泰象館茶餐廳

營業中

休息中

好肚餓嘅下午茶 去到九龍城，不期然便會走入去關去熟的泰國菜館，但是今次只是下午茶，午飯時間也想嘆杯奶茶，於是選擇了幾泰式又港式的泰象館茶餐廳。 由於都幾肚餓的關係，兩個人點了三個下午茶餐，我們也是因為價錢不貴的關係。 ➡️ 泰式香葉炒豬肉碎飯 下午茶餐 $48。首選的是這款泰式經典的肉碎炒飯，那隻煎得美美的煎蛋是靈魂，戳破後蛋汁與肉碎互相纏綿，送飯一流。 ➡️ 越式生牛肉河 下午茶餐 $42。果然係茶餐廳，既有泰式炒飯；亦有越式牛河，再加上杯奶茶，香港以外的地方實在是找不到此類餐廳！份量頗多湯底亦不錯。 ➡️ 黑松露炒蛋配墨汁包 下午茶餐 $40。這個顏色配搭上已經很吸引了，但總覺得他作為一個包只能夠是配，便成為了我們兩人共享的「甜品」。那個松露味道比外間的帶點鹹味，所以可以撈蛋吃！

上次食咗佢個午餐，覺得好抵食，適逢又係落雨，決定都係響屋企附近食返佢先上次食香葉肉碎飯，質素屬於OK，但真係份量抵食，今次喺OpenRice見到好多人留言食乾炒牛河，講到好好味，一於試吓佢先上碟已經覺得好吸引，炒得條條分明，好有鑊氣，所有材料（當然除咗牛肉同河粉)包括芽菜、韭黃、蔥斷全部都有齊，最重要係味道十足，作為一個女孩子，可以將一碟乾炒牛河食到底，就足以證明真係炒得好味😋，食到底都冇乜油響度有功架。

今日起身見到外面落大雨，好想響屋企附近搵嘢食，見到OpenRice 有間新開嘅茶餐廳，但竟然係另類啲嘅，主打食泰式/港式，好似好特別，所以決定去食下2:00去到但又未到下午茶，叫咗個午餐試吓，$48有杯嘢飲送，都幾抵食，當然附近九龍城咁多泰式餐廳，香葉肉碎飯有其他地方更好食，但以呢個價錢來講，都算係唔錯㗎啦，有少少辣，都幾好送飯反而我幾鍾意杯咖啡，茶餐廳質素來講算係幾香咖啡味，仲要大杯過平時嗰啲茶記嘅性價比高

印象中九龍城嘅泰國嘢一般裝修都比較舊經過呢間泰式茶餐廳發現好新好乾淨花磚嘅設計有少少似Cafe嘅感覺🔸泰式香葉炒豬肉碎飯 $48香葉肉碎飯係我每次食泰國嘢必叫！肉碎肥瘦適中，份量都唔少，配上半熟太陽蛋非常惹味~如果再辣少少就更加正！🔸越式生牛肉河 $43一上菜就聞到個湯超香胡椒同炸蒜味！半熟嘅牛肉輕輕浸落湯到岩岩好7成熟，肥牛肥瘦均勻唔會韌！🔸熱菊花薑蜜 $5今日落紅雨，行過嚟都淋咗少少雨，飲返杯薑蜜暖返個人💛🔸青檸梳打 $5走甜之後都唔會太酸，梳打夠多氣好gur！

