泰象館茶餐廳

營業中

休息中

上次黎九龍城都無發現呢間餐廳，見到鋪頭名仲以為係食泰國菜，睇返門口的餐牌先知原來係主打港式食物，唔怪得知鋪頭設計似足舊式的冰室feel, 好似好特別咁就入左去食枱面上除咗有不同時段的餐牌外，店員仲會比一張手寫的餐牌我睇，係是日快餐，日日都唔同菜式泰式黄咖哩雞飯咖喱唔辣，好有香料味，薯仔好淋好入味，雞好嫩滑，飯同咖喱的份量好多，好足料上湯浸時蔬要均衡飲食，我就叫多個菜食，菜的份量好多，好滿足蜂蜜百香果茶好推介叫熱的蜂蜜百香果茶，好濃的百香果味配上蜂蜜，味道唔會單一，仲有少少蜂蜜嘅甜味

••上次到了九龍城吃「泰象館」，十分滿意其服務以及服務質素，因此到訪他家的茶餐廳。下午茶價格相宜，融合了泰式以及茶記的元素，而且味道有驚喜！⋯⋯⋯⋯⋯⋯⋯⋯⋯⋯⋯⋯⋯⋯⋯▫️越式生牛河$32 ▫️菊花薑蜜+$5以價格來說可謂相當不錯，牛肉片切薄，味道有鮮味，河粉滑溜不會太厚，而且湯底有越式風味！▫️黑松露炒蛋配墨汁包$40 ▫️百香果茶+$5賣相超吸引，忍不住多拍幾張！墨汁包鬆軟，炒蛋亦可嫩滑，黑松露味好突出。有沙律伴碟，有心思。▫️芝士碎蛋牛角包$35👍▫️洛神花蜜+$5這個真的要大推！店員特別推介的呢。雖然單看菜式好像有點普通。但味道有驚喜，牛角包充滿牛油香！蛋黃醬、雞蛋、芝士配搭得宜。🥐▫️炸蝦餅拼雞卷$28炸蝦餅，蝦漿爽彈，蝦味好濃！雞卷外皮金黃酥脆，配上泰式辣醬，泰國風味滿滿。

無人不知九龍城係食泰國菜既集中地，想食又想平食🥺，今次就比我冇意中搵到間新開茶記，原來佢係泰菜館既茶餐廳版😳，舊式港式茶餐廳裝潢☺️，都幾岩影復古風咖！佢主要提供港式食物，港式早午晚餐都有，當然泰菜都有喇😆，全部都係$50幾內，連小菜都係🔥真係勁抵食😍😵‍💫❗️-💕 海南雞飯 $50👅好味指數：8.5/10份量好多❗️ 海南雞佔半隻碟😂超抵食雞超嫩滑😍肉質彈牙😍皮爽肉嫩油飯色澤夠黃，略帶少許鹹味，雞湯味再濃啲就更岀色了☺️配埋醬汁酸酸辣辣，夠惹味❗️-💕 泰式黃咖喱雞飯 $45👅好味指數：9.5/10必食推介‼️青同黃咖喱之間糾結左好耐😂最後因為決定想沾蒜蓉包就要黃😆真係冇簡錯😚黃咖喱勁重椰香味😍味道勁濃郁，醬汁稠度剛好，唔會過稀過稠🥰雞份量都好多☺️同海南雞一樣嫩滑彈牙，仲充滿咖喱香🥺配料薯仔都一樣腍哂入哂味，冇可挑剔‼️❤️-💕 炸蝦餅拼雞卷 $28👅好味指數：8/10炸蝦餅有兩件，雞有4件，抵食到😵‍💫炸得好香脆，蝦餅味道有啲似炸蟹鉗😳兩個都炸得唔油膩，粉唔厚，好乾脆👍🏻-💕 蒜蓉包 $24👅好味指數：9/10必食推介二‼️係啲商場內既泰國店叫蒜蓉包超碼$40🥲依到平民價$24就有4塊，而且仲要好食

