泰象館

營業中

休息中

呢間充滿地道泰國風味嘅泰國菜已經唔係第一次嚟，每次過嚟九龍城一定會食🥰呢度地方雖然唔係太大，但係都坐得舒適，店員服務好好，食物選擇多而且好好食❤️🌟 串燒串燒有六串，有晒雞牛豬👍🏻好香好juicy，肉質好鮮嫩，配合埋秘製沙嗲醬汁好惹味🫶🌟 飛天通菜好新鮮嘅通菜，炒得好夠鑊氣，辣辣地好惹味👍🏻🌟 炸蝦餅份量好多，蝦餅炸得香脆，口感彈牙啖啖肉，配埋泰式辣醬好好味😋🌟 泰式乾炒牛河份量好多大大碟，牛肉亦都好鮮嫩好入味，寬河粉以醬油和魚露等烹調，很有鑊氣。.

小泰國嘅泰國野不嬲都好出名但就唔係間間都咁多人排除呢度我都大約排咗15分鐘先有得食菠蘿沙冰就飲得多加咗金不換嘅真係第一次飲滿滿香草味唔會好甜好有泰式風情咖哩炒蜆個醬呈奶白色用左大量椰奶一睇就知好香濃食完留返個汁點其他野一樣甘正菠蘿炒飯肉鬆、提子乾、腰果、蝦仔真係少甘一樣都唔得菠蘿出奇地鮮味仲食到有蠟腸加入少少香港元素串燒可選豬牛羊豬我覺得係最好食表皮脆入面多汁牛肉有香茅味蒜蓉炒芥蘭好有菜味條條炒得好爽身

九龍城有好多泰國餐廳，所以有「小泰國」之稱。今日同朋友黎試其中一間叫「泰象館」嘅泰國餐廳。❤️泰式炒什菜用左蒜蓉炒，好香口～😋有菜心，紅蘿蔔，椰菜、秀珍菇等等，好豐富呀～👏🏻😆❤️原隻菠蘿海鮮炒飯一上枱不禁「嘩」左聲，因為d飯堆到成座山咁高，飯份量超多😱！有菠蘿🍍、蝦🍤、腰果、臘腸、洋蔥🧅、肉鬆、蛋花、三色豆等，口感十分豐富，滿足感爆燈！😆👍🏻❤️明爐青檸蒸烏頭魚用火烘住夠晒熱，重落左芫茜🌿、青檸🍋‍🟩等配料，酸中帶微辣，十分開胃🤤！條魚都幾大條，啖啖肉好正😋👍🏻！魚下面還有大量椰菜，食魚同菜感覺好健康👍🏻。

呢間隱世泰國小店。裝修地道。店員服務好好。上菜速度理想。食物味道好好地道泰國風味😃👍👍👍1)牛肉，雞肉及豬肉串燒好香，好juicy，肉質好鮮嫩入味😌👍🏻再完美配合埋秘製沙嗲醬汁。超級惹味😋👍👍2）燒雞全翼燒得好香。好有特色，好有泰國風味。唔係度度都食到👍🏻2）蒜蓉炒小椰菜小椰菜碧綠爽脆，亦都炒得好入味。好惹味😋3）泰式濕炒河配料充足。河粉掛滿醬汁。好美味。整體配合得好好👍🏻😋5）鹹檸七飲完透心涼。大大杯好抵飲👍🏻6）芒果鴛鴦糯米飯巧手甜品，芒果清甜好味😋紫糯米＆白糯米飯香滑軟糯🤗👍🏻👍🏻👍🏻Menu仲有好多唔同嘅main course & 甜品選擇。好有特色。老朋友聚會傾偈享受美食😋暢所欲言好地方。

朋友想食泰國菜。九龍城就有好多選擇，今次揀咗「泰象館」自從屯馬線開通之後，係宋皇臺B3出口，步行大約4分鐘，十分方便。店舖空間唔算大，裝修簡潔。泰籍廚師主理，店員大多數係泰國人，但都識得講廣東話。午市套餐，價錢係$44至$53，仲包埋嘢飲，套餐超過20款，有不同種類嘅飯/麵，價錢十分經濟實惠。我揀咗泰式菠蘿炒飯$47，材料豐富，有新鮮菠蘿、臘腸、洋蔥、雞肉、雞蛋、粟米粒、紅蘿蔔粒和青豆，米飯炒到好乾身，有鑊氣。飲品叫咗泰式黑咖啡（免費）黑咖啡味道香濃，叫咗小甜，飲完好有滿足感。朋友揀咗燒豬頸肉金邊粉$44，湯底濃郁，豬頸肉燒得香脆，厚肉爽口。呢度嘅金邊粉彈牙又掛汁，份量都好多，用料十足。飲品叫咗蜂蜜百香果茶($5）雖然已入秋，但天氣非常熱，要一杯蜂蜜百香果茶滋潤解渴。朋友想食明爐青檸蒸烏頭魚$148，上面鋪滿各種泰式香料。明爐可以熱住條魚，保持溫度，魚肉煮咗咁耐，仲係好嫩滑。湯底好開胃，酸中帶微辣，食得滋味。最後叫咗甜品芒果糯米飯$60，熱辣辣嘅黑白糯米飯，吃起來軟糯。芒果味道香甜，配上香濃嘅椰漿，簡直係絕配。📍泰象館🏠九龍城城南道48號地舖

