唔會夠飽，唔怪得次次lunch經過完全無人幫襯，有你過人之處

食物質素低到令我震驚，雖然價錢咁低我一早已經做咗心理建設叫自己唔好有咩期望，但都唔好差到如此地步吖...肉碎飯一打開蓋已經見到肉碎俾油浸住，最後我係要將肉碎逐一夾上紙巾索幾索先勉強食到...白飯係凍嘅，唔係暖唔係微溫，係凍金邊粉冇蝦，冇豆腐乾，韭菜得手指尾長度嘅短短一截，味道正常的，但見到近乎食齋粉嘅程度，我以為自己只係俾咗$15，食到一半又係個底好多油到底要幾冇心機先可以煮到d 野咁...香港飲食業仲有好多人好俾心機做嫁

黃咖哩雞飯 $60 (午餐)黃咖哩雞飯份量極少，性價比不高，味道一般帶輕微酸味。凍泰國手標奶茶 +$6 (午餐特飲價錢)凍泰國手標奶茶味道極淡，沒有真正的泰式奶茶味道。服務態度差店舖不大客人只有兩枱，但還上錯餐。結帳時收錯錢，還需要我去跟店員理論，讓人感到困擾。總結整體而言，這次用餐經驗不佳，絕對不推薦這家餐廳！

在佐敦，偶然發現了一間性價比高的泰國菜小店「泰識野」，聽同事講依間出品還可以的，可以一試。店內的座位不多，僅有十多個，營造出親密的用餐氛圍。店員介紹我試下海南雞飯，真的的水準超出預期！雞油飯更是粒粒分明，令人印象深刻。另外特別推薦的60多元小食拼盤，競爭力十足，裡面皮脆肉嫩的雞肉更是讓我回味無窮。雖然當日我吃得不多，本來還想嘗試他們的串燒，但已經非常滿足。這家小店的美味讓我計劃下次再來，期待能品嚐更多菜品！

晏晝買外賣🥡，同事集體買外賣平台外賣🥡自取，揀咗泰識野，喺公司樓下㩒咗先行過去，行過去5分鐘，未有，問阿叔有未，佢話有就會自然有😅咁我地繼續等多10分鐘，見到我個海南雞🐔我remark咗白飯，問阿叔係唔係白飯，佢答你寫咗咩就係咩😅感覺上阿叔唔係皓想做咁😅拎咗4個飯返公司，加餐具🍴要加$1所以自備餐具🍴。打開個飯盒都真係白飯，幾大兜，海南雞轉脾加咗錢，皮肥美但肉冇想像中💭咁滑，加錢要凍泰式奶茶🥤，都唔錯👍🏻

我: 嘢飲點計佢: 就咁加我: 咁可樂隔一陣冰個啲係咪加6蚊佢: 落咗單心諗可樂都未開，換一換唔難姐？咁我都冇所謂，咪照飲可樂🤷🏽‍♂️隔離枱個遊客埋單，乜電子支付都冇🤷🏽‍♂️遊客有唔同貨幣現金，咁正常你咪酌情處理囉，人地都有人民幣/澳幣，但乜都唔理，最後忍唔住幫個遊客咁嘅態度，唔會再有下一次🤷🏽‍♂️🤷🏽‍♂️

泰式奶茶 $18本身餐牌上面寫住12點之前跟餐特飲+$10，所以先叫咗，點知埋單嘅時候收原價，餐廳話因為星期一至五先有呢個優惠，但其實餐牌冇寫…都有少少誤導人，大家可以留意吓…其實如果佢係$18 ，呢杯嘢飲真係完全唔值，好甜又唔香泰奶味…泰式炒金邊粉（蝦） $62見到佢寫住有蝦，點知嚟到蝦米，問咗餐廳，佢哋話係得呢啲…有少少錯誤期望落差，如果餐牌可以寫清楚會好啲，另外相片中嘅青檸、砂糖、辣椒粉都完全冇落，雖然味道正常，但60幾蚊一個炒粉好似咩都冇晒就感覺麻麻有時有啲嘢真係自己食過先知其實真係幾伏