《經濟實惠下午餐🇹🇭》———————————————-#泰象館茶餐廳 🐘-之前去九龍城有食過泰象館，原來最近佢哋新開咗間茶餐廳版嘅小店，價錢貼地，經過去食返個Tea就啱啦😚-除咗基本嘅泰菜之外，亦有提供唔少港式食物，例如港式早餐、快餐、飯麵小菜等等，選擇多元，裝修仲有啲復古冰室嘅感覺，天花板掛住舊式風扇，寬敞企理💠-🍜 沙嗲牛肉撈出前一丁經典沙嗲牛味道十分濃郁，但又唔會太鹹，同出前一丁撈埋一齊食無得輸，小店仲會配埋配湯底，可以有兩種食法，乾撈或者湯麵食都得☺️-🍞 流心芝士西多士一刀切落去已經感覺到麵包係好軟熟，牛油溶化咗之後令口感更豐富，一定要落埋大量糖漿，夠哂邪惡😈-🥟 菜肉餃子店員無介紹錯，推薦咗我哋食呢款新推出仲未係Menu嘅隱藏菜式，一碟有成4隻大大隻嘅炸餃子，即叫即整熱辣辣，十分香脆，菜肉爆哂餡超正🤤-🐣 炸雞翼雞翼我中意食～炸得幾脆，配搭埋大大碟嘅薯條咁食，充滿童年回憶😇-本身想飲下新推出嘅粒粒奶茶紅豆冰，但可惜咁啱賣哂，但原版嘅紅豆冰都好唔錯，紅豆量激多，而且甜美軟綿，帶有椰汁香🫘另外叫咗杯青檸梳打，都好唔錯，非常清爽，消暑一流🌴-⭐ 參考價錢︰沙嗲牛肉撈出前一丁：$40

今日約咗朋友喺九龍城食晏，由於太忙無時間食早餐所以好鬼餓，未黎到就叫朋友幫我叫定野食先🙈店舖以港式茶記經典菜式為主，亦都有供應少量泰國代表菜式😄 ⭐️中式牛柳 💰5️⃣5️⃣我最中意酸酸甜甜既小菜😍呢個牛柳五十幾蚊但份量超足😯肉質嫩滑入味，個汁配埋啲🍍🧅超好送飯😁⭐️鍋氣乾炒牛河4️⃣8️⃣色澤幾靚賣相吸引👍牛肉幾滑，整體唔會太油膩，但河粉略嫌散左啲～⭐️熱百香果蜜💰5️⃣幾特別既特飲選擇😊百香果味好香，唔會太甜👍呢度都幾多熟客仔，老闆娘記得晒佢地食咩問佢地係咪照舊，作為食客都幾有歸屬感😇

泰象館茶餐廳地址: 九龍城衙前圍道34號地舖電話: 52688814◆*．◆*．◆*．◆*．◆*．◆*．◆*．◆*．◆*知道九龍城衙前圍道/賈炳達道會重建，即係不久又一個舊區變天啦。中學喺呢度都留過好多回憶，呢日就番去九龍城影吓相留個念。之前去過泰象館食泰菜覺得唔錯，今次試下同名嘅茶餐廳。💫鑊氣乾炒牛河（$48）即叫即炒好夠鑊氣。好多塊牛！勁抵食！牛肉係好嫩好淋唔韌果隻，好有肉味！河粉炒得均勻，條條分明，晶瑩通透，唔會痴埋一舊，入口彈牙咸味適中。💫海鮮蛋白炒飯（$48）炒飯粒粒分明，炒得好乾身唔油。海鮮入面有魚、八爪魚等。海鮮配搭下食落有咸香，口感豐富。午餐價錢四五十蚊左右，跟熱飲或例湯，凍飲加$2特飲都係加$5。平民價錢好抵食！重建前都要再繼續支持嘅小店！◆*．◆*．◆*．◆*．◆*．◆*．◆*．◆*．◆*

九龍城最多泰國菜但好食嘅茶餐廳就唔係好多發現呢間茶餐廳，除咗有泰式下午餐仲有中式小菜亦都有中式快餐店員推薦1）鹹魚雞粒豆腐一嚟到啲豆腐已經好有鑊氣，份量都好多㗎，而且豆腐亦都冇吵到爛晒，淨係賣相都已經靚晒，而且亦都有陣陣鹹魚香味豆腐好滑，而且都好多雞粒同埋食到鹹魚色香味俱全👍🏻2）海南雞飯海南雞肌肉好滑同埋亦都好多，大大件好抵食最鍾意係佢嘅海南雞醬好開胃唔會好辣，好快就食晒啲飯真係想問佢海南雞最賣唔賣🤣3）蔥油太陽蛋豬扒飯佢唔係厚身嘅豬扒，所以唔會好up,而且肉質都好嫩，薄薄地一塊，一個人食剛剛好仲有餐飲和列湯飲中午飯嚟講呢講，喱間係一個不錯的選擇☺️