有日經過九龍城，見到泰象館茶餐廳，熟口熟面咁，原來係泰象館嘅茶餐廳😆見到門外餐牌有泰式、又有港式快餐，咁多選擇，諗都唔諗就入去食啦！**********鑊氣干炒牛河🐮（$48）🌟推介🌟真係超夠鑊氣！廚師即叫即炒！食炒粉麵最怕食到尾見到隻碟好多油，但係呢碟干牛河一啲都唔油膩，鹹度剛剛好，夠色水之餘唔會死鹹👍🏻牛肉份量唔少，而且每片牛肉都大大片仲有唔少芽菜，食哂成碟炒粉都唔覺得漏**********快餐 - 蜜椒豬扒飯🐷（$48）🌟推介🌟蜜椒雞翼就食得多…蜜椒豬扒就第一次食，估唔到都幾夾先炸豬扒，再加入蜜糖同黑椒兜亂，蜜糖薄薄咁包住炸豬扒，唔會太甜，但又食到黑椒嘅微辛🌶不錯-🧾快餐每日有幾款，仲日日唔同款，包飲品，唔驚食到悶呀😆**********小菜 - 八珍豆腐（$54）八珍豆腐嘅材料可能唔同地方會有唔同…呢度嘅八珍豆腐有：豆腐、蝦仁🦐、叉燒、火腩、雞柳、粟米芯🌽、菇🍄等等話明係豆腐做主菜，豆腐當然係好滑，加埋其他配料，非常豐富😆呢個價錢超抵食**********蜂蜜百香果茶🍯（跟餐+$5）🌟推介🌟大大杯特飲，蜂蜜百香果酸酸甜甜，好開胃，仲有清腸消脂功效😉

自從搬入九龍城之後，發現區內其實除了泰國菜之外，還有很多不同類型的餐廳，所以便以九龍城為主題，介紹不同類型的的食肆，歡迎關注，以便獲得最新九龍城飲食資訊。泰象館是個人最喜歡的泰國菜館之一，最近路過發覺這裡開了一間新的茶餐廳，今天下午便來到一試。乾炒牛河$48，沒有過多的油，鑊氣足夠，河粉亦都爽口嫩滑，如果牛肉再鮮嫩一點更好。銀芽肉絲炒麵$48，炒麵香脆中帶點彈牙，味道亦都正宗。西芹雞柳$50，雞柳的份量比西芹還要多，果然抵食。凍鴛鴦另加$2，份量非常之大，茶味比咖啡稍為多一點。

第一次搭港鐵🚇去宋王臺站搵朋友，朋友跟住有嘢做要食個快飯，就帶左我去一間新開嘅「泰象館茶餐廳」。原來呢間係隔離街泰象館新開嘅茶餐廳版，主要售賣港式食品。茶餐廳門口招牌好光鮮，裏面裝修好簡潔好乾淨，價錢仲要非常抵🥢泰式海南雞飯 $50～ 最愛食海南雞飯😍海南雞肉厚有雞味，雞皮比較薄，雞油脂肪不多 。油飯色澤夠黃，散發著淡淡油香味，令人食指大動。醬汁是泰式辣椒醬，令雞肉更惹味。而蘸上醬汁後的雞肉，再食一口油飯，簡直是完美組合😚🥢羅漢齋炒麵 $48～ 炒麵好夠鑊氣，配料非常豐富，有草菇、粟米芯、木耳、草菇、枝竹、白菜仔……炒麵炒得好香脆，入口脆卜卜，非常香口。重點係炒得一啲都唔油膩，絕對係素食或者追求健康嘅人士一個好選擇💯🥢韭黃蝦仁炒蛋 $52～ 係我做小朋友嘅時候最鍾意食嘅一道菜🥳韭黃蝦仁炒蛋一上枱出晒煙，熱辣辣，炒蛋外面香，裡面嫩😋蝦仁🍤新鮮彈牙，再加上韭黃提味，我一個人都幾乎食得晒😆☕️ 熱奶茶 / 熱檸水～ 跟餐免費🆓奶茶入口順滑，檸水解膩解渴📍泰象館茶餐廳 (九龍城)九龍城衙前圍道34號地舖

