泰贊- 創意泰餐廳 (已結業)

一班姊妹行完街上左美麗華廣場食dinner，好彩book左檯，唔係又要等位。So Thai So Good，聽到間餐廳名就知食泰國菜，不過呢處係食fusion多。餐廳環境都寬敞，坐得舒服。menu 上嘅價錢唔算貴，dinner 呢個價錢可以接受。菠蘿炒飯伴燒雞 $95 開頭以為係用菠蘿殻上，菠蘿炒飯炒得香口，燒雞滑。脆炸南瓜粟米餅配芫茜蛋黃醬 $65 平時唔係太喜好南瓜，不過呢個南瓜粟米餅真係炸到脆卜卜，配埋蛋黃醬，好邪惡。炸素菜春卷 $65 夾埋生菜，泰式醬食更佳。烤豬手配泰式芥辣及辣汁 $195 烤豬手唔算太乾，豬皮好脆，個人喜好唔點醬。如有酸菜更開胃，可惜無。泰式脆炸蒜辣雞翼 $65 蒜香雞翼係1開2，有少少辣，都幾惹味。香蒜炒四季豆 $60 本身想叫芥蘭，但果晚冇哂lu，味道一般。餐廳菜式混合西餐，泰菜，喜歡fusion嘅朋友可以試下。

同6個同事一齊食lunch 又唔想迫茶記 上美麗華睇下就見到呢間野試一試 下午都多人食lunch 不過都坐唔爆 地方都算大坐位唔迫我地6個人佢安排左一張圓枱 一開始見到圓枱都會覺得會唔會好迫但又唔會 好鬆動 下午係 1主食＋1前菜＋飲品煙三文魚沙律沙嗲豬肉雞肉串燒 （前菜泥講我覺得呢個係最抵同最好食）蕃茄水牛芝士沙律蕃茄都新鮮 加上水牛芝士 幾好食 一人前菜都唔算馬虎蕃茄墨魚汁意粉唔會淨係得顏色而冇咩味 雖然冇墨汁既味 不過佢都調到個意粉好好食墨魚圈好爽口冬陰公海鮮湯面不過不失 不太特別 冬陰公味不算濃郁同事都仲有嗌海南雞飯同漢堡但因為呢2個都太遲到 所以影唔切相海南雞飯都好味 雞是滑的 而且醬汁調得好根味 很值得一試香港已經好少有好吃但不貴的海南雞飯了芒果拿破菕這個建議一試 好好味 拿破菕好脆 芒果不酸4人吃一人一片剛好 因為一切便會碎 最好一塊食雪糕都不馬虎 好濃的牛奶味  好好食 對比出面的甜品店一個都70－80蚊呢個一d都唔貴 仲值回票價！！！！

放假先嚟落雨， 唯有去商場行街街, 喺the one睇完戲, 過咗隔籬美麗華商場搵嘢食天氣唔好,想食番啲酸酸辣辣嘅嘢, 最後揀咗so thai so good今次叫咗四樣嘢,荔枝玫瑰特飲-- 濃沃嘅玫瑰花香， 加上荔枝嘅清甜， 即刻令心情靚番曬冬陰功海鮮意大利粉-- 配搭得非常之好。 醬汁完全可以掛喺意大利粉， 每啖都充滿著冬陰功湯味。 意粉彈牙爽口， 配上鮮甜嘅車厘茄， 令到整碟意粉嘅味道升華。烤雞菠蘿炒飯--- 有點可惜的是 烤雞係雞胸同埋雞翼， 如果可以有雞髀就好啦味道方面烤雞醃得好入味， 而且菠蘿炒飯有好多配料。軟殼蟹米紙卷---- 相對係比較失色的， 軟殼蟹子有丁點點那麼多。 值得稱讚嘅係米紙卷嘅外皮十分煙韌。

週末到美麗華, 下午茶時間剛好饑腸轆轆, 附近熟悉的餐廳唔多除咗"馬莎", 但又唔係好想食雪櫃三文治, 隨意地走進這間泰菜館, 下午茶餐在55 至65蚊之間(另收加一),亦有整個架上的tea set $188 當日只試咗下午茶餐的太陽蛋泰式炒飯, 飯多是甜而少辣, 炒得好鬼香, 整碟賣相幾吸引人, 另一個水牛芝士,蕃茄香草薄餅就一般吧,座位寬闊在呢區來講取價算公道,

行完街搵飯食， 見呢間唔算太貴可以試下Homemade Caesar Salad with Smoked Salmon $70菜好FRESH， 同埋D汁唔會太多我鍾意唯獨SMOKED SALMON 得3塊好似少咗DFried Rice with Roast Chicken and Pineapple $95雞肉兩舊連埋雞髀位好有誠意XD飯配料好多， 好食睇落以為好細碗但其實份量都好足下OVERALL唔算貴同埋係好味又食得飽嘅