泰式炒金邊粉 ผัดไทยPad Thai $68 - 金邊粉炒得乾爽唔油膩，冇花生🥜碎，芽菜同蛋絲炒得均勻，味道方面唔錯呀燒豬頸肉沙律 น้ำตกคอหมูย่างGrilled Pork Neck Salad $79 - 沙律甜酸辣很清新，豬頸肉軟淋唔鞋口芒果糯米飯 ข้าวเหนียวมะม่วงSticky Rice with Mango $60 - 芒果🥭很甜，濃濃嘅椰汁配黑糯米同白糯米飯🍚，又香又有不同口感，唔怕濟添～龍眼冰 น้ำลำไยIced Logan Juice $26 - 勁多龍眼肉，有成半杯咁多😱，走冰都唔會太甜

次次來九龍城都會食泰國菜，呢次來仲未試過嘅泰象館。海鮮冬陰功：好適合我嘅重口，我覺得係食過嘅冬陰功中最濃鬱嘅一次！好感動啊酸辣十足，湯底有層次，用料好新鮮，個蝦身都幾大，好彈牙，好適合呢個熱辣辣嘅夏天，十分開胃。好開心第一道就好滿足，完全激發出我嘅食欲！串燒三拼：有三款肉，豬牛雞，串串都好厚肉，焦香嫩滑，配合個花生沙爹醬，甜甜地，十分好味！ 芒果糯米飯：第一次食加咗紫米嘅芒果糯米飯，好Q彈，芒果新鮮甘甜，芒果味濃鬱，配埋香味十足嘅椰汁，用來收尾十分滿足

九龍城特別多泰國菜館，今天到訪了🐘泰象館！🐔燒雞全翼：皮脆肉滑，燒烤味道不錯！若調味上加強一些，味道會更豐富🐟明爐青檸蒸烏頭：烏頭魚用明爐蒸煮，搭配青檸的清新酸味，魚肉鮮嫩多汁少辣🦀南瓜咖喱軟殼蟹配薄餅：結合了南瓜和咖喱的風味，軟殼蟹炸得酥脆，搭配濃郁的咖喱汁，味道特別；薄餅口感較薄且酥脆，不錯總體而言，餐廳位於城南道，目測是一間人氣較旺的泰國餐廳。價錢合理，座位亦寬敞，用餐時間大約90分鐘，晚飯時間還是預約較好！😉🌟食評指數：7.5/10💁🏻‍♀️人均消費～HKD200🗺️ 地址：九龍城城南道48號（港鐵宋王臺站B3出口）#kcfood #kcjollyfoodie #JKHK

睇到咁多人贊唸住去試下，點知伏到暈🫠個酸辣木瓜絲完全腥到暈！從未試過咁嘅味道！問個老闆點解咁，個老闆好似唔想同你講嘢咁！態度好差！個問題係完全無服務仲要收服務！真係唔會再食！完全浪費錢！

沒胃口的時候，✨這家泰國菜物廉價美。泰式獨特的酸辣菜式，即使在夏天都可以開胃，😙同friend晚餐大飽口福。酸辣海鮮粉絲沙律，🥗開胃可口，中意粉絲吸收了酸辣汁，非常惹味，爽口的🦑魷魚夠新鮮，搭配白飯可以吃三大碗。蛋包鮮蝦金邊粉，🍜這個賣相好靚，金邊粉的分量都幾多，而且有大大隻，🦐爽口的鮮蝦，泰國餐廳都會有的日常，👍🏻這家做得還可以！串燒三拼，豬牛雞，🍢有配上汁，鹹甜可口，肉汁鮮美。

🇹🇭🥢🥣重口味人氣泰國菜▫️設加一服務費☑️蛋包鮮蝦金邊粉 - $76呢個好大碟，蛋皮好靚，又薄又脆，而入面嘅金邊粉炒得好有鑊氣，調味剛好，十分開胃，有3隻蝦，但有d雪味，仲有啲豆腐乾，芽菜，蛋絲。☑️冬蔭公(小)呢個係我飲過最重味嘅冬陰功湯，酸辣十足，有一隻開邊大蝦、蕃茄仔、菇菌同埋香茅。好好味但飲完夜晚好口渴。☑️咖喱炒大蜆 -$158大蜆大約有10隻左右，啲蜆肉都幾新鮮，配料有洋蔥、蕃茄仔及三色椒，咖喱汁份量多，充滿蛋花及椰香，但略嫌咖喱味唔係好夠濃。☑️豬頸肉炒椰菜苗-$76平時成日都會叫通菜，所以今次試吓要炒椰菜苗，佢唔係圓形，反而好似一棵細嘅生菜咁但係比較硬，不過個汁煮得好味，令到啲菜都好入味。豬頸肉脆口，而且份量唔少。