和朋友在九龍城買完嘢已兩點幾，好肚餓。見到這間新餐廳。泰象館明明是九龍城好出名的泰國餐廳，怎麼變成茶餐廳了？原來是泰象館的茶餐廳版。新餐廳新裝修，明亮雅潔。牆上裝飾雖是泰式，餐牌上卻是以港式食物為主。早、午、下午茶餐，炒粉麵飯和小菜都有，而且價錢相當貼地。我們兩個人食咗3個餐，都只是一百五十多元。（下午茶餐）黑松露炒蛋配墨汁包（$40）+ 凍百香果蜜（+$5）（小菜餐）八珍豆腐（$54）+ 熱奶茶（+$0）（飯麵餐）乾炒牛河（$48）+ 凍檸樂（+$5）黑松露炒蛋配墨汁包無論賣相和味道都高質，墨汁包鬆軟，炒蛋嫩滑，加埋個黑松露醬和伴碟的沙律，還以為自己來了高級餐廳。八珍豆腐數一數：豆腐、燒肉、叉燒、雞柳、蝦仁、帶子仔、魷魚、草菇，8樣齊全，色香味俱全。由於有海鮮，味道鮮甜，好味到食到最後的小粒魷魚和帶子仔都不放過，要逐粒夾起放入口。乾炒牛河夠曬鑊氣。河粉有口感，完整不碎，上色均勻；蔥段、韮黃、芽菜和洋蔥爽脆。而且碟底無油！贊！凍百香果蜜又大杯又夠濃，好好飲。

香港其中一個好有特色嘅地方就一定係九龍城或者而家嘅宋王臺站， 點解呢？🫢因為相信第一眼見到嘅就係林林總總各式各樣嘅泰式店，尤其是係餐廳數量方面更加係冠絕全港，真係稱為小曼谷的確係非常貼切。 😆既然有咁多泰式店，咁由邊度開始好呢？ 咁就不如由最新開嘅開始啦。 搵吓資料就搵到太像館茶餐廳呢一間算係比較新開，而且從個招牌度都可以見到一貫嘅泰國大象招牌🙌🏻海南雞飯— 相信呢一個食物就係一道普遍流行於東南亞特色嘅菜餚，喺馬來西亞、新加坡、泰國都可見到海南雞飯的蹤跡。🫴🏻但即使喺唔同類型嘅餐廳所食到嘅海南雞飯的確係如出一轍，除咗而家比較時興嘅無骨海南雞之外，更重要當然就係特色嘅油飯。 🍚海南雞最緊要就係夠滑夠嫩，如果唔係就同白切雞冇乜分別啦。 重播雞皮嗰度大約可以見到晶瑩剔透同埋新鮮嘅顏色，咁就可以放心裏面嘅絕對係鮮嫩多汁嘅正宗海南雞。 🐤再配上一啖啱啱煲好咗嘅油飯， 絕對係零舍香。😋泰式黃咖喱雞飯— 泰國嘅咖喱除咗有黃咖喱之外仲有青咖喱同埋紅咖喱，🍛咁但係泰式嘅黃咖喱同香港茶記所接觸到嘅黃咖喱又有咩分別呢？ 就係多出一份辣味，同埋對於椰奶嘅運用亦都有一啲唔同， 🥛泰式菜對香料嘅運用都會多啲所以辣

#泰象館茶餐廳九龍城滿街滿巷都係泰國餐廳，老公想食港式碟頭飯，而我又鍾意泰式咖哩，要兩全其美，我哋揀咗呢間泰菜館嘅茶餐廳版！泰式裝修，餐牌上有泰式嘢食，亦提供港式食物。豆腐火腩飯($48)係男人嘅浪漫！老公叫咗呢個午市套餐，再追加$5，飲清涼有勁嘅泰式青檸梳打。切件燒腩肉都幾多，肥瘦適中，又飯又雜菜，抵食又飽肚。今日嘅午餐推介裏面，有泰式黃咖喱飯($45)，可以配牛、魚、雞。黃咖喱濃稠度適中，帶些少椰香，味道唔辣，加埋切件薯仔一齊撈飯食，好正！午餐包熱飲一杯，原本以為可以飲到泰式奶茶，點知係港式，略嫌有啲美中不足⋯地址：九龍城衙前圍道34號地下