好耐之前黎過食晚飯，原來依家轉左做茶餐廳版裝修好有懷舊嘅感覺，而且乾淨舒適，重點冷氣夠涼，最近實在太熱，無冷氣真係唔掂。先送上是日例湯，蕃茄薯仔排骨湯，都幾夠味叫左個海南雞飯，雞肉，海南雞個酸汁好食，酸酸甜甜好開胃另外朋友叫左個焗芝士雞扒飯即叫照整，等左十五分鐘左右滿滿嘅芝士焗到金黃焦香，雞扒煎得好香口，雞肉又滑，炒飯底，仲有唔少洋蔥又夠多汁撈勻啲飯食真喺一流凍百香果茶(午餐特飲加$5)味道好清新，唔會太甜，好解喝凍奶茶亦唔錯，茶味亦頗芳香下次再嚟，反而想嚟試下食下午茶

經過九龍城今次唔食泰菜🥳去咗食超抵港式下午茶。之前食過喺城南道嘅泰象館，覺得佢哋嘅泰菜都好唔錯！而家泰象館喺衙前圍道開咗間茶餐廳。主要提供港式早餐丶快餐丶下午茶餐丶飯麵小菜，選擇都多。裝修有少許復古冰室Feel，整體好乾淨企理。下午茶餐日日有供應，最平20幾蚊就有～都好抵食。🔶下午茶餐：越式生牛肉河 $32半熟牛肉片嫰滑有牛味，湯底濃郁清澈有鮮味，河粉入口好順滑。🔶 凍百香果蜜（下午茶特飲+$5）我自己好鍾意百香果💗有消脂養顏之效🥳估唔到茶餐廳有百香果蜜，入口清新有果香，入面仲有粒粒百香果籽，有口感。用金屬杯盛著～好保冷，夏天啱晒。🔶 下午茶餐：韓式炸餃子$281客有4大隻，熱辣辣！炸得夠脆口～菜肉餡料豐富惹味。🔶 椰汁紅豆冰 $26（下午茶特飲+$8）去茶餐廳梗係要嘆吓港式經典紅豆冰！整體不會太甜，而紅豆量多，甜美軟綿～滿有椰汁香。🔶粒粒紅豆奶茶冰 $26（下午茶特飲+$8）呢個夠晒特別！係變奏版嘅港式特飲。上面有用紅豆蓉製成的冰方塊，配以奶茶底🧋涼浸浸消暑一流。

冇嚟九龍城一陣子，今日嚟到竟然發現太像館開咗茶餐廳！平時離開呢頭淨係識得食泰國嘢，今次就試吓佢嘅炒粉麵飯！我哋嗌咗：乾炒牛河乾炒牛河好有鑊氣，亦都唔會好似觀塘某檔油河咁，一味淨係得個油字。而且，師傅好似幫餐廳倒米咁，上面有勁多牛肉！XO醬海鮮炒飯海鮮炒飯嘅XO醬有少少辣，朋友覺得好上癮，上面都有唔少嘅海鮮：蝦仁、魷魚圈……，真係大滿足千島醬pizza下午茶時間，我哋嗌多份Pizza，佢哋係即叫即整，等咗大概廿零分鐘就已經熱辣辣咁上菜，佢哋嘅Pizza就唔會係出邊拉斯芝士，不過我覺得佢嘅千島醬唔會好膩，Pizza皮都非常之香脆，唔錯！——————為食分界線——————📍 泰象館茶餐廳 (九龍城)九龍城衙前圍道34號地舖推介指數 🤰🤰🤰🤰🤰(5/5)好味指數 🤰🤰🤰🤰🤰(5/5)抵食指數 🤰🤰🤰🤰🤰(5/5)環境推介 🤰🤰🤰🤰🤰(5/5)人均消費： $50#mariofatfat #hkfoodie #Foodie #為食馬利奧