煎塊薄餅都可以燶晒一句道歉都冇仲要不負責任大佬 有相為證係黑色唔通呃你嗰$20咩？你哋都要負返少少責任啦係咪啊？苦到咁樣叫人哋點食？都係第一次見到呢一啲唔負責任嘅舖頭做人有返少少良心好喎仲要自己搵佢哋，佢哋仲要同我講(了解，客人可以透過外賣平台進行退款，我地會向餐廳同事進行反映，可能你需要直接聯絡keeta客服 因為我地ig呢邊未能夠幫你處理到退款)呢啲咁嘅推卸責任😂生意真係唔係咁做你哋連自己嘅出品有問題 都不負責任態度同埋做法都好有問題

在佐敦附近見到這間幾有特色的泰國餐廳，所以馬上試一試但是，應該不是泰國人主理點海南雞時，加了$10 要全脾，結果唔係，只有三件，跟住就係雞翼同雞胸，失望應該叫咗兩隻太陽蛋，同其他泰國餐廳的爭太遠，這個完全唔係泰國的太陽蛋海南雞賣相還有一點似，雞油飯一般那個船麵都少少似，但味道都唔一樣賣相和味道是另一回事木瓜沙律味道還可以，但口感唔爽口，感覺放咗好耐咁泰式奶茶唔收貨，似係那些三合一冲的，連基本的泰國奶茶都做唔好👎🏻

先講下食物,味道麻麻, 份量超小. 我本身已經細食, 唔叫兩份夾埋$130幾都肯定唔夠食店員方面非常寸且無禮貌, 問兩句直接兇人"咁你想點呀", 服務態度黑口黑臉。之後想加配菜重要死盯住人， 好似麻煩佢咁多兩個掣都要死咁明明顧客畀錢食飯仲要畀店員又寸又兇好似差佢錢咁只能說不愧係香港嘅服務業態度世界級倒數.............................. 我人生第一次特登下載openrice去評論一間餐廳

喺外賣app叫咗個特價青咖喱豬頸肉飯（包飲品），初頭以為會好辣，但原來都唔算好辣，只係少少辣，味道都唔錯！出餐都好快，唔使20分鐘就送到！下次有機會都想親自去餐廳試吓！

總體而言，這次嘅飲食體驗令人非常失望。首先，咖喱牛肉嘅份量實在太少，而且價錢同份量完全唔成正比，幾啖就食晒。咖喱汁味道偏甜，完全缺乏泰國菜應有嘅辣味同香料層次感，牛肉質地亦只是中規中矩，未能給予任何驚喜。其次，豬頸肉竟然只得七片，每片肉都處理得唔夠細緻，油膩又缺乏泰國傳統調味。整體來講，這間餐廳嘅食物唔但未能達到正宗泰國菜嘅水準，而且價格偏貴，對於尋找真正泰國風味嘅食客來講，絕對唔推薦。食物質素同價格完全唔成正比，令人覺得不值得再次光顧。

本身已經沒有太大期望 以為冬陰功只是一個泰式餐廳嘅基本菜式 吃了第一口 完全係強酸湯底 一點冬陰的味道也沒有 也沒有椰子味 湯底一呈透明 大概半滴椰奶都沒有落 本人都算係一個劣食之鬼 但食到第三啖頂唔順了

冬蔭公多料，但超咸生菜包料超咸串燒可以的每人飲完一碗冬蔭公，一家三口已經無胃口食其他野，走果陣仲淨大半兜之後食生菜包，又係超咸，食唔3包，我屋企人就係最鍾意食生菜包架啦好差既經歷 -完-

去到佐敦，比我搵到間隱世泰國餐廳鄰近廟街，交通方便，半開放式，感覺好地道！講返菜式先冬陰功海鮮湯～好香又夠辣，又足料泰式生蝦～ 蝦肉夠爽甜～最鍾意嗰汁無骨海南雞飯～夠晒大碟，雞肉嫩滑海鲜雜錦串燒拼盤-雞心串-雞肝串-京葱和牛串-泰式燒豬頸肉串-黑毛豬五花腩片-燒牛舌心串-鹽焼多春魚-鹽燒虎蝦-燒翠玉瓜-泰式照燒白鱔～最有驚喜嘅就梗係燒白鱔，皮脆肉滑軟殼蟹木瓜沙律～酸酸辣辣好醒胃泰國手標奶茶泰式玫瑰花奶茶呢兩款飲品，都係泰國特色偏甜嘅泰識野 ThaiShakeYeah📍位置: 佐敦白加士街68-70號南京大樓地下B號舖@thai_shake_yeah