宋皇臺站開左之後, 黎九龍城揾食真係方便好多, 今日行經li間”泰象館”茶餐廳, 睇menu好有泰國🇹🇭特色亦都有好多款港式茶餐廳名物食, 而且地方好新, 坐低食個lunch先.•葱油雞扒煎蛋飯Li度嘅lunch除左枱面menu選擇之外, 每日都有幾款唔同菜式揀. 話明食茶餐廳我地梗係食d好signature嘅😋, 首先要like嘅係碟飯份量十足, 雞扒上鋪滿好香嘅葱油, 雞肉煎得一d都唔乾夠哂juicy, 太陽蛋汁x葱油x鼓油送飯好味.•銀芽肉絲炒麵平時食肉C炒麵都預左會一碟油, 估唔到li碟炒麵竟然無油淋淋嘅情況出現, 而且味道啱啱好唔係坊間普遍重鹹味, 小鹽小油但同時keep到鑊氣同好味就係我杯茶🤤. 炒麵卜卜脆夠乾身👍, 個芡濃稠適中, 啖啖都有肉C芽菜韭菜蘑菇非常足料, 推介!•凍奶茶, 熱華田另一個亮點就係店家嘅凍飲係真正嘅大杯呀! 奶茶夠哂正宗港式茶餐廳味道, 而且好抵食, 人均50蚊都唔使呢👍.

去得九龍城多數都係食泰菜🥻，不過我今日目的係買泰國香料預備晚餐用，中午當然想食其它好嘢😜。路經見到呢間新餐廳，泰國名字但售賣港式食物，既然係新開當然要入去試試🤔。門口招牌光鮮，舖面用料選擇咗玻璃🏠🪟，透光度十足，裝修簡潔感覺高尚🉐️。落單後等食物其間，同店舖職員閒聊，先知原來呢度係隔離街我成日幫襯開泰象館嘅茶餐廳版😮，即時感覺好親切🫂。💎 鍋氣乾炒牛河人如其名，鑊氣好足夠，足夠到條河粉食落係脆口。牛肉大件得嚟厚薄適中，配菜一啲都唔懶，芽菜，韮菜頭，韮黃，洋蔥炒得剛剛好，食落仲脆口，河粉上色均勻。另外最抵讚係食完一啲都唔覺得油膩。💎 咸蛋蒸肉餅配飯呢個係快餐，肉餅肥瘦合乎黃金比例，肉質嫩滑，攤在碟上厚薄適中亦唔鬆散，口感彈牙，送飯一流。💎 京都豬扒豬扒嫩滑軟腍腍，啖啖肉，洋蔥煮過後焦糖化，口感清甜。添加菠蘿後味道層次更豐富，茨汁甜酸度適中，濃度剛剛好。棄用排骨改用豬扒係重本之作。人均消費💰 ： ＄ 78總結✍ ： 小炒出色，價錢偏略平，制作唔馬虎。出色的港式茶餐廳。NatNat評分💎💎💎💎➕️0️⃣▪️5️⃣💎(5💎為最高)

去九龍城梗係食泰國菜啦，而家疫情，好多間菜館都冇開，lunch 簡簡單單都食唔到，咁啱見到一間新嘅泰象館，以為搬咗，原來係分店嚟，仲係茶餐廳格局，價錢又抵，就入去試試啦。午餐都有泰式選擇，叫咗個青咖喱雞同埋泰式肉碎煎蛋飯。青咖喱見圖都知道對板，味道同總店一樣味道，但係呢度就幾十蚊搞掂，青咖喱香料味同椰汁味十足，加埋雞肉同埋青豆角，成碟飯比我食晒。另外嗰個肉碎煎蛋飯都好惹味，香香辣辣咁但係就嫌啲肉碎唔夠，lunch跟餐仲有飲品凍飲都係加兩蚊。成餐飯$100都唔使👍🏻