有屯馬線之後，同朋友約去九龍城就方便好多啦！🤩今次經過呢間泰象館茶餐廳，原來真係泰象館嘅茶餐廳版，見menu都幾特別又想揾個地方休息就試下。😌餐廳嘅裝修好有懷舊嘅感覺，而且乾淨舒適。我地叫咗啲茶餐廳比較少見嘅野食:芝士碎蛋牛角包🥐同埋黑松露炒蛋配墨汁包。充滿牛油味嘅牛角包有先烘過，配埋芝士碎蛋食落好夾，唔會太漏。黑松露炒蛋份量多得黎炒蛋嫩滑，麵包淡淡嘅墨汁味加埋黑松露嘅香氣好滿足！😋我地仲嗌咗炸雞脾配薯條🍟，新鮮炸起所以又熱又脆。炸雞脾都幾大隻，皮香肉嫩；薯條係茶餐廳常見嘅波浪薯條，脆得黎唔會太乾，點埋茄汁食係下午菜嘅止口痕之選。🍽下午茶餐包埋餐飲，加$5仲可以轉特飲，好抵！🍹今次試咗凍蜂蜜百香果茶同熱洛神花蜜，甜度啱啱好，飲落好清爽。呢間餐廳會係九龍城泰國菜以外嘅好選擇！🤪

行開九龍城，見到呢一間茶餐廳入去醫飽個肚先！叫左個海南雞飯 ，好大碟又多雞，雞肉夠新鮮嫩滑！海南雞汁都好正😋酸酸甜甜辣辣咁好開胃喔！油飯又大碗，一個午餐黎講好滿足🥰另外朋友叫左星洲炒米，好大碟又夠鍋氣！超足料喔！又多火腿、燒肉、洋蔥、紅淑、蝦仁！啖啖都是肉😋好正兩杯凍檸茶，熱熱地飲凍冰冰的飲品😋正喔 ！超濃味紅茶味🍵加埋檸檬飲好解渴！是日例湯，南瓜紅蘿蔔排骨湯，又濃又香😋正！估唔到例湯都咁有心思

泰式和中式茶餐廳混合的餐廳，一望個餐牌，午餐價錢全部$50或以下，仲要坐得好舒適，環境企理，食物質素高，真係好味又抵食！海南雞飯$50(午餐連飲品)擺碟好有茶餐廳風味，不過海南雞同個飯都係有質素嘅！海南雞啲肉接近起晒骨，得雞翼、雞翼尖同雞鎚係有骨，肉質唔錯，雞翼肉和骨一食就分開，煮得好冧身，啖啖肉！油飯用黃薑粉做個色，都有調味，唔會好油！熱百香果茶(午餐特飲加$5)味道好清新，唔會太甜一定會回頭再食☺️

大叔的浪漫 -- 家裡大叔當然不會跟著我去九龍城叫杯咖啡對對踫幸好九龍城還有很多地道餐館可選啊，各式越南泰國菜有，mix 埋港式茶餐廳的也有我吃泰國菜，大叔吃港式碟頭飯，大家都開心。-近巴士站／酒店的泰象館茶餐廳周末下午時份來人不算多，但性價比實在是高，各款港式即炒碟頭飯，有泰國咖哩越南牛肉粉也有。-豆腐火腩飯大叔叫的豆腐火腩飯，豆腐輕輕炸過先再與火腩同炒鑊氣夠不用多說，豆腐也外香口內夠嫰。樸實無華正好是形容這碟豆腐火腩飯，是男人都會愛。-泰式海南雞飯雞肉嫰不用多說吧～雞飯以黃羌雞湯及泰式香料煮過，啖啖香味加埋泰式辣醬超好下飯。-下午茶時間到就叫多客下午茶吧港式豬扒包配沙律麵包鬆軟佈滿芝麻，豬扒大大件炸得香口，也醃得好食。