今日來到九龍城，當然要食泰國菜啦，呢間係openrice評分好高，裏面都坐滿人，外面都已經排緊長龍，所以我地都攞飛仔再望menu。我地一邊等都聞到好香泰國菜味道！ 等左大概10分鐘就有位，裏面冷氣好夠凍，係呢個熱熱濕濕嘅天氣真係好爽！ 呢到落單係寫紙仔，十足十泰國d地道餐廳。我地叫左幾樣嘢都好好食！次次我來泰國餐館我都會想食炸皮蛋球，呢間個d炸得好好，表面金黃，蝦滑彈牙，份量仲要好大碟，配埋泰式甜辣醬食真係勁開心！另外都要左個必點嘅細冬蔭功。呢到嘅冬蔭功好夠味，蝦肉湯底好濃郁，然後辣度有後勁，正啊！之後就叫埋個泰式濕炒牛河同蒜蓉炒椰菜苗。兩個都好好食，超水準，就係地道泰國菜的味道！另外必須讚下店員都好細心，知道檯面位置不多，都會給袋子勾方便掛包包！

泰象館🇹🇭九龍城咁多間泰國餐廳真係花多眼亂，今次經朋友介紹咗一間抵食性價比高，而且又好味道嘅俾我，趁住星期五happy Friday終於約到朋友一齊去食啦！😆😆海南雞🐔（半隻）$85海南雞既肉整得好嫩滑，半隻嘅份量都唔少㗎，兩至三個人食夠晒！🫶🏻冬陰功（細）🦐$82呢個冬陰功味道偏鹹一啲，但係都幾有驚喜，通常冬陰功湯入面嘅蝦都係唔係咁新鮮，呢度嘅冬陰功湯蝦肉爽口彈牙，值得一讚！👍🏻👍🏻黃咖喱雞 🐔$78 + 薄餅🫓$27佢哋嘅咖喱帶有蔬菜嘅甜味，而且做得唔算太油膩味道唔錯，叫得咖喱就當然要配薄餅食啦！椰汁冰🥥$26佢哋嘅椰子冰比一般餐廳嘅椰子冰濃郁好多，值得推薦！🥰

九龍城出名食乜？泰國菜！泰國菜隔一條街就會見到一二間，逐間試新總會找到新鮮感～這間也帶給我點驚喜～先點小食拼盤，有炸蝦餅、炸魚餅、炸春卷、炸雞卷，厚炸蝦餅、炸春卷是我最喜歡的炸物～肉很厚實彈牙，也不會炸得太乾，配泰式甜醬更加惹味～青咖喱牛肉 再單點一碗白飯。自帶一點梛香味的青咖喱，澆點咖哩汁落飯拌一拌，這味道絕了！青咖哩是帶一點點甜度及辣度的，和牛肉搭配起來很惹味。內有瓜菜、紅椒、豆角及香葉等配料～泰式乾炒海鮮河，推介！ 用了多款海鮮，有魷魚、蝦、蠔，及配菜等炒埋一碟，熱辣辣上枱，惹味又足料，性價比好高～三碟加埋剛剛好$300，泰國菜來說性價比高～ 來宋皇臺可以一試！

之前見到網上對宜間餐廳評論幾好 今日特登黎試試佢 。果然性價比幾高 價錢吾會太貴 份量好大 味道又好 。雖然餐廳環境比較逼 不過大部分九龍城泰國餐廳都係偏細間。建議8點半後黎食 比較小人等位。 🤫🍢串燒三拼 （豬/牛/雞）（6串）$85串燒覺得係必叫 好多枱都有叫。肉質好又吾會燒到好乾 再加埋花生醬汁 一流👍🏻👍🏻 但醬汁比較小吾夠沾🥭青芒沙律 $63 青芒沙律原來比想像中好食 酸酸地又少少辣 好開胃 堅好食 又大份 覺得比平時食開嘅柚子沙律更好食⭐️🥖蒜蓉包 $27蒜蓉包都幾香 又脆口 仲可以用黎沾咖哩食🍛青咖喱 （豬/牛/雞）$ 78我地今次叫左牛 牛肉質普通 但青咖喱好食 佢係比較偏甜 我地仲特登叫白飯 好餸飯👍🏻🥗泰東生菜包 （豬/牛/雞）$79佢生菜包份量係好大 豬肉碎好香帶小小辣 包住生菜食又會幾清爽 🥙🍝蛋包鮮蝦金邊粉 $76 金邊粉賣相吸引 一樣份量足 炒得算乾身 味道正常 但不會特別驚喜。🤔