主打地道必叫的泰式豬頸肉，呢個就真係好好食啦！再配上酸辣的泰國醬汁，口感一流，我認為選取較少肥肉的頸肉對於我們一眾愛瘦的女生非常重要，剛好我這個不太肥膩。泰式春卷？越南春卷？感覺不錯👍🏼粉絲配蔬菜🥬再加點肉質點綴，連米紙卷在一起。清新又健康！小食拼盤，雖然非常熱氣油膩，但加一杯泰國大象啤酒是最好的聊天方法，非常地道，可惜泰國啤酒我自己想像出來的，最後點了一個椰汁雞湯。冬陰公肉碎炒金邊粉，這個是基本要點的主菜，火辣的感覺，吃辣的朋友可以點，感覺上炒金邊粉比炒河粉沒有咁肥，好像金邊粉是泰國獨有的東西。

差不多每次來美麗華食野都會揀呢間so Thai so good😹一來都算方便二來環境舒適，食物方面都不錯，價錢又合理。海鮮炒飯😋好多青口，飯粒分明，唔會太濕，唔錯。👍🏻

中午時間在尖沙咀覓食，看見美麗華這間餐廳有午餐，就和同事一起去試一試。午市套餐大部份都是$78，包括一款小食、一個主食、一杯飲品。如果外賣自取的話價錢更便宜，只需要$60 就可以有一款主食及飲品。串燒（雞和牛）串燒的味道不錯，不會乾爭爭，而且上面的醬汁好吃，有香噴噴的花生味。另外，主食點了一款三色椒煮魚柳，醬汁酸酸甜甜的，下飯一流。而且魚柳的肉質不會過於軟，外層鬆脆，不會被醬汁軟化了外層。其他同事們也選擇了墨汁意粉、撈檬，評價一致不錯，值得再來吃。

呢間泰式fusion餐廳系尖沙咀美麗華商場1樓的，地點好就腳，一出地鐵站行幾分鍾就到打開menu，無論系小食、沙律、主食定肉類都好多選擇，好多菜式仲附圖tim，可以跟住圖點菜。<蝦醬炒飯併大蝦$115> (評分:3.5/5)炒飯粒粒分明炒得好均勻，不過蝦醬味唔太出，失左分大蝦🍤煎得幾香口，肉質鮮嫩，不過得一隻唔系好夠喉😫😫樽仔奶茶改行做袋仔奶茶，系泰國的味道呀冰冰凍凍唔會太甜，食左咁多肥膩野飲d冰野中和下陣味真心唔錯<馬拉盞炒通菜$ > (評分：4/5）食泰菜必叫馬拉盞，馬拉盞最忌死咸，so thai 呢碟馬拉盞炒得好香，味道岩岩好，唔會太油或者太咸，推<沙嗲雞串$70> (評分:3/5)一碟得四小串，份量偏細，唔抵食雞串肉質唔算好滑，但系配上泰式醬汁，幾惹味he<冬陰公海鮮簿餅 $125> (評分:4.5/5)本身都擔心冬陰公口味配落薄節到會不倫不類，點知個pizza出乎意料地好夾好好味，睇相都feel 到有幾邪惡Pizza 面鋪滿芝士，配上菇仔、蕃茄、菠蘿、紅青椒同埋蜆仔魷魚再配埋酸酸甜甜的sauce，系焗爐焗到微燶，

幾年前泥過兩次，水準都唔錯，今晚再泥。餐牌今次冇影，因為實在厚過字典。首先送上既係奶茶，造型方面好似係街邊檔買甘夠冰凍，有泰味（係泰國飲過奶茶就明）唔錯。甜味、奶味、茶味再重多dd就好接近泰國風味。整份沙律份量係一碗飯多d，魷魚幾冧，炸粉厚，唔夠脆同重口味。柚子甜甜酸酸又苦苦地，調味剛好，好少辣，柚子唔會雪到硬配料仲有白芝麻魚干同花生粒，又咸又脆，令沙律口感同味道更加豐富😋冇冬蔭功味，但有西炒飯味，其實都ok，不過唔太對辦。海鮮方面有大蝦、青口、蜆等，都算足料。一大舊咸豬手，外層炸到脆卜卜，肉質一絲絲既，嫩炒飯重口味，少辣，好香如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

今天到美麗華商場吃午餐，路經這家泰菜餐廳。見到午餐定價唔高，定價$78或$108，而且有八款選擇，包頭盤或湯、主菜及餐飲，實在幾吸引，立刻入內試試看。裝廳的裝潢時尚，空氣十分寬敞，而且有一邊大型窗戶透進陽光，感覺舒適。野菌忌廉湯：這忌廉湯真是好正！磨茹味道超濃，口感creamy, 在幼滑當中又感受到磨菇的存在，而且湯的稠度剛剛好，稍稍厚身，喝罷十分滿足。沙爹串燒（豬和雞）這豬串燒和雞串小小一串，焼烤得唔乾身，帶一點點沙爹風味，一點也不辣，作為小食也頗為合適椰青青口這靑口真好吃！青口肉質軟滑，最正的是那椰青醬汁。既有椰香又奶滑，味道鮮美，配青口一流。唯份量就只有兩隻，有點意猶未盡。泰菜素菜金邊粉$78本來以為素菜金邊粉的味道會寡薄，但原來有驚喜！金邊粉雖然只有素菜，但鑊氣十足，炒得乾中帶濕，味道酸中帶甜，十分惹味。傳統海南雞配雞油飯$78海南雞選用雞腿及雞胸部分，而且全部已經去骨，啖啖肉。雞皮和雞肉十分嫩滑，而且雞肉頗有雞味，皮下亦沒有太多多餘脂肪，實在恰意。分別沾上泰式辣汁和薑蓉，頗為滋味。雞油飯粒粒分明，而且入口甘香，沒有過於油膩，以$78 不錯吧！扎肉蝦撈檬粉$78撈檬口感清爽，蝦

我個人愛辣，所以泰國菜也是我的大愛。吃過So ThaiSo Good挺贊，寫一下。【環境】店內環境很小資氣息，藍白色調，簡潔小清新。【菜品】泰贊主打西泰菜，大廚威哥對各國菜式的味道掌握得很好，每道菜都準確地混搭西餐和泰國風味。1.金柚沙律配酥魷魚HKD60 /份，是招牌菜中的招牌菜。2.泰系的沙拉有魷魚圈〜小銀魚〜腰果〜還加了柚子提味，連小朋友都特別愛吃。3.冬陰功意麵以冬陰功做汁煮意大利面，口味偏甜，酸辣風味卻讓人眼前一亮。【服務】這家餐廳最特別的是在檯面設置了插頭，滿足後生仔女，邊吃飯邊充電的需求。【性價比】性價比超高的高茶聖地，每人HKD120，兩人吃絕對妥妥的。

好難得一班好姊妹約齊，又食又傾紅咖哩不辣，雜菜混合左咖哩汁好香好好吃大大隻軟殼蟹，夾芒果和粉絲，卷成一個軸，食落超爽口，而且越食越開胃炸魷魚圈酥脆可口嘩，金邊粉偏辣，如果食到辣的朋友要選這個，幾好味啊薄餅好有冬蔭功味，厚度適中這裡飲品，超香超好飲環境舒適，雖然餐廳話只可以住90分鐘，但我們坐左一晚，好開心🥳

我地好多日前已經訂左檯，揀好晒野食。到當日準時到達同覆單，結果等左足足50分鐘，然後先話有幾個同事既野賣晒冇得食，然後又要你換D唔好食既野，咁點做生意呀！仲要成日拎碟根本冇人叫過既意粉係咁問係邊個既，行完一轉話冇人叫過，又叫第二個人行埋黎再問！離晒大譜！其實另外既野食都唔見得好食得去邊，咖哩水汪汪既，串燒又唔夠熱。仲有，一張長檯，永遠只係會晌同一邊放低野，已經同左佢講係另一邊order左既野，佢都可以就咁放低走左去！

泰/西 fusion,餐牌有好多選擇，我地6個人叫左：士多啤梨乳酪soda（$200/jug)-好大jug,分到有10杯，味道ok，但超多冰，建議攪拌好，唔係飲到底會好甜，同埋叫少冰！馬拉盞通菜（$60）-有啲油膩菠蘿青瓜車厘茄沙律（$65）-細細碟，用黑醋醬汁，幾開胃豬肉碎生菜包（$65）-唔食得辣唔好叫，味道淡，得個辣字，生菜得5-6小塊烤雞蘿菠炒飯（$95）-細細pot,炒飯嘅味道唔錯青咖喱雞（$85）-椰汁咖喱，有好多蔬菜，雞肉就唔多薄餅（$25）-得4小塊火腿菠蘿磨菇薄餅（$115）-唔算好大，係薄底，上面好多芝士，味道一般芒果拿破倫（$280）-好大個，好多芒果同吉士，餅好脆，味道唔錯，6個人每人都分到好大份，而且食唔晒服務一般，員